Raha manao izao fanambarana izao aho dia satria mety hisy zavatra lehibe, na zava-doza hitranga eto @ firenentsika ity. Mikasika ny fanonganana ny filoha Ravalomanana izany. Source tena atokisana no nahazahoako izao vaovao izao satria officier supérieur ao @ Capsat, anisan'ireo manamboninahitra mikarakara izany fanonganam-panjakana izany no nilaza izany.
Raha nahatsikarika isika dia somary efa nisy fotoana nihareraka ny tolona notarihan'i Andry Rajoelina. Betsaka no efa nieritreritra fa izay no izy @ io tolona io. Tampoka teo nefa, toa nivadika ny baolina, araka ny fitenenana, ka nahazo vahana be indray ity fihetsiketsehina ity.
Raha ny nambaran'ity manamboninahitra ao @ Capsat ity, dia i Norbert Lala
Ratsirahonana no nanome hevitra an'i Andry Rajoelina, ary nilaza azy fa tsy
mahatafavoaka an'ity tolona ity izy ireo raha tsy mahazo fanampiana avy ao @ tafika. Ary ny manamboninahitra ao @ Capsat no nasainy nantonin'i Andry Rajoelina. Nanambara araka izany ity manamboninahitra ao @ Capsat ity fa notambazan'i Andry Rajoelina vola be izy ireo, ary misy sasany aza nomena toky fa hahazo toerana ao @ governemanta mihitsy.
Mbola i Norbert Lala Ratsirahonana ihany no nanome hevitra ireto mpitolona hametraka fitarainana any @ HCC. Fantatsika rehetra moa fa Ingahy Ratsirahonana no filohan'ny fitsarana avo momba ny lalampanorenana na HCC teo aloha. Mazava ho azy fa efa nantonin'i Andry Rajoelina koa ireo mpitsara ao @ HCC.
Araka ny filazan'ity manamboninahitra ao @ Capsat ity ihany, dia nanafatra mpikarama
an'ady na mercenaire vahiny ny filoha Ravalomanana, ka tokony hiditra eto amintsika
avy eny amorontsiraka. Nisy camion iray nalefa hitsena ireo mpikarama an'ady izay
efa voasakan'ny Capsat. Ny Capsat koa dia efa nandefa miaramila hisambotra ireo mpikarama an'ady ary haka ny fitaovam-piadina avo lenta entin'izy ireo.
Namindra fahefana iny Ravalomanana ary hitantsika tsara ny zava-niseho sy ny tohiny rehetra tsy ho tantaraiko eto intsony satria efa maro mpahalala ...
Efa maro izao ny olontsotra sy miaramila sy ny sisa voatana ao @ fonjan'ny Capsat, ary mety mbola hitombo ny isan'izany ato ho ato.
Hamaranako ity fanambarana ity, dia voaporofo izany izao fa Ratsiraka no ao
ambadik'izao korontana mahazo ny firenentsika izao. Niantso an'i Andry Rajoelina i Pierrot Rajaonarivelo nilaza azy fa tsy manaiky ireto ministra tetezamita voatendry ireto ry zareo satria dia tsy zay no efa nifanarahana tany ampiandohana. Mbola tatara mitohy koa ny azy io satria hisy indray ny ady seza amin'ireto mpanohana ara-bola ny tolona sy ireo mpanaradia mpanohana teny amin'ny 13 Mai.
Misaotra anareo namaky hatramin'ny farany. Nilaza izay zavatra fantatro fotsiny aho fa anjaran'ny tsirairay no mandray andraikitra @ izay hitany fa mahasoa ity firenentsika ity!!!
Ho an'ny Tanindrazana!
