Aza adino fa mbola tsy nisy ny fampitana ny baiboly dia efa nino ny Zanahary (créateur) ny malagasy. Ny hany mahasamy hafa azy fotsiny @ kristianisma dia ny mpanjaka no mpampitohy ny velona sy ny zanahary, ny an'ny kristianina jesoa no maka io toerana tetezana io.

Dia mipetraka eto ilay fanontaniana hoe ho nisy ve ny kristianisma raha tsy nisy ny fanjanahantany sy izay faty olona noentiny nanaraka azy?
:roll: :roll: :roll:

Ny hany mahasamy hafa azy fotsiny @ kristianisma dia ny mpanjaka no mpampitohy ny velona sy ny zanahary, ny an\'ny kristianina jesoa no maka io toerana tetezana io.

Teo amin\'Malagasy dia najaina tahaka ny mpanjaka tany amin\'ny Jiosy ihany ny mpanjaka fa tsy mpanalalana na mpitondra teny avy any amin\'Andriamanitra,satria na ny mpanjaka tamin\'izany aza dia nanana ny mpaminaniny,mpitaizany,mpimasiny na mpanandrony...;izay ninohany fa avy any amin\'Andriamanitra ny hevitr\'izireny.
Talohan\'Fanjanahantany dia efa nanaiky ny malagasy maro eny fa hatramin\'mpitondra tamin\'izany aza ny hidiran\'ny Kristianisma teto amintsika noho ny tadin-dokanga mitovy teo amin\'Finoana.
Noho ny hevi-petsy ny sasany izay nanararaotra noho ny fazahoan\'Kristianisma vahana teto(toerana) dia nahodin\'izy ireo ny Tanjona(Matio 28:18-19 18 Ary Jesosy nanatona dia niteny taminy ka nanao hoe: Efa nomena Ahy ny fahefana rehetra any an-danitra sy ety an-tany;19 koa mandehana hianareo, dia ataovy mpianatra ny firenena rehetra, manao batisa azy ho amin\'ny anaran\'ny Ray sy ny Zanaka ary ny Fanahy Masina)ka nanodina azy ho fanjanahana.

badboy:

Dia mipetraka eto ilay fanontaniana hoe ho nisy ve ny kristianisma raha tsy nisy ny fanjanahantany sy izay faty olona noentiny nanaraka azy?
:roll: :roll: :roll:

Raha tsy nisy ny fanjabahantany dia nitohy ny fifandraisana tamin'ny arabo dia lasa silamo ny malagasy rehetra.
Raha tsy nisy ny fanjanahantany dia nitohy ny fifandraisana tamin'ny finoana hafa dia lasa finoana hafa ny malagasy rehetra.
Matoa lasa Kristianina ny malagasy dia misy antony hafa ankoatry ny fanjanahantany koa ao, anjaranao ny manadiady! :^)

Herimiafina a! tsy ny fanjanahantany ny anisany nahatonga antsika ho kristianina fa ny Fitoriana nataon'ireo misonera nanantanteraka ny asa maha Kristianina azy(fanelezana ny Filazantsaran'Kristy ho an'Firenena eran'izao tontolo izao).Satria ny Mpino sy ny mpitondra tamin'fotoan'Androny no nampisy ny martiora fa tsy taty aoriana t@fanjanahantany.
Izany hoe raha tsy nisy izany ny misonera dia tsy Kristianina ny Kristianina amin'izao.Afa ihany koa zany ny martiora ny Firenena nohony fitiavan-tanindrazana sy ny fanoherana ny fanjanahantany taty aoriana.

Ny fivavahana kristianina no tohatra nampidirana ny fanjanahantany fa tsy ny fanjanahatany no nampiditra ny finoana kristianina. Vereno jerena ny tantarandranavalona. :idea: :idea: :idea:

Resaka efa nataoko teto volana maromaro izay ary inoako fa mameno ny fanontanian'i Badboy :

11. Mpandefa : rabilabila [ Valio ] 09-01-2008 17:30:06
Lohateny : Re : kristian sy ny fomba gasy
Satria fotsiny ny fivavahana (indrindra ireo monothéistes anankiroa ) dia manana firehin-kevitra hanaparitaka .Izay ny "devoir à la maison"-ny .


Ny olana fotsiny dia ilay fanaparitàhana tsy mandaitra matetika raha tsy arahina fampitahorana sy fampanantenana ny fiainana mandrakizay .Entina io fampitahorana io mba hi-nier-n'ny "indigènes" ny finoany sy ny kolotsainy amin'ny ankapobeny.

Ahoana no fomba hi-concretiser-ny ireo fampitahorana?

Ohatra iray :Jereo ny tantaran'ireo Indian any Amerika atsimo : An-keriny no nametrahan'ireo Kristianina ny finoany satria ry zareo mievitra fa izy no tena olona fa ireo indian dia sous-hommes ( cf controverse de Valladoid ) ary rehefa avy nampiasa basy ny mpanjanaka ka naharesy dia nilaza tamin'ireo mponina hoe : " Hitanareo izany ? Jereo fa ny andriamanitrareo sy ny razanareo tsy nahasakana ny fanafihan' ny Espagnols?
Inona ny vokany ? Rava tsikelikely ny foman-drazana .

Ohatra faharoa : Inona no zava-nitranga teto Madagasikara ?

A) Tamin'ny andron'i Radama II dia navelany indray ireo vahiny nitory sy nanaparitaka ny fivavahany . Nahatsikaritra ny vahoaka fa miha-mahazo vahana ny finoana kristianina ary nanomboka voahitsakitsaka na nofohanan'ny mpitondra ny fomban-drazana : *Nofohanan'ny Mpanjaka ny FANDROANA ary lasa ny 1ier Janvier ny voalohan-taona.
*Nomeny alàlana koa ny Angalisy sy ny Faratay hanana tany eto Madagasikara ( izay voaràra taloha ).
*Ary indrindra indrindra ,nomeny alàlana hiditra ao Ambohimanga - izay Tany Masina tsy azo hidiram-bahiny - i ELLIS .

Inona no vokatr'izany eo anivon'ny Valalabemandry ?
*Saiky "traumatisé" ireo Malagasy ,indrindra ireo avy any ambanivolo , noho ny fanaovana zinona arahin'ny fanapotehina ireo endrika hanehoany ny finoany (sampy....) sy ny fomban-drazany.
*Noho io traumatisme io dia maro ireo olona tratran'ny RAMANENJANA ( Mars 1863 ) ,ny mozika Malagasy no anisan'ny nampitony ireo olona ireo.


B) Rehefa natao batisa i Ranavalona II sy ny praiministra Rainilaiarivony ( 29/02/1869 ) dia inona no zavatra nataony voalohany ?
Ny fanapotehana ireo sampy isan-karazany izay nataon'ny tafika.
Ny fivoriambe teny Ambohimanga hilazana ny fiombonan'ny fanjakana tanteraka amin'i Jehovah (lasa protestanta ny fanjakàna sy ny loholona ary ny miaramila tao) miaraka amin'ny fitsofan-drano ,ireo vahoaka nanatrika ,amin'ny anaran'i Jehova.
Ny fametrahana ny "fototra" n'ny fiangonana ao an-dRova.

Aman-jatony ( baptême collectif )isan'Alahady ireo atao batisa eo anivon'ireo vahoaka indrindra ireo akaiky ny fitondrana (miaramila manam-boninahitra ....).
Tao anatin'ny 7 taona monja (1862-1869) dia nitombo avy-80-eny teo ho eo ny mpivavaka (2000-153 000) ,nitombo avy-dimy ambin'ny folo -eny teo ho eo ny isan'ny fototra ( fiangonana.......) ary indrindra indrindra nitombo ny isan'ireo mpitory ( 2807 en 1875 - 4811 en 1884 ).



Raha ny tantara no zohina dia matetika :ny miaramila no mitondra ny basy hanjanahana ara-toekarena ,ary ny mpitory no mitondra ny baiboly hananjahana ara-kolotsaina ( Etats-Unis ,Afrika saiky iray manontolo , Amerika atsimo ,Madagasikara ,Tany vitsivitsy any Asie ....).
Inona no vokatr'izany ?
-Ny famonoana olona à grande echelle .
-Ny fanilihina tanteraka ny fomba sy finoana ary ny fahendrena nivohy ireo mponina.
-Ary ny mbola hita hatramin'izao ny fihanihanana eo anivon'izao tontolo izao fa ny azy ireo no FAHAMARINANA TOKANA .

Hita maro eto amin'ny fiseraserana ,eny fa na dia eo anivon'ny fitondram-panjakàna malagasy aza ireo finiavana hanaisotra amin'ny Malagasy ireo fombany ,amin'ny alàlan'ny famaritana isan-karazany izay tsy voatery ho mari-pototra.

Ohatra farany: Nahoana ny tany Asie (Japon , Chine ,Corée ,Inde ..) no tsy dia laitran'ireo fomba fanjanahana ireo ?
Satria ny kolotsainy dia mari-pototra ( voasoratra ,voarafitra .....)
Satria ireo mpitondra fanjakana tany ( Empereur...) dia tsy nanaiky ny handringanan'ireo Misionera ny finoany ,ny fivavahany ary ny fomban-drazany amin'ny ankapobeny.

