Raha nitsidika ny tanindrazana aho dia nitamberina daholo ireny toerana feno rano maloto sy toerana ratsy tsy nisy na inona na inona ireny.Noho ny fivoarana anefa dia lasa feno trano mijoalajoala sy nototofana ilay rano-maimbo ka lasa vita toerana tsara azo hitsangantsanganana mihitsy aza.
Maro no fanamboarana,maro ny ezaka natao vao nahavita izany ary indraindray dia variana ny tena mijery ilay izy satria toa tsy mampino.
Toy izany koa isika, tsy afaka ny hanova ny toetra ratsy isika na ny hafa ihany koa fa Atra irery ihany no manova izany.Ny anjarantsika fotsiny dia ny mivavaka ary ny mangataka Azy mba hanova izany toetra ratsy izany na mivavaka ireo fianankaviana na havana ihany koa.
Mety ny zavatra miantra amin'ny fiainanao,ny zanakao,ny vadinao,ny atetina mahazo anao,ireny rehetra ireny dia natao hiderana an'Atra sy hisaorana Azy satria ao anatin'ny fahoriana sy ny zavatra mitranga dia toa heverintsika fa lavitra antsika Izy.
kanefa ny tena marina dia tsy misaraka na manalavitra antsika Izy
Ary matoky indrindra aho fa izay nanomboka asa tsara tao anatinareo no hahatanteraka izany mandra-pihavin'ny andron'i Jesosy Kristy; Fil 1:6
Inona no toetra tianao hovaina? Mivavaha aminy ary aza misalasala ny mangataka izany fa ataony ho tanteraka
Misaotra Anao izahay Tompo sy Mpanavotra anay izay manova anay tsy ny aty ivelany ihany fa ny ao anatin'ny fanahinay ihany koa .Ampianaro izahay hanaiky sy hanaraka ny didinao hatrany.Amin'ny anaran'ilay Ray mahery no hanaovako izany vavaka izany Amena
