Hoy Pasitera Daniel Rajakoba:


Nisafidy ny hijanona eto an-toerana mandra-pahitana izay mangirana eo amin’ity toe-draharaham-pirenena hafahafa ity ny pasitera Daniel Rajakoba. Ny tenany moa dia nandray anjara feno tamin’ny fifidianan’ny 16 desambra 2006,saingy tsy lany. Rehefa nisalasala ny filoha Ravalomanana tamin’ny fanatanterahana ny fianianana voalohany ny 22 febroary 2002, dia niantso vonjy tany amin’ireo kandida tsy lany ireo. Ny pasitera Daniel Rajakoba no nitondra teny ary niangavy ny hanemorana izany fianianana izany, saingy nitsipaka an’izany marindrano ny vahoaka teny an-kianja. Nanaramaso hatrany ny fivