Fody:
Soanja:
Fody> Raha foana ny fasana dia betsaka ny zavatra nety nitranga
- Mety nisy naka tao ny fatiny ka nony tonga namangy dia tsy hita tao ary foana ny fasana.
-Mety tao ihany ny fatiny fa izay nahita afaka niteny fa foana ny fasana. Vitan\'olombelona izany.
Raha izao zavatra lazainao izao no jerena dia any amin\'ny fototra mihitsy no voa, satria:
1 - Tsy mino izay voalazan\'ny vavolombelona nahita maso ianao.
Ho ahy kosa dia izao: Joany 19,35 Ary ilay nahita no milaza, ka marina ny filazany, sady fantany fa milaza ny marina izy, mba hinoanareo koa.
2 - Ny lainga nafafy tato afara no raisinao ho marina, satria angamba iny no mifanaraka amin\'ny lojikanao (izay olombelona ihany). Nefa ve ny fiheveran\'Andriamanitra mitovy amin\'ny an\'ny olombelona? Moa voafehin\'ny lojikan\'olombelona ve i Kristy, ary mety ho azon\'ny saina heverina ve ny zava-bitany?
Ny hoe niara-nisakafo sns dia afak hiteny aho fa nandalo namangy anay teo I Maria satria henoko ny fofonan-draozy manitra tamin\'ny nandalovany ary sitrana izay marary tao.
???
Ivereno vakina ny Baibolinao.
Ny tiako tenenina dia afaka mihevitra isika fa nitsanga tamin\'ny maty izy satria izay no nolazainy.
Ka raha izay no nolazainy, moa nandainga ve izy?
Raha nandainga izy dia tsy azo lazaina hoe: Andriamanitra. Amiko sy amin\'ny Kristiana maro anefa dia Andriamanitra izy, noho izany tsy mahay mandainga.
Afaka mifanaraka ny Mpianany hilaza fa nitsangan-kovelona izy toy ny lolovokatra isan-karazany resahan\'ny foko hafa izay betsaka ny tsy hinoantsika. Ireo lolovokatra ireo lazaiko anao fa betsaka no misakafo sy matory ary manao ny fanaon\'olombelona hoy ny mpino ny fisiany.
Misy ny lolovokatra ary amin\'iny faritr\'i Betsileo iny no misy azy. Raha tantara fotsiny no henao momba an\'io, izaho kosa efa mba nahita ihany. Mihinana tokoa izy saingy izay harapany dia miraraka amin\'ny tany.
Ny lolovokatra dia toy ny matotoa. Dia vakio ny Baibolinao fa nilaza mazava i Kristy ao hoe: Tsy matotoa aho, satria ny matotoa dia tsy manana nofo aman-taolana.
Tsy voatery koa anefa ho an\'ny olona izay mahatsapa fa tsy lafatra ny baiboly ny hino fa nitsangana tokoa izy amin\'ny fahafatesany
.
Tsy lafatra ny Baiboly nefa tsoriko fa ny Baiboly no documents voalohany eo am-pelan-tanan\'ny Kristiana hilazana ny fitsanganan\'i Kristy. Tenin\'ny vavolombelona nahita maso maro no hitanao ao, ka raha izay no tsy inoanao dia hafahafa ihany.
Raha nitsangana tamin\'ny maty ary i Lazare dia maty fanindroany ve? Aiza ny tohin\'io azafady ao anaty baiboly?
Ka maty ve Lazara no natsangan\'i Jesoa sa tsia? Mba valio azafady!
Ndao raisintsika i Masina Maria, nampakarina izy hoy isika Katolika, aiza ny fivoakan\'io ao anaty baiboly. Non, tsy de mila an\'izany akory aho anaty baiboly nefa dia afaka mino fa Masina i Maria.
Ny zavatra tsy fantatrao angamba dia ny hoe: boky maro no nanaovana fanivanana mba hahazoana ireo boky narafitra ao anaty Baiboly. Nisy Boky tokoa nilaza betsaka momba an\'i Masina Maria saingy tsy natao ho isan\'ireo boky natao ao amin\'ny Baiboly.
Raha tsy nisy anie ny reaka fijerevana ny taolam-patin\'i Jesoa dia tsy nisy ity resaka ity e!Hevitra no ampiadiana ary tsy voatery izay lazaiko ka marina saingy kosa afaka jerena akaiky ny fivoakan\'ny zava-drehetra satria nomena ny saina isika handinika.
Afaka mikaroka tokoa ny saina. Nefa aza adino fa misy ny zavatra tsy ho hain\'ny saina hazavaina mihitsy. Ary misy ny Marina Tsy miova, ary tsy azo ovaina. Ohatra amin\'izany ny fitsanganan\'i Jesoa tamin\'ny maty, ny fahatongavany ho nofo, izay tsy eken\'ny mpahay siansa sy izay miantehitra amin\'ny lojikan\'olombelona fotsiny.
Amiko ny finoana fa velona izy na novonoina aza dia ampy ho ahy. Tsy voatery hanaraka ny tantaran\'i baiboly aho vao hino. Satria nahoana mahatsapa sy mandaitra eo amin\'ny fiainako ny fisiany.
Efa zava-dehibe izay aloha. Nefa tsy ampy ny mihonana amin\'ny fahaizan\'ny saina sy ny fahatsapana, satria efa nomena fanahy afaka hahalala koa isika.
fijo:
nahoana no avy dia disoana i rakapy raha mametreka fanontaniana toa ity?????fanontaniana io.sahala amin\'ny hoe taloha naratsiana i jodasy,de ita izao ny evanjiliny de mety isy hiova ny fisainan\'ny mpino.
1 - Mba te hanontany an-drafijo aho hoe: iza no nanoratra an\'io Evanjelin\'i Jodasy io? Tamin\'ny taona firy (na taonjato fahafiry) no nanoratany azy? Inona no zava-nisy tamin\'ny vanim-potoana nanoratana azy io?
Valio ireo fanontaniana ireo, izay vao miady hevitra aminao momba an\'io aho, raha tsy izany dia resaka mandany jiro fotsiny
2 - Jereo fa na ianao aza dia efa mitsipaka sahady izay lazainy ka ahoana no disoana ny hafa raha manadiso azy?
Misaotra
Misaotra anao nanazava ry Fody. Raha miakatra ny tosi-dranao dia aza hadino misotro rano fa olombelona ihany ianao. :-D
Saingy marina tokoa ny ahiahinao fa
ny fototra iaingako mihitsy no voa raha ny resaka Xtianina no resahina. Satria nahoana?
Raha
i Jesoa no nanoratra ny baiboly dia nitombina ny saiko ary nazava be ny handraisako ny teny ao anatiny. Saingy indrisy tsy izy no nanoratra fa efa olona be dia be taty afara. Ireo izay lazainao fa nahita anie ka nizarazara hevitra tokoa e! Ary ny soratra nisoratan\'izy avy dia nifanipaka sy nifanaratsy tokoa aza indraindray. Tsy taratrao ao anaty baiboly ve izany? Ka aiza no hakako fitoniana fa izay voalaza dia marina aby!
Nandalina ny baiboly ianao ary tokony hahalala koa ny tantara nolalovan\'ireo soratra na boky io miaraka amin\'ny kolontsaina nisy tamin\'izany. Isika samy mahalala fa 12 no isan\'ny Apostoly firy ihany anefa ny asa soratry ny Apostoly misy ao. Amiko politika toy ny politika rehetra ny teny voasoratra ao satria misy tanjona hoe halalana an\'Andriamanitra fa saingy koa ao koa ny tanjona handemena sy hanazimbazimbana ny hafa.
Tsoriko fa raha mandalina ny baiboly aho dia ny hijereko ny tena foto-kevitry ny mpanoratra azy toy ny foto-kevitry ry Locke sy ry filozofy hafa. Azoko ahitana taratra ny fahendrena sy ny momba an\'Andriamniatra ny baiboly saingy ahitako izany koa ny boky hafa isan-karazany, izay tena mamaly fitiavana tokoa ny hetahetan\'ny saiko.
Ny teny marina aza anie ny fifandraisana amin\'ny samy olombelona sy ny natiora no tena ahitana ny fahendrena sy fahamarinana e!
Koa raha hitompo teny fatratra ianao fa tsy misy hadisoana ny mpandika ny soratra tao anaty baiboly sy ny hevitra entiny ary mety ny lainga nafafiny dia aoka ho anao tokoa izany. Fa azoko omena eto ny mahalesoka ny ao anaty baiboly.
Io boky baiboly io no nahitako fizarazarana betsaka indrindra teo amin\'ny Mpino sy mpanaraka azy. Io boky io no nahafantarako fa tsy mitombina ilay Andriamanitra resahina ao fa mipatitaka matetika ary tsy tena manana ny mahaAndriamanitra azy. Miovaova toy ny olombelona koa. Ny zavatra miovaova dia tsy mitombina ary ny zavatra tsy mitombina amiko midika Fahatesana.
