Izaho dia anisan'ny mpikambana voalohany indrindra tao @ io chorale io. Ao amin'ny Fg FJKM Ziona Vaovao Mahajanga no misy azy. Mpitandrina tao ny raiko ny taona 1968 -1978.Fantatrao ve ? Efa nisy chorale tao taloha, tsy haiko izay naharava azy fa t@ 1974 indray natsangana izy ka ny Tanora Zokiny sy Tanora zandriny t@ izany fotoana no nitambatra. Izaho no zandriny indrindra tao t@ izany. Ireto avy ny mpitarika nifandimby sy ireo mpitendry zava-maneno niaraka taminay tao : Rémi Andriantsoavina, Marc Raveloarijaona, Jean Razafindrajery, Heritsimba Ramarokoto, Emile Rakotonarivo, sns... T@ 1976 no nitondrany voalohany ity anarana Feo Mahafalin'i Ziona ity. Loko mavo (jaune poussin) ny akanjo ambony, ary marron ny jupe sy pataloha t@ tenue. Noho ny toe-javatra teo an-tanàna (adin'ny komoriana sy malagasy) t@ faran'ny taona io anefa dia nikatona ny Fiangonana nandritra ny fotoana vitsivitsy ka voatery nihemotra taty amin'ny 6 février 1977 ny fanokanana ny chorale, araka ny anarany vaovao sy ny fanamiana.Hira faneva t@ izany noforonin'i Mr Heritsimba Ramarokoto ny hoe : "Mihirà ry Feo Mahafalin'i Ziona ô!". Betsaka ny azo ambara fa raha sitrakao dia manorata aty aminay e! alalan'ny fiderana azy. Fa tsara ny mihira ho an'Andriamanitsika.
