odorany ny fananany an-tapitrisa
jeudi 13 mars 2008, par Nivo T. A.
Imprimer cet article Enregistrer au format PDF envoyer l'article par mail title=

Loza no nafitsok’ity raim-pianakaviana iray tany amin’ny tanànan’ Andafialava, kaominina Ambinany-Andravory, ao anatin’ny distrikan’i Vohémar. Nodorany ny tranony niaraka tamin’ny entam-barotra rehetra tao anatiny ary tsy nisy nahasakana azy tsy hanao izany ny fokonolona.

Tamin’ny alatsinainy lasa teo, tamin’ny 8 ora maraina tany ho any no nitrangan’ity habibiana ity. Araka ny vaovao azonay avy an-toerana, dia toa mitana ody ratsy ity lehilahy ity ary vokatr’izany no nahatonga azy handoro ny fananany. Toa hoe navadiky ny mpimasiny izy ka niafara tamin’izao fandravàna fananana izao. Naka solitany ny lehilahy ary tamin’ny fotoana tsy naha-tao an-trano ny vady aman-janany no nandoroany ny trano. Niezaka namono ny afo ny fokonolona saingy nosakanan’ilay lehilahy tamin’ny fomba rehetra. Kila forehitra ny fananany izay vao navelany namono afo ny olona. Soa ihany aloha fa mba tsy nihitatra nankany amin’ny tranon’olon-kafa teo akaikiny ity afo niniana natao ity. Araka ny fantatra, dia manodidina ny Ar. 10 tapitrisa any ho any ny teti-bidin’ireo entana lasa lavenona tao amin’ity trano fivarotana enta-madinika tany Ambinany-Andravory-Vohémar ity. Ankoatra ny entam-barotra mantsy dia kilan’ny afo tsy nisy azo noraisina ihany koa ny fanaka rehetra tao an-trano.

Ilay ramatoa vadiny moa dia namantana trano sy fananana lasa lavenona. Nanjavona tao anatin’ny fotoana fohy ny harena nisasarana nandritra ny taona maro. Tsy fantatra aloha izay mbola hataon’ity vehivavy tompon’ny fananana may ity na hametraka fitoriana na hijanona amin’izao fotsiny. Ny vady andefimandriny ihany mantsy no nahavanon-doza ary fananan’izy ireo ikambanana no lasibatra.

Hafa indray ity ! Ny olona mikatsaka fatratra mba hahasoa ny ao an-tokantrano sy hampitombo harena, ny an’ity lehilahy ity ny eo am-pelatanana indray no noravana tamin’ny afo.

Izany tokoa ve ny vokatry ny filalaovana ody tafahoatra ! Asa aloha !

ny zavatra rehetra, na finoana ody io na finoana inona raha vao tafahoatra sy tsy voa controlle dia mamoehitra aby ka

staline dia AT, tsy misy inoany, jereo fa des millions de morts sy internés au goulag

:-D:-D:-D:-D:-D

fijo : an'ny razana io :oops:

sô de ol pyroman lery

tsy mazava
in no idiran'ny finoana @ zany?

voan'ny ody ry cutie an

mino ody loatra ry cutie an,

rabingo,aza diso enao,fa i staline dia nikofesy niafina foana mandrapahafatiny.izay no tsy nahafaty ny fiangonana ortodoxe tany russie.

pissoa,ka efa finoana ko

hay ve hihihihi

fijo> za vo saika hiteny

refa miakatra any @ atidoha wa io finoana io de tsy mety:-D

izay mihintsy aleo miantsoantso fotsiny

hihihiihihhihi

izay no azo atao ko

ikaretsaka:

ny zavatra rehetra, na finoana ody io na finoana inona raha vao tafahoatra sy tsy voa controlle dia mamoehitra aby ka

:arrow:mitovy hevitra amin'ny Ika koa aho:rehefa diso tafahoatra dia lasa mivily lalana.Lalina koa izany tranga zany.(l)

Misy tsara dinihana ihany satria raha tena fakaina ny toa izao dia mampibaribary fa tsy ny finoana na ilay olona no ratsy fa miankina amin'ilay inoana mihitsy aza...

Aleo atao amin'ny antonony ny zavatra rehetra eeee

sendra nipitsoka : efa tsara aloha tsy nahafaty olona e !

Ny tranga matetika dia tsy "conscient" ilay olona eo am-panaovana azy fa rehefa vita vao tonga saina...

ka izy anie izany diso fanantenana raha azoko tsara e! satria hoe

Araka ny vaovao azonay avy an-toerana, dia toa mitana ody ratsy ity lehilahy ity ary vokatr’izany no nahatonga azy handoro ny fananany. Toa hoe navadiky ny mpimasiny izy ka niafara tamin’izao fandravàna fananana izao