Koditra:

Zozoro:

Raha toa ka manadino anao aho ry tenin-drazana mamiko, dia aoka ny lelako hiraikitra amin'ny lanilaniko.

Efa enoko io ry zozoro fa tsy tadidiko oe iza mo lé nanoratra an'io? Toa tany apenarana nofakafakaina ngamba izy zay

Miarahaba an'i Koditra. Tsy tany ampianarana akory ka ! fa mba anisan'ny tarigetrako iray.

Anisan'ny sarotra ny teny malagasy, vitsy ny olona no tena mahafehy azy io eny fa nadia isika malagasy aza, ary ny fampianarana sy ny fandalinana ny teny malagasy anie amin'ny teny frantsay é, tena gaga fa anisan'ny nandalina azy aho teny amin'ny anjery manontolo(université) tao antanananarivo ny taona 1991 hatramin'ny 1996, aty France no atao ny doctorat.

zozoro : ny tiko tenenina oe ôtran'ny tsy vaovao amiko io andianteny io fa tsy tadidiko oe tany anaty bokin'ny ED Andriamalala ve sa Takelaka notsongaina sa Rado ... no nahenoiko azy.

Tsara lé tarigetra, ho anay efa aty Mada alo dé tsy mila manao tarigetra satri efa teny gasy fôna no iainana isan'andro ka tsy ho hatahorana hanadino. :)

KODITRA : Betsaka ny mpanoratra na mpamoronkira mampiasa ny hoe "Raha toa ka manadino anao aho ry Jerosalema, ka tsy hanonona ny anaranao, dia aoka ny lelako hiraikitra amin'ny lanilaniko" avy ao amin'ny baiboly no niandohany.
Izaho indray manampy hoe :
Raha toa aho mamadika anao ry tenin-drazako, dia aoka aho ho moana sy tsy haloam-peo...( jereo ny hafatra)

Zozoro : misaotra t@ fanazavana.

Mampalahelo ireo zaza gasy aty ivelany satria ny ankamaroany dia tsy ampianarin'ny RAD teny gasy , na koa ihomehezana raha vao miteny gasy ireo ankizy . Marina fa tena mampihomehy ny tondro-peo-ndry zareo , tahaka ny vazaha miteny gasy .
Farafaharatsiny tokony resahina @ teny gasy foana ry zareo mba ho kôpy , ny fandehanana màka rivotra any Dago koa tena tombony be .
Vokany :arrow: tsy mety miteny gasy intsony ireo zaza , kanefa ny zanak'ireo arabo sy ny maizina mahay ny fiteniny tsara .

Andrianiko ny teniko; ny an'ny hafa koa feheziko =D> =D> =D> =D>

Fa sendra voamariko koa ange dia matetika raha ireo olona hatrany @ faritany na ireo mampiasa voambolana samihafa aza. Ka miteny araka izay filazany azy any no mora mifankahazo teny kokoka noho ireo olona Mampiasa sy mamorona ilay teny (termes) vaovao izay lazainy fa teny gasy ireny e

"Avy mivolana aminao anakay" hoy le olona.... dia ny hoe "inona hono zany lazainy?" ...no tonga de anontanian'ilay mpiteny gasy ofisialy voalohany

Nefa teny ao anaty voambolany aby ireo teny nampiasain ilay olona niteny taminy ireo

......
Ilay teny, teny mamiko
Dia haiko tsy nindramiko
Nanaovako ny lelako
Dia haiko tsy avelako

Nalaiko fa io ny teniko
Hiombonako amin-dReniko
Tsy afaka ao ambavako
Mambabo ny fitiavako

Fiteny hahombiazako
Ilay teny soa ny razako
.............................. tena tsy tadidiko intsony ilay izy.


Miala tsíny raha misy diso e, dia mba ahitsio e.

tsara ny mikolokolo ny tenin-srazana fa izy no tena mifono ny maha izy azy ny firenenana iray. Ao anatiny ao daholo ny kolontsaina rehetra, ny hainteny, ny ahnatra, ny fitarainana sy ny hafaliana. Ny fahendrena sy ny adalana koa.
Fehiny: tonga lafatra ny teny na fiteniparitra izany, na ny teny paritany na na ny malagay iombonanana, eny na dia ny malagasy ofisialy aza ka aoka tsy ho ariantsika.

Ampianaro tsara ny zanaka izy na mandry ianao, na mifoha, na antrano na andàlana, tahaka ny soratra masina.

Ef 39 aho izao no niala tao M/car, mbola miteny gasy aho na dia miteny anglisy, alema, frantsay, ary afaka koa; saingy ny "Rainay Izay any an-danitra" sy ny "faneke-pinoana" dia teny malagasy ihany no afaizako azy.

Andrianiko ny teniko

Marina daholo izay voalaza teto. Ekeko fa samy manana ny tanjony isika mifampizara hevitra eto.
Fa mba te-hangataka fanampiana amin'i Zozoro aho hoe " iza tokoa moa ry Zozoro no nanoratra ilay tononkalo hoe
Raha manadino anao aho ry teny mamiko
Aoka ny lelako hiraikitra amin'ny lanilaniko"? Fa tsy i Patrice Ralaitafika ve? Ao amin'ny kilasy faha 6 izany hoe taona voalohany any amin'ny kôlejy no mianatra mikasika ny tanindrazana ka toa izany no anaran'ilay mpanoratra raha tsy diso ny fitadidiako.
Mahafaly ahy ny fifikirantsika sy fankamamiantsika ny tenin-drazana , ny fitiavantsika azy no zava-dehibe fa ny fahadisoana ara-tsipelina sy ny voambolana samihafa iny tsy de atao ho sakana , ny miezaka ihany no zava-dehibe.
Fa ny hararaotiko eto dia ny fahadisoana tsipelina matetika eto @ serasera na ao @ gazety maro ; ohatra: Miaraka amin'i Ratsaravatana izy. Ny "i" sy "Ra" dia samy mpanoritra ka tsy tokony hampifanarakarahana fa "tahaka ny ombalahy roa am-pahitra , na akoholahy roa am-pisoko" ka miady raha ampiarahina. Santionany iny fa misy mahay lavitra ny teny gasy amintsika mifandray eto. Misaotra amin'ny fifampizaràna é