Hono hoa ry namana isany, fa maninona no isaky ny misy olana ara-tsosialy, na inona na inona, no toa lazaina sy ankalazaina be fa noho ny fahantrana foana no mahatonga izay?
Voalaza amin'izany:
-Voretra ny gasy noho ny fahantrana....
-Nangalatra ny gasy noho ny fahantrana....
-Nigadra i anona noho ny fahantrana....
-Misy ny tsolotra noho ny fahantrana....

Inona ilay fahantrana? Sa iza ilay fahantrana fa ohatry ny tsy azoko amin'ny maha-donjona anah klé? Azo hazavaian misimisy kokoa ve fa mandrary ratsy saina be aho ka lasa marina ilay théorie mahatsiravina heritreretiko izay hoe: "fialana bala sy andraikitra amin'ny olana iray ny fitenenana hoe ny fahatrana no mahatonga an'io".

Sao mantsy lahy dai zavatra hafa mihintsy tsy misy hifandraisany na tsy mifandray tanteraka amin'ny resaka fahantrana raha karama kely no raisina ohatra. Sao mantsy lahy ka lasa hoe.

raha marina mantsy io theorie-ko io dia mety hijangajanga zah de rehefa tratra de mody ataoko koa hoe "noho ny fahantrana" :-w

Mitovy ihany retsy an!

Hmmm - nisy niteny hoe Tsy misy olona azo atao hoe mahantra - raha izy aza tsy mahatsiaro tena ho mahantra :} (Nezahina nadika teny gasy ar-keviny) Noho izany - na noho ny fahantrana, na tsia no nanaovana zavatra iray, dia miankina amin'ilay olona nanao azy foana :roll:

pissoa, ^:^^:^^:^

Mety misy fihantraikany (relation) @ fahantrana ihany ny fanaovana zavatra tsy mendrika (ratsy na koa zara ra vita). Kanefa ny fahantrana koa tsy miala mintsy ra tsy miezaka ary miova @ fomba fihariana (fahatrana harena no tiako tenenina eo an). Ka ra in-1 ny olona no solafaka, ataoko angamba fa tsy olana be ny mamela izany fa ra toa ka efa lasa "abonnement" kosa ilay izy de izay le hoe toe-tsaina mihintsy ny mampahantra. Ka na mahantra toi na manakarena refa mpijangajanga de otr'izay foana.

Fiezahana zany no tena ilaina be de be e. De mety hoe fisainana kely kou.

:-*:-*

Herimiafina:

-Voretra ny gasy noho ny fahantrana....
-Nangalatra ny gasy noho ny fahantrana....
-Nigadra i anona noho ny fahantrana....
-Misy ny tsolotra noho ny fahantrana....

-Raha tsy nangalatra ve izy nanana izay hilainy ?

-Inona no antony nampigadra azy ?

-Fa maninona manao tsolotra ?

-Fa nahoana ny gasy no voretra ?

Raha tena dinihina ireo volaza ireo de tena misy tokoa aloha ny fahantrana ! saingy ohatra le tolotra !! io ve de hatao hoe nohon'ny fahantrana ? Ny fitiavan-tena oui !!

Marina izany saingy:
-Nahoana no misy olona tena mahantra (araka ny famaritako azy: kely fidirambola, income)kanefa madio fatratra mandro indroa isan'andro ohatra?
-Nahoana no misy olona manana trano sy fiara mandeha lasantsy lafobe isan'andro nefa mangalatra, nefa eo akaikiny misy olona mbola tsy manana izany noho izy tsy mangalatra.
-Maninona no misy ratrema be manana miliara de fmg nefa sady manodikodimbola no migadra?
-Maninona no misy ....sns....

Ny olana dia tsy any amin'ny fisian'ny fahantrana na ny tsy fisiany. tsy any velively.
Ny tena olana dia eo ny fahantrana, kanefa nahoana no isaky izay zava-misy rehetra dai toa tenitenenina be fahatany foana hoe noho ny fahantrana?

Ny olana manaraka: inona ao amin'ny fahantrana sa aiza ao amin'ny fahantrana ny azo hanazavana ilay anton'ilay olana mazava kokoa?

