klitika:
Sao dia ilay filazana isanandro anao anio teny io no mampatsiahy anao amin'ny heritreritra dia lazainao fa izy no mibitsika taminao?
==> Hoy aho nivavaka hoe "Raha misy ianao Jesosy dia lazao amiko ny anton'izao".
Hoy ny valin-teny azoko avy hatrany hoe "
Raha tsy nisy an'izao ianao tsy ho nitodika tamiko". Tsy io ihany, fa nahazo fanazavana ny olako rehetra aho, izay fanontaniako rehetra dia voavaly avant même que j'ais pu poser les questions.
Tsy mbola nahita an'ireo valin-teny ireo tao anaty baiboly na boky hafa aho, koa tsy zavatra haiko tsianjery ireo fa zavatra nomena ahy t@ fotoana nampangetaheta ahy fahamarinana.
Mampahatsiaro ahy ny tenin'ny mpianatra hoe "
Ankehitriny dia fantatray fa mahalala ny zavatra rehetra Hianao ka tsy mitady olona hanontany Anao; izany no inoanay fa nivoaka avy tamin'Andriamanitra Hianao".[Jaona 16:30]
Ny hitanisako an'ireny verset biblique ireny dia hanehoako fotsiny hoe : tena niainako ilay teny ary azoko amin'izay izany.
Izaho tsy afaka hanazava betsaka aminao ny zavatra ara-panahy sy ny vérité divine izay nampafantarin'i KRISTY ahy. Afaka manome fanoharana maro amin'ny zavatra iainantsika andavanandro aho, ary mijoro ho vavolombelona no farany azoko atao. Na Andriamanitra aza tsy afaka hanao na inona na inona ho anao rehefa ianao no tsy mety hitady Azy amin'ny fonao.
klitika:
Inona moa no maha samihafa an'io fanambarana io amin'ny tenin'ireo mpanao politka hoe :"Izaho no afaka mamaha anareo sy ny tany amin'ny fahantrana, fa manaraha ahy" Ka raha izany dia Kristikely koa i TGV
==> Tsy azoko ny mahatonga ny fanontanianao amin'io zavatra nosoratako teo io. Fanoharana fotsiny (kanefa zavatra niainako) iny nentiko nanambara fa afaka mifandray amin' Andriamanitra (mandray message sy fahasoavana, manao compte-rendu ... sns) ny olombelona na dia tsy mahita Azy aza, satria misy ny moyen de communication, ary KRISTY izany. Raha tsy mitady an' Andriamanitra amin'ny fony ny olona dia tsy afaka hahita na handre na hanatona an'i KRISTY anefa, ary na iza na iza mitady ny marina amin'ny fony ka hiaiky rehefa hasehon' Andriamanitra aminy fahadisoany, dia tsy maintsy hahita an'i KRISTY izy, ary hahafantatra an' Andriamanitra.
Izaho tsy mitaona olona hanaraka ahy velively. Ary tsy mbola niteny tamin'olona hoe inona no fomba ialàna amin'ny krizy, tsy ananako rahateo izany. Mampita izay noraisiko tamin'i KRISTY sy asain' Andriamanitra teneniko aho dia izay.
klitika:
Izaho ange mbola tsy nahita an'Atra no sady mbola tsy niresaka taminy hoy aho eh. koa ahoana no ahafantarako izany?
==> Tsy izaho velively no nahafantatra an' Andriamanitra na i Jesoa hatrany am-boalohany, ary tsy nihevitra ny hitady Azy akory aza aho. Fa rehefa tao anaty désespoir aho no nangetaheta ny fahamarinana.
Fanoharana 1 : Raha mbola afaka miaina (mifoka rivotra mahavelona) aho isanandro dia tsy ao an-tsaiko mihitsy hoe raha toa anie ka tsy misy rivotra dia maty aho. Fa rehefa tonga ny fotoana izay mahasempotra ahy, asa hoe voahidy tao an'efitrano na toy izany, eo vao tsapako ary irian'ny foko fatratra ny hahazo rivotra madio.
Toy izany Andriamanitra. Eo izy isanandro, avy amiNy ny fofonaina mahavelona, ny force na ny énergie hoy ny fizisiana ahafahan'ny olona sy ny zava-mananaina rehetra manao mouvements, ny rivotra, ny rano, ... sns. Rehefa nahatsiaro maizina ny fanahiko dia nanomboka nikatsaka azy aho, tsy tonga dia nahafantatra Azy aho akory, fa tena hoe "à taton", nitsapatsapa. Fa rehefa nahatsapa Azy kosa aho dia tsy navelako tamin'izao fa nofikiriko ary indro aho miroso amin'ny fahafantarana Azy. Ary tamin'izany no nahafantarako, fa Izy no nanatona voalohany ny olombelona, Izy no manatona sy miresaka aminao isanandro isanandro, koa mba hahafantaranao Azy dia mila mitsapatsapa ny fonao.
