Ikaretsaka:
ito ny teny Grika sy latinina ... "Eglizy 1 ... masina.... katolika (universel ny dikan'ny katolika eto=mody nadika hoe manerana ny tany) ... Apostolika
==> Ka ataoko tsy mahay teny grika sy latina ahoana moa no famaky, indrindra fa hoe fahazo izay nolazainao?
Fa averiko hazavaina ny teniko raha tsy azonareo manan-tsaina (ary aoka hovakiana hatramin'ny farany mba tsy hisian'ny fahadisoan-kevitra) :
Izaho mino ny
Fiangonana masina manerana izao tontolo izao, dia ny fitambaran'ny olona masina mbola eto amin'izao tontolo izao (fa tsy efa lasa any ankoatra),
sy ny fiombonan'ny Olona masina (ny teo aloha sy ireo izay efa lasa).
Iray ihany no fiangonan'i KRISTY fa tsy mizarazara maro.
Rehefa nino an'i KRISTY aho dia nanomboka nahita tsifahamarinana maro tao amin'ny eglizy nisy ahy (protestanta FJKM), nifanerasera tamina sabatista aho ary nahita zavatra tsy azo lavina tamin'ny fampianaran'izy ireo ... Tonga sabatista aho nefa tsy nivavaka tany amin'ireo, fa nitory sy nanao asa soa tamin'ny 4 mi no nataoko isaka ny Sabotsy (Sabata hoy aho tamin'izany). Ary tsy nanakana ahy velively hiangona rehefa Alahady tao amin'ny fiangonana nisy ahy akory ny fanajako ny Sabata. Fa mainka aza aho niditra ho mpampianatra Sekoly Alahady. Hitako mantsy fa na dia mpivavaka aza ny olona, zavatra hafa mihitsy ny hoe manana porofo fa velona KRISTY, ka mba tena ny fampianaran'i KRISTY no raisina sy inoana ary iainana, fa tsy ny dogma.
Araka ny fitomboako tao amin'i KRISTY dia nahita aho fa ny sabatista izay toa ninoako kokoa aza kay be zava-diso mihitsy. Ny fampianarana Katolika dia efa hitako rahateo fa be zavatra tsy ara-tSoratra Masina, ny baiboliko baiboly katolika amin'ny teny anglisy.
Tsy hitanisa ireo zavatra tsifahamarinana hitako isaka ny fiangonana sy finoana aho, satria tsy natao hitanisa izany, fa ny tiako tenenina amin'ity sombiny voalohany ity fotsiny dia hoe : "Tsy misy marina 100% na iray aza" amin'ny institution religieuse rehetra. Ny Soratra Masina ihany dia manambara an'izany rahateo.
Rehefa nahita ireny tsifahamarinana rehetra ireny aho dia nanenjika no nataoko tany am-boalohany.
Ny fifandraisako tamin'i KRISTY tamin'ny alalan'ny teniNy sy ny vavaka, izay hitako niseho tamin'ny niainako kosa no nahafantarako marina fa KRISTY tonga hamonjy izao tontolo izao fa tsy hanameloka, ka au lieu de manameloka, ny mamonjy no tokony nataoko. Au lieu de milaza sy manapotsitra ny lainga sy tsifahamarinana, manambara sy mijoro ho vavolombelon'ny fahamarinana no tsy maintsy ataoko. Fa vao hita ny fahamarinana dia miseho ho azy ny ambiny rehetra.
Rehefa nanomboka nivavaka kosa aho hoe "omeo izay olona hanatanterahako ny didin'i KRISTY : dia ny hifankatiavan'ny mpianatra", dia tena nahita tokoa olona izay tena mino an'i KRISTY marina, misy amin'ireo olona ireo ny protestant, misy ny katolika, misy ny hindou iringiriny fa lasa nino an'i KRISTY, misy ny juifs iringiriny fa nifanena tamin'i KRISTY koa dia nino, ... Izany no ilazako hoe, tsy resaka institution religieuse anakiray na maromaro mitambatra akory no fiangonana universelle lazain'ny Apostoly, fa fitambaran'ireo olona tena mino marina an'i KRISTY.
Rehefa niresaka tamin'i dadatoanay katolika izahay, nandre ny heviny momba ny fivavahana sy par rapport amin'ny dogmes katolika, dia hoy neninay hoe "ary ianao anie izany tokony ho protestant e!". Fa hoy izy namaly hoe : "izaho katolika foana, fa izaho tena halan-dry zalahy mihitsy amin'io resaka io".
Izaho koa, protestant foana aho, fa halan-dry zalahy mihitsy amin'io resaka io.
Tahaka izany ny sadhu Sundar Singh, nijanona ho hindou (tsy tamin'ny finoana anefa, fa tamin'ny fombam-piainana sy ny fitafy), fa halan-dry zalahy hindou koa izy.
Ny Apostoly Paoly, na dia apostolin'ny jentilisa aza, dia tena fariseo foana! Tsy niombom-pinoana tamin'ny fariseo izy, fa kosa nahalala tsara ny lalàna ary mba tsy hanohintohina ny fitoriana ny marina, teo anatrehan'ny jiosy iringiriny dia nampiseho ny olona izy fa jiosy koa, noforana ary fariseo aza. Saingy izay nolazain'i KRISTY mikasika ny mpianany dia marina, na katolika izy na protestant na hindou na jiosy :
- "
ho avy ny andro, handroaka anareo hiala amin'ny synagoga izy ireo, hikapoka anareo ary hamono anareo, satria izay no heveriny fa fanompoana an' Andriamanitra."
Tsy nampoiziko mihitsy hoe ireny antsoin'ny maro fa tempoly sy tranon' Andriamanitra ireny anie izany synagoga tenenin'i JESOA izany.
- "
Indro izaho maniraka anareo tahaka ny ondry eo afovoan'ny amboadia. Aoka ianareo ho malina tahaka ny bibilava ary ho malemy fanahy tahaka ny domoina".
Tsy noeritreretiko mihitsy fa ny amboadia nametrahan'i KRISTY ny mpianany tsirairay anie ka ao amin'ny congregation na communauté religieuse misy azy ireo ihany fa tsy dia ny ivelany akory.
Izany no nilazako tamin'i Niryna indray mandeha hoe : raha mahatsapa ilay namanao fa nirahin'i KRISTY, dia aoka izy hifandray tsy tapaka amin'i KRISTY naniraka azy.
