Na dia hampidirin’ny fahavalo any am-ponja aza ireo olon’Andriamanitra mahatoky , dia tsy hahasakana ny firaisan’ny fanahiny amin’i Kristy ireo rindrin’ny tranomaizina . Ilay mahita ny fahalemeny rehetra , Ilay mahafantatra ny fitsapana rehetra , dia ambonin’ny fahefana rehetra eto an-tany . Ho avy ao amin’ny toerana manirery ao an-trano maizina ny anjely ; ka hitondra fahazavana sy fiadanana avy any an-danitra . Ho toy ny lapa ny tranomaizina ; satria mitoetra ao ny manankarena amin’ny finoana ka hohazavain’ny fahazavana avy any an-danitra ireo rindrina manjombona . Tahaka ny fony i Paoly sy Silasy nivavaka sy nihira fiderana tamin’ny mamaton’alina tao amin’ny tranomaizina . Hery Mifanandrina pp 652 , 653 .

Ireo vokatra faha enina voalohany ateraky ny loza

1.-Inona no hiseho rehefa mandrotsaka ny loza faha enina avy ao anatin’ny kapoakany ilay anjely ? Apokalypsy 16 : 12 . Inona ilay fahefana asehon’ny ony Eofrata ?


Inona moa io Ony lehibe Eofrata io , izay androtsahana an’ilay loza ? Ny olona sasany dia mihevitra fa izy io dia tena ilay Eofrata marina izay mikoriana ao Azia . Ny olona hafa sasany kosa mihevitra fa izy io dia sary tandindona maneho an’ilay firenena izay eo amin’ny faritany andalovan’ny Ony Eofrata dia i Turquie izany . Ity fihevitra farany ity no toa mendrika kokoa ho fidiana noho ny antony maro , araka ity toko sy andininy ity : Apokalypsy 16 : 12 . Isika rehetra dia samy manaiky fa ny Ony Eofrata dia sary maneho ny fahefana Turquie . Uriah Smith l’Apokalypse p 161 .

2 .-Ao anatin’ity tontolon-kevitra ity , moa ve ny Ony Eofrata tsy maintsy raisina hoe tena Ony marina ara-bakiteny sa tsy maintsy ho raisina ho tandin-dona ? Inona no asehon’ireo rano rehefa ampiasaina ara-tandindona io teny io ? Apokalypsy 17 : 15


Miaraka amin’ireo antony rehetra izay tsy anekena ny Ony Eofrata ho ara-bakiteny , dia tsy maintsy raisina ho ara-tandindona io Ony Eofrata io , toy ny sary tandindona maneho an’ilay fahefana izay manana an’ilay faritany misy , tundra-han’io Ony io teo amin’ny fiantombohan’ilay fahamarinana . Ny rehetra dia miara-manaiky mba hilaza fa io fahefana io dia manondro an’i Turquie . Noho izany , dia azontsika atao ny mitady ny fahatanterahan’ireo zavatra miavaka manokana raiketin’io faminaniana io ao anantin’ireo zavatra izay mahakasika ny firenena Turquie . Ny Ony Eofrata dia sary maneho ny fahefan’ny firenena Turquie . Noho izany , ny fahamainan’io Ony io dia ny fihenan’ny fahefan’i Turquie , ny fihenana tsikelikely an’ireo sisin-taniny . Izany no tena zavatra izay tena niseho marina .
Nandritra ny taon-jato maro ,ny faritanin’ny Palestina sy ny faritanin’ny Eofrata dia teo ambany fanapahan’ireo Governora Silamo, teo ambany fifehe-zan’ny Turquie . Noho izany dia ara-drariny tsara ny mino fa ny firenena Turquie dia ho tonga eo amin’ny fiafarany alohan’ny handefasan’ireo mpanjakan’ny tany ny tafik’izy ireo ho eo amin’io firenena io . Ny fiafaran’i Turquie dia manondro ny sehatra ho amin’ilay adin’ny Aramagedona . Uriah Smith l’Apokalypse pp 161 , 164 .