Raha ny tokony ho izy tokony hazavaina sy halalinina kokoa ny antonjavatra na ny contexte.

Matoa mantsy rakoto tatsy andrefana ohatra namono olona mety nisy nandrangitra ady taminy tao na nanompa razana azy fa tsy voatery hoe noho ny fahantrany no namonoany olona.

matoa ratrema miliaridera mbola tratra nangalatra dia mety tsy afampo amin'izay efa nananany sy nomena azy izy fa nialona an-Rabe manana BMW dia mba te hanana koa. Tsy fahantrana izany amiko! :roll::-w

Tena misy fandrefasana an'io mihitsy ao amin'ny UN sy ireny organisation mikarakara momba ny fikarkarana ny firenena mahantra ka. Saingy hatramin'zao dia mbola tsy afapo amin'ilay systeme ry zareo fa mbola mitady foana fomba tsaratsara satria toa tsy etna mahateny azy ilay anana-dry zareo ao. Mianatra an'io koa ny economist fa tena dadany io fahantrana io. Tsy vitan'ny resaka moramora tokoa.
Fa ny zavatra rehetra dia miodikondina manodidina an'ireto
-Tontolo iainana (natiora sy harena ankibon-tany) mahantra sa manankarena?- tafiditra ao ny sakafo miditra ao an-kibo.
-Fanabeazana sy fahaizana mampiasa ati-doha: Ny fiharina-karena sy ny asa ary ny fitsinjovana ny ho avy.
-Ny fahasalamana.
- Ny politika: tafiditra amin'io koa ny finoana.

Raha vao be olana amin'ireo ny firenena iray dia hita fa mahantra izy na fahantrana no mianjady any ka ny olona no ianjadiany voalohany.

de toute façon , aiza no misy firenena tsy hahitana fahantrana ? na olona mahantra ? possible ve zany ? Misy hiany anefa zavatra hatao , tsy mety io an! nohon'ny fahantrana saingy no nahatonga nanaovana azy ! saingy bdb koh tsy misy idirann'ny fahantrana !

Faly miarahaba antsika indray ny tenanay. Ela be tokoa izaho izay no tsy teto intsony, dia iny fa miverina indray. Nanitikitika ahy tokoa ity lohahevitra nentin'i Herimiafina ity. Ny fahantrana aloha raha ny nahitako azy tamin'ireo boky, lahatsoratra... maro nivoka dia tsy fahampiana zavatra iray ao amin'ny olona iray na ao amin'ny tany iray... Io tsy fahampiana io dia tsy voatery eo amin'ny lafiny vola sy harena ihany fa mety ihany koa resaka fihetsem-po, resaka ara-tsaina.
Raha dinihina ny fahantrana eo amin'ny lafiny ara-materialy de tena misy tokoa saingy tsy tokony izay no antony anaovana izao tsy mety rehetra izao.
Raha izay manko no mitranga dia hilaza mahantra daholo ny olona rehetra ka anao ny tsy mety rehetra.
Tohizana rehefa kelikely fa maika hiantsena kely.

kolokanto ^:^^:^^:^

Tohiny, isika ihany matetika no mahatonga ny tenantsika hahantra. Ohatra ireo 4mi aty an-drenivohitra, milaza fa mahantra tsy mana-trano, tsy manan-koanina: safidy anie ny an-drizareo ny hiakatra aty an-drenivohitra e! Mieritreritra zareo hoe moramora ny fiainana an-tanandehibe, indrisy! Raha toa izao ka mba nijanona tany @ faritra nisy azy avy izy ireo na atao hoe haka kitay any an-tsaha sy haka anana dia eny an-tsaha aza velona! Mampalahelo fa sodokan'ny rendrarendra. Dia inona avy eo no lazaina? Mahantra izahay ka izany no mampangalatra anay, mampivaro-tena anay....
Lasa fialana ilay fahantrana!
Ilay fahantrana izay antony iray tokony entina miotra sy miezaka lasa fihalangalanana sy fialana hanaovana ny ratsy rehetra.

clap clap ho an'i Kolokanto

Misaotra anareo ry namana malala isany namaly ny fanontaniana. mahafampo tokoa ny valiny satria manome làlam-pikarohana ho ahy. Ireto indray ary ny fanamarihako kely dia kely:

