Misy hevitra mizara roa ny fieritreretana ny fiainana aorian'ny fahafatesana.

Hevitra voalohany
Tsy misy fiainana aorian'ny fahafatesana = Tsy misy fanahy tsy mety maty fa rehefa maty ny olona dia maty ny fanahy ary miandry ny fitsanganan'ny tena amin'ny maty amin'ny fitsarana farany.

Hevitra faharoa
Misy ny fiainana aorian'ny fahafatesana = mino ny fanahy tsy mety maty

Eto dia mbola mizara 3 indray:
1) Izay maty tonga dia miakatra any an-danitra avokoa ny fanahiny
ireto indray dia tsy mino ny fisian'ny afobe sy ny demonia ary milaza fa zanak'Andriamanitra avokoa ny olona rehetra.

Izay maty dia na mankany amin'ny helo na mankany an-danitra ny fanahiny
ireto dia mino ny fisian'ny afobe sy ny Paradisa ary ny fitsaran'Andriamanitra.


Izay maty dia mivezivezy ety ambony tany ny fanahiny mandrapahatongan'ny fitsarana farany
Ireto dia manazava ny fisian'ny matoatoa sy ny angatra sy ireo phénomène paranormaux maro.

Aiza ho aiza amin'ireo ny inoanao dia mba ampio tsindrim-panazavana raha sitrakao, ary raha tsy amin'ireo dia manasa anao hanazava ny hevitrao.

Ilay voaloha fa tsy misy ilay fitsarana farany.

Afobe = fampitahorana ohatra ny kakabe sola tamin'ny taloha

sitlo:

Ilay voaloha fa tsy misy ilay fitsarana farany.

Afobe = fampitahorana ohatra ny kakabe sola tamin'ny taloha

Misaotra namana, iray aloha izay ho an'ny hevitra fa tsy misy ny afobe sady tsy misy fitsarana farany, fa mba mangataka fanampim-panazavana kosa e!

Manohana ny hevitr'i Sitlo.
Ilay anganongano dia mifototra amin'ny lasa ka izany no mahafaty ny fanahy izay nanangona izany fa izay tsy mety maty sisa no miandry ny fiainana manaraka aorian'ny fahafatesana : io ilay ankehitrinin'ny fanahy na fofon'ain'Andriamanitra izay nomena antsika tsirairay avy ivelomantsika sy hananantsika fiainana mandrakizay.

Eto ny sasany dia mavesatry ny angano ka sarotsarotra kokoa ny fanadiovany ny tenany fa ny sasany kosa dia tsotra toy ny zaza ary tsy mihevitra izay angano taloha tany ary mora ny fizotrany amin'ny fiainana manaraka sy ny mandrakizainy.

2 sy 0 izany ohan'ny ireo manohana fa tsy misy ny helo sy ny fanahy tsy mety maty.

hoy ny baiboly Kato:
"4 Ahy ny fanahy rehetra, na ny fanahin'ny ray, na ny fanahin'ny zanaka, samy ahy avokoa, ka ny fanahy izay manota, dia izy no ho faty. " Ezek 18:4

Diso fihevitra kosa i Jajajaly fa ireo maty fanahy mbola velona no lazaina eto, rehefa tratran'ny fahotana ny fanahy dia maty ka izay no ilana ny fibebahana mba hananana ny Fanahy Masin'Andriamanitra.
Aleo ny maty handevina ny maty ao aminy hoy Jesosy.

Velona Jesosy!

Raisiko ilay hevitra voalohany, fa somary hidirako lalindalina kokoa ary asiako fanampiny :
- Misy karazany roa ny fahafatesana raha ny voalazan'ny baiboly :
1- Fahafatesana "voalohany" izay hialantsika amin'izao fiainana ara-nofo izao. I Kor 15/53
2- "Fahafatesana faharoa" izay lazain'ny baiboly fa hiafaran'i Satana sy ny forongony. Apo 21/08

- Misy karazany roa koa ny fitsanganana amin'ny maty amin'ny fiafaran'izao ttlo izao :
1- "Fitsanganana voalohany" natokana ho an'ireo izay maty ao amin'i Kristy I Tes 04/16, izany hoe ireo izay tena kristiana faritan'ny Soratra Masina hoe "...tsy izaho intsony no velona fa Kristy no velona ato anatiko" Gal 2/20, misokajy telo izy ireo araka ny Soratra Masina : Ireo voafidy manokana hiara-mitsara amin'i Kristy (144.000 no isany) Apo 07/04 - Apo 20/04a, ireo izay nijaly sy maty martiora noho ny filazantsara Apo 20/04b, ary ireo izay tsy niankohoka tamin'ilay bibidia sy ny sariny (Satana) na nandray ny mariky ny bibidia Apo 07/09 - Apo 20/04c.
2- "Fitsanganana faharoa" hitranga aorian'ny arivo taona. Fitsanganana ho amin'ny fitsarana ireo izay tsy nahalala an'i Kristy (ireo izay velona tany amin'ny testamenta taloha) ka hotsaraina araka ny asany Apo 20/12-13, sy ireo avy amin'ny firenen'i Goga sy Magoga Apo 20/08.

NB :
- Ny hoe matoatoa, angatra, fahitana havana na olona efa maty, trano masia-dolo, razana mitahy, sns ... dia tokony hitandrina isika fa tsy iza fa Satana avokoa no ao ambadik'ireny.
- Ny hoe tsy misy ny helo na afobe dia mba miangavy antsika aho handinika ireto andalan-tsoratra Masina ireto :
" ary raha nisy tsy hita voasoratra teo anatin'ny bokin'ny fiainana, dia natsipy tany amin'ny farihy afo izy" Apo 20/15
" fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainbga rehetra dia hanana ny anjarany any amin'ny farihy mirehitra afo sy solifara; izany no fahafatesana faharoa" Apo 21/08.
inona ary ity hoe farihy mirehitra afo ity?
Mazotoa mamaky baiboly avokoa!

Tsara be ity resaka ity satsia zavatra tsy maintsy hiseo na ho ela na ho aingana!
Ny azoko ambara ny @ fiainana ao aorian' ny fahafatesana dia toy izao: Ny fahafatesana no mamarana tanteraka ny fiainana eto an-tany na tsara io na ratsy! io fahafatesana io dia fisarahan' ny nofo sy ny FANAHY, ka ny nofo miverina ho vovoka fa ny FANAHY kosa miverina any @ ilay nanome azy dia ANDRIAMANITRA izany( vakio ny Baibolinao), midika izany fa ny olona iray raha vao miala aminy ny FANAHINY dia avy hatrany dia miaona mivantana amin' ANDRIAMANITRA ny fanahiny, ra vita fihavanana t@ A/tra io olona io t@ izy mbola velona dia tsy ho tampoka aminy izany fihaonana mivatana amin'A/tra izany fa hijinja ny voa tsara nafafiny izy ary dia ho sambatra mandrakizay, ra tsy mba nahafantatra an' A/tra kosa ilay olona dia loza aminy io fihaonana amin' A/tra io satsia hijinja ny tsy fahafantarany an' A/tra izy manomboka eo ary dia hijaly sy ho fadiranovana mandrakizay izy manomboka eo!
Azo adika ho toy izao ny fahafatesana: TAPITRA NY VETIVETY ary MANOMBOKA NY TSY MISY FAHATAPERANY izay fantatra @ teny hoe: MANDRAKIZAY,MANDRAKIZAY.....! ary efa voalazan' ny Baiboly izany manao hoe: NY LANITRA sy ny TANY ho levona fa ny teniKO tsy mba ho levona, milaza ihany koa ny Baiboly hoe: Mandalo izao fiainana izao sy ny filany fa izay manao ny sitram-pon' A/tra no maharitra mandrakizay!
Ny faharoa dia toy izao indray: Misy andro iray efa natokan' A/tra hitsarana ny olona rehetra na iza na iza, ny efa maty dia hitsangana, ny mbola velona kosa avy dia hiaran' izany fitsarana izany, samy hamoaka ny maty tao aminy ny zavatra rehetra araka ny lazain' ny Baiboly, toy ny ranomasina, ny fasana rehetra, sy ny sisa rehetra!
Ny fahatelo dia :Hijinja ny valin' ny asany avy ny olona rehetra refa vita ny fitsarana azy!, ary efa samy misy toerana natokan' A/tra ho azy avy ny olona rehetra nefa miankina be dia be tamin' ny asa vitany izany toerana nomanin' A/tra ho azy izany! Io dia lazain' ny Baiboly fa :Izay namafy rivotra dia hijinja tadio!
Hoanao izay mamaky ity hafatra ity dia diniho tsara ary fantaro fa tsy angano akory ireo zavatra voalaza ireo fa ny Baiboly no milaza izany fa tsy misy noforonina!

