… Mbola manana olona ao Babylona anefa Andriamanitra ; ka alohan’ny handatsahany ny fitsarany dia tsy maintsy antsoina hivoaka ireo , mba tsy handraisany anjara amin’ny fahotany ka tsy hahazo azy ireo loza hanjo azy . Izany no mahatonga ny fihetsikatsehana aseho ara-tandindona amin’ilay anjely avy any an-danitra , manazava ny tany amin’ny voninahiny , miantso mafy amin’ny feo mahery , ka manambara ny fahotan’i Babylona . Mifandray amin’io hafatra io ilay feo re manao hoe : “ Mialà aminy , ianareo ry oloko” . Ireo fanambarana ireo , miaraka amin’ny hafatry ny anjely faha telo , no fampitandremana farany hatao amin’ny mponina ety an-tany . Hary Mifanandrina p 630
NY FAHARAVANA FARANY NAHAZO AN’I BABYLONA
1.-Inona no ho fitoetra misy ny tontolon’ny fivavahana eo amin’ny fotoanan’ny hafatry ny anjely fahatelo sy ny hafatr’ilay anjely voalaza ao amin’ny Apokalypsy 18? Apok. 14: 8; 18: 2, 3
«Mahatsiravina ny toetran’izao tontolo izao ara-pivavahana ambara eto. Mihamaizina isaka ny mandà ny fahamarinana ny sain’ny olona, mihamafy ny fony mandra-pahatonga azy hamahatra amin’ny mandan’ny tsy finoana. Tsy miraharaha ny fampitandremana izay nataon’Andriamanitra izy, fa mikiry hanitsakitsaka ny anakiray amin’ny Didy folo, ka amin’ny farany dia tonga mpanenjika ireo izay manaiky izany ho masina. Fanaovana an’i Kristy ho tsinotsinona ny fanamavoana ny teniny sy ny vahoakany. Rehefa eken’ny fiangonana ny fampianarana entin’ny filalaovan’angatra, dia miala ny fameperana atao amin’ny fo ara-nofo, ka hanjary lamba Isalorana fotsiny anakonana ny faharatsiana ambany indrindra ny filazana fa mivavaka. Ny finoana ny fisehoan’ny angatra dia mampidanadana ny varavarana hidiran’ny fanahy mamitaka sy fampianaran’ny demonia, ary amin’izany fomba izany no hahatsapana ny hery miasa mangina avy amin’ny anjely ratsy ao amin’ny fiangonana. . » – Hery Mifanandrina p 629, 630
2 .- Inona ireo antony nandefasana an’io hafatra io ho an’ireo olona izay milaza-tena ho Kristiana sy ho an’izao tontolo izao amin’ny ankapobeny? Isaia 24: 5; Rom. 1: 21, 25. Inona no nosoratan’ilay penina feno tolo-tsaina avy tamin’ Andriamanitra tany amin’ny fotoana taloha efa mihoatra ny taonjato iray tany?
«Ny Fanahin’Andriamanitra dia miala tsikelikely manalavitra ny tany, tsikelikely kanefa tsy an-kiato. Ireo vay sy fitsarana dia efa mahazo an’ireo izay mpanao tsinontsinona ny fahasoavan’Andriamanitra.
“Mitambatra ireo herin’ny ratsy ary mitombo mba ho amin’ilay fotoan-tsarotra farany. Hisy fiovan-javatra maro izay hitranga tsy ho ela eto amin’izao tontolo izao, ary ireo trangan-javatry ny andro farany dia hiantoraka faingana hiasa
“Ireo fipetra-javatra ankehitriny dia maneho fa ireo fotoana feno korontana mahavery hevitra dia hanjo antsika. Ireo gazety dia mampifoha ny saintsika mba hahafantarantsika ny amin’ny fifanandrinana mahatahotra izay tsy maintsy hitranga afaka fotoana fohy. Ireo vaki-trano feno fahasahiana dia misy matetika, ireo fitokonana dia efa fanao manerana ny tany, ireo halatra sy vonoan’olona dia mitombo. Ny ain’ireo lehilahy sy ankizy maro dia esorin’ireo olona izay eo ambany fifehezan’ny herin’ny demonia. Ny faharatsiam-pitondran-tena dia mihanaka ary ny fanaovan-dratsy dia mahery sy mirehereha tokoa amin’ny endriny maro samihafa.” – Témoignages pour l’église, vol 3, p 335, 336
ANTSO HO AN’IREO FANAHY MAHITSY FO IZAY AO ANATIN’NY FIANGONANA
3. -Inona ilay antso maika izay ataon’Andriamanitra ho an’ireo zanany izay mahitsy fo mbola ao anatin’ireo fiangonana lavo? Apok. 18: 4; II Kor. 6: 17, 18
Izao no voalaza momba an’i Babylona amin’ny fotoana isehon’io faminaniana io ; Fa ny fahotany efa nitehika tamin’ny lanitra , ary Andriamanitra efa nahatsiaro ny ratsy nataony. Efa nofenoiny ny kapoaky ny heloka nataony . Koa efa madiva hianjady aminy ny fandringanana . Mbola manana olona ao Babylona anefa Andriamanitra ; ka alohan’ny handatsahany ny fitsarany dia tsy maintsy antsoina hivoaka ireo , mba tsy handraisany anjara amin’ny fahotany ka tsy hahazo azy ireo ny loza hanjo azy . Izany no mahatonga ny fihetsiketsehana aseho ara-tandindona amin’ilay anjely avy any an-danitra , manazava ny tany amin’ny voninahiny , miantso mafy amin’ny feo mahery , ka manambara ny fahotan’i Babylona . Mifandray amin’io hafatra io ilay feo re manao hoe : “ Mialà aminy ianareo ry oloko” . Ireo fanambarana ireo , miaraka amin’ny hafatry ny anjely faha telo , no fampitandremana farany hatao amin’ny mponina ety an-tany . - Hery Mifanandrina p 630
HERY ANANKIROA MIFANANDRINA
4. -Inona no zavatra izay vokarin’ilay bibidia sy ny sariny manerana izao tontolo izao? Apok. 13: 15-17. Etsy andanin’izany, inona ilay fampitandremana hentitra izay alefan’Andriamanitra ho an’ny mponina eto ambonin’ny tany? Apok. 14: 9- 11
“ Hanoloana safidy mahatsiravina izao tontolo izao . Ireo fahefana eto an-tany izay miray hina mba hiady amin’ny didin’Andriamanitra , dia hamoaka lalàna milaza fa ny olona rehetra na ny kely na ny lehibe , na ny manankarena na ny malahelo , na ny andevo na ny tsy andevo , Apokalypsy 13 : 16 , dia tsy maintsy hanaraka ny fomba amam-panaon’ny fiangonana ka hitandrina ny Sabata sandoka . Izay rehetra mandà tsy hilefitra dia iharan’ny sazy ahatran’ny fanjakana , ary amin’ny farany dia lazaina fa mendrika ny ho faty izy ireo .– Hery Mifanandrina p 630
5.- Inona no asa mahery vaika hataon’ireo pasitora sandoka mba hanitahana ny vahoaka? II Kor. 11: 13- 15; I Mpanj. 22: 23- 25
« Maro amin’ireo izay maheno an’ilay hafatra no tsy mino ilay fampitan- dremana. Maro no tsy manaraka ireo didin’Andriamanitra izay fandrefesana ny toetra. Ireo mpanompon’Andriamanitra dia antsoina hoe mirehidrehitra tsy amin’ny antony. Hanoro hevitra ny vahoaka ny pasitora mba tsy hihaino ireo pasitora sandoka ireo. Noheverina ho mirehi-drehitra foana tsy amin’ny antony i Noa rehefa natosiky ny Fanahin’Andriamanitra ka nanambara ilay hafatra, na hihaino azy ny olona na tsia. Tsy ny hoe oviana no hiseho io fiavian’i Kristy fanindroany io no zava-dehibe, ny fiaviany dia ho tampoka amin’ireo pasitora sandoka izay milaza hoe: ‘fiadanana sy fandriam-pahalemana’
