Manasa an-tsika rehetra mba handray ny famonjena atolotr'i JESOSY KRISTY TOMPO ho an-tsika,
Jereo ao amin'ny lohahevitra napetrako ery ambanimbany ery hoe "FA INONA MARINA MOA NY ATAO HOE FAMONJENA?" ny valiny.

Samy ho tahin'i Jesosy Kristy Tompo anie isika rehetra.

Tsy maninona fa adikako eto ambany eto ihany izay voasoratra ary aloha ary,

Faly Miarahaba an-tsika rehetra indray,
Msaotra betsaka an-tsika rehetra izay nandray anjara tamin'ny lohahevitra,
Zava-dehibe sady zava-miafina izao hambarako eto ambany izao, ary tena miangavy an-tsika rehetra aho mba hamaky amin'ny fitoniantsaina fa miankina amin'ny famonjena an-tsika ny fahafantarana izao.
Hovaliako ireo fanontaniana (somary lavalava ihany ny valiny ka hialan-tsiny kely mialoha nefa manentana an-tsika aho mba haharitra hatramin’ny farany).
FA INONA MARINA MOA NY ATAO HOE FAMONJENA? HO VONJENA AMIN'INONA TOKOA MOA NY OLONA?? MANINONA RAHA MIJANONA AMIN'IZAO FA TSY MITADY NA HANDRAY IZANY FAMONJENA IZANY???
TOETSAINA MANAO AHOANA TOKOA MOA NO TAKIAN'ANDRIAMANITRA AMIN-TSIKA IZAY TE HOVONJENA MARINA??
Talohan'ny nanolorako tena ho an’Andriamanitra dia tsy fantatro izao zavatra izao, ary ny tsapako teto ihany koa raha araka ny valiteny rehetra hitako teto dia tsy mahafantatra azy ity ihany koa ny ankamaroan'ny olona.

Marina dia marina tokoa fa tany amboalohany Andriamanitra dia IRAY tamin-tsika ary nifankahita sy niresaka tamin-tsika mihitsy koa aza Izy (tany ampamoronana izao tontolo izao) saingy tsy marina intsony kosa ankehitriny satria efa nisy ny fotoana izay nahatafasaraka tanteraka an-tsika tamin’Andriamanitra.
Oviana izany no nitranga? Valiny: rehefa nanomboka niditra tao anatin’ny olona ilay atao hoe OTA, na ilay atao koa hoe fandikan-dalana araka izay voasoratra ao amin’ny hoe« Izay rehetra manota no mandika ny lalàna; fa ny ota no fandikana ny lalàna. »(1 Jaona 3:4).
Tany amboalohany dia iray (1) ihany no lalàna nomen’Andriamanitra ho tandremana dia ny « fa ny hazo fahalalana ny tsara sy ny ratsy dia aza ihinanana; fa amin'ny andro izay ihinananao azy dia ho faty tokoa ianao. » (Genesisy 2:17).
Vakio ny Gen.3 : 1-6 dia ho hitanao hoe oviana no niditra ilay OTA na koa ilay fandikan-dalana voalohany nataon’ny olombelona (ao amin’ny Gen.3:6),

Nanomboka teo dia tafasaraka ary lasa lavitra Azy tanteraka tokoa ny olona.

Anaporofoin-tsika fa tafasaraka taminy tanteraka tokoa isika dia : Hoy ny TOMPO AVO INDRINDRA « Ary Jehovah Andriamanitra dia niantso an-dralehilahy ka nanao taminy hœ: Aiza moa ianao? » (Genesisy 3:9). Ataoko angamba fa raha olona akaiky anao na IRAY aminao tsy hanontany mihitsy ianao hoe Aiza moa ianao???
Ary koa Andriamanitra no manana ny maso mahita ny lavitra indrindra nefa matoa Izy nanontany dia tsy hitany intsony ary tena lasa lavitra dia lavitra tokoa inao izay.

Mety hiteny ngamba isika taranaka ankehitriny hoe izy mivady anie no tratran’izany fa isika taty aoriana moa naninona fa izy mivady ihany no tafasaraka tamin’Andriamanitra fa isika kosa tsy otran’izany no hijerevan’Andriamanitra an-tsika???
Dia hoy aho aminao hoe nandova io OTA io marina tokoa isika fa aoka tsy hisy ho diso hevitra na iray aza raha mbola naterabehivavy ihany koa « Koa izany dia tahaka ny nidiran'ny ota avy tamin'ny olona iray ho amin'izao tontolo izao, ary ny ota no nidiran'ny fahafatesana, ka nahatratra ny olona rehetra ny fahafatesana, satria samy efa nanota izy rehetra; » (Romana 5:12).
Tahaka an’I Adama sy Eva dia samy tafiditr’io OTA io avokoa ao anatin-tsika rehetra.
Io OTA io dia ny devoly, na koa ilay menarana ela (Apok.20:2) no nampiditra azy tao anatin-tsika tamin’ny alalan’ny fitaka sy lainga (iry Gen.3:1-6 iry ihany koa no ahitanao izay fa dia tena namitaka tokoa ilay menarana ka ny handikan-tsika ilay lalàn’Andriamanitra no tena tanjony anefa).


Arak’izao teny manaraka izao :« Fa fony tao amin'ny nofo isika, dia ny filan'ny ota, izay nohetsehin'ny lalàna, no niasa tao amin'ny momba ny tenantsika hahavokatra ho amin'ny fahafatesana. » (Romana 7:5).
Io OTA io dia manana ny filany, ary io filany io dia hetsehin’ny lalàna, Rehefa tanterahina io filany io dia izay ilay hoe manota amin’Andriamitra isika ary ny vokany dia ho amin’ny fahafatesana (« Fa fahafatesana no tambin'ny ota; …….. » (Romana 6:23a).
Oh: ny filan’ny ota = te hijangajanga, ny lalàna : Aza mijangajanga, rehefa mitamberina ao ampon’ny olona ilay hoe Aza mijangajanga, dia voahetsika ilay filana te hijangajanga, ary raha tsy mahatohitra ny olona dia tanteraka ny fijangajangana (manjary manota amin’Andriamanitra ny olona).
Tsy ny lalàna akory no ratsy, satria ny lalàna dia entina ampahafatarana an-tsika ny Sitrapon’Andriamanitra izay tokony hotandremana. Oh: Aza mijangajanga (ny Sitrapon’Andriamanitra izany dia ny mba tsy hijangajangan’ny olona; oh2 : Aza mangalatra, ny Sitrapon’Andriamanitra izany dia ny tsy hangalaran’ny olona).
Fa ilay OTA nampidirin’ny devoly no ratsy satria iny no manana ny filàna izay filàna manohitra ny sitrapon’Andriamanitra.


NY ATAO hoe FAMONJENA MARINA dia ny FANESORANA MAIMAIPOANA (TSY MISY TAMBINY izay no maha FAHASOAVANA AZY) io OTA io tsy ho ao anatin-tsika intsony ary ny tanjon’Andriamanitra amin’izany dia ny mba tsy hananan-tsika ireo filany ireo intsony ka ahatonga an-tsika ho afaka hanantanteraka ny sitrapony rehetra amin’izay.
Lasa ho OLONA VAOVAO tsy manana filàna ratsy intsony, isika lasa tsy mahay manota (na mandika lalàna) intsony koa isika araka ny voasoratra ao amin’ny « Ary fantatrareo fa Izy no naseho hanaisotra* ny ota; ary tsy mba misy ota ao aminy. (1 Jaona 3:5).
« Izay rehetra mitœtra ao aminy dia tsy manota; izay rehetra manota dia tsy nahita na nahalala Azy. » (1 Jaona 3:6).
« Izay rehetra naterak'Andriamanitra no tsy manota, satria ny voany mitœtra ao anatiny, ary tsy mahay manota izy, satria naretak'Andriamanitra. » (1 Jaona 3:9).


Rehefa miala ilay OTA dia tsy mitovy amin’ilay olona teo aloha intsony ilay olona voavonjy fa:
« Koa raha misy olona ao amin'i Kristy, dia olom-baovao izy; efa lasa ny zavatra taloha, indreo, efa tonga vaovao ireo.» (2 Korintiana 5:17).

