Fampidirana am-ponja vonjy maika no nahazo ny ben'ny tanànan'i Toamasina Roland Ratsiraka, taorian'ny fakana am-bavany azy nataon'ny fampanoavana tany an-toerana. Velona noho izany ny gidragidra teo amin'ny vahoaka sy ny mpitandro filaminana izay mpomba ity Ben'ny tanàna ity. Nanomboka vao mangiran-dratsy dia efa tomefy mpitandro filaminana ny tanàna niainga tao barika dimy sy ny manoloana ny lapan'ny tanàna sy ny fitsarana. Io maraina io ihany dia vaky ny barazy nataon'ny mpitandro ny filaminana satria tsy nanaiky ny sakana natao taminy ny vahoaka, ary nanomboka teo dia efa saika raikitra ny rotaka. Ny atoandro dia nivoaka ny didy fampidirana am-ponja vonjy maika ity ben'ny tanàna ity, ary raikitra ny gidragidra.
Nipoaka ny baomba mandatsa-dranomaso
Baomba mandatsa-dranomaso 13 no fantatra fa nipoaka tany, ary olona iray no voalaza fa voasambotra Ny hariva dia nangingina ihany ny tao Toamasina ary hita fa mpitarika politika sy olom-boafidy maro no niatrika izao fitsarana an'ingahy ben'ny tanàna nampiatoana tamin'ny asany izao. Fa ankoatry izay dia nitohy ny fihetsiketsehana tao Antsiranana nataon'ny mpianatra sy ireo mpiasa maro mba ho fanoherana ny fahatapahan'ny jiro sy ny rano. Mpianatra teny amin'ny Oniversite sy tamin'ny Lycée Zafy Albert ary nampian'ireo mpiasa sy olon-tsotra ny filaharana ka trano an'ny Jirama iray tao Antsiranana no voalaza fa may vokatr’izao hetsika izao. Nivadika ho resaka politika ihany moa ny farany raharaha, satria maro be ireo fitakiana nataon'ny mpianatra. Velona ihany koa ny fifandonana sy fifanjevoana teo amin'ny mpitandro ny filaminana sy ny mpilahatra. Hatreto izany dia mafampana ny korontana manerana ny faritra maro noho ireo toe-javatra ireo.
Naivo kely Madagascar Tribune
miadana fotsiny ianareo eto fa aza korontanina ny tantara e!tsy misy miampanga olona tsy meloka izany eto,ny gazety no manitatra,izahay tsy manao politika ,ary tsy hanao mandrakizay!mampihatra ny lalàna no asanay,na iza izy na iza ka meloka dia voasazy.
