hoy hery:
Anisan'ny zavatra himatimatesanay ka nahatonga anay tapa-kevitra ny hiroso amin'ny fifidianana manaraka io dia ny fanatsarana ny ambanivohitra indrindra indrindra. Tsy politikan'ny te hahazo vato fotsiny izany, satria na dia mbola tsy teo amin'ny fitondrana aza izahay dia efa izany no nataonay. Ohatra mivantana ny natao tamin'iny faritra atsimo andrefan'ny nosy iny, momba ny fanomezana rano, sekoly, sy fampianarana ny mponina hahay hampiasa ny herijika eo amin'ny faritra misy azy (fahafahana mamboly na dia kely rano). Toa izany koa izay efa nataonay tamin'ny faritra afovoany andrefana sy ny mbola hataonay any amin'ny faritra atsimo atsinanana.
Aoka izay ny fanaovan'ny renivohitra ampihimamba ny toekarena. Fahefana goavana ny fananan'ny tantsaha tany hamokarana sy biby fiompy kanefa matetika dia izy ireo indray no tompony mangataka hatony.
Koa mba hanatanterahana izany dia hofoananay ny fisian'ny mpanera ofisialy maro be eo anelanelan'ny mpamokatra sy ny mpanjifa ka mahatonga ny vidim-bokatra hidangana be sy mampihena ny vokatra lafo.
Hohamafisina sy homena lanja kokoa ny koperativa mba hampihena na hanafoanana ireo mpanera ireo.
Hampiakarina ny haba momba ny sakafo voavoatra izay nafarana avy any ivelany.
Mbola hiaraka aminay hatrany ianareo? Hoporofoinay fa mahavita tsara lavitra noho izay nifanesy teo izahay ho fanandratana ny tanindrazana.
Efa miparitaka eny ambanivohitra eny izahay amin'izao fotoana izao. Miainga avy any ifototra, ary asa fa tsy kabary.
Tsy haiko na nodian'ny hery fanina na ahoana fa nisy fotoana aho efa niresaka teto momba ny fambolena sy fiompiana ary fampandrosoana ny eny ambanivohitra.
Nisy fiofanana mikasika ny fambolena izay nataonay ary nampitondraina ny anarana hoe TANTSAHA VAOVAO, t@ taona 2006 izy io no natao ary niarahana t@ Injeniera Amerikana, ary tao @ ny fiangonana FJKM Ambohipo no natao ny fampiofanana tsy nanavahana na iza na iza, fa izay vonona dia afaka nianatra.
Nisy ny fampiharana natao ary teny @ Vitrine de Madagascar tao Iavoloha no natao ny fambolena, saingy indrisy fa dia tsy nitohy ilay izy fa noelingelenin'Ingahy Ravalomanana izay filoha t@ izany.
Nisy ihany anefa ny fampiharana sy fampianarana ny tantsaha ka tany @ faritra Amoron'Imania(Ambositra), sy Toamasina, ary Andohatanjona-itaosy no nanaovana azy ary mbola mitohy hatramin'izao.
Misy ihany koa Injeniera maromaro izay efa mivondrona ka mikarakara mikasika ny fahazoana herin'aratra azo avy amin'ny rivotra(Energie eolienne), ahafahana manome herin'aratra ny eny ambanivohitra, io koa dia tetik'asa mbola iandraiketan'ny FJKM Ambohipo.
Maromaro ireo tetik'asa tokony efa ho vita sy tanteraka saingy noelingelenin'iny filoha Ra8 iny na dia tsy nangatahana na ariary taminy aza.
Soa ihany anefa fa dia mitohy mangina any ambadika any ny fiaraha-miasa @ ireo tsara sitra-po izay nahatsapa fa azo atao tsara ny mampandroso ity madagasikara ity @ fampiasana ny zava-misy eto @ taniny, ary tsy mila famatsiam-bola be izany.
Ny tena moa sy ireo izay vonona ny handroso dia miasa mangina.
Dia mirary ho tena fampandrosoana marina no ataon'ny hery sy ireo izay miara-miasa aminy fa tsy sanatria misy ambadika pôlitika.
