Na izany aza mba hampahazava ny fon'ny mpamaky sy mba hanitsy anao ihany koa raha mety ianao dia aleo valiana ihany ity teneninao ity....
1 Ny didy folo dia tsy mahafaty fa manome fiainana mandrakizay:
Hoy Jesosy hoe : « Fa hoy Jesosy taminy: Nahoana Aho no anontanianao ny amin'izay tsara? Iray no tsara*; fa raha te-hiditra any amin'ny fiainana ianao, tandremo ny didy.[*Na: (Nahoana Aho no ataonao tsara? Tsy misy tsara afa-tsy iray ihany dia Andriamanitra.)] » (Matio 19:17)
« Hoy ralehilahy taminy: Inona avy moa? Dia hoy Jesosy: Ny hoe: Aza mamono olona, Aza mijangajanga, Aza mangalatra, Aza mety ho vavolombelona mandainga, » (Matio 19:18)
Vakio tsara fa didy folo ireo tanisain'i JEsosy ireo ary nambarany eny aloha fa ny fitandremana ireo no antoka hidirana ao amin'ny fiainana.....
2 « Fa raha ny fanompoana nitondra fahafatesana aza, izay voasoratra teo amin'ny vato, no nisy voninahitra, ka ny Zanak'Isiraely tsy nahabanjina ny tavan'i Mosesy noho ny voninahitry ny tavany izay nihalevona, » (2 Korintiana 3:7)
Ilay "soratra" voasoratra teo amin'ny "vato" no mahazo tsiny eo (iny ilay soratra ivelan'ny olona) iny ilay novonoina araka ny « ary novonoiny ny sora-tànan'ny didy izay niampanga antsika; dia nesoriny tsy ho eo mihitsy izany ka nohomboany tamin'ny hazo fijaliana, » (Kolosiana 2:14)
Fa novaina natao Soratra anatiny kosa ilay izy ao amin'ny fanekena vaovao (iny didy iny ihany fa saingy tsy natao soratra ivelany intsony fa novaina ho soratra anatiny) « "Izao no fanekena hataoko aminy, Rehefa afaka izany andro izany, hoy Jehovah: Hataoko ao am-pony ny lalàko, Sady hosoratako ao an-tsainy," » (Hebreo 10:16)
3 « Ary izaho dia velona tsy nanan-dalàna fahiny; fa rehefa tonga kosa ny didy, dia velona indray ny ota, ka dia maty aho. » (Romana 7:9)
Ny atao hoe "famonjena" dia fanesorana ilay OTA tsy ho ao anatin'ny olona intsony....« Ary fantatrareo fa Izy no naseho hanaisotra* ny ota; ary tsy mba misy ota ao aminy. [* Na: hitondra] » (1 Jaona 3:5)
Tsy ilay didy akory no ratsy na koa hoe mahafaty.....« Inona ary no holazaintsika? Ota va ny lalàna? Sanatria izany! Kanefa tsy nahalala ny ota aho, raha tsy tamin'ny lalàna, satria tsy fantatro akory ny fitsiriritana, raha tsy ny lalàna no nanao hoe: Aza mitsiriritra (Eks. 20. 17). » (Romana 7:7)
« Koa ny tsara va no nahafaty ahy? Sanatria izany! Fa ny ota no nahafaty ahy, mba hiseho ho ota; fa ny tsara no nentiny nahafaty ahy, mba ho tonga ota indrindra ny ota noho ny nataon'ny lalàna. » (Romana 7:13)
Vakio tsara fa hoy ny teny eo hoe Koa ny tsara va no nahafaty ahy (ilay didy no tiany tenenina eo)? Sanatria izany!
Ilay ota no mitondra fahafatena fa tsy ilay didy......Nefa rehefa voavonjy ny olona iray dia ny zavatra ataon'Andriamanitra voalohany dia ny fanesorana ilay ota tsy ho ao anatin'ilay olona ao intsony...
4 - 1KOR,15:56 Fa ny ota no fanindronan'ny fahafatesana; ary ny lalàna no herin'ny ota.
Zaraiko 2
1 Fa ny ota no fanindronan'ny fahafatesana (manamafy ilay voalazako ery ambony hoe tsy ilay didy akory fa ilay ota no mitondra fahafatesana....
2 ary ny lalàna no herin'ny ota. mitombina io raha ohatra ka mbola misy ota (tsy nandray famonjena) ilay olona fa rehefa nandray famonjena kosa ilay olona dia tsy misy ota intsony ao anatiny..........
5 « fa tao amin'ny nofony no nandravany ny fandrafiana, dia ny lalàna nisy didy natao hotandremana, mba hanakambanany antsika roa tonta ao amin'ny tenany ho olom-baovao iray, ka hanaovany fihavanana, » (Efesiana 2:15)
Efa nazavaiko io, ovaina lasa olom-baovao ilay olona (lasa mandeha araka ny lalàna sy ny fitsipiny) noho ilay soratra anatiny fa tsy ivelany tahaka ny taloha intsony....Nohon'ny Fanahy Masina izay manova ny fon'ilay olona tanteraka mihitsy mba handeha araka ny lalàna sy ny fitsipika izay nataon'Andriamanitra.....« Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo. » (Ezekiela 36:26)
« Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy. » (Ezekiela 36:27)
Ilay olombaovao resahina ao amin'ny efe.2:15 io dia tsy iza akory fa ilay kristy velona ao anaty « Voahombo miaraka amin'i Kristy amin'ny hazo fijaliana aho, ary tsy izaho intsony no velona, fa Kristy no velona ato anatiko; fa izay ivelomako ankehitriny eo amin'ny nofo dia ivelomako amin'ny finoana ny Zanak'Andriamanitra, Izay efa tia ahy ka nanolotra ny tenany hamonjy ahy. » (Galatiana 2:20)
rehefa Kristy no velona ao anaty dia lasa manana fiainana mitovy amin'i Kristy ilay olona (lasa olomarina) tsy mahay manota (tsy mahay mandika ny sitrapon'Andriamanitra....
Ka tsy fiteny koa hoy aho izany hoe didy folo mitondra fahafatesana izany....Tsy ny didy no mitondra fahafatesana fa ny ota « Koa ny tsara va no nahafaty ahy? Sanatria izany! Fa ny ota no nahafaty ahy,(Rom.7:7a)
Koa tandremo tsara re ny fomba fiteninareo RA TAN an, eto izao i rhajo dia efa mametraka fanontaniana sahady hoe raha maninomaninona ny reninao izany ianao (na koa hoe ny anabavinao) dia tsy misy bedy io fa mandeha ho azy daholo??????
Ilay fomba fiteninareo mihitsy no misy diso.....Tsy fiteny ny hoe RAVA NY DIDY FOLO, tsy fiteny koa ny hoe ny didy folo mitondra fahafatesana sns.....Ka ahitsiho re fa sao dia hanenenana e!