Ireo fanahy ratsy eo ampanaovana ny asany

3 .-Inona ihany koa ireo vondrona hafa izay miasa eo amin’ny sehatr’izao tontolo izao mandritra ny loza faha enina ? Apokalypsy 16 : 13


Ao amin’ny bokin’ny Apokalypsy ao , i Jaona dia manoratra mikasika an’ilay fitambaran’ireo mponina eto ambonin’ny tany mba hanafoana ny didin’Andriamanitra . Izy ireo dia manana fikasana anankiray mitovy , ary manolotra ny heriny sy ny fahefany rehetra ho an’ilay bibidia . Izy ireo dia hiady amin’ilay Zanak’Ondrin ‘Andriamanitra , ary ilay Zanak’Ondry haharesy azy , satria Izy dia tompon’ny Tompo sy Mpanjakan’ny Mpanjaka . Ary ireo voaantso , sy voafidy , ary mahatoky miaraka Aminy , dia handresy azy ireo ihany koa . Apokalypsy 17 : 13-14 . Ary nahita aho fa indreo fanahy maloto telo tahaka ny sahona avy tamin’ny vavan’ilay dragona sy tamin’ny vavan’ilay bibidia ary tamin’ny vavan’ilay mpaminany sandoka . Selected Messages vol 3 p 423

4.-Mba hahatanteraka ny fikasan’ireo mpamitaka , fanenjehana mahatsiravina manao ahoana sy toy inona no entin’ireo vondrona hafa ireo manantona ny mpanjakan’ny tany manontolo ? Apokalypsy 16 : 14


Ny fiandohan’ireo fanahy ratsy ireo dia manambara fa , izy ireo dia hanao hetsika manova zavatra mihintsy eo anivon’ireo antoko lehibe misahana ny fivavahana eto amin’izao tontolo izao , izay voaseho amin’ny alalan’ilay dragona ,ilay bibidia , ary ilay mpaminany sandoka . Izany hoe : Ny fanompoan-tsampy , ny fivavahana katolika Romanina ary ny fivavahana Protestanta mpitsipaka ny fivavahana marina . Uriah Smith l’Apokalypse p 164 .
Hatramin’ny nipoahan’ilay ady lehibe tany an-danitra no efa fikasan’i Satana ny handrodana ny lalàn’Andriamanitra . Izany no antony nanangany ny fanevan’ny fikomiana tamin’ny Mpamorona , ary rehefa voaroaka avy tany an-danitra izy , dia mbola nanohy ny ady tety an-tany . Ny hamitaka ny olona sy hitarika azy amin’izany handika ny lalàn’Andriamanita no fenitra tsy miova kendreny ho tratrarina . Na ny fialana amin’ny lalàna manontolo , na ny fitsipahana ny anankiray amin’ny didy no ahavitany izany , dia hitovy ny vokany amin’ny farany . Izay “ diso amin’ny iray loha” dia manamavo ny lalàna manontolo ; ny hery miasa mangina avy aminy sy ny ohatra omeny dia samy mitory fandikan-dalàna ; “ tonga meloka amin’izy rehetra izy” . Hery Mifanandrina p 607

5 .-Aiza no mitambatra ireo herin’ny ratsy mba hamita an’ilay asa fandripahana ataon’izy ireo ? Joela 3 : 2 , 9-12


Ireo herin’ny ratsy dia tsy hiala eo amin’ny tany misy ny ady raha tsy efa niady izy . Kanefa moa ny fitondran’Andriamanitra dia handray anjara amin’io adin’ny Haramagedona io . Rehefa ny tany hazavain’ny voninahitr’ilay anjelin’ny fahazavana lehibe , ireo hery ara- pivavahana , ny tsara sy ny ratsy , dia hifoha amin’ny torimasony , ary ireo andian-tafik’Ilay Andriamanitra velona dia handray ny andraikiny . Maranatha p 255
I Jaona dia vavolombelona ihany koa manambara ireo fisehoan-javatra mahatsiravina izay ho tonga mba ho famantarana ny amin’ny fihavian’i Kristy . Jaona dia nahita andian-tafika maro niangona mba ho amin’ilay ady , ary hitany ihany koa ny fon’ny olona nihareraky ny tahotra mafy . chust Triumphantp 316 .

