Tsaroantsika ny nolazain’ny Filoham-pirenena teny Iavoloha fa « ny tsirairay dia tokony samy hiezaka hiary ho an’ny tenany ary izany no antony hametrahana ny famatsiam-bola madinika » Eo indrindra no tiana ho tsindriana satria raha ny fijery ny fomba fampisamboram-bola eny amin’ireo sehatra azo hanaovana izany dia azo lazaina fa sarotrarotra ho an’ny ankapoben’ny malagasy no hiditra amin’io.Karazan’olona ohatra ny ahoana no afaka misambo-bola ? Tsy maintsy misy antoka toy ny trano , ny tany , fanaka sy ny si ave ? Tsy voatery hanana izany daholo manko ny tantsaha satria ny ankamaroany dia manofa tany na trano ary tsy manana fiara .

Ny olana faharoa dia ny fomba fampiasam-bola sy ny fitantanana . Raha tombanana ho 80% eon y tantsaha n any olona sahirana eto Madagasikara , firy isan-jato kosa no nahita fianarana ka haharaka an-tsakany sy an-davany ny fiofanana amin’ny fitantana-bola ?

Ny hevitra tsotra indrindra azo atsipy angamba dia hoe maninona moa raha mba manangana orinasa isaky ny faritra ny fanjakana mba hamokatra fitaovam-pamokarana sy hanodina ny vokatra ho azo aondrana . Tohizana hatrany ny fanamorana ny fanomezana tany ho an’ny olona izay vonona ny hiasa. Trandrahana amin’ny fambolena ireo tany lava volo ary atao manara-penitra toy ny”Fitaratr’I Madagasikara” etsy Iavoloha.Ampiasaina ny trakitera sy ny kibota.Afaka ampanaovina asa famokarana ihany koa ireo voafonja , na fambolena na asa tànana.Ny tanjona eto dia ny hampihenana araka izay azo atao ireo vahoaka midonanam-poana tsy misy asa eto amin’ny Firenena . “ Malagasy mazoto miasa , Malagasy mamokatra , Malagasy mandroso” .Io indray no tanjona e !

Nalaina tamin’ny gazety Ao Raha laharana 0150
Mpanoratra: Toko Rakotomalala

Tsara ilay hevitrafa saingy...tsy hoe manakivy aho fa mahita ny zava-misy.

Fanjakana no andrasana hanorina fitaovam-pamokarana? Iza moa ity fanjakana lazaina eto? Vola avy aiza moa ny volan'ny fanjakana fa tsy ny volantsika mianakavy ihany, io karazan-ketra rehetra aloha sy ny karazany io.Raha misy olona manana ati-doha hahay hanangana orinasa sy hitantana azy ara-dalàna ao anatin'io "fanjakana" io dia minoa ahy marimarina kokoa ianareo fa natsangany ho azy izany.Ka hoy aho hoe:roll::?:

hoy Kally " Raha misy olona manana ati-doha hahay hanangana orinasa sy hitantana azy ara-dalàna ao anatin'io "fanjakana" io dia minoa ahy marimarina kokoa ianareo fa natsangany ho azy izany.Ka hoy aho hoe :roll::?: mba vakio anie ilay nolazain'i Naritsimba ao @ dinika "18 taona dia ho tafarina i M/car " e! dia ho hitanao ao fa tsy natsangany ho azy izany , jero ange e!

Fiffi:


« ny tsirairay dia tokony samy hiezaka hiary ho an’ny tenany ary izany no antony hametrahana ny famatsiam-bola madinika »

Izay no tena izy raha ny contexte aratsosialy sy ara ekonomika no jerena satria ny tsirairay no antsoina hoe acteurs économique, rehefa mitombo ny farimpiainan'ny tsirairay dia miha-manankarena ny tany.

Fiffi:


Ny olana faharoa dia ny fomba fampiasam-bola sy ny fitantanana . Raha tombanana ho 80% eon y tantsaha n any olona sahirana eto Madagasikara , firy isan-jato kosa no nahita fianarana ka haharaka an-tsakany sy an-davany ny fiofanana amin’ny fitantana-bola ?

Fanamarihana tena mitombona tokoa! Misy ny antsoina hoe SAVOIRS LOCAUX fa tsy voatery nianatra teny amin'ny EPP na Ankatso akory vao hahay ny tantsaha.
Na ny marimpandrefesana rehetra aza dia tsy mitovy ny an'ny tantsaha ny an'ny olona nianatra, kanefa tsy midika izany hoe tsy mahay ny tantsaha.