Fehiny:
Amiko ary amiko manokana ny démarch'ireo dia : Andriamanitra mitahy ny basy sy ny tafondro handringana ireo izay mibahana ny fizoran'ny fananjahana ; ary Jehovah hanafosafo ireo sisa tavela amin'ny alàlan'ireo mpitondra baiboly.

Soa fa mbola misy ireo Zoky Ray aman-dReny miezaka mampita amintsika ireo kolotsaina mandika tanteraka ny maha -Malagasy ( identité culturelle) .
Soa fa mbola maro ireo Tantsaha mitazona izany fomba izany ( famadihana ,fitampoha .....)
Ny mampalahelo fotsiny dia maro amintsika ( ary tafiditra ao ny tenako ) no tsy mahalàla na minia tsy mahalàla akory ireo fomba amam-panao ireo, nohon'ny fanjanahan-tsaina lalim-paka .


PS: Niezaka dia niezaka i Ranavalona I nitazona ny fomba malagasy ,hita izany amin'ireo rakitra ahitana ny kabariny:

Kabary nataony tao Antananarivo ny 26 fébroary 1835:


Aux Etrangers Anglais ou Français

Je vous remercie du bien que vous avez fait à mon pays et à mon Royaume,en l'initiant à la sagesse et à la connaissance.....Ne vous inquiétez pas ,je ne changerai pas les us et coutumes de vos ancêtres; neanmoins ,celui qui efreint les lois de mon Royaune sera mis à mort,que qu'il soit.J'admets toute la sagesse,toute connaissance qui peut faire du bien à ce pays.Quant à toucher aux us et coutumes de mes ancêtres ,cela serait là temps et peine perdus.

En ce qui concerne les pratiques réligieuses,bapteme,sociétés ,il est interdit à mon peuple qui habite ce pays de s'y donner ,ni les dimanches ,ni les autres jours de la semaine ; quant à vous Etrangers ,pratiquez vos us et coutumes .Cependant , s'il existe encore de l'artisanat et des pratiques sages qui pourraient profiter aux Habitants ,faites-les ,ce sera bien . Telles sont mes instructions ;je veux que vous , vous le sachiez.

Ranavalomanjaka


......Je ne vous interdis pas de prier ,mais vos pratiques ne sont pas celles de nos ancêtres ,vous changez les nôtres et vous dites : " Croyez en lui !...Suivez ses coutumes! ....Craignez-le!...Souvenez-vous de lui!"
Vous traitez ainsi les coutumes des ancêtres ,vous ne vous adressez pas ,par vos prières aux vertus du ciel et de la terre sacrée!....N'est-ce pas là changer les coutumes des ancêtres ?....Je n'admets pas que cela se fasse sur mes terres et dans mon Royaume.


En ce qui concerne le baptème ,les sociétés ,les prières ,faites en dehors de l'école ....Combien de maîtres règnent-ils dans ce pays ?....Vous voilà ,vous qui avez baptisé,vous ,les sociétés qui avez réuni les gens pour prier en leur domicile.... Je vous donne 1 mois pour vous accuser....Si vous ne comparaissez pas ,si vous attendez d'être accusés par d'autres ,je vous mettrai à mort.
Ainsi dit Ranavalomanjaka.

Miala tsiny fa lavabe.

Ho nisy ve ny kristianisma raha tsy nisy ny fanjanahantany?

nisy fa mety endrika hafa no nisehoany sy nitsarana azy

eny,marina ko zay toy ny rivotra io miampita eny rehetra eny..

ozy rabila
" Andriamanitra mitahy ny basy sy ny tafondro handringana ireo izay mibahana ny fizoran'ny fananjahana ; ary Jehovah hanafosafo ireo sisa tavela amin'ny alàlan'ireo mpitondra baiboly."
efa nomarihanao eo aminao manokana io , ka tsisy fanampiny fa kosa tsy nanery nge ireo misionera sy ny mompera momba ny fivavahana oe aripakay nareo ra tsy mino na ko nilanja basy ampielezana ny filazantsara e,aza adino izay safidy nalalaka ireny ho raisiny ts1/1 sy ekeny na de teo aza reo mpanjaka nandala ny kristianisma na ko ny mpanjanaka vahiny oe ambanako tafondro ary apokako ze tsy mino :D ...
na dia marina aza fa hevitra stratejika nampiasainy vahiny amongorana fototra ny kolotsaina sy ny fivavahany tompontany(zarazarao anjakana)dia tsy nanala ny soa sy ny vokatra tsara nentiny zany ho anreo zay nandray (oh. fotsiny
n'aiza2 ny RAR mpino an'A.tra dia io no fampianarana ampitainy voalohany ankalalahana ho any zanany na reo mpanjanaka aza @ zao fotoana ..)

Hoy aho hoe:

Andriamanitra mitahy ny basy sy ny tafondro handringana ireo izay mibahana ny fizoran'ny fananjahana

Mbola mitranga io amin'izao taonjato faha-XXI izao , fa ny fomba fanajahana no samihafa , lasa fangalarana ny haren-tany sns....
Aza adino fa isaky ny handeha hiady ny firenena iray ( US ohatra) dia tonga ny aumônier na ny pasitera mivavaka ho an'ireo mpiady sy manome fanamasinana ireo basy , tafondro , ny raoplianina tgv ,ny raoplanina tsy hitan'ny radar......

Hoy aho hoe:

ary Jehovah hanafosafo ireo sisa tavela amin'ny alàlan'ireo mpitondra baiboly.

Mbola mitranga io amin'izao vanin'andro izao : rahefa potiky ny baomba ny hopitaly , ny sekoly ,......., rehefa maro ireo maty sy naratra (dégâts collatéraux hoy ry zalahy) , dia tonga ho azy ireo ONG samihafa hanasitrana ny "fery ".
Fa izaho tsy niteny mihitsy an'ity akory:

fa kosa tsy nanery nge ireo misionera sy ny mompera momba ny fivavahana oe aripakay nareo ra tsy mino na ko nilanja basy ampielezana ny filazantsara e,aza adino izay safidy nalalaka ireny ho raisiny ts1/1 sy ekeny na de teo aza reo mpanjaka nandala ny kristianisma na ko ny mpanjanaka vahiny oe ambanako tafondro ary apokako ze tsy mino ...

na dia nisy aza izany manerana ny tany ary arak'ireo tataran'ny zanak'olombelona.

Marihiko fa tsy misy jugements de valeyrs ireo resako ireo fa faits misy .

Hoy i Naughtyboy:

n'aiza2 ny RAR mpino an'A.tra dia io no fampianarana ampitainy voalohany ankalalahana ho any zanany na reo mpanjanaka aza @ zao fotoana ..)

Hoy aho hoe ny fahendrena dia ny fampahalalàna ny zavamisy rehetra amin'ny zanany mba ho amim-pahalalàhana no handraisan'ny ankizy ny safidiny sy hanoritany ny làlany .

Raha miverina amin'ilay fanontanian'i Badboy aho dia :
Nisy ny kristianina na dia tsy nisy aza ny fanjanahan-tany satria anisan'ny "devoir"-n'ny kristianina ny manaparitaka ny finoany ,ka na ho ela na ho haigana dia tonga tany izy ,maro ireo mino fa raha tsy mahavita izany izy dia tsy tonga any amin'ny fanjakan'ny lanitra , endrika maro no mety nitondrana azy tany fa raha natevin-koditra ny fahalalantsika ny antsika (toy ny tany Asie) dia hafa ny fandehany .

rabilabila >> Ho nisy hoy ianao ny kristianisma na tsy nisy aza ny fanjanahantany! Marina hoe ho nisy izy, saingy tsy ho ohatr'izao fisehony izao angamba! Rehefa jerena, ohatra, ny sinoa, dia satria tsy voazanaky ny eropeanina ry zareo dia VITSY NY KRISTIANINA ANY!! Midika zavatra be dia be io!!

Ary rehefa dinihinao koa hoe inona no hevitra matetika hampitain'ny kristianina dia mbola hevitra nampitain'ireo misionera nampiditra tsimoramora ny kristianisma : REHEFA MISY ZAVATRA MITRANGA, NA DIA MANDRATRA SY METY HAHAFATY AZA, DIA MIVAVAHA FA SAMBATRA IREO IZAY MIJALY FA AZY NY ..... Izany hoe tsy dia mila mihetsika loatra, @ mahaolona, fa aleo ny FITSARANA AZO AVY @ FIVAVAHANA NO HO AVY!!! Mbola ilay fivavahana miaro fanjanahantsaina no ampiasain'ny kristianina gasy. Mbola voazanaka isika! :-o :-o :-o

Badboy

REHEFA MISY ZAVATRA MITRANGA, NA DIA MANDRATRA SY METY HAHAFATY AZA, DIA MIVAVAHA FA SAMBATRA IREO IZAY MIJALY FA AZY NY ..... Izany hoe tsy dia mila mihetsika loatra, @ mahaolona, fa aleo ny FITSARANA AZO AVY @ FIVAVAHANA NO HO AVY!!!

Tiako asiana distingo kely eo satria tsy mitovy ny fombafomba fanaon'ireo kristiana dominants eto Madagasikara:
-Ny Katolika manana ilay atao hoe : doctrine sociale (conforme @ dogme fa tsy voatery ho conforme @ droit )
-Ny protestant , ny evangelistra ...bref ireo niala tamin'ny "tranobe" mikaoty points azahoana retirety .
Hita matetika ,na eto amin'ny serasera aza , ireo fomba fisainana anankiroa ireo :
-Ny sasany manao hoe : tsara ny fiainana eto ka iainako aloha fa rehefa tonga any dia ho hita eo
-Ny sasany indray tsy mahita ny tsara eto intsony fa tonga dia maminavina sy miandrandra ny fiainany any.
Mbola voazanaka isika , hoy ianao .Dia hoy aho hoe :voazanaka foana ny olombelona , na iza izy na iza , ka mandray ny "fahamarinan'ny antokon'olona " iray ho fahamarinana tokana .
Tany malemy hanorenam-pangady isika , satria tsy manan-tantara toa ireo firenena sasany any ASIE ( araky ny iaraha-mahalala moa dia ny mpandresy foana no manoratra ny tantara ) , etsy an-daniny koa moa isika tsy dia mivoana loatra amin'ireo firenena etsy Afrika amin'ilay fomba fisainana sy fomba fitondrana nolovaina tamin'ny ......fanjanahan-tany .

Izaho anefa mihevitra fa ny finoana Kristiana (raha araka ny baiboly) tsy manimba velively ny fahendrena Malagasy fa maneho ilay banga tsy nananan'ny Malagasy. Ireto misy ohatra vitsivitsy :
1 - Rehefa mikabary ny Malagasy dia anisan'ny tenenina voalohany ny hoe "esoriko ny tsiny". Ny fanambarana an'i Kristy dia tena izao mihitsy hoe : tonga ny zanak' Andriamanitra (ilay antsoina hoe Jesosy na Jesoa na zezo ...) nitondra ny tsiny rehetra, mba tsy hanan-tsiny intsony mihitsy izay rehetra mino Azy. Ka manamaivana mihitsy izany amiko, tsy manohitra fa ilay tsy hitan'ny gasy izay asiana azy (izany hoe ny tsiny), dia nomen' Andriamanitra ilay anakiray nilanja azy rehetra.

2- "Tsongoa fon-tena tsongoa fon'olona" : tsy misy hafa amin'ilay ao amin'ny baiboly hoe "izay tsy tianao atao aminao aza atao amin'ny hafa ... fa izany no lalàna sy Mpaminany" (hoy Jesosy). Izany hoe efa nanana ny Lalàn'i Mosesy isika malagasy, ary Kristy nilaza hoe "tsy tonga aho handrava ny lalàna fa hanatanteraka"! Dia izao izany, Kristy tonga teto an-tany hanatanteraka ny hoe "tsongoa fon-tena, tsongoa fon'olona", satria ny olombelona (eny fa na dia ny malagasy voalaza fa hendry aza) tsy nahatanteraka an'io ary tsy mahatanteraka an'io! Koa tsy manamaivana antsika malagasy ve raha hoe "mino an'i Kristy fotsiny dia efa mahatanteraka an'izany"?

3- "Raha marary ny tanana, mitsoka ny molotra, raha marary ny molotra, manafosafo ny tanana". Tena tsara koa io ohabolana Malagasy iray io, saingy misy banga ao ary ity no banga: ny tanana tsy afaka hahafantatra velively hoe marary ny molotra ao, ary toy izany koa ny molotra tsy afaka hahafantatra izay mahazo ny tanana, fa ny fomba hifankafantaran'ireo roa ireo ny mahazo ny tsirairay dia ny ati-doha no mifandray amin'izy tsirairay ary ny ati-doha irery no afaka mibaiko ny molotra mba hitsotsoka ny tanana! Ny ati-doha irery no afaka hibaiko ny tanana mba hanafosafo ny molotra. Ary Kristy izay ambara ao amin'ny baiboly sy torian'ireo (tena) mpino, dia ilay ati-doha izay ahafahan'ny olona tsirairay mifandray. Mazava ho azy fa tsy afaka hifankahalala marina sy hanatanteraka raha tsy samy mifandray amin'io ati-doha io. Ary mahita aho fa tsy tanteraka tokoa izany hoe "mifankatia" izany raha tsy ho an'ireo izay samy mino an'i Kristy marina, izay ankoatra izay dia fitaka (diniho anie na ianao na ny akaikinao).

Noho izany dia hoy aho hoe: Mety tsy ilay zavatra nentina no ratsy, fa ireo izay nanao pub no nandiso = fampianaran-diso ==> marina izany ny amin'ny hoe mpampianatra sandoka voalaza ao amin'ny filazantsara sy ny epistily.

Voamarina @izao resaka izao fa misy ny mpaminany sandoka (araka ny voasoratra), ka mitondra ny sandoka hahazoany izay tiany!
Saingy ny fisian'ny vola sandoka tsy mampihena velively ny lanjan'ny vola tsy sandoka!
Tahaka izany, na dia misy aza ny mpampianatra (ny filazantsara) sandoka, tsy mampiova ny lanjan'ny fahamarinan'ny filazantsara izany, saingy mampiova ny fandraisan'ny olona sy ny fahafantarany azy.

