Faly miarahaba antsika mpianatra sy mpandala ny teny malagasy,

Afaka hateloana dia higadona indray ny sora-tononina koa ireto misy toromarika vitsivitsy ho fiomanan'ny rehetra.

Ny fotoana dia ny Asabotsy faha-5 aprily amin'ny 3 ora tsy diso ao amin'ny:

Espace Madeleine Delbrel
18, rue de la Tombe-Issoire
Paris 14ème
METRO SAINT-JACQUES (fa tsy Glacière).

Ny Lamba landy Malagasy no lohahevitra koa samia miomana amin'ny fototeny "tenona", "foly" ary "landy".

Sokajy roa no ifaninanana:
- Sokajy A : ireo mahay manoratra sy miteny malagasy
- Sokajy B : ireo tanorantsika nobeazina taty andafy sy ireo vao mianatra ny teny malagasy (Cours du soir INALCO).

Fandaharana ankapobeny:
- 3 ora : fandraisana ny manampahefana, ny mpifaninana sy ireo te hanatrika.
- 3 ora sy fahefany : Sora-tononina Sokajy B (zazavao)
- 4 ora latsaka fahefany : Sora-tononina Sokajy A (mahay)
- 4 ora sy fahefany : Fitsaràna ny sora-tononina hombam-pampianarana tsotra
- 5 ora latsaka fahefany : Fisintonan'ny Komity Mpitsara - Fialamboly
- 5 ora : Fizaran-doka

Izany lanonana izany dia eo ambany fiahian-dRamatoa Irène Rabenoro, Masoivohon'i Madagasikara eo anivon'ny UNESCO.

Mendri-piderana ny ezaka ataonareo.

Ankoatr'izany dia mba misy hevitra koa ity, avy aty amiko LhlTsr:

Azontsika atao koa ny manao sora-tononina en ligne raha toa ka vitanareo raiketina anaty horonam-peo fichier MP3 ilay feon'ilay olona mamaky teny.
Sa ahoana hoy ianareo ?
:)
Amin' izay mba ho afaka mandray anjara daholo ireo zanaka aman-jafy Malagasy eran-tany.

tena hevitra tsara ty zany,mahereza daolo zay handray anjara,ny antitra koa ve mahazo mandray anjara?