Faits divers
Mananjary
Tanora 4 novonoina tamin’ny fomba feno habibiana
Tena tamin’ny fomba feno habibiana tokoa no namonoan’ny andian’olona ireto tanora efatra mianadahy vao herotrerony, tany amin’ny tanàna atao hoe Ambohitsara, eo anelanelan’i Mananjary sy Nosy Varika. Nisy nanondro ho mpangala-jaza izy ireo. Tamin’ny sabotsy teo no niseho ity habibiana ity. Maty votsindrona antsy, voafira famaky, voatoto fanoto ary tsy mba nisy nialana nenina akory na dia ny iray aza, fa teo no ho eo ihany no nahataperan’ny ainy. Teo ambony kianja filalaovana baolina no niseho izany.Namonjy ny Herinandro masina famaranana ny Sambatra tany amin’io tanàna io ny tanora telo mianadahy avy any Mananjary. Maro tokoa ny vahiny tonga tamin’io lanonana io. Tamin’ny sabotsy anefa, nitaintaina ny renim-pianakaviana iray fa tsy hitany izay nalehan’ny zanany mianadahy. Etsy andanin’izany, mahoraka be ny resaka any an-toerana amin’ity resaka hala-jaza ity. Rehefa nitady ela anefa ramatoa dia indreny ny zanany nody ihany. Hay avy nilomano izy ireo. Natahotra ny ho bedy, hono, izy ireo ka nilaza tamin’ny reniny fa saika nisy nangalatra. Rehefa nanontaniana dia nanao hoe olona avy any Mananjary ary anaty lakana, ary dia teo no niantombohan’ny habibiana. Mpanamory lakana no voatondro voalohany. Ireny lehilahy maro nirongo antsy, famaky, kanoto sy zavatra hafa nanatona teny. Tsy nisy fifanazavana fa tonga dia vono no nihatra taminy. Maty teo no ho eo. Olona hafa no efa saika voa fa afaka nandositra.Tsy nijanona teo ny raharaha fa nandeha ireto andian’olona. Tovolahy iray no hitany sy nanontaniana raha avy any Mananjary. Tsy nahalala na inona na inona io dia namaly hoe : eny. Tonga koa dia votsindrona antsy teo amin’ny handriny sy voavely fanoto. Maty tsy tra-drano. Raha nahita izany ny namany iray dia nanontany ny antony. Tonga koa dia voafira famaky. Maty ihany koa. Nisy ankizivavy iray nitomany teo ambonin’ny fatin’izy roa lahy. Nisy nanindrona antsy teo amin’ny tandany. Maty. Tsy vitan’izany fa naboridana ary nositrihana hazo ny fivaviany. Mafana ny raharaha amin’izao fotoana izao ary ahiana ny hisian’ny fifanafihana tanàna samy tanàna.
Tsy misy afatsy ny resaka Ampanjaka no mifanazava izany. Tsy vitan'ny resaka mivarahotsana izany fa mitohy lavabe izany raha tsy mihetsika ny Raiamandreny. Tsy araky ny Polisy izany. Dia loza loatra fa mahita zavatra ratsy ny tanana.
Izany anie izao sarotra alamina be e ! Hitako marina mihitsy ny tenin'i Jean kely io satria sarotra be ny hanaraka "individu" amin'izany ! Fomban-drazana ihany no hitako vaha-olana amin'izany. Dia rehefa mandehandeha koa mba miaraka amin'ny tompon-tany ihany na mba atao fantatry ny Mpitondra ao an-tanàna fa tsy manao touriste fotsiny e ! Marina fa an'ny Malagasy Madagasikara nefa mbola sarotra be ! Indrindra any amin'ny dezaka any !