Ny olana misy dia hambaniana ny fahaizan'ny tantsaha ary lazaina fa ny avarampianarana foana no mahery tokony hitantana.

Ny fomba fampindramambola dia "langage an'ny avarampianarana" foana ary tsy mifanaraka amin'ny "langage tantsaha" (savoirs locaux) velively.

Asiana manao projet ny tantsaha vao mahazo vola ohatra kanefa ny fanoratana ny projet dia sady efa feno condition izay tsy mifanaraka intsony amin'ny ilain'ny tantsaha no mbola asaiana rediger-ny à la facon d'un Comptable na Technicien ihany koa, raha tsy izany tsy misy saosy e!

de eo indrindra isika izao fa aleon'ny olona ohatra hanamboarana trano ny vola omen'ny PSDR sns satria efa projet transformé sns izay tsy mifanaraka intsony amin'ny tedaviny.

Aiza ny approche participative dradradradraina etsy sy eroa? Na misy ary io tena nampiharina marina ve
? Y a t'il une reelle participation? Continue-t-on à considerer les pauvres paysans comme des ignorants? Democratie ou Barbarisme?

Fiffi:


Ny hevitra tsotra indrindra azo atsipy angamba dia hoe maninona moa raha mba manangana orinasa isaky ny faritra ny fanjakana mba hamokatra fitaovam-pamokarana sy hanodina ny vokatra ho azo aondrana . Tohizana hatrany ny fanamorana ny fanomezana tany ho an’ny olona izay vonona ny hiasa. Trandrahana amin’ny fambolena ireo tany lava volo ary atao manara-penitra toy ny”Fitaratr’I Madagasikara” etsy Iavoloha.Ampiasaina ny trakitera sy ny kibota.

Efa nandalo teo amin'ny firenena daholo ireo saingy ireo mihintsy no hanenjehan,ny BM sy ny FMI antsika sy ny tany Afrikana subsaharienne rehetra. Investissement à outrance.
Hevitra tena nety tokoa saingy noho ny fitantanana tsy nety dia faillite avokoa.
Asa raha tadidinareo ny orinasa LALASOA mpanao Soja sy Salasa tetsy Ambatolampy ohatra.
Faillite satria ny ronono vokarina mbola mora kokoa noho ny tetra-Pak fonony, ary dia lafo ny vidiny fa ambony ny cout-ny emballage noho ny ronono, de faillite, torak'izany ny Karenjy, ny Procops, sns.

Tafavoaka tsara ireny angamba raha hay ny ni-controler ny cout sy ny analyse financière tsara.

Ankehitriny dia noho ny fisitahana dia tsy mahazo manao ireo intsony ny fanjakana satria bedin'ny communauté internationale izay olana tokoa fa tsy afaka ialana paha mihintsy satria avy any 80% ny vola miodina any Dago.

Ankehitriny ny andraikitry ny fanjakana dia miantso ny particuliers sy ny privés hanao izay asa rehetra izay eo amin'ny toerana. Manome environnement favorable amin'ny fidiran'ny privé amin'ny sehatry ny famokarana izy sisa.
Moa rahateo: fanjakana efa mangataka ve no mbola hangatahana ihany. Tsy tokony hiantehitra be firy intsony amin'ny fanjakana isika izany satria tsy andraikiny intsony izany.

Matoa nefa mbola tsy misy ny ozinina, ny orin'asa etsy sy eroa dia mbola tsy mazoto izany ny Privés hiditra antsehatra na tsy hay. Any no mila tsandrahana, tedavina ny antony rehetra tsy maha-vonona ny privés, ary vahana.

Ataoko fa dia efa niezaka be mihintsy ny fanjakana hampatanjaka ny privé hatramin'izao saingy toa menomenona no betsaka mitsikera ny detaxation ohatra na mitsikera ny expansion ny orin'asa tiko, asa aloha fa tokony hanao otran'ny tiko daholo ny rehetra amin'ny sehatra maro fa tsy variana mitsikera azy tsy akory (raha tsy hoe monopole angaha).

hoy Herimiafina: "hanao otran'ny tiko daholo ny rehetra amin'ny sehatra maro fa tsy variana mitsikera azy tsy akory" indrisy anefa fa fahazaran-dratsy mihintsy izao fomba fitsikerana izao fa tsy mba mitonon-tena akory . :-*

mila fanofanana aloha isika ngamba vao tokony hiroso amin'ny sehatra hafa