Mbola misy fanoharana iray ity :
Indray mandeha aho namaky gazety lequotidien (mpanohana ny fitondrana) sy lagazette de la grande île (mpanohitra). Samy nanambara zavatra notokanan'ny filoham-pirenena ireo gazety ireo, fa ny lahatsoratra navoakan'izy ireo (mikasika io vaovao tokana io) dia tena zavatra mifanohitra be, satria ny iray maneho ny fahatsaran'ny fitondrana, ny iray maneho faharatsiana be mihitsy. Raha isan'ny mpanohitra ianao dia ilay an'ny lagazette no tonga dia hekenao ka hiampy iray indray ny tsifitiavanao ny filoha, raha mpomba ianao dia efa tsy lazaina intsony! Dia miankina amin'izay izany no fahafantaranao an' Atoa Ravalomanana, izay tsy voatery ho marina. Raha te hahafantatra marina an'ingahy RAvalomanana ianao dia na :
- mifandray aminy mivantana raha azonao atao, na
- misy olona anakiray mahafantatra Azy marina ary manambara ny marina aminao momba azy, na koa mampifandray anao aminy.
Ka ny fahalalana an' Andriamanitra dia samy manana izay fantany ny tsirairay araka izay nambara taminy! Ny antsika malagasy nambara fahagola dia hoe "ny razana no mampifandray ny velona @ Zanahary". Tsy fantatr'ireo razantsika na mpanohitra (= fahavalo = hevitry ny teny hoe satana) no nilaza an'izany na mpiara-dia amin' Andriamanitra. Nisy olona maro nitondra (ary mbola misy mitondra) karazam-pinoana (t)eto amintsika! Fa ny fomba tokana hahafantarana ny FAHAMARINANA avy amin' Andriamanitra sy ny momba Azy dia, na :
- mifandray mivantana amin' Andriamanitra, na
- misy anakiray mahafantatra an' Andriamanitra ka mampifandray antsika amiNy.
Voasoratra ao amin'ny filazantsara hoe : "Tsy misy mahalala ny Zanaka afa-tsy ny Ray, ary tsy misy mahalala ny Ray afa-tsy ny Zanaka sy izay tian'ny Zanaka hanehoana Azy!"[Matio 11:27]. , izany hoe tsy ny razana no mahafantatra an'i Zanahary fa ny ZanaNy ihany, sy izay hanehoan'io ZanaNy io Azy.
Izaho tsy nahafantatra momba an'i Zanahary afa-tsy hoe "nahary izao rehetra izao", fa izay ifandraisaNy @ olombelona sy ny zava-boahariny dia tsy haiko mihitsy fahiny! Ny fotokevitro (na dia azo lazaina fa kristiana nafana fo aza aho t@izany fotoana izany) dia izao :
- "ampio ny tenanao dia hanampy anao Andriamanitra",
- "ny olona ihany no mpanefy ny hoaviny!".
Fa rehefa tao anaty fangirifiriana mafy aho no nivavaka (t@ tsifahalalana) hoe "raha misy marina ianao Jesosy dia azavao amiko ny anton'izao rehetra izao!", dia izao no valiny azoko voalohany hoe "raha tsy nisy an'izao tsy ho nitodika tamiko ianao", fa avy eo koa voavaly daholo izay fanontaniana napetrako.
Ka hoy aho hoe, niainako mihitsy teo izay nambaran'i Kristy voasoratra ao @ Jaona 6:44 hoe "tsy misy mahay manatona ahy raha tsy taomin'ny Ray izay naniraka ahy". Tsy @ fahafantarana ny tantara ara-boaiboly na ny fanompoam-pivavahana isankalahady na sabotsy na hafa koa no ahafantarana an'i Jesosy (mba hinoana fa tena Izy no fahamarinana) na Zanahary, fa amin'ny fo mitady Azy marina (mitady ny marina amiNy).

Tena niangarana ihany isika ry Coopsal satria nomeny fo afaka mitady Azy ; raha jereko ireo Razambetsika (andao ohatra hoe ireo izay velona talohan\'Andrianamponimerina ) dia tsy afaka , tsy nanana ny fahalalana sy kolontsaina nanananao izy ireo ; tsy notezaina sy tsy nilomano tao anatin\'ny finoana kristianina tahakantsika izy ireo ka tsy nahalala an\'i Zanahary afa tsy tamin\'ny alalan\'ny Razana ; mino koa ve isika fa tena io Zanahary nivavahan\'ny Malagasy io dia tena mitovy tanteraka amin\'i Yhwh izay lasa rain\'i Kristy ...sa kosa nataon\'ireo misionera izay nampifandrify azy amin\'Andriamaniny mba ...hanamoramora kokoa ny andraisan\'ireto ondry vaovao ireto ny ...finoana sy ny fivavahana nentiny ?