Fanoharana 2 : Ny zaza manomboka ao an-kibo no efa iresahan'ny Rainy sy ny Reniny! Rehefa teraka dia iresahan'ireo ray aman-dreniny izy ... saingy tsy afaka tonga dia hahafantatra izay lazain'ireo Ray aman-dReniny ireo izy, fa na ny anarany aza dia tsy mbola hainy, fa ny manazatra azy tsikelikely amin'izany dia :
1- Ireo ray aman-dreniny ireo no mifanerasera aminy be indrindra, hitany isanandro ary henony isanandro, ary miantso azy amin'ny anarany.
2- rehefa mitomany izy noho ny zavatra mahazo azy, dia ireo ray aman-dreniny ireo no manome azy izay ilainy.
Rehefa miha lehibebe izy dia miha mahafantatra ny ray aman-dreniny, miha mahazo ny resak'olombelona.
Ka tsy maintsy mandalo amin'ny toy izany daholo vao afaka handre sy hahita ary hahafantatra an' Andriamanitra. Tsy maintsy haterak' Andriamanitra izy, mifanerasera amin' Andriamanitra, ary mandray izay atolotr' Andriamanitra.
Ho ahy izay nandalo izany ary mbola ao anaty fitomboana, dia mampahafantatra ny maro ... Fa ho avy ny fotoana dia tsy maintsy hiala ato amin'ity nofo ity, ary hihaona amin' Andriamanitra sy ... ireo razana.
Io KRISTY izay niresaka tamiko ary miresaka amiko io no nampahafantatra ahy fa ho avy ny fotoana hisehoaNy amin'ny rehetra, hitsara ny olona rehetra araka ny asany avy.
klitika:
Ny ahy ny razako no hajaiko fa izy no hinoako fa mampifandray ny velona amin'i Zanahary. Miala tsiny tompoko.
==> Hoy neninay izay hoe "ny ahy ny fanajako ny raiko (izay efa maty), dia amin'ny fitazonako ny anatra nataony sy ny hitondrako tena tsara ka tsy hanala baraka azy".
Ho ahy koa, ny fanajana ny razana dia ny fandraisana am-po ireo fahendrena sy ny foto-pinoany :
- Andriamanitra Zanahary : namorona izao rehetra izao, izay masina sy Mahatahotra.
- Ny fanahy no olona.
Ary ny fampiharana an'ireo amin'ny fiainana :
- Tsongoa fon-tena, tsongoa fon'olona (== tiava ny namanao tahaka ny tenanao).
Ny tsifankatoavana ireo dia nampianarin'ireo razantsika fa ahazoana tsiny (fanamelohana) eo anatrehan' Andriamanitry ny razana.
Ny fahatsapan'ireo razana koa anefa fa tsy nahavita nankatoa an'ireo izy no niandrandrany ny : "zandry hanafaka olana ny entana" sy ny "zoky hanafaka olana ny teny" ... eo anatrehan' i Zanahary.
Io entana tsy hay zakaina io dia ny tsiny, ary ny teny mila entina eo anatrehan'ny Zanahary dia ny fialan-tsiny noho ny ota.
Ka moa ve tsy ireo razana no nampita tamintsika fa :
- manan-tsiny eo anatrehan' Andriamanitra isika rehetra (tsy misy marina na iray aza koa voaheloka daholo)
- mila olona hilanja ny tsiny (hanala ny vesatry ny heloka) sy hisolo vava eo anatrehan' Andriamanitra (hifona ho antsika).
Tsy fantatro ny fomba fanajanao ireo razana an! Fa izaho mahafantatra olona milaza fa manaja sy manome hasina ny razana kanefa tsy manaja ny teny napetrak'ilay razana akory.
I dadabenay nialoha ny nahafatesany dia efa nametrapetraka teny noraiketiny tanaty diary, mikasika ny niainany, ny zavatra iriany rehefa maty izy, ary voasoratra tao izao :
"Any Ambondromamy aho alevina rehefa maty, toy izao sy toy izao no endriky ny fasako, sy ny fomba hanamboarana azy ... Tsy avadika aho raha tsy efa lehibe ry coopsal ka mahatsapa tena hanao izany izy". Lazaiko anao fa namadika an'i dadabenay ihany ireo havany, na dia efa nandà mafy aza izahay!
na dia ny razana izay inoan'ny malagasy fa inoany aza tsy arahiny teny akory!
Miombona ary mamporisika anao aho, hajao ireo razana, araka izay tena tenin'izy ireo sy ny fampianarany.
Raha miteny ny razana hoe : ny fanahy no olona, dia aza variana amin'ny fombafomba ara-nofo ho fanajana azy ireo, fa ny fanekena sy fankatoavana ireo teny feno fahendrem-panahy no ataovy. Fa raha tsy izany, rehefa hifankahita amin'izy ireo sy Zanahary any ankoatra ianao dia ho feno ny tsiny rehetra! Satria ireo razana no efa nanambara ny momba an' Andriamanitra sy ny olona.
