Fantatsika ho niova vao haingana ny loholona amin'ireto firenena ireto:
-Cité du Vatican
-Royaume des Pays-bas
-Emirat du Qatar
Ary vao omaly izao no re fa hisolo ato ho ato koa ny mpanjaka any Belgique,
Ny mampiavaka ireto tany ireto dia tsy ny vahoaka no mifidy ireo mpitondra ireo,
Ny tsy mahazatra koa dia tsy niandry ny fahafatesan'ny mpitondra teo aloha vao mandimby ny manaraka azy, izany hoe misy fotoana mbola ahafahan'ny mpitondra teo aloha manoro ny mpitondra vaovao rehefa am-perinasa izy ary manome traikefa azy. Ny mahatsara azy koa dia tsy misy tetezamita fa mitohy hatrany ny raharaham-pirenena.
Any amin'ny toeram-piasana maro koa amin'izao dia misy ny olona efa misotro ronono no miara-miasa amin'ireo tanora mba hampita fahalalana sy traikefa mandritra ny fotoana maromaro. Mitovy ihany koa ny tombotsoa azon'ny orinasa: mitohy ny raharaha ary tsy tsapa loatra ny fahabangan'ireo olona teo aloha. Ny tanora mahazo traikefa ary ny lehibe tsy mahatsiaro tena hoe "tsy ilaina intsony".
Ny tsara hamintinana azy angamba dia hevitra tsara tokoa ny tsy mamela zavatra banga raha tiana haharitra generations maromaro izy. Na miova aza ny olona mitondra sy ny fomba fitondrana dia isy ny fanomanana ireto mpandimby vaovao.
Anio alina koa dia henontsika fa tsy manana filoha voafidy intsony ny mponin'i Egypte. Hisy toy ny eto amintsika ny tetezamita hanomanana fifidianana vaovao ary nomena ny mpitantana ny lalàm-panorenana ny fitondrana mandritra ny fikarakarana ny fifidianana.
