Faly miarahaba antsika namana rehetra indray!
Ialana tsiny fa izao vao afaka niditra noho ny asa aman'andraikitra satria tsy teto Tana fa somary nitety iny faritra atsimon'ny Nosy iny.
Na izany aza anefa dia tsy manadino ny namana fa dia nitsidika ireo namana tany Antsirabe, Fianarantsoa, Manakara, izay tsy afaka nanatrika iny korana nahafinaritra iny.
Ny tenako moa tsy dia afaka nandihy loatra noho ilay andraikitra tsy afaka nifampisoloana sao diso eo ny fanaovana kaonty famerenam-bola.
Fanamarihana ihany no ataoko :
1-Nahafinaritra ny fiarahana na dia maro aza ireo namana tsy mbola zatra amin'ny fikarakarana lanonana toy ireny.
2-Na dia somary sarotra ihany aza ny fandaminana ireo "serveur" sy "serveuse" mba tsy hisian'ny fikorontanana eo amin'ny fandraisana ireo sakafo sy zava-pisotro ilain'ny olona dia isaorako eto izy ireo fa nanaiky ka nanaraka an-tsakany sy an-davany ny toro-lalana nomena azy ireo.
3-Nisy ihany koa ny variana loatra tany amin'ireo olona izay nasaintsika manokana ka lasa adino indraindray ilay tena andraikitra tokony ho sahanina.
Izay no azoko lazaina mikasika an'iny fety iny, raha amin'ny ankapobeny dia nahafinaritra ary maha-te hidera ny fahasahiana nananan'ny fikambanana namana serasera dago, firy @ fikambanana moa no mahavita toy ireny, ao anatin'ny filaminana tanteraka ka tsy nisehoana fifamaliana mihitsy, na talohan'ny fety, na tao anatin'ny fety ary taty aorian'ny fety. Ny irariana dia ny hitohizan'ny fifankatiavana ho antsika mpikambana rehetra.
Farany dia misaotra manokana ireo nanampy sy nanohana an'iny hetsika iny.
Mankasitraka sy mankatelina ny namana rehetra na ny efa hita mivantana na ireo mbola tsy hita.
naritsimba
