Ao anatin’ny roa andro dia hiverina hitobaka eo amin’ny tsena indray ny menaka Magro rehefa nifampitadiavana nandritry ny fotoana vitsivitsy. Izay no fantatra araka ny fanazavana nentin’ny tompon’andraikitra teo anivon’ny tranombarotra Magro.

Mikaikaika ny ankamaroan’ny Malagasy mpampiasa menaka. Ny maro moa, noho ny tsy fahampiana ara-bola, dia efa mionona amin’ny rano ka tsy mivaky loha amin’izany olana izany.

Ny hafa indray mimenomenona amin’ny hoe nahoana no atao ampihimamba tahaka izao ny menaka raha tsy araka ny famatsiana satria miteraka fampahoriana ny Malagasy fotsiny. Ao ireo miantso avy hatrany ny mba hisian’ny mpandraharaha ivelan’ny Tiko hanao ny famokarana.

Avy any ambony tokoa no miainga ny ohatra. Ataon’ny hafa ahoana moa no hifehy ny vidin’entany raha izao no ataon’ny orin’asa izay mpitondra fanjakana no tompony. Misy mihitsy aza ny alaim-panahy mieritreritra fa sao dia mba ny hampakatra ny vidin’ny menaka tokoa ary no anton’ilay krizy farany teo iny.

za de gaga mahintsiny @ ity fiakarany vidiny menaka ity.
tsy ny menaka ihany fa ny zavatra rehetra eh,ny eo ampandriana ihany izao no zavatra tsy miakatra ,fa mbola ar100 ihany hatramin'izao:-D'ar100 ampandriana eeh'

na ampiakariny 100.000 fmg aza ny azy ny litre;
tokony hosokafany ny tsena ny fifaninana,
avereno ny 03 frères andrefan\'ambohijanahary fa aza gadraina,
izay olona manao entana mora rehetra tapitra gadrain\'ilay ty tena lahy iny daholo,
nahoana ny grossiste \"3 frères\" afaka nibarotra menaka madio @ bouteille d\'un litre à 10.000 fmg;
koa ny anao tadiavina hatao 20.000 fmg;
sao dia tsy rariny,
fa tsy ho tantinareo mianakavy anie ny halahelom-bahoaka;
izay hisaorako manokana ny eveka nisolo vaika ny ankalana fa tena efa mihoapefy tanteraka le \"tsy ampy fianarana, tsisy diplomatia iny e!\"
leo ny tanànà fa saina tonga @ zay e!
ultimatum

koa efa 20.000 ary ny litatra zao, ny en vrac 17.000,giravy rey olona a!

pimaso:

na ampiakariny 100.000 fmg aza ny azy ny litre;
tokony hosokafany ny tsena ny fifaninana,

marina io

pimaso:


avereno ny 03 frères andrefan\'ambohijanahary fa aza gadraina,

olona mangalatra ve rangahy 'ty dia avela amin'izao a! tsy arakareo angaha ireny cheq sans provion ireny??? mbola tsy voany 'nareo ka manao izany.

Raha ny lôjika dia izao: tokony hidina ny vidin’ny menaka rehefa miakatra sy mitombo ny lanjam-bola ariary. Nahazo vahana ny sandam-bola malagasy, noho izany dia tokony nidina niaraka tamin’ny vava ny vidin’ny menaka. Tsy izay anefa no nitranga, fa nisitrika tsy fantatra antony sy tamin’ny fomba tampotampoka ny menaka izay iaraha-mahalala ny mpamokatra sy mpamatsy azy.

Niniana natao ny nanitrika ny menaka satria tsy te hampidina ny vidiny ny tompony. Tetika maizina izany amiko ary tsy misy fitsinjovana velively ny Malagasy mpiray tanindrazana fa dia ny tombon-tsoa manokan’olom-bitsy sy ny an’ny orin’asany ihany no lolohavina. Ny zava-doza aza dia tsy voatazona intsony tamin’ny vidiny tany aloha ilay vidin’ny menaka fa vao mainka nitsambikina izaitsizy. Izany hoe diso tanteraka ilay lôjika hoe : raha mahazo aina ny ariary dia midina ny vidin’ny menaka. Tsy misy fenitra sy teôria mipetraka intsony eto amin’ity Madagasikara ity na ara-pôlitika na ara-ekônômika kanefa dia mpandraharaha milaza fa havanana amin’ny paika ara-toekarena no mitondra fanjakana.

Tsy tokony hidiram-patiantoka velively ny orin’asa mpamokatra sy mpamatsy menaka na miakatra ny ariary na tsia satria ny lalànan’ny tolotra sy ny tinady fotsiny no arahana. Saingy matin’ny sitrany ahay izy ireo dia mitady ny avoavo hatrany eo amin’ny tombom-barotra. Fa tombon-tsoa an’iza loatra ary no arovana eto Madagasikara? Fanontaniana goavana mipetraka izay.

Tsy vao izao no rakatra ny fanaovana ampihimamba sy ny fiarovana tombon-tsoa ataon’ireo orin’asa goavana mahazo avara-patana amin’ny fanjakana ireo fa efa hatrany amin’ny raharaham-bary tao Ambatondrazaka.

Novidiana lafo aloha tamin’ny voalohany ny varin’ny mpamokatra mba nahafahana namono ireo mpanangom-bokatra madinidinika. Ny mpamokatra rahateo moa, hoy izy, tsy omena tsiny satria izay sahy mividy amin’ny vato ambony no tolorany ny vokatra. Rava tsikelikely araka izany ny tanjaky ny mpanangom-bokatra madinika (petits collecteurs). Hiady amin’ny goavana koa ve moa. Izao anefa dia tsy tahotra tsy henatra akory ireto farany mividy mora amin’izay ny vokatry ny tantsaha.

Resak'i P.Andrianantenaina filohan'ny Farimbona.