Halina ny andro tamin'izay, teo amin'ny 1 maraina teo ho eo. Iny rangahy iray somary efa mamomamo midoladola hamonjy fodiana, avy nisotrosotro satria avy nandray karama.
Kinanjo anefa nony tonga teo amin'ilay kihon-dalana somary maizimaizina iny, dia indro nisy feo nibetroka avy ao aoriana:"Aina sa vola razoky e!" . Nitodika ny anao lahy ka indro tovolahy ranjanana efa-dahy manodidina azy miaraka amin'ny antsy lava lela. Tokana moa ny aina ka dia nomena ny vola kely karama mba tany am-paosy.
Avotra aloha teo, dia nanohy ny diany ihany rangahy, kinanjo efa ho zato metatra tsy ho tonga ny trano dia nisy nanakana indray: "Aina sa vola ra-dada an!" Dia hoy ny anao lahy namaly: aina leitsy sisa fa ny vola efa lasan'ny namanareo tatsy aloha tatsy. :lol:
Tohiny:
Nony tonga tao an-trano anefa dia indro ramatoa miandry eo afovoan-trano miaraka amin'ny tahon-kofafa. Mbola saika hipetraka haka aina rangahy sady hitantara ny nanjo azy dia tonga ny fanontaniana: "Aiza ny vola??" hoy ramatoa. "Lasan'ny mpanendaka" hoy rangahy niboredika. Hanky va re hoy ramatoa: "laninao tany amin'ny toaka sy ny vehivavy tany ny vola ka hoe lasan'ny mpanendaka a lasan'ny mpanendaka, heverinao fa adala angaha izaho ka hino an'izany? Inona izao ny heverinao fa hamelomana ireo zaza ireo: hovokisana inona ny zaza aminao? bozaka an? Lehilahy tsy vanona an" sady nanomboka ny vely kofafa sy ny vono nataon-dramatoa. Daka izao, vono izao, "mifona e, mifona e" hoy rangahy." Tsy misy izany mifona mifona izany" hoy ramatoa sady mitohy ny vely kofafa.
:lol:
tena mampalahelo ndray lery fa sady efa vôendaka mbola vôlakon' ny mpanendaka de mbola vôlakon' madama inahy avy eo.
Tandremo ny tôka am' manaraka razoky é! :-D :-D
soa ary fa mbola fantany ny dikan'ilay fanontaniana hoe "aina sa vola"! loza raha tena efa lasa lavitra lery de mamaly hoe aina sa vola d inn koa, i grity sa rasoa mbela tery fa pede daholo! nenà i ramatoako miandry ahy ao an-trano! aina sa vola a aina sa vola!
