Be tokoa ny Malagasy no manana faripahaizana avo ary ny tenany moa no afaka manambara fa avo nohon'ny an'ireo manampahaizana vahiny ve sa tsia ny azy? Alohan'ny hanaovana zavatra dia tanisaina ny olana ary aroso ny fomba hamahana azy avy eo miady sy mifofotra manao ny ahatratrana ny tanjona kendrena. Ny sasany izay milaza fa manampahaizana anefa dia mijanona amin'ny fametrahana olana ary izay mitranga dia avadika olana (Problematiser-na). Rehefa tanisaina na hatao hira ny fahantrana dia miahampanana ve? Rehefa tanisaina ny olana dia voavaha ve? Koa anjarantsiaka no mijery iza no arahina ny mpametraka olana sa ny mitady vahaolana amin'ny fahavoazana. Ny fanoratana teny Frantsay ny olan'ny Malagasy mba ho vakian'ny Frantsay no fahaizana avon'ny sasany. Mahavaha sa mampiditra sakafo ao ambavanao koa ve izany? Ny tsirairay mila miasa ary manavao ny fomba fiasany araka ny fiovan'ny sehatra hiasana ary tsy mila miandry ny fanjakana fa sehatra hafa no tokony anjarany. Ny mpamedrofendro tsy hanatitra sakafo ho anao fa ianao aza no handrasany hanome seza azy hitaigenany anao. Mila tonga saina ny vahoaka.

Raha mahay ianao dia vitanao niavaka sahalan'ny ahoana ny Firenena mihoatra ny firenena hafa? Inona ny zavatra mitsangana vitanao sa ianao no tena zatra nitsetsitra. Asehoy ary ampiaro raha tena mahay fa izany no andrasan'ny be sy ny maro. Ny olana mitady izay mahay mahavaha azy.

Jereo ao ambadika ao fa ny vehivavy Malagasy mahasahy milaza fa tsisy hilana azy ny lehilahy Malagasy. Ny tanora koa dia tia ho vazaha satria tsy namely ny politika sy ny zavatra napetrakin'ny teo aloha. Raha manampahaizana dia izay hampisongadina an'i Madagasikara no atao fa tsy ny hametraka olana lava izay lazaina tsy ho voavaha. Jereo ry bazylou fa milaza ny hoe "Aty aminay ianareo gasy no mangataka" satria vazaha ileiry. Madagasikara mivoatra rehefa tia ny hampisondrotra azy ny olompireneny.

eto @tsika anie ka ny manampahaizana mintsy no tena manimba eh, manararaotra ny fahadondrenany sasany. Io ranga miainga any @ toe-tsaina mintsy an, mila manao dingana lehibe tsy aiko lôtra oe aôna ny gasy vao tafita. Ra ôtr'zao ato anaty forum zao fôna no atao mifanenjika sy mifanakiana fôna d tsy tafa zany mintsy.

Ny mifanenjika sy mifanakiana aloha dia tsy ho tapitra satria misy ny ratsy fanahy ary mitetika ny hitaingina ny sasany hatramin'ny farany. Raha ny tonga saina kosa no kitihana dia tsy manaiky izany fa tsy ny ratsy no avela hanazava zavatra tsy mitombona fa manimba saimbahoaka. Ny vahoaka hampiakarina ny herimpony hiady amin'ny sarotra fa tsy taritina hivareraka hiandry fanjakana. NY fanjakana manana ny andraikiny lehibe fa tsy izany no midika fa ny fanjakana daholo no hanao ity rehetra ity. Izay miresaka tia ny vahoaka ary anaty vahoka tsy midika mihintsy fa mpomba ny fanjakana. Fantatry ny olona foana raha manao sy mitady ny tombotsoa hiraisana ary ny miandry fotsiny izany tsy mety na tamin'ny fahagola aza.

Marina io fa ny hitako dia tsy ny tena olana matetika no misarika ny saina fa ny faux-probleme na ny olana diso. :@

Misaotra anao. Ny ombelona rehetra dia samy mitady ny hivelarana sy hivoarany ary mazava ho azy fa ny mpitondra dia manana andraikitra lehibe ny amin'ny fampivoarana sy fandrosoana. matetika ampidirina na zaraina roa miavaka ny vahoaka ka lazaina hoe na Mpomba na manohana ny fitondrana sy ny Mpanohitra na tsy mankatoa ny fitondrana. Ny vahoaka tsotra dia sady tsy mpanohana ny fitondrana izy no tsy mpanohatra fitondrana mivantana fa miaina ary miady mitady ny sakafo hohaniny sy ny fivelomany. Ireo manampahaizana izay voalaza avy andafy na mipetraka andafy na eo antoerana matetika mano resaka miodikodina tsy tafiditra anaty ny sain'ny daholobe. Mpandrebireby vahoaka rehefa tsy mahatafavoaka zavatra. Misy andro ilaina ireo vahoaka ireo anefa ka tsara ny manasoa azy ary mampitombo ny sainy ahay ahalala sy andalina ny zava-misy araka ny tokony ho izy. Dia misy mihintsy ny tia ny ahajamba ny vahoaka ka taritaritina havia sy havanana fotsiny amin'ny tombontsoany. Izany marina ve no tena atao hoe manampahaizana?