Tsy ho resahintsika akory ireo olona amina miliara nisy teo aloha eran-tany izay ...tsy nahare akory ny fisian\'izany Jehovah sy Kristy izany ( efa ho 100 000 taona izao no nisian\'ny olombelona mitovy amintsika = Homo Sapiens , izany hoe ireo oloa niaina nandritry ny 100 000 - 2500 = 97 500 taona izany dia...nanjavona tsy fidiny ; mba tena Andriamanitra hafahafa tokoa izy izany ary misy aza sahy milaza mihitsy fa ...mpanavakavaka ( vakio fotsiny ny tantaran\'ireo mponina nipetraka tao Palestine nasainy naringana mba ...hanomezany ny tany lonaka tao Kanana ho an\'ny peuple \"élu \"

rabila > evaluation des faits no nilazako fa tsy t@ herisetra no nidirany kristianisma tao amintsika (za no nilaza an\'io..) na koa silamo t@ fidirany arabo tany atsimo sy atsimo atsinanany M.kara aza zay marihina fa jiolahintsambo sy mpividy andevo t@ reo mpanjaka t@ zany tsy namono sy nanery ny malagasy hanaraka ny fivavahany fa isika no nanaiky izany antsitrapo..
zany oe tsy ny fomba niaviany no tena jereko ra za manokana fa ny akony sy ny tombony ho any ts1/1 nentiny,tsisy hafa @ olana mahazo ny fampianarana akademika ny zaza io(fiforonany zao tontolo izao ara-tsiansa/evolutionism) sy ny fivavahana(fiandohana arampinoana/creationism)ary eto aza tsy azo ampitahaina na kely aza ny sandany ts1/1 fa sakamalaho sy avozo ka samy manana ny hanitra ho azy..
hevitra itovizako @ coopsal voalaza matetika eto de toy izao reo finoana 2 aratsiansa(materialism)sy ny fivavahana(spiritualism)dia fitaovana samihafa afaka miaramiasa fa tsy voatery ifampitsipaka ,ny ol matetika no mampifandrafy azy reo..
-siansa oh.erahamahalala fa fahalalana ambony indrindra ampiasainy olombelona ifehezana sy anjakany @planeta misy azy ary voafetra ihany zany fahalalana izany
-fivavahana oh.natao iasany ny fanahy izay ambony indrindra @ olmbel,satria tsy mivaingana na tsapaintanana izany fa iainana @ reo lafy izay tsy hita maso dia tsy azo porofoina @ siansa na fahalalana hafa,tombony izy io ho anreo zay mahay mapiasa azy..
ny lafy tsara sy ratsy de anjaranao no mandanjalanja azy araky ny filana ao aminao ,tsarovy nefa fa ra banga ny 1 @ reo dia mandringa izay mahafeno ny ol 1 (misy aza miteny oe maty fanahy mbola velona ,tsoka avy @ niainany reo teo aloha mo zany..)

voalaza
" Tsy ho resahintsika akory ireo olona amina miliara nisy teo aloha eran-tany izay ...tsy nahare akory ny fisian'izany Jehovah sy Kristy izany ( efa ho 100 000 taona izao no nisian'ny olombelona mitovy amintsika = Homo Sapiens , izany hoe ireo oloa niaina nandritry ny 100 000 - 2500 = 97 500 taona izany dia...nanjavona tsy fidiny ; "

tao anatiny vanimpotoana samihafa no nolalovany(raha alina ny amiko oh. mety ho maraina ny any aminao na dia samy andro 1 aza..)fivoarany rafimpiainany zanak'olmbel ary ny fomba fiparitaky ny hafatra no nahatonga izany jereo oh. ny fiampitany hafatra1 avy any @ tany mandroso(eropa sy etazonia)fa eo no ho eo fa ra any Amazonia sy ao @ dezaky Sahara ..ho lava2 ihany ny fotoana vao afaka ifandray reo mponina 2 reo :°) dia nomeny Ilay nahary saina raolmbel ampiasa ny siansa ialana @ zany fa tsy mana avy any andanitra akory no nomeny,ary anjaradraolmbel no mifandamina eto hahafaingana izany ra vahaolana miadampamindra no hita dia aradalana izany fa izay no mahaolombel fa tsisy hadisoan'A.tra

voalaza teo ko
\" mba tena Andriamanitra hafahafa tokoa izy izany ary misy aza sahy milaza mihitsy fa ...mpanavakavaka ( vakio fotsiny ny tantaran\'ireo mponina nipetraka tao Palestine nasainy naringana mba ...hanomezany ny tany lonaka tao Kanana ho an\'ny peuple \"élu \"