Le voaloany no izy, mazava ny soratra masina fa fakafakao tsara ra mba misy fotoana nareo, Andriamanitra no mahalala an'izany fa tsy foronina etsy sy eroa fotsiny, miteny mazava izy ao @baiboly fa ny maty tsy mahalala na inona na inona, nampitoviny @torimaso lalina zany, tsy misy eritreritra, tsis asa, tsis fikasana any@fasana, tsy afaka manisy ratsy olona na manao tsara olona ny maty, ny vatantsika no antsoin'ny baiboly oe fanahy fa tsy miala ao iny refa maty sika, fa ny aina miala ao no miverina mankany @andriamanitra, iny aina iny no hananganana an'ilay olona indray rehefa tonga le fotoana hananganana ny maty rehetra, raha velona sy misy fiainana aorian'ny fahafatesana dia efa nilaza an'izany ry lazarosy sy ny tariny zai efa maty natsangan'i Jesosy, ts ilaina koa ny fitsanganana @maty ra izany no izy, ny helo sy ny afobe tsy arabakiteny, midika oe fianantsihita na fasana ny afobe ao@baiboly fa lovantsofina fotsiny le oe mijaly any@afobe ny maty sasany, le oe manangatra i Rakoto na Rabe, tsy le olona maty reny fa reo anjely ratsy nivadika antsoina oe demonia no maka endrik'olona mba hamitahana ny olona fa mbola velona ny maty, reo demonia reo no miaramilan'i Satana Devoly fahavalon'Andriamanitra, mazava tsara ngamba zay, horinganin'Andriamanitra tsy oela i Satana sy irey demonia reo miarak@ olona tsy mety miova sy tsy manao ny marina, efa miaina @andro farany sika zao, ny fahafatesana koa no fahavalo farany horesena ka afaka hiaina mandrakizay @paradisa eto antany ny olona mankato rehetra miaraka@reo hatsangana@maty, mazava ny lazain'ny baiboly fa ampamoahana @zai rehetra ataony ny olona any am-parana, misy ny fitsarana ny olona rehetra, tsy mitovy mitsy ny manao ny marina sy tsy manao ny marina, so diso hevitra sika, raha misy mitady porofo andininteny ao@baiboly @reo zavatra lazaiko reo de omeko azy somatsara, zai fa @manaraka ndray;

didi10:

Misy hevitra mizara roa ny fieritreretana ny fiainana aorian'ny fahafatesana.

Hevitra voalohany
Tsy misy fiainana aorian'ny fahafatesana = Tsy misy fanahy tsy mety maty fa rehefa maty ny olona dia maty ny fanahy ary miandry ny fitsanganan'ny tena amin'ny maty amin'ny fitsarana farany.

Hevitra faharoa
Misy ny fiainana aorian'ny fahafatesana = mino ny fanahy tsy mety maty

Eto dia mbola mizara 3 indray:
1) Izay maty tonga dia miakatra any an-danitra avokoa ny fanahiny
ireto indray dia tsy mino ny fisian'ny afobe sy ny demonia ary milaza fa zanak'Andriamanitra avokoa ny olona rehetra.

Izay maty dia na mankany amin'ny helo na mankany an-danitra ny fanahiny
ireto dia mino ny fisian'ny afobe sy ny Paradisa ary ny fitsaran'Andriamanitra.


Izay maty dia mivezivezy ety ambony tany ny fanahiny mandrapahatongan'ny fitsarana farany
Ireto dia manazava ny fisian'ny matoatoa sy ny angatra sy ireo phénomène paranormaux maro.

Aiza ho aiza amin'ireo ny inoanao dia mba ampio tsindrim-panazavana raha sitrakao, ary raha tsy amin'ireo dia manasa anao hanazava ny hevitrao.

Misaotra antsika rehetra amin'ny famaliana ny lohahevitra.

Enga anie samy ho ela velona daholo fa samy tsy maintsy handalo izany fahafatesana izany avokoa isika rehetra, tsy aleo ve ry namana maka précaution manao sy sitrapon'Andriamanitra rehefa mbola velon'aina ka raha misy ny fiainana aorian'ny fahafatesana dia efa assuré ianao, tsy misy moa dia samy miandry ny fitsanganana amin'ny maty miaraka amin-dry Hitler sy Jack l'éventreur sy ry Jodasy eto isika dia mba samy ho tafaraka eto indray!!

