Valiako amin'izay: zavatra lehibe ilaina amin'ny fiaraha-monina ny fifanajana (ingredient essentiel)satria isika tsy miaina irery fa miaraka amin'ny olona maro.
Matoa misy ny korontana, matoa misy ny tsy fandrosona, sns, dia anisan'ny tsy ampy izay io fifanajana io.
Marihina fa isika malagasy dia nampianarina manokana tsy hijery afatsy ny tenantiska foana hany ka tsy dia mipetraka loatra ato amintsika ilay fijerevana ny tombotsoan'ny hafa, anisan'ny endrika iray hahafahana miteny fa mbola tsy dia ao amin'ny sasantsasany amintsika loatra ny fifanajana io matetika.
Nolazaina foana fa socialista ny malagasy, fa misy ny fihavanana, fa kosa ny tena marina ankehitriny noho ny fivoaran'ny fiaraha-monina dia nitoetra ilay Individualisme, ilay hoe rehefa tsy hitondra n'inon'inona ho ahy de aleo ho any.
Manary fako anaty tatatra, mandrora sy mipipi eny amin'ny arabe, manimba fananam-panjakana, sns. Endrika iray isehoan'io toejavatra io daholo.
Ny "fihavanana" dia nisy tokoa fahiny, saingy ny adinontsika de matoa izy nisy dia satria nisy hery famoretana lehibe izay nampitambatra ny olona tao ambony tao, ny fanjakana izany, ny jadona.
Ka raha efa nalana ve ny fatotra, nofoanana ny faha-panjaka, ka nandroso ny fanalalahana sy ny fahafahana sy ny demokrasia de hioampefy daholo isika rehetra ka tsy hanao afatsy izay mahametimety ny saintsika, tsy mahavita sacrifice ho an'ny hafa sy ny fiaraha-monina intsony?
Dia tsy maintsy averina ve ny Jadona vao afaka mifanaja?