efa naheno tantara nisy toy izany ko za ,fa izao no fipetrak\'izy io @ ty zvnisy 1 io.. tonga tao @ mpanety hono ty kofa 1 ihety araky ny mahazatra ary velompanotaniana le rangahy mpanety ka hoy izy :misy fotoana lehibe ho vonjenao ngaha androany no tena RAITRA enao androany ?
de namaly ranamana oe : ie..de hihaona sy hiresaka @ lay Nahary(A.tra)aho
Hay ve ozy ngahy mpanety : zao no lazaiko anao,efa elaela ihany zay no tsy ninoako intsony zany fisian\'Atra izany nahoana? nahoana no tsy afany voalohany indrindra reny ratsy rehetra misy reny,faharoa nahoana raha fahasambarana no fanatenana azo aminy no dia be loatra reo mijaly tahak\'ahy sy ianao ary farany mo dia aiza izy @ reny zv miseho rehetra reny no tsy hita maso fa ny siansa indray zay foronony olombel aza no mamaha olana,izany v dia porofo ny fisian\' A.tra?
Eny tsisy laviko reo voalazanao reo ozy le kil fa zao,jereo kely itsy akama miampita arabe itsy(zay kofbay hafa feno volombava sy lavavolo be)nanatona ny trano fihetezany ary nivily lalana avy eo ..misy mpanety ve eto antany sa ahoana no feno olona tsy mihety sy tsy miharatra eraky ny tanana nefa fantatra fa misy ny mpanety ?
Namaly ary le mpanety :azafady kosa rangahy fa ra nanantona ahy izy reny ka nilaza oe ,mba amboary kely ataovy metimety ny voloko de foana de tsy ho tonga izany
Mpihety: itanao ary zany ny ol de mahafantatra fa misy tsy mety2 ny momba azy nefa tsy fantany akory ny tokony hatonina hanamboatra sy ampilamina izany,na odiany tsy fantatra..tsara izany fa efa manomboka ho RAITRA ko enao izany androany hoy izy namarana ny resaky zareo.. :lol:
ny azo tsoahina @ reo zv 2 voalazandrabila sy ty ranamana ty de tsotra ny ankabeazany zv misy sy miseho eto antany de fanapahakevitry ny olmbel(fanjakan\'olmbel )tsisy tokony afangaro @ an\'A.tra satria Izy efa manana ny fanjakany tiany ho zaraina amintsika ,matetika nefa de isika mintsiny no manapakevitra anohitra zany tapitra..

"Herimiafina a! tsy ny fanjanahantany ny anisany nahatonga antsika ho kristianina fa ny Fitoriana nataon'ireo misonera "marina,ekeko,fa na dia tsy lasa zanatany aza isika mety misy ihanyny lasa kristianina.tsy mbola zanatany anie isika dia efa kristianina ry rasalama e;

fa ny fanjanahantany,kosa vao miha nampiroborobo azy haingana.

badboy:
Dia mipetraka eto ilay fanontaniana hoe ho nisy ve ny kristianisma raha tsy nisy ny fanjanahantany

... Tsy ny fanjanahan-tany no nitondra ny filazantsara fa ny asan\'Andriamanitra naniraka ny olony...

badboy:
sy izay faty olona noentiny nanaraka azy?

... tsara aloha ny mandalina hoe faty olona toa ahoana? faty olona iza avy? inona no nahatonga faty olona? iza no nampamono na namono ka nahatonga faty olona? sns... vao mamaritra \"affirmation gratuite\" milaza fa \"nentin\'ny kristianisma ny faty olona\"...

Miombon-kevitra amin\'i coopsal sy naughty ny tenako...

rabila> Raha zohina ny hevitrao dia olona tsy misy hazon-damosina sy mora ahodina ny kristiana voalohany teto Madagasikara (na tany ivelany ihany koa) ka fivavahana sy fampianarana tsy fantatra dia mahaova kolon-tsaina sy finoana an-jato, an\'arivo, an\'alina, an\'hetsy taona...

Tsy tonga ve dia mazava aminao hoe misy antony ao?!!!

Ny hoe fampitahorana sy fampanantenana fiainana mandrakizay no lainga be famafy mba iovan\'ny olona ho kristiana dia mahagaga ihany... fa ny fanompoan-tsampy sy ny fanajana ody isankarazany ary fomba angaha moa tsy misy fampitahorana ny amin\'ny tsiny sy ny loza ary ny ozona raha tsy mankato???

Ny finoana kristiana dia finoana miorina ao amin\'i Jesosy izay sady tsy fampitahorana no tsy fampanantenana zavatra tsy fantatra fa Izy mihitsy no Andriamanitra sy fiainana mandrakizay... ka tsy zavatra nofinofy izany fa iainana isanandro...