“Ny zavatra rehetra dia mitoetra tsy miova hatrany am-piandohan’ny famoronana. Hoy ny tenin’andriamanitra: ‘ho tratran’ny faharavana tampoka izy ireo’. Ho tonga ilay andron’Andriamanitra tahaka ny fandrika mahazo an’ireo izay monina eto ambonin’ny tany manontolo. » – Témoignages pour les pasteurs p 115
NY LALAN’ANDRIAMANITRA SY NY FILAZANTSARA
6. Inona no ho ataon’Andriamanitra ao anatin’ny famindram-pony lehibe? Moa ve izy hametraka ny olona ao anatin’ny maizina? Apok. 18: 1
« Nefa tsy nisy olona na dia iray aza natao hiaran’ny fahatezeran’ Andriamanitra raha tsy efa nabaribary tsara tamin’ny saina amam-pieritreretany ny fahamarinana , kanefa notsipahiny . Betsaka ny tsy mbola nanam-potoana mihintsy handrenesany ireo fahamarinana manokana ho amin’izao andro izao . Tsy mbola naseho teo anantehany mihintsy araka ny tena toetrany ny maha tsy maintsy hankatoavana ny didy faha efatra . Ilay mamaky ny ao am-po tsy miloaka ao amin’ny tsirairay , sy misedra ny toe-tsaina manetsika antsika dia tsy hamela ny olona iray izay maniry hahalala ny fahamarinana , ho voafitaka ny amin’ny fiafaran’ny ady.Tsy hampiharina an-jambany amin’ny olona akory ny didy . Tsy maintsy samy hahazo fahazavana ampy ny tsirairay mba hanapahany hevitra amin’ny saina maharitra . » – Hery mifanandrina p 631
7. -Eo amin’ny fotoanan’ny fampitandremana farany, inona no mbola ho ivon’ilay hafatra? Rom. 3: 24- 26; Apok. 14: 12
« Ny hafatra ny amin’ny fahamarinan’i Kristy dia tsy maintsy manakoako mane-rana ny tany manontolo mba hanomana ny làlan’ny Tompo sy mba haneho ny voninahitr’Andriamanitra. Rehefa izany dia ho tapitra ny hafatry ny anjely fahatelo. » – Témoignages pour l’église, VOl 2, p 434
“ Ny Sabata no ho fisedrana lehibe momba ny fahatokiana , satria io no fahamarinana anankiray isehoan’ny fifanolanana amin’ny fomba manokana . Rehefa hampiharina amin’ny olona ny fisedrana farany , dia hisy tsipika mazava hampisaraka izay manompo an’Andriamanitra sy izay tsy manompo Azy . Raha ny fitandremana ny Sabata sandoka no fanekena ny lalàm-panjakana , izay manohitra ny didy faha efatra , ary fiaikena ny fiandaniana amin’ny fahefana manohitra an’Andriamanitra , ny fitandremana ny Sabata marina kosa dia fankatoavana ny lalàn’Andriamanitra , sy porofo mazavan’ny toetra mahatoky amin’ny Mpamorona . Ny antokon’olona iray izay manaiky ny famantarana amin’ny fileferana amin’ny fahefana eto an-tany , dia mandray ny mariky ny bibidia , ny anankiray kosa , izay mifidy ny famantarana ny fiandaniana amin’ny fahefan’Andriamanitra , dia nandray ny tombo-kasen’Andriamanitra . ” Hery Mifanandrina p 631
Mba ho saintsainina lalina
Salamo 126: 5, 6; Apok. 3: 21; Tononkira 6: 10
«Ny fiangonana dia tsy maintsy mamirapiratra, ary ‘hamirapiratra tsara tarehy toy ny volana, toy ny masoandro, maha-te-hanaja toy ny tafika efa voalamina tsara’. Ireo mpanompon’Andriamanitra dia tsy maintsy manaisotra ilay ozona izay nahatonga ny fiangonana ho matimaty, amin’ny alalan’ny fiaraha-miasa amin’i Kristy. (Lettre 130, 1902). » – Commentaires bibliques, p 394
Miomana ho amin’ny ady farany ny fiangonana fa voatafy ny akanjo vin’ny fahamarinan’i Kristy . “ Tsara tarehy tahaka ny volana , madio toy ny masoandro sady mahatahotra roy ny antokon’ny miaramila mitondra faneva izy ” Tononkiran’i Solomona 6 : 10 . Ary mandroso eo amin’izao tontolo izao ka “ naharesy sady mbola haharesy ” . Mpaminany sy Mpanjaka p 591
