Fanamarihana: Tsara ny manamarika aloha fa tsy ny Baiboly no laviko, fa ny fanazavanao tsy mifanaraka amin’izay tena voalaza no tsy ekeko.
Hotohiziko am-pitiavana àry ny fanazavana ka miangavy anao mba hanaraka tsara.
Horaisintsika manomboka hatreo amin'ny andininy faha 26:
"Nony hitan-dralehilahy fa tsy naharesy azy izy, dia ny famavàn'ny feny no notendreny ka nivika tery ny fotopen'i Jakoba nandritra ny nitolomany taminy"
Raha mijery ny dikan-teny hebrio ianao dia hahita fa mampiasa ny verba:
Nagà ny mpanoratra. Io Nagà io dia mety hidika hoe:
toucher na frapper à mort. Eto dia mazava fa
"toucher" no dikany, satria raha ilay dikany faharoa no raisina dia tsy tokony hisy tohiny intsony ny resaka.
Izao anefa: Vakio tsara izay voalaza amin'ny tapany faharoa amin'io andininy io. Raha manaraka tsara isika dia hahita mazava fa misy zavatra tsy lojika ao. Afahana milaza koa fa zavatra nasisika tato afara io tapany faharoa io, satria tsy mifanaraka velively amin'ny zava-misy. Raha lazaina fa
"nivika tery ny fotopen'i Jakoba nandritra ny nitolomany". Moa mbola afaka hitolona ve izy? Moa mbola afaka hanohy ny ady ve izy, ary hihazona an'ilay niady taminy raha nivika tokoa ny foto-peny? Raha ny foto-pen'i Jakoba no nivika, inona no hifandraisan'izany amin'ny tsy hinanan'ny zanak'Israely ny hozatra lehibe ao amin'ny famavàn'ny fe?
Raha izay no jerena dia isan'ireo andalana nasisika taty afara io tapany faharoa amin'ny andininy faha 26 io. Mety tsy haharesy lahatra anao angamba io filazana voalaohany io, fa tsy maninona fa tohizina ihany ny resaka.
Jen 32, 27:
"Avelao aho handeha, fa efa hazava ratsy ity ny andro. Fa hoy Jakoba: Tsy avelako handeha hianao raha tsy efa nitso-drano ahy".
Efa voalazako tery ambony moa ny hoe: Toetry ny demony no miseho amin'ny Haizina sy matahotra ny mazava, ka tsy ivalaparako.
Fa izao: marina tokoa ny filazanao fa ny Demony tsy afaka manome tso-drano toy izay fanomen'Andriamanitra. Marihako anefa fa ny tso-drano resahana eto dia tsy mitovy mihitsy amin'ny tso-drano izay nomen-drainy an'i Jakoba (Jen27), na izay nomen'Andriamanitra an'i Abrahama (Jen 12).
Fa inona àry no dikan'io fangatahan-tso drano io? Tokana ny dikany, ary mahazo tsy mino ianao: nangataka fahefana tamin'ny demony i Jakoba, satria ny tso-dranon'Andriamanitra dia tsy mba azo amin-kery, ny fahefana no mety azo amin-kery (tranga fahita amin'ny tantara tranainy izany)
Raha mbola tsy maharesy lahatra anao izay voalaza izay dia mbola mitohy ihany ny fanazavana.
Jen 32, 28 - 29:
“Dia hoy izy taminy: Iza no anaranao? Ary novaliany hoe: Jakoba. 28 Ka hoy izy: Tsy hatao hoe Jakoba intsony ny anaranao; fa hatao hoe Israely; satria efa niady tamin'Andriamanitra sy tamin'olombelona hianao ka nahery”.
Ity andalana ity dia tena nasisika tato afara mihitsy, misy antony roa mazava tsara ny ilazana an’izany, ary ireo exegèses mpikaroka dia samy resy lahatra ny amin'izany.
1 – I Jakoba no rain’ireo 12 lahy izay niavian’ny foko 12 ny Israely. Izany hoe i Jakoba dia mampiseho ny vahoaka Israely, izay no antony nanomezana ny fanazavana hoe: “satria efa niady tamin'Andriamanitra sy tamin'olombelona hianao ka nahery”. Io dia teny fanomezam-boninahitra an’i Jakoba, izay patriarka nitana toerana lehibe teo tantaran’ny vahoaka Israely.
Ny filazana hoe: “niady tamin’Andriamanitra sy tamin’ny olombelona ianao ka nahery” . Io andiny io dia midika hoe: “niady tamin’ny rehetra ianao ka naharesy azy rehetra” . Mampiseho fomba filazana zavatra iray atao hoe: “Merisme” io andalana io. (Misy betsaka ny andalan-tsoratra hahitana an’io “ merisme” io amin’ny Baiboy: Is1, 6; Sal 72, 8 sns…)
2 – Nolazaina fa Israely indray no anaran’i Jakoba satria “niady tamin’Andriamanitra sy ny olombelona izy ka naharesy”.
Tsara aloha ny manamarika fa ny verba ampiasaina eto “
Sarah (=niady) ” dia tsy hita firy ao amin’ny Baiboly (in-droa ihany no hiverenan’io: Os 12, 4 sy Os 12, 5). Izay dia milaza fa voambolana voafantina mihitsy izy io mba hanazavana ny anarana hoe: Israely.
Raha jerena anefa io dikan-teny nomena eto io dia tsy mifanaraka velively amin’ny tena dikan’ny hoe Israely, Izay avy amin’ny voambolana roa hoe:
Isra + el . Ary midika hoe: “Andriamanitra no Tompo, Andriamanitra no hitarika”. Ny anaran’i Sarà vadin’i Abrahama dia mitovy “radical” amin’io izay midika hoe: “ho mpanjaka vavy ianao”.
Dia Jereo ny tantara ao amin’ny Jen35 fa tsy nisy filazana ny antony nanomezana ny anaran’i Jakoba ao na iray aza. Ary ny fomba isehoan’Andriamanitra aminy ao dia mitovy amin’izay fomba fisehony araka ny fahita ao amin’ny Testamenta taloha. Donk ity izany no tena izy fa tsy izay voalaza ao Jen 32.
Raha izay fanazavana izay no arahina dia zavatra nasisika taty afara io andiny faha 28 sy 29 io.
Raha mba nanao exegèse ihany i Pastera ry nyrina dia hahalala izay zavatra rehetra voalazako izay, ka hanontanio izy.
Misaotra anao.