Ny fanahiko anefa dia tiako haharitra mandrakizay. Mitady fahatoniana ary filaminana. Tsy io Andriamanitra voalaza ao io mihitsy ilay Andriamanitra Ray tsy toha sy Mpampihavana ary mpankahery. Mifanohitra aza ny omen\'io boky io azy: tezi-dava, diso fanantenana lava ary mpanafay lava. Nefa dia ireo olon-tiany no anaovany izany.
Tsy lojika izany.
Tsy Andriamanitra anefa no omeko tsiny fa ny fahalemena nanana\'ireo nanoratra azy. Izay mitovy amiko samy olombelona avokoa ary nanana ny nanahirana azy tamin\'izany.
Ie olombeona aho ary fenitra ho ahy ny hahatsapa ny tsapan\'ny vatako, ny saiko ary ny fanahiko.
Io no fanomezana tsara indrindra nomen\'Andriamanitra ahy koa ilana ny fampiasana azy. Tsy mpandray vonona aho ary tsy hovokisana lainga tsara lahatra izay nolovan;ny taranaka maro tany aloha ka nahitako fahadisoana be dia be satria be ny maty ary be ny niaina ny tsy fidiny.
Raisoko ny adidy hijery ny zavabaovao ahitana ny tena fahamarinana amin\'izao fotoana hafa fa tsy tamin\'ny andron\'i Jody sy ny Romana ary ny hafa izao.
Efa lasan-korazana ireny. Isika mbola miaina sy velona ary mahalala ny fisian\'ny siansa.
Ampifandraiso ireo fa matoa ireo misy dia izay no amintsika. Afaka mifangaro ireo ary afaka mifandipatra. Lalam-piainana izany ary saingy tsy natao hitompoana teny fatratra avy hoe io no izy. Na Andriamanitra aza anie ao anaty baiboly rehefa anontaniani Moizy dia hoy izy hoe :
\" Ehyeh asher ehyeh\" Na \" Izaho no Izaho\" Raha adika Malagasy tsotsotra.
Ahoana ny fahitanao an\'io valinteny io. Tsy midika ve io hoe inona no iraharahanao izany fa Izaho dia izaho!
Tsy hain\'ny mpanoratra na ny mpampita hafatra mihitsy tamin\'izany ny nandika ny hafatra ho azon\'ny be sy ny maro ka tsy hampisarantsaraka.
KA ZARY ETO ISIKA IZAO MANDANY ANDRO MIDECODE NY TIANY AMPITAINA IZAY FENO FANDRIKA SY FITAKA ARY FANDEMENA SATRIA NY TENAN\'NY MPANORATRA TAMIN\'IZANY DIA TENA CONFUSED- MIPATITAKA TOKOA NOHO NY ZAVAMISY TAO AN-TANANA.
Krsitianina aho satria mahalala ny fisian\'i Kristy eo amin\'ny fiainana! Tsy voatery mandray kominio vao handray ny vatany. Tsy voatery hiditra ao ampiangona ka hanaraka izao lalan\'ny fiangonana rehetra izao vao ahita ny fahazavana.
Tsy Krsitianina koa anefa aho raha toa ka ny baiboly no hilazana ny mahaXtiaina ny Xtianina. Tsy maninona izay handraisan\'ny tsirairay azy. Amiko misy lesoka io boky io ary ny fandalinana ataoko dia tsy mijanona irery amin\'io boky io fa mitatra any amin\'ny hafa mba ahitana ny tena fahamarinana.
i Jesoa dia efa maty ary efa lasana. Ny fanahy Masina entiny no ataovy izay hahazahoana azy amiko raha vitanao mpino izany.
Ny fanahy masina dia midina ao amintsika rehefa vonona isika handray azy ka mahatsapa Andriamanitra fa mendrika izany isika. Ny fanahin\'olombelona dia efa ela no nitady ny fisian\'ny Krsity. Tsy mbola nisy akory izay baiboly. Efa nikatsaka azy avokoa ny firenen-drehetra ary isan\'izany ny razantsika izay nametraka ny fiainany andavanandro aompany tamin\'\'ny fanarahana ny fady sy ny hafa sesehena mba hadio ny momba azy.
Fifankatiavana sy fihavanana ary firaisan-kina no herin\'ireo razantsika ireo! Aiza ianao ahita fahendrena toy izany! Lafatra io raha samy fahendrena amiko.
Koa tohizo izay hinoanareo fa tsara. Ny asa ifandraisantsika samy olombelona kosa no endrika isehon\'ilay famirapiratana ao anaty. Satria io ilay fanahy mampiseho an\'Andriamanitra eo anivontsika!
