Tsara sady Marina ny tenin’Andriamanitra
I Timoty 4:4-5 Fa ny zavatra rehetra nataon'Andriamanitra dia tsara avokoa, ka tsy misy tokony holavina, raha raisina amin'ny fisaorana, satria hamasinin'ny tenin'Andriamanitra sy ny fivavahana izany.
Hebreo 6.4-5 Fa izay efa nohazavaina indray mandeha sady efa nanandrana ny fanomezana avy any an-danitra sy efa nandray ny Fanahy Masina ary efa nanandrana ny
teny tsaran'Andriamanitra sy ny herin'ny fiainana ho avy …
Jaona 1.14 Ary ny Teny dia tonga nofo ka nonina tamintsika; ary hitanay ny voninahiny, dia voninahitra miendrika ho an'ny Lahitokana avy tamin'ny Ray,
sady feno fahasoavana sy fahamarinana.
Jaona 17:17 Manamasina azy amin'ny fahamarinana;
ny teninao no fahamarinana.
Kolosiana 1.5 noho ny fanantenana izay tehirizina any an-danitra ho anareo, dia ilay efa renareo fahiny tamin'ny
tenin'ny fahamarinan'ny filazantsara.
Efesiana 1.13 Ao aminy koa hianareo,
rehefa renareo ny tenin'ny fahamarinana, dia ny filazantsara famonjena anareo,-- eny, ao aminy koa hianareo, rehefa nino, no nasiana tombo-kase tamin'ny Fanahy Masina araka ny teny fikasana.
II Timoty 2.14 Izany zavatra izany no ampahatsiarovy ny olona, ka anaro mafy eo anatrehan'ny Tompo izy mba tsy hiady teny, satria tsy mahasoa akory izany, fa mamadika ny mpihaino.
2.15 Mazotoa manolotra ny tenanao amin'Andriamanitra ho olona voazaha toetra, dia mpiasa tsy mahazo henatra,
mizara tsara "Na: mamoaka tsara" ny teny fahamarinana.[/color]
II Korintiana 4.2 Fa efa nolavinay ny zavatra takona mahamenatra, ka tsy mandeha amin'ny fihendrena, na manatsatso ny tenin'Andriamanitra izahay; fa amin'ny [color=blue]fanehoana ny marina no ideranay tena amin'ny fieritreretan'ny olona rehetra eo imason'Andriamanitra.
I Tesaloniana 1.8 Fa avy taminareo no nanenoan'ny tenin'ny Tompo, tsy tany Makedonia sy Akaia ihany, fa teny tontolo eny no nielezan'ny lazan'ny finoanareo an'Andriamanitra, ka dia tsy misy holazainay intsony.
1.9 Fa ireny ihany no milaza ny aminay, dia izay fidirana azonay ho aty aminareo sy ny nialanareo tamin'ny sampy hiverenana amin'Andriamanitra mba hanompo an'Andriamanitra velona sy marina,
1.10 ary mba hiandry ny Zanany avy any an-danitra, Izay natsangany tamin'ny maty, dia Jesosy, Izay Mpanafaka antsika amin'ny fahatezerana ho avy.
II Korintiana 6.4 fa amin'ny zavatra rehetra dia nampiseho ny tenanay ho mpanompon'Andriamanitra izahay, dia amin'ny faharetana be…
6.7 amin'ny
teny fahamarinana, amin'ny herin'Andriamanitra, amin'ny fiadian'ny fahamarinana, na amin'ny ankavanana na amin'ny ankavia.
I Mpanjaka 17.24 Ary hoy ravehivavy tamin'i Elia:
Ankehitriny izao dia fantatro fa lehilahin'Andriamanitra tokoa ianao, ary marina ny tenin'i Jehovah aloaky ny vavanao.
Salamo 119.41 [VAO] Aoka ho tonga amiko ny famindram-ponao, Jehovah ô, Dia ny famonjenao, araka ny teninao.
119.42 Dia hamaly izay miteny ratsy ahy aho, Satria matoky ny teninao.
119.43
Ary aza dia esorina amin'ny vavako ny teny marina; Fa miandry ny fitsaranao aho.
119.160
Fahamarinana no tontalin-kevitry ny teninao; Ary mandrakizay ny fitsipikao marina rehetra.
Isaia 45.22 Mijere Ahy, dia ho voavonjy ianareo, ry vazan-tany rehetra! Fa Izaho no Andriamanitra, ka tsy misy hafa.
45.23 Ny tenako no nianianako,
nisy teny efa naloaky ny vavako tamin'ny fahamarinana [Na: Nisy teny naloaky ny vavan'ny fahamarinana]
ka tsy hitsoaka: Izaho no handohalehan'ny lohalika rehetra, sy hianianan'ny lela rehetra hoe :
45.24
Ao amin'i Jehovah ihany no misy fahamarinana be sy hery, ka izy ihany no hohatonin'ny olona, ary ho menatra izay rehetra tezitra aminy.
Hosea 4.1 Mihainoa ny tenin'i Jehovah, ianareo Zanak'Isiraely! Fa Jehovah manana ady amin'ny mponina amin'ny tany, satria tsy misy fahamarinana, na fitiavana, na fahalalana an'Andriamanitra eo amin'ny tany.
Tsy misy fahamarinana ety ambonin’ny tany sy izay fiheveran’ny olona. Andriamanitra sy ny tenin’Andriamanitra irery no Marina ary Jesoa Kristy rahateo koa Fahamarinana mpitari-dàlana antsika.