6.- Moa ve Andriamanitra dia hamela an’ireo mpankahala fivavahana haha-tanteraka ny drafi-trasa mpandripaka ataon’izy ireo , ka hamela azy hanohitra sy handrava ny fahamarinana sy ny vahoakan’Andriamanitra ? Inona no voalazan’ny faminaniana mikasika io fotoana mampatahotra io ? Apokalypsy 16 : 15a


Hianjady amin’izay rehetra mitady hampahory sy hamono ny vahoakan’ Andriamanitra ny fitsarany . Mahatonga ny ratsy fanahy ho sahisahy handika ny lalàna ny fahari-pony ela , nefa azo antoka fa tsy maintsy hihatra ny famaizana ary ho loza indrindra izany noho ny fahelan’ny fotoana . Fa Jehovah hitsangana tahaka ny teo amin’ny tendrombohitra Perizima , ho tezitra tahaka ny teo amin’ny lohasahan’i Gibeona Izy , mba hanaovany ny asany . Tsy ilay vitainy mandra-kariva anefa , Isaia 28 : 21 . Asa tsy fanaon’Ilay Andriamanintsika be famindram-po ny famaizana . Raha velona koa Aho hoy Jehovah Tompo , dia tsy sitrako ny hahafatesan’ny ratsy fanahy . Ezekiela 33 : 11 . Mamindra fo sy miantra Jehovah , mahari-po sady be famindram-po sy fahamarinana … mamela heloka sy fahadi-soana ary fahotana kanefa tsy mety manamarina ny meloka . Mahari-po Jehovah sady be hery ary tsy mety manamarina ny meloka . Ezekiela 24 : 6-7 . Amin’ny alalan’ny zava-mahatsiravina nefa araka ny fahamarinana , no ho entin’ Andriamanitra hiarovany ny fahefan’ny lalàny nohitsakitsahina . Azo lanjalanjaina amin’ny tsy fahazotoan’ny Tompo hampihatra ny fitsarany ny hamafin’ny valin’asa miandry ny mpandika lalàna . Hery Mifanandrina p 653

7 .-Na dia eo aza ny toe-draharaha sarotra dia sarotra , inona ilay fitahiana izay ho raisin’ireo zanak’Andriamanitra amin’io fotoana io ? Apokalypsy 16 : 15b


Aorian’ilay fanoritsoritana izay ataon’i Jaona ho antsika , ao amin’ny Apokalypsy toko faha 16 , mikasika an’io fahefana mahagaga io , izay mampi-tambatra ny olona manerana izao tontolo izao mba ho amin’ilay fanandrinana lehibe , dia nesorina ilay sary tandindona , ary ilay feo dia maneno toy ny trompetra izay mamerina indray manome feo mazava tsara manao hoe : “Indro avy toy ny mpangalatra Aho . Sambatra izay miambina ka miaro ny fitafiany , fandrao mandeha mitanjaka izy , ka ho hita ny fahamenarany”. Les Evenements des derniers jours p 250

Mba ho saintsainina lalina

Hebreo 3 : 17-19 ; Salamo 121 : 1-8 ; Isaia 33 : 14-16
… Moa ve nanadino an’i Josefa nohodidinin’ireo mpanompo sampy tany Egypta Izy ? Moa ve nanadino an’i Elia Izy rehefa niozonozona i Jezebela fa hanao aminy toy izay natao tamin’ireo mpaminanin’i Bala ? Moa ve nanadino an’i Jeremia tao anaty lavaka fatsakana lalina sy maizina tao amin’ny tranomaizina nisy azy Izy ? Moa ve nanadino ireo telo lahy mendrika tao amin’ny lafaoro nirehitra afo Izy , na an’i Daniela tao an-davaky ny liona ?
Izay nazoto nianantra ny Soratra Masina ihany ary izay nandray ny fitiavana ny fahamarina ihany no ho voaaro amin’ny fitaka mahery vaika izay hamabo an’izao tontolo izao . Amin’ny alalan’ny teny vavolombelona ao amin’ny Baiboly no hamantarany an’ilay mpamitaka miova endrika . Hipaika ho an’ny rehetra ny ora fisedrana . Ny fanasivanana hataon’ny fakampanahy no hampiseho ny kristia-nina tena izy marina tokoka . Moa ve tafaorina mafy eo amin’ny tenin’ Andriamanitra ny vahoakany , ka tsy hilefitra na dia amin’izay voaporofon’ny retsi-pandreny mazava aza ? Moa ve hifikitra amin’ny Baiboly irery ihany izy rehefa tonga ny fotoan-tsarotra toy izany ? Raha azo atao dia hosakanan’i satana ny miomana mba hijoro amin’io andro io . Hery Mifanandrina pp 652 , 651

H.S
Ity ve izany no tsy nialana sasatra na nialana voly nandritra ny 1er mai ?
Nahita mihitsy ny naomorona ity kopie/kole ity a !
Tapitra
:-)