Efa tao anaty fahasahiranana lalina ny vahoaka tamin\'izany. Tsy afa-nikofoka anefa satria heverina ho fahavalon\'ny tolom-piavotana na mpanoha-riana raha nitaraina. Nisy ihany ny nanao izany fa nanirahan\'ny fanjakana ny andian-jiolahiny nitoby tao @ toby pochard antsiona hoe TTS. Isaky izay mitady hitroatra ny vahoaka dia ny vetmad sy ny namany ao analakely hatrany no vaky voalohany. Niainga tao amin\'ny toby pochard izay efa tsena ankehitriny hatrany izany fanafihana izany.
Nirehareha aok\'izany ireo andian-jiolahy antsoina hoe TTS ireo satria na dia ny fiaran\'ny polisy aza dia azony \"confisquer\"-na hanafihana trano.
Tsy nisy hery mitambatra afaka ny hanohitra ny TTS intsony satria ny mpitandro ny filaminana tamin\'izany fotoana izany aza tsy mahazo mikasika azy ireo. Tsy henatra intsony fa izay tovovavy mahafinaritra azy dia kidnapper-ny ary aolany; ary tsy izay ihany fa tsy avelany mody intsony fa lasa \"vadiny\" tao @ toby pochard tao; vadin\'izy rehetra fa tsy hoe vadin\'ny anankiray ihany, dia iterahany ao e!
Tetsy akilan\'izany kosa tsy nahazo alalana hijoro ny kung-fu (wisa ankehitriny) satria tsy nanaiky ny hanofana ny mpiandrin\'ny prezidà (\"resep\") ny maitre pierre be. Lasa endri-panoherana vaovao nirohotan\'ny maro ny kung-fu. Feno azy rehefa elakelan-trano sy ny vaza-mototra rehetra io.
Napetraka ny fitsipika tao anatiny fa izay manjo ny iray amin\'ny mpikambana dia toy ny manjo ny fikambanana iray manontolo.
Tonga ary ny faraparan\'ny taona 1984, notafihan\'ny TTS ny mpivaro-kena iray tao Anosibe; nirehareha ny mpanafika fa rehefa tsy faly manatona ny toby pochard. Ny tsy fantatr\'ireo TTS ireo dia kung-fu ranamana notafihiny. Niharihary tamin\'izany fotoana izany, tsy miafina intsony fa tena tao @ toby Pochard no niaingan\'ny fanafihan-jiolahy rehetra teto Antananarivo sy ny manodidina.
04 desambra 1984, nivondrona avokoa ny kung-fu rehetra hanafika ny toby pochard. Nandriaka ny ra, \"saiky\" maty tao anatin\'ny fanafihana avokoa ireo TTS ireo. Ny sary nanamarika izany fanafihana izany dia ilay lehiben\'ny TTS saiky hihoatra ny fefin\'ny gara saingy voasaringotry ny vy ny akanjony; notrobaran\'ny kongona iray ny sabatra izany lehilahy izany ary teo no maty. Resy tanteraka ny kung-fu.
Vokatr\'izay na nifanindran-dalana tamin\'izay, nifanolana hatrany ny polisy sy ny kung-fu. Raha nisy ny kung-fu nosamborin\'ny polisy dia takian\'ny fikambanana ny famotsorana azy. Efa lasa endri-panoherana fanjakana tanteraka ny kung-fu. Natahotra tanteraka ny fanjakana satria nisy ny hery afaka nihaika azy.
31 jolay 1985, nantsoina hanatanteraka iraka ara-miaramila ny 2°RFI Antsiranana. Toerana hotafihina, tanàna iray tao Amboditsiry. Vokany anjatony ny kung-fu maty tamin\'izany fanafihana izany. Marihina fa tank mihitsy no nanafika ny kung-fu tamin\'izany fotoana izany. Andro manaraka izany, nosavaina avokoa ny kibon\'ny olona rehetra sao misy fehikibo misy tavoahangy kely nampiavaka ny kung-fu. nosamborina sy nogadraina izay tratra. Ny miaramila mihitsy no nandray an-tanana ny raharaha.
Marihina fa toy ny mahazatra rehefa misy ny zavatra toy izao dia tsy teto an-toerana ny filoha hajaina Didier Ratsiraka.
Ahoana, mbola ampiana ve?
34 taona aho izay manoratra an!