MAHAGAGA, TOY NY HOE IMPOSSIBLE IZANY NEFA DIA TENA MARINA IREO TENY IREO.
NY RAN’I JESOSY KRISTY NO FITAOVANA NENTINY MANAISOTRA IO OTA IO.

Tena nampalahelo ireo JIOSY ISRAELIANINA tsy nino an’I Jesosy Kristy Tompo fa ry zareo no tena nanirahana an’I Jesosy Kristy Tompo « Ary Izy namaly ka nanao hÅ“: Tsy nirahina Aho afa-tsy ho amin'ny ondry very amin'ny taranak'isiraely. » (Matio 15:24) raha mamaky an’io tantara io ianao dia ho hitanao fa vehivavy kananita no nitady famonjena taminy tamin’io fotoana io.
Tsapan’Andriamanitra ny vesatra teo amin’ireo JIOSY ISRAELIANINA ireo : «Satria marina tokoa fa fantatr’izireo fa tokony hotandremana ny Sitrapon’Andriamanitra nefa dia niady mafy tamin’ny herin’ny tenany ihany izireo mba hitandremana izany : noho ny tsy finoan’izy ireo ny anaran’ny Zanak’Andriamanitra (Jesosy Kristy) dia tsy azon’izireo raisina iry famonjena iry ambony iry mba hanamaivana ny zioga entiny « Mankanesa aty amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana. » (Matio 11:28).
IZAY NO MAHATONGA NY TARANAK’ISRAELY MBOLA AMBANY LALANA FOANA HATRAMIN’IZAO ANDRO IAINAN-TSIKA IZAO; TSY MBA NOHAFAHANA ILAY OTA AO ANATIN-DRY ZAREO KA MIADY MAFY AMIN’NY HERIN’NY TENANY IZIREO MBA HANANTATERAHANA NY SITRAPON’ANDRIAMANITRA. TSY MBA NAVELA HANDRAY ILAY FAHASOAVANA MAIMAIPOANA IZIREO NOHO NY FANAOVANY TSINOTSINONA NY ANARAN’ILAY ZANAK’ANDRIAMANITRA.

Ary io fiavonavonan’ny taranak’israely io no nahatonga an’Andriamanitra handray an-tsika hafa firenena vakio ny fanoharana momba ny fanjakan’Andriamanitra sy ilay mpanjaka nanao fampakarambady ny zanany lahy dia ho azonao (Mat.22:1-10).

Izay olona rehetra efa nanaisorana io OTA io no VOAVONJY satria tsy manana ireo filan’ny OTA intsony izireo ka afaka ny manantateraka ny sitrapon’Andriamanitra rehetra amin’izay (amin’ny fomba mora sady tsy mavesatra). Raha tenenina izireo hoe Aza mijangajanga dia tsy ho voahetsika intsony ilay filana te hijangajanga satria ilay OTA izay nanana iny filana iny dia efa tsy ao aminy intsony.

Fampianarana lavabe no nianarako ny fomba atao mba ahafahantsika mandray io FAMONJENA io (FANESORANA NY OTA). Asaiko isika rehetra mba hiaino ilay fandaharana ao amin’ny télé JERY isa-maraina amin’ny 5ora maraina hianaranao ny lalàna (chemin) ahatongavanao amin’izany famonjena marina izany.

Azon-tsika atao v ny mijanona amin’izao tsy mandray io famonjena io?
Tsia dia tsia tokoa ry namana isany satria araka ny hitan-tsika ery ambony dia ny fahafatesana no tambin’ny OTA. (misy fahafatesana iray faharoa mahatsiravina miandry antsika aorianan’ny fitsanganana amin’ny maty dia ny Afo maharitra mandrak’izay « Fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa. » (Apokalypsy 21:8).

Toe-tsaina manao ahoana no takian’Andriamanitra amin-tsika?
Izay handray io làlana io dia tsy maintsy hiaritra fahoriana raha araka ny voasoratra, ka izay no mahatonga ny Soratra Masina hilaza hoe « Miambena* ianareo, tomÅ“ra tsara amin'ny finoana, aoka hitombandahy, mahereza. [* Gr. miareta tory] » (1 Korintiana 16:13).
«AOKA Hitombandahy sy Hahery isika.»

SAMIA MAHERY, MIROSOA, RAISO NY FAMONJENA ANAO,

Samy ho tahin’I JESOSY KRISTY TOMPO indray anie isika rehetra.

tsy hainao ny atao hoe ambanin'ny lalàna sy ny ambaninn'ny fasoavana.

Ny lalàna dia mizara roa ao amin'ny Baiboly ka tsy tokony hafangaro.

(Daniela 9:27) « Ary hanorina fanekena ho herinandro amin'ny maro izy ary hampitsahatra ny fanatitra alatsa-drà sy ny fanatitra hafa hatramin'ny antsasaky ny herinandro, ary amin'ny elatry* ny fahavetavetana no nihavian'ny mpandrava, hatramin'ny fahafonganana voatendry, izay haidina amin'ny mpandrava**. [*Na: eo an-tampon'][**Na: ny efa lao] »

Jereo tsara fa misy zavatra tsy maintsy ataon'ny Jesosy inona ilay izy? "Ary hanorina fanekena ho herinandro amin'ny maro izy ary hampitsahatra ny fanatitra alatsa-drà sy ny fanatitra hafa"

Inona ary ilay novana?Ny hoe aza mijangajanga ve sa ny hoe mihinana biby maloto?
(Matio 5:17) « Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka. »
(Matio 5:18) « Fa lazaiko aminareo marina tokoa: Mandra-pahafoan'ny lanitra sy ny tany, dia tsy hisy ho foana akory amin'ny lalàna, na dia litera* iray na tendron-tsoratra iray aza, mandra-pahatanterak'izy rehetra.[*Dia yod, izay litera kely indrindra amin'ny Abidy Hebreo] »


mahereza tianao Jesosy

Hazavao tsara ny hevitra Chrstian777 fa raha izao dia mitanisa ihany no ataonao fa toy ny tsy hay ny mizara ilay tianao lazaina momba ny lalàna.

Ho an'i RBNIR kosa indray dia mba azo tanisaina tsara ve ny atao hoe ota? fandikana ny lalanan'ny fiaraha-monina izay voatanisa eo ambony ve sa inona marina?

Raha misy olona tsy kristiana nefa manana hitsim-piainana tonga lafatra dia manota ve izy?

Aiza ho aiza ny herin'izany ota izany ary iza no afaka manana mari-drefy handanjalanjana izany?

Olona toy ny inona no mora andairan'ny ota?

Inona no fototra niaingan'Andriamanitra nanao izao rehetra izao ary inona no tena FIKASANY marina?

Mba hazavao hoe ny momba an'i Paoly izay nanenjika an'i Kristy?

Misaotra sahady amin'ny valin-teny.

Inona ny finoana na fiangonana misy anao dia ho valiko ireo.

Raha tsy lzainao dia misy tsy fahamarinana ao anatinao.

Salama Christian 777, Misaotra sahady amin'ny fampanantenana valiny avy aminao. Kristiana aho ary efa nisafidy ny tsy hanam-petra eo amin'ny lokom-piangonana.

kristianina tsy manana fiangonana tsy mahafinaritra izany.Hamorona ny anao manokana izany ianao dia mba inona hono ny anarany?

Tsy afaka mifanampy isika raha tsy milaza ny marina ianareo.

Tsy hamorona fiangonana mihtisy aho satria ho rodana daholo izay hoforonina satria tsy hanan-kery eo anatrehan'ny ho avy akory izay zavatra nofikirina mafy nolazaina fa marina, na holazaiko eto fa marina.

Ny fahamarinan'ny tsirairay dia ny Tompo irery ihany no mahalala azy. Ny hany zaraina fotsiny dia ny FAHAMORAM-PONY MANDRAKIZAY OMENY NY VOARINY TSY AN-KANAVAKA. Teny tsotra tsy haroharoina hevitra hafa io. Ary io daholo no fototra iaingan'ny resaka ataon'ny Tompo ao amin'ny Baiboly.

Ilay mametraka fefy, na vala amin'ny fanahy no misy tsy mety amiko satria Kristy dia mizara FIADANANA SY FAHAFAHANA.

christian777:

tsy hainao ny atao hoe ambanin'ny lalàna sy ny ambaninn'ny fasoavana.

Faly miarahaba namana Christian,
Efa mba nijery ilay fandaharana v aloha namana alohan'ny nitenenan'ny namana io teny io?
Manasa anao hijery ilay fandaharana aloha e!
Ataoko angamba fa tsy misy na iray aza "Tsy Fahamarinana" toriana sy ampianarina ao.

Samy hotahian'ny Tompo namana

Miharena,
Mahafaly ahy ny hamaly ny fanontanianao hasesiko ny famaliana ny fanontanianao (somary lavalava ihany fa miangavy manana faharetana namana):
1- Araka ilay ao amin’ny 1 jao.3:4 dia OTA = FANDIKANA LALANA;
Mpanota = mpandika lalàna
Eto aloha dia ny lalàn’Andriamanitra no lazaina e! toy ny didy folo, sns…
Misy amin’izy ireo efa lasa lalàna eo amin’ny fiaraha-monina (toy ny tsy azo amonoan’olona, ny tsy azo angalarana sns…) fa saingy isika tsy tokony hiantehitra loatra amin’izay fa izay voasoratra ao anaty baiboly ihany no sitrapon’Andriamanitra mba hialana amin’ilay hoe « Koa foana ny ivavahan'ireo amiko, raha mampianatra ny didin'olombelona ho fampianarana izy (Isa. 29. 13). » (Matio 15:9).
Tsy mba azo tanisaina ny ota fa raha mbola mahatsapa ianao fa mbola misy fandikana ny lalàn’Andriamanitra tsy afaka aminao dia mbola ao aminao izay ilay ota satria ny olona afaka dia tsy mba mpandika ny làlan’Andriamanitra intsony na lazaina koa hoe tsy manota intsony « Izay rehetra mitÅ“tra ao aminy dia tsy manota; izay rehetra manota dia tsy nahita na nahalala Azy. » (1 Jaona 3:6)
2- Raha misy olona tsy kristiana nefa manana hitsim-piainana tonga lafatra dia manota ve izy? Io ilay efa noteneniko foana hoe aleo mba ho azy sy ny Tompony (Andriamanitra)ihany izany e! « Iza moa ianao izay mitsara ny mpanompon'ny hafa? Amin'ny tompony ihany no ijoroany na ahalavoany. Nefa hampitÅ“rina ihany izy; fa mahay mampitÅ“tra azy ny Tompo. » (Romana 14:4). Tsy misy tokony hidiran’ny kristianina lalina izany fa azy sy Andriamanitra ny azy.Isika no nampahafantarina dia ny manantanteraka am-pitiavana no tokony ataon-tsika. Izay no sitrapon’Andriamanitra.

3- Ny herin’ny ota :
Aleo I Jesosy Tompo no asain-tsika hamaly azy « Jesosy namaly azy hœ: Lazaiko aminareo marina dia marina tokoa fa izay rehetra manota dia andevon'ny ota.» (Jaona 8:34).
Manandevo io ota io ary izay no tsy ahafahan’ny olona izay itoerany manao ny tsara na dia tsapany aza fa tokony hanao izany tsara izany izy. Ny sitrapo ratsin’ilay ota foana no voatery tanterahany amin’ny mahaandevo azy.
Araka ny famaritana ny atao hoe andevo dia tsy mba manantsafidy namana fa dia ny sitrapon’ny tompony ihany no azony atao na dia tsapany aza fa tsy tokony anao izany izy.
Io no tsapan’I Paoly apostoly raha mbola tsy afaka tao aminy ilay ota ka nahatonga azy hiteny izao manaraka izao :
« Koa hitako izao lalàna izao: raha ta-hanao ny marina aho*, dia ato amiko ihany ny ratsy. » (Romana 7:21)
« Fa mankasitraka ny lalàn'Andriamanitra aho araka ny tÅ“tra anaty; » (Romana 7:22)
« nefa mahita lalàna hafa amin'ny momba ny tenako aho, miady amin'ny lalàn'ny saiko ka mamabo ahy ho an'ny lalàn'ny ota izay ao amin'ny momba ny tenako. » (Romana 7:23)
« Indrisy! olo-mahantra aho! Iza no hanafaka ahy amin'ny tenan'ity fahafatesana ity? » (Romana 7:24)
Te hanao ny tsara (sitrapon’Andriamanitra) mafy izy nefa noho ilay ota nanandevo azy dia tsy afaka ka nahatsaro nahantra tanteraka.


4- Olona toy inona no andairan’ny ota ? Raha ara-baiboly ilay ota efa tafiditra ao anatin’ny olona raha vao teraka fotsiny izy satria nandova io ota io avokoa ny olona rehetra tsy an-kanavaka (Rom.5:12).
Ary tsy misy na iray aza afaka ny hilaza ho tsy manana izany ota izany ao ampony raha tsy efa nandeha tamin’ny làlana tsy maintsy arahina mba hanalana azy tao. Izay no anentanako mafy an-tsika mba hianatra ny fomba fandraisana ilay «FAMONJENA» dia ilay fanesorana io ota io tsy ho ao anatin-tsika ao intsony.
5- Inona no fototra niaingan'Andriamanitra nanao izao rehetra izao ary inona no tena FIKASANY marina? « Izy no nahariana ny zavatra rehetra; ary raha tsy Izy dia tsy nisy nahariana izao zavatra ary izao, na dia iray aza. » (Jaona 1:3) . Jesosy kristy Tompo no naharian’Andriamanitra izao rehetra izao.
Ary mbola nohamafisina io teny io : « fa tao aminy no nahariana ny zavatra rehetra any an-danitra sy ety ambonin'ny tany, dia ny hita sy ny tsy hita, na fiandrianana*, na fanjakana, na fanapahana, na fahefana, Izy no nahariana ny zavatra rehetra, sady ho Azy izany; [* Gr. seza fiandrianana] » (Kolosiana 1:16).
Mba ho an’I Jesosy Kristy Tompo no antony naharian’Andriamanitra izao rehetra izao. Ny nahariana ahy , ny nahariana anao sy ny hita maso sy ny tsy hita maso dia ho an'i Jesosy Kristy Tompo. Izay ihany no antony tsy misy hafa.
6- Mba hazavao hoe ny momba an'i Paoly izay nanenjika an'i Kristy? « Fa hoy ny Tompo taminy: Mandehana, fa fanaka voafidy izy ho fitondrana ny anarako eo anatrehan'ny jentilisa sy ny mpanjaka ary ny Zanak'isiraely; » (Asan'ny Apostoly 9:15). Voafidy manokana hitondra ny anaran’I Jesosy Kristy Tompo eo anatrehan’ny jentilisa sy ny mpanjaka ary ny Zanak'isiraely izy. Ary noho ny fanoherana nataony dia nasehon’ny Tompo azy ny fahoriana izay tsy maintsy hiaretany na dia nofidiny aza izy « fa hasehoko azy ny habetsahan'izay tsy maintsy hiaretany ho voninahitry ny anarako. » (Asan'ny Apostoly 9:16). Aza mba tia manohitra an’Andriamanitra ihany ry zalahy marina sao anenenana any aoriana any satria raha ny tantaran’I Paoly no nodinihina dia tena tanteraka taminy marina tokoa ireo fahoriana efa notenenin’ny Tompo ireo.
7- Namana, sombintsombiny ihany ireo voatanisako ireo fa ny tena tsara dia mianatra ilay izy no mety satria tokony hofantarin-tsika ny hoe :
• Otran’iza marina ny olona tany ampiandohana ?
• Oviana marina no niandohan’ny ota?
• Iza marina no nitondra io ota io tao amin’ny olombelona?
• Inona vokatra nentin’ilay fahotana ?
• Ahoana ny fomba fiasan’izany ota izany ao amin’ny olombelona?
• Ahoana no fomba fanesorana io ota io tsy ho ao anatin’ny olona io intsony?
• Ahoana marina fomba fiverenana amin’Andriamanitra? Inona no atao hoe fibebahana ? Inona no atao hoe Finoana?
• Inona marina no maha-zavadehibe ny ran’I Jesosy? Sns….
• Ny valin'ireo rehetra rehetra ireo dia ao anaty baiboly ao ihany ary Jesosy Kristy mivantana no nampianatra azy an’ilay Pasteur.
Ireo ilay teneniko hoe tsy vitako eto ny hampianatra azy nefa tena ilain-tsika kristianina ny mahafantatra azy raha te ho afaka (afak’ota na hovonjena) marina tokoa ny kristianina. Izay afaka dia tsy ho andevo intsony fa hatsangana ho zanaka (zanak’Andriamanitra) ary ny fiainan’ilay olona vaovao dia tsy hisy ifandraisan’ny velively intsony amin’ilay fianian’ilay olona teo aloha (afaka ny handinintena ilay olona fa tena ho tsapany io rehefa tanteraka aminy ilay Famonjena).
NY ANDRAISANA ILAY FAMONJENA SY HANANTATERAKA NY SITRAPON’ANDRIAMANITRA : io ihany no tokony ho antony lehibe hivavahana, ny sisa manaraka (cadeau) fotsiny ihany.
Samy ho tahin’ny Tompo Miharena a! Manasa an-tsika hijery ilay fandaharana.

RBNIR
Ny ota dia manadevo
Isaka rehetra dia manota
Mandainga izay sa milaza fa hoe tsy mpanota aho
ota = fanadevozana
tsy manota= tsy andevo
Raha mbola tsy teo Kristy dia alehon'ny olona manota dia avy eo manao fanatitra noho ny ota.
Izany hoe manota dia manao fantitra ary tsy misy fiaovam-po aorian'izany fa manota ihany.
Rehefa tonga kristy dia tsy voataona hanota intsony isika raha ao amin'ny Kristy dia tsy andevozin'ny ota intsony Fa vaomaika ary makarikoriko antsika ny fahotana ka tsy mety ampidirintsika ao am-potsika intsony izany.
Izay ilay hoe :"grand changement" ary porofo fa hoe tafatoetra ao amin'ny Kristy ianao.Ary tsy maintsy hita taratra ao amin'ny olona rehetra io.

RBNIR, misaotra amin'ny valin-teny ary mazava daholo izany rehetra izany.
Ireo teny rehetra nalahatrao dia mazava fa INTROSPECTION na koa fandinihan-tena lalina avokoa no fototra nampanoratan'Andriamanitra, Kristy ary ny Apostoly azy amin'ny rohy anaty Baiboly avy.
Ny zavatra tsikaritro dia ny fananana io fahazavan-tsaina io no tsy misy loatra amin'ny olona voasarona ny fony ary mitady ivelany hatrany ny antony maha-tsy mety ny fiainany.

Misaotra namana a!

Ho an'i Christian777,

Ilay grand changement hita taratra dia mazava fa hita eo amin'ny fomba firesaka. Miboiboika teny fiainana ve ny resaka ataon'ilay olona niova sa miboiboika teny mamono?
Rehefa hita ny valin'io dia afaka hanala ilay sombin-kazo ny mpitazana izay miteny sao dia mbola misy kilema ny resany.

Sa ahoana?

Marina izany Mahereza namana.

Manasany rehetra mba samy hitrandraka io Grand changement io daholo.

Tiantsika ny Tompo.

Mahereza

Mahafinaritra e!
Mahereza daholo,
Jerosalema vaovao no tanjona,

Voninahitra ho an'Andriamanitra Ray, Jesosy Kristy Tompo zanany ary ny Fanahy Masina,

Samy ho tahin'i Jesosy Tompo anie isika rehetra

Mankasitraka e!

Jerosalema vaovao no tanjona,

Amen!

Raha Jerosalema vaovao no tanjona dia miara-mizotra izany, fa raha hiverina any Edena taloha kosa aloha dia mazotoa e !