Ny ahy manokana dia kianiko hatramin'io famaritana ny hatao hoe manampahaizana io mihintsy aza. Tsy ny fananana Ph-D tsy akory na ny maha-Profesora no mahatonga ny olona iray atao hoe manampahaizana amiko.

Nahita fianarana na koa avarampianarana no hitako metimety hiantsoana ny olona toa izany fa tsy hoe manampahaizana.

Ny antony mahatonga io heritreritro io dia satria ny olondrehetra dia manampahaizana avokoa, satria manana traik'efa sy fandalianana maro teo amin'ny fiainany.

Tsy misy olona azo atao hoe tsy manana fahalalana na koa hoe tsy misy valerany ny fahalalany(GIDDENS).

Ary amin'izao fotoana izao dia efa omendanja be ny antsoina hoe savoir local na ny traikefa eo antoerana satria ny olona iray ihany na ny vondron'olona iray ihany no tena mahalala ny mahamety azy (PARETO)`(L'individu est le seul juge de son bien être).

Ary tsy mila intsony colonialista iray tonga miaraka amin'ny karazana karavasy (projet de dveloppement) ka hanao hoe, ny mamboly kafé no mahamety anareo atsy andrefana ary ny mamboly vary no mahamety anareo atsy antsinanana ka tsy maintsy tanteraho izany satria izay no heritreretiko hampandrosoana anareo.

Mandroso ho azy tsy mila baiko avy any ivelany na fanampahankevitra avy any amin'ny minisitra izay ary amin'ny 600km ny tanàna iray rehefa omena azy ny possibilités rehetra

Ilay mandroso ho azy aloha dia tsy mifankahazo loatra ny resantsiaka fa teo amin'ilay hoe manampahaizana no mety hisy hifandraisany. Ny tmpon'andraikitra avo manko dia avy amin'ny fianarana nianarany no hitendrena azy fa tsy hoe ny fahendreny fotsiny sy ny fahaizany miaina akory. Noho izany rehefa sendra olona tsy manana ireo farampahaizana ireo dia lazaina hoe tsy mahay. Fijery hita matetika io fa tsy ny ahy akory.
Ny hoe mandroso hoa azy dia mifanipaka angamba satria raha amin'izao andron'ny "FANATOTOLOANA" izay ataondreo hoe "globalisation" dia tsy mandroso ary tsy maharaka raha tsy mivelatra manaraka ny zotra ao anatin'izany. Ianao miteny io tsy afaka ho hitako aty lavitra ny soratrao raha tsy teo ny "internet" ary tsy nahazo izany fotsiny ny firenena rehetra raha tsy manenjika azy.

Raha izao manokana sy ny mba hany fahaizako kely dia kely anefa ry Jeankely dia io no mba tena hinoako ho ahy manokana ho mahomby kokoa raha resaka fampandrosoana no resahina.

Raha mirafitra tsara ny resaka fampianarana sy ny fianarana, ny resaka fahasalamana sy ny fampahasalamana, ry fandriampahalemana sy ny fitandrovana azy izay adidy sy andraikitra akaiky sahanin'ny fanjakana miparitaka (decentralisés) izay manana fahefana sy enti-manana ary faniriana, mitovy amin'ny fanjakana foibe (centralisé) dia mety handeha ho azy ny zavatra rehetra.

Ny ho enti-miatrika ny fanantontoloana dia resaka fanampahankevitra fotsiny sy fanaraha-maso, ka adidin'ny fanjakana no mametraka ny sakana (mesures coercitives) sy ny fisintonana (mesure incitative) hitany fa mahamety ny toedraharaha ao aminy.:@

Miombon-kevitra @ Herimiafina mitsy za @ le hoe

ny olona iray ihany na ny vondron'olona iray ihany no tena mahalala ny mahamety azy (PARETO)`(L'individu est le seul juge de son bien être).

Io tena mahazava an'le hoe tsisy fampandrosoana ra tsisy fampandraisana anjaran'ny tsirairay.