Momba ny voalazan'i soanja:
Misy tokoa hatramin'ny taona 60 ny institut iray ao anatin'ny UN, ny PNUD marimarina kokoa nanitatra ny famaritana ny atao hoe fahantrana ary nikaroka indicateur (index) iray izay mamehy index maromaro (fanabeazana, fahasalamana, vola miditra, fandriampahalemana, sns....) hahafahana mandrefy ny fandrosoana amin'ny tany iray. tsy nanaiky intsony firy ny resaka PNB sy PIB tokana monja handrefesana azy io mantsy ry zareo rehefa nahita fa ny "fahantrana dia tsy resaka niveau fa resaka possibilité" Amartya Sen (Nobel Prize 1999, harvard Economic School).

Saingy izao kosa, ny olako mampiasa ny saiko dia tsy io famaritana io loatra na ny filazana fa complex (systémique) ny fahantrana ka mamokatra olana sosialy maro. Satria marina dia marina izay voalaza izay.
Ny olako dia ny inverse, izay manao hoe "ny olana rehetra mitranga dia noho ny fahantrana avokoa".

Hoy mantsy ilay prof-nay izay, "If you wanna ignore a problem, just say it's poverty, that's all!". Mbola nampiany hoe "Fahiny ny sociologue sy ny economist nampiasain'ireo mpanjanaka rehefa tsy mahita fanazavana matanjaka mikasika ny pratique na phenomene sociale iray dia nataony hoe "it's tradition"".

Manaiky tanteraka aho fa: "ny fahantrana araka ny famaritan'ny PNUD no mitarika olana ara-tsosialy maro". Saingy mbola somary manitikitika ahy ny saiko raha hiteny ny inverse hoe "ny olana ara-tsosialy maro dia noho ny fahantrana".

Satria ity farany toa fialana-bala araka ny tenenin'i kolokanto fotsiny. :wink:

ny anisan ny nahatonga ny fahnatrana koa raha ny tantra de ny fangalan ny manakarena ny herin tsandri ny tany mahantra @ zao fotoana zao.ohatra ny resaka fanandevozana..ka ne hiezaka aza de ao ambadika fona ny tany tavaratra rehetra .jereo fotsiny hoe mahaloe tena nefa matetika na taratasy fostiny.ny tantara mahintsy no nisy tsy nety fa tara 2 siecels be zao ny tany tatsimo .;-);-);-);-)

HM> Rehafa mamaritra ny fahantrana ianao dia ireo index ireo voafaoka be no hita ao fa tsy afaka mamaritra fahantrana ankoatr'ireo aloha ianao izao, saingy io efa voafaritra io koa anefa tsy ampy ary tsy nahafapo. dia mbola mitady ny UN hoe iza no afaka manome ny tena mamatra azy na hoe ny handrefesana azy tsaratsara kokoa hoe "Inona no atao hoe FAHANTRANA ary ahoana no fisehony." Ka ireo nomenao ary ambony be amiko dia fisehony fa tsy antony. Fa ilay antony "Fahantrana dia ireo voalaza etsy ambany hoe tsy fahampiana fanabezana snsns..."
Ny possibilite lazainao io aloha dia miankina amin'ny tantara nisy io. Izany ny mahatonga ny "Affirmative actions" sy ny fanonerana ara-batsim-pianarana sns satria FANTATRA ny tantara.
Ka amiko Fahantrana = vokatrin'ny Tantara nianjady + tsy fakana lesona.

Misaotra betsaka an'i soanja! :-*
Io resaka fahantrana io efa mazava tsara amiko araka ny fanazavanao azy teo kah.

Fa ny olako dia ity: "fa maninona no isaky ny miresaka olana ankehitriny tonga dia lazaina foana fa noho ny fahantrana no mahatonga izany?"

Générale be izay reponse izay amiko satria misy lafiny anakiroa tokony hazavain'ilay olona miteny amiko izany:
1-Inona no tiany hambara amin'ny hoe fahantrana? Resaka vola amankarena ve sa resaka fanabeazana sa resaka inona marina.
2-Amin'ny fomba ahoana no ifandraisan'ny olana iray resahana amin'ny famaritany ny atao hoe fahantrana.

