Tsy haiko re aky ry Bichette fa misy ampahany kely fotsiny tsy afaka ao an-tsofiko.
O ry Lanto â, izao angamba no izy :
"jereo ny volonay
madio tsara ery
sady izay indray
nasina bingody"
Jereo koa ity tononkalon'i Avana ity fa mipetrapetraka tsara ny gadona sy rima.
Tsy afaka an-tsofiko koa izy ity.
Ireny ka olona kosa!
Tsarovy fa fihodinkodinana
No didy mitondra ny tany;
Fiakarana sady fidinana
Korontana ambony sy ambany.
Ny ketraka mora mivarina,
Miroraka tonga kanosa,
Ny potraka nefa tafarina,
Ireny ka olona kosa!
Dia olo-mandala ny lazany
No sady mitandro ny zony;
Manandratra ilay Tanindrazany
Manondrotra an'io ho ambony.
Mandritra ny andro iainany
Ka mandra-patoriny ho lo,
lzany no hany fisainany,
Fisainana tsy maintsy ho to.
Febroary 1942
Ny avana RAMANANTOANINA
