Nigadona an-tanindrazana androany ny amiraly Didier Ratsiraka.
Tonga nitsena ny amiraly ny Pr Zafy Albert ary nanambara fa miandry ny fahatongavan'ny filoha teo aloha Marc Ravalomanana ihany koa.
Samy nilaza i Roland Ratsiraka sy Tantely Andrianarivo fa nisy ny sakantsakana nataon'ny HAT mba tsy ahafahan'ny Amiraly niverina an-tanindrazana.
Azo lazaina fa nilamina ny teny Ivato, na dia tomefy olona aza manodidina ity seranam-piaramanidina ity.
Mino ny hery afivoany, fa hitondra vahaolana ny fiverenan'ny filoha teo aloha Didier Ratsiraka.
Ny fahefana avon'ny tetezamita no namela ny amiraly hiverina an-tanindrazana, hoy ny avy amin'ny TGV.
Entina an-tsary ireo zavatra hafa kely nitranga teny Ivato, nandritra ny fiverenan'ny Amiraly an-tanindrazana.
Nitondra ny heviny manoloana ny fitsanganan'ny governemanta atoa Eddie Fernand.
Tafaverina ho minisitry ny Fitsarana indray Razanamahasoa Christine. Nolazainy tamin'ny mpanao gazety ny laharam-pahamehana ho an'ity departemanta izay iadidiany ity.
Nanome ny heviny mikasika ny zava-nitranga omaly teny Behoririka Maître Avoko Rakotoarijaona. Tsy adinony ny niresaka ny raharaham-pirenena amin'ny ankapobeny, indrindra ny fampiharana ny tondrozotra.
Notontosaina androany ny famindram-pahefana teo amin'ny minisitry ny Filaminana anatiny teo aloha Ranaivoson Dieudonné sy ny minisitra vaovao Rakotondrazaka Arsène.
Ny fivelaran'ny tanora amin'ny alalan'ny fanentanana azy ireo handray andraikitra ho an'ny firenena no laharam-pamehana ho an'ny minisitra vaovao hisahana ny tanora, Jacques Ulrich Randriatiana.