Tsy dia tiako mantsy ilay miresaka dai tonga dai baorikena fotsiny hoe "fahantrana no mahatonga anio" nefa mety tsy hitovy akory ny perception ny antsoina hoe fahantrana eo amiko sy eo aminy.

Raha ny fomba itenenany azy mantsy dia "criminels daholo, na fototry ny olana aratsosialy rehetra ny mahantra" (perception-ko ny zavatra tenenina amiko io). :wink:

Herimiafina:

Misaotra betsaka an'i soanja! :-*
Io resaka fahantrana io efa mazava tsara amiko araka ny fanazavanao azy teo kah.

Fa ny olako dia ity: "fa maninona no isaky ny miresaka olana ankehitriny tonga dia lazaina foana fa noho ny fahantrana no mahatonga izany?"

Générale be izay reponse izay amiko satria misy lafiny anakiroa tokony hazavain'ilay olona miteny amiko izany:
1-Inona no tiany hambara amin'ny hoe fahantrana? Resaka vola amankarena ve sa resaka fanabeazana sa resaka inona marina.
2-Amin'ny fomba ahoana no ifandraisan'ny olana iray resahana amin'ny famaritany ny atao hoe fahantrana.

Tsy dia tiako mantsy ilay miresaka dai tonga dai baorikena fotsiny hoe "fahantrana no mahatonga anio" nefa mety tsy hitovy akory ny perception ny antsoina hoe fahantrana eo amiko sy eo aminy.

Raha ny fomba itenenany azy mantsy dia "criminels daholo, na fototry ny olana aratsosialy rehetra ny mahantra" (perception-ko ny zavatra tenenina amiko io). :wink:

Hay zay vao azoko ny tian'i HM resahina.
Raha izay izany dia miankina amin'ilay olona iresahina sy ny intelligence-ny ,zavatra resahina eo raha io foana ny valiny ary ny attitude-ny.
Raha misy manontany hoe :"Mba maloto na voretra koa ity toerana ity?" dia ny valiny hoe "Satria mahantra ny Isika"/
Ny fahitako an'io dia te hiala andraikitra izy. Ary tsy lasa lavitra ny asan'ny sainy satria tsy afaka maka decision hanatsarana ilay situation ary farany dia manaiky izay efa misy. Na hoe "inona no azonao atao fa dia voretra izany ny gasy koo."
Miala tsiny mantsy aho raha hilaza fa ny hakamooana dia naman'ny havendranana koa.

Izay mantsy hoa retsy ry soanja! :-*

Ny lafiny anakiray hitako ihany koa dia izao:
Marina fa systeme complexe ny fahantrana ary zavatra maro be mifandraindray raha ny famaritana azy ankehitriny.
Marina ihany koa fa mety misy ifandraisany amin'ny olana ara-tsosialy iray.

Saingy matetika rehefa tsy te hiditra lalina, na ampiasa saina marina, ampiseho ny responsabilité sy ny implication ao anatin'ilay olana dia ampidirina tampoka io resaka fahantrana sy ny complexité-ny io.

Ity misy scenario anakiray:
Olona cleptomane, manankarena nefa tia rairay sy mangalangalatra.
Raha tsy teneninao izao ilay hoe cleptomane ilay olona dia tonga dia conclusion rapide no henonao hoe "ny fahantrana no mahatonga azy mangalatra, na tsy hita fa mahantra ny tany ka aiza ny olona no tsy hangalatra, sns....".

Nefa dia cause simple toy ny "cleptomanie" no mahatonga ilay comportement mangalatra fa tsy dia hoe inona loatra.

-Mety ho valable io amin'ny resaka exclusion sociale, racisme, sns....
-Mety ho valable ihany koa amin'ny resaka corruption, sns....

HM,^:^^:^^:^^:^

Misaotra anareo...

izaho koa anefa mahita fa ny harena aza lozabe noho ny fahantrana:

-Voretra ny gasy sasany vokatry ny harena....
-Mangalatra ny gasy sasany vokatry ny harena....
-Mamono olona i anona vokatry ny harena....
-Misy ny tsolotra noho ny fananan-karena....