TROMBA. Tena nentin-javatra tokoa ve ilay tovolahy no nahavita habibiana sahala amin’izao ?
Maty nokaikeriny teo amin’ny filahiany ilay zaza
Tamin’ny faha-7 janoary teo no niseho ity zavatra hafahafa ity tany Nantsoina Tsaratanàna any amin’ny faritra Sambava. Nokaikerin’ity tovolahy vao 17 taona monja ny zazalahy kely iray folo volana ary tsy namelany raha tsy maty. Rehefa nanontaniana izy dia nilaza fa ny trombany, hono, no nibaiko azy.
Rémi R.
Rogelin Jaobely no anaran’ity tovolahy ity. Tamin’ny faha- 7 janoary dia nantsoina izy hikapa ahi-dratsy tamina voly vary tany an-toerana. Ny ampitso, izany hoe ny faha-8 janaory rehefa vita ny asa dia nasaina niandry zaza io olona io. Ankizy kely vao 10 volana. Tsy nandà ny anao lahy. Asa anefa izay zava-niseho fa tapitra nokaikeriny ny vatan’ilay zaza, ny orony, ny molony ary niala mihitsy ny ambany, ny heliny ary farany ny ankasarotany. Vokatr’ireo kaikitra ireo dia nitomany ilay zaza. Izany no nanosika ilay tovolahy hanampina ny vavany mba tsy ho henon’ny olona. Avy eo mbola nokendainy ary maty vao nialany. Rehefa hitany fa tsy niaina intsony dia natsipiny tanaty lobolobo ny razana. Avy eo nandositra tany Ambohimalaza izy any amin’ny 30 km avy eo amin’ny toerana namonoany an’ilay zaza.
Rehefa nofotorana sy nanontaniana ilay tovolahy dia nilaza fa ny trombany, hono, no nibaiko azy hanaikitra io zaza io ka niteny taminy hoe: « vonoy io zaza tsara tarehy io ». Tsy hay izay tena fahamarinany. Satria mantsy mety ho nandray zavatra mahery izy ka any amin’ny zavatra hafa no nanilikany ny zava-dratsy vitany.
Midi Madagascar
