Maro tsy tambo isaina izy ireo kanefa tsy misy mahalala ny sasany.Tsy mahay noho ireo vahiny ve izy ireny sa inona no antony tsy hijerena ny asa sorany? tsy fantatro ka mba ilaiko valiny ho an'ireo izay manam-panahy.Misaotra
mialoha ho anareo :
Maro tsy tambo isaina izy ireo kanefa tsy misy mahalala ny sasany.Tsy mahay noho ireo vahiny ve izy ireny sa inona no antony tsy hijerena ny asa sorany? tsy fantatro ka mba ilaiko valiny ho an'ireo izay manam-panahy.Misaotra
mialoha ho anareo :
Ny fahitako azy dia miankina amin'ny kolontsaina ao Madagasikara.
Mbola tsy tena mifantoka amin'ny asa soratra sy ny boky ary ny literatiora ny olona fa mbola variana amin'ny fitadiavana sy ny sakafo sns.
Ny Mpanoratra Malagasy rahateo koa tsy mbola manana ny ampy entiny hanantontana ny bokiny sy hanaparitahana azy ho fantatry ny maro. Ny tele sy ny Radio, ny gazety mbola tsy eo tsara hanohana ireo asa soratra ireo. Ary na misy aza izany dia tsy mahaleo ny vidiny ny sarany satria tsy zatra mividy boky ny Malagasy fa matetika mindrina amin'ny namany na mankany amin'ny tranom-boky na hafa. Zany hoe mbola tsy tena tafiditra ao amintsika ny fahatsapana fa sarobidy ny asasoratra ary ny mpanoratra azy koa no loharanon'izany hafasoavana izany.
Izaho indray ohatra ny tsy momba an'i Soaja tamin'iny. Amiko, tsy ny gasy no tsy tia mamaky boky fa ilay boky mihitsy no tsy misy. Vokatr'izany dia boky vita vazaha no vakian'ny olona. Ohatra CCAC sy Ambohijatovo, dia be tokoa ny mpindrana sy mpamaky boky eny.
Eo amin'ilay fanontana boky no ahitako ny lesoka. Marina ny anao hoe tsy mahaleo ny sarany ny vidiny dia aleo tsy manota.
kelly13> tsy ny teny Malagasy no sarotra fa ianao no tsy mahazo izay tian'ny mpanoatra ho lazaina. Raha vao miteny ianao hoe "Ilay vohitry ny nofy" dia i ED Andriamalala no nanoratra azy. Raha io mpanoratra io no resahinao dia raha tsy olona efa tena mandalina ny boky nosoratany dia tsy hahazo izay tiany ho lazaina. raha izaho ianao dia boky nosoratana mpanoratra hafa aloha vakiana vao mamaky ny boky nosoratan'io mpanoratra io. izaho dia anisan'ny tena mankafy ny boky nosoratan'ny ED ANDRIAMALALA toy ny Fofombadiko, Antso, Hetraketraka sns fa dia ankafiziko tsara ny zavatra soratany.
Izaho indray ohatra ny tsy momba an'i Soaja tamin'iny. Amiko, tsy ny gasy no tsy tia mamaky boky fa ilay boky mihitsy no tsy misy. Vokatr'izany dia boky vita vazaha no vakian'ny olona. Ohatra CCAC sy Ambohijatovo, dia be tokoa ny mpindrana sy mpamaky boky eny.
Eo amin'ilay fanontana boky no ahitako ny lesoka. Marina ny anao hoe tsy mahaleo ny sarany ny vidiny dia aleo tsy manota.
Ka ny fahitako azy anie dia miainga amin'ny fototra e. Tsy nobeazina hamaky boky isika fa hoe ilaina any an-dakilasy fotsiny dia tsy maintsy mamaky fa tsy tao anaty kolotsaina. Raha tsy hoe ny RAD-ny mba nahita kely dia namporisika ny zanany hoe ao anaty boky no misy ny harentsaina. Ka raha indrindra moa ka RAD tsy nahita fianarana dia tsy ahafantatra ny mahazavadehibe ny soratra.
Zany hoe:
Raha tia mamaky boky ny gasy dia hahatsapa ny mpanoratra Malagasy fa fidiram-bola sy zavadehibe ho azy ny hanoratany boky ary tsy mitsahatra manoratra fa tsy hoe manota iray na roa na vitsivitsy de izay. Raha tia mamaky boky ny Gasy de ho lafo ny vidin'ny boky satria toa volamena izy amin'izay ary manana ny toerany manokana ny mpanoratra.
Raha tia mamaky boky ny gasy ary mahatsapa fa zavadehibe ny asasoratra ary ampiakarina avo dia avo ny toeran'ny mpanoratra dia tsy hifampindrana boky isika fa hividy ho antsika tsirairay avy. Satria nahoana, omena hasina ny mpanoratra. Toy ny ady lava nahazo ny artista mpihira, elabe vao tsy nisy ny piraty, na hoe nihena.
Ka raha ireo no mipetraka dia hanatombo aza ny asan'ny asasoratra sy ny toeran'ny mpanoratra azy.
Aty an-dafy vao zazakely tsy ampy iray ranonorana (vao teraka omaly) dia efa amakina boky isanalina. Toy izay ny fiatombohan'ny fitiavana ny asasoratra/ literatiora.