Raha ny hevitro manokana aloha dia rehefa natsangana tamin'ny maty ao amin'i Jesosy tamin'ny Batisa ny olona dia mitafy ny fanahin'Andriamanitra tsy mety maty, ary raha tsy mihemotra ka maharitra hatramin'ny fahafatesan'ny nofo dia ho dingana fotsiny ihany izany fahafatesan'ny nofo izany fa hampakarina ny fanahiny hiaraka amin'Andriamanitra any Paradisa izay efa misy toerana nomanin'i Jesosy ho an'izay naharitra.
Ireo izay tsy nibebaka kosa na ireo nihemotra tamin'ny finoana, fanantenana, fitiavana an'Andriamanitra dia tsy manana ny fanahin'Andriamanitra ka tsy Azy izy koa na ao anaty torimaso lalina izy na any amin'ny afobe dia mitovy ihany izany amiko satria tsy hahatsapa ilay fahasambarana nampanantenan'i Jesosy fony Izy tety an-tany.

Mampivarahontsana ahy ny fahitako ireo fihevitrin'ny sasany satria dia hita fa maro no manamaivana izany :inona moa no antony hahavelomantsika 70 na 80 taona eto an-tany raha tsy fantantsika akory izay hiainantsika rahatrizay:tsy 100 taona, tsy 200 taona, tsy 1000 taona fa MANDRAKIZAY MANDRAKIZAY...??Tsy azo atao ambanin-javatra nge zany e!!ary misy aza sahy manohitra ny Baiboly mihintsy (izay tenin'Andriamanitra) ka sahy milaza fa tsy misy ny Helo.ny Baiboly anefa dia Manafy fa MISY NY HELO!!! ary @endrika Mampangovitra no ilazany azy : Farihy mirehitra afo sy solifara, (Mat 25:41), fitomaniana sy fikatroha-nify,.... Ary fitomaniana mandrakizay no hiainan'izay olona tonga any ka tsy afa-miverina eto intsony na dia hitaraina sy hibebaka hiantsoantso an'Andriamanitra aza izy satria efa tara loatra raha@zay fotoana izay izy vao mahatsiaro mibebaka ka dia tomany sy fijaliana sy nenina sisa!
Ireo rehetra izay nanota sy nandika ny lalan'Andriamanitra teto an-tany anefa no hijaly any Mandrakizay hoy ny Baiboly, "Fa ny fahafatesana no tambin'ny ota" (Rom 6:23), ary raha ny tokony izy dia tokony ho any daholo mihintsy ny olombelona rehetra satria "Tsy misy marina Na dia iray aza" hoy ihany ny Baiboly.

Soa anefa fa Fitiavana Andriamanitra ka naniraka ny zanany lahitokana dia Jesosy Kristy Tompo izany, mba "Tsy ho very izay rehetra mino azy fa hanana ny fiainana Mandrakizay".Hoy izy "Izaho no lalana sy Fahamarinana ary fiainana, tsy misy afaka mankany amin'ny Ray afa-tsy @alalako!".Noho izany ilaina ny mibebaka sy mandray an'i Jesosy kristy dieny mbola tsy tara-loatra satria mety @fotoana tsy ampoizina no hahatongavan-drafahafatesana.

Raha fintinina zany dia zao e: Eto an-tany ihany isika no misafidy izay hiainantsika ny "mandrakizay" : na ao anatin'ny fitomanina sy fijaliana (ho an'izay nandà ny famonjen'i Kristy) na ao anatin'ny fahasambarana mandrakizay (ho an'izay nandray ny famonjen'i Kristy ka nibebaka ary niala t@ratsy fanaony)

Ary farany dia tsindriko fa tsy izay manao ny tsara akory no ho voavonjy!!FA IZAY MINO AN'i KRISTY ihany! misy mantsy olona mihevitra fa ny fanaovany asa soa no hahavonjy azy:hevitra diso be zany.ary herim-po very maina izany raha tsy manana an'i Kristy.

tsy mamorona aho tompoko fa ny baiboly no milaza izany rehetra zany!
Ny fanahy masin'Andriamanitra anie hanazavan'ny sain'izay rehetra namaky ity!
Mandrampiresaka!