Ny olana fotsiny ho an'ny Malagasy de efa nozarina tantanana lava ka tsy sahy mandray andraikitra ny maro fa miandry baiko.
Eo koa le lazainareo ho manampahaizana na nahita fianarana reo ze tsy manao afa-tsy manakorontana @ fametrahana olana sy manabaty, manapempo de tena voakorontana tokoa ny sain'ny valalabemandry. Tsy hitany ntsony hoe inn no atao, iza no arahina.

Marina io ary tsy hoe miandry baiko fa mifampatahotra ary tsy mifampatoky nohon'ny resaka fitapitaka; ny zava-dratsy isankarazany. Izay hatao dia ny problemer no mitambesatra nefa inona no tsy hisy RISIKA hoy isika (Risque)?

Mamaha olana sa mametraka olana ?

Raha ho jerena ny atao hoe manam-pahaizana dia olona nianatra "sehatra iray". Izany hoe tsy mahay ny zava-drehetra fa amin'ny spécialité-ny. Mety manana hevitra malalaka kokoa angamba satria ny fianarana dia "fianarana misaina" ihany koa (methodologie issan-karazany).

Noho izany natao hamaha olana izy. Natao indrindra hiasa amin'ny sehatra hainy. Tsy hiasa fe hiasa fotsiny fa hikaroka, hanavao, hanatsara, ary handrava aza raha toa izany ka ilaina. Raha tena miasa izy (na tsy ampya aza ny fitaovana) dia tsy maintsy hisy vokany ny asany. Vavolombelon'ny mpiasa ny bainga.

Mety hametraka olana anefa izy raha toa ka amin'ny tsy tokony hisy azy no hametrahana azy. Satria hitompo teny fantatra toa antsikely bezara izy ary hiezaka nefa tsy ampy ilay traikefa. Ny asa anefa tsy miandry.

Faranako amin'ny hoe arakaraka ny manam-pahaizana. arakaraka ny asa. Arakaraka ny zavatra maro.

Ampy ve nefa ny fahaizana eo amin'ny asa ? Mbola tantara hafa koa izany.

Mahereza daholo

DadaRabe

- dadarabe.blaogy.com

- www.freewebs.com/dadarabe/dadarabe.htm

Fantatra fa manampahaizana ianao DadaRabe ary ianao no mahalala ny ezaka hataonao, ny hafa koa mahatsapa ny soa azony avy aminao. Fa ny resaka olana eto dia ilay manampahaizana toa tsy mamaha olana fa mpametraka olana. Izay no tena mahatonga an'i Madagasikara sahala izao. Betsaka ny milaza manampahaizana fa olana no apetrany.

Raha io hoe mametraka olana io tokoa no jerena dia toa misy mahamarina azy amin'ny fiainana andavan'andro.

"Rehefa hoe manana fahalalana sy avarampianarana dia toa mihevintena ho tapitrohatra na tapipahaizana hany ka manao dictature kely izay tsy mihaino ny hafa".

Ny fijeriko an'io indray dia tena complexe d'infériorité fahiny nananan'ilay olona no mety mahatonaga an'io hany ka rehefa mba nomena avantage kely heritreretiny ho avantage izy dia manondrana e! lol :@

Jereo fotsiny rehefa misy fivoriana, ka samy injeniera no ao, fa na resaka tsy misy dikany aza dia handaniana andro maro sy iverimberenana foana klé. DOMAZY MON AMI! :snif::@

Mety hametraka olana ve ny manam-pahaizana ?

Dia ho aiza isika raha ny hitsikitsika natao hivavahana no lasa papango mipaoka ny akoho ?
Raha ny hantenain-kanirina no hampivandravandra ?
Raha ny manam-pahaizana natao hampandroso no manjary mametraka olana ?

HO aiza isika rey olona ?

DadaRabe

Ka izay ilay olana DadaRabe a. Ny tsy mahay izany voalazanao izany ary ny mahay sady tsy mahita lala-kombana no mametraka olana. Samy tsisy menatra ny tenany fa samy milaza MANAMPAHAIZANA AVO LENTA DAHOLO nefa izao no mahazo ny FIRENENA. Izay miasa vendrana ary izay miresaka manandoha.

Eny ary ry Kanota, inona intsony moa no azoko hanampiana izany.

Mahereza é !

DadaRabe

Izay milaza mahay dia ny fanohoana izany hamahana ny olana no izy fa tsy ny mifampidera taimby fotsiny akory. Izay manao ampiana fa tsy lazaina vendrana na koa atao izay ahapotika ny mijoro. Lava ny lalana ary ny zavatra nataon'ny olona nandritra ny zato taona no heverina hatao malaky noho izany samy mikokotra daholo. Ankoatr'izay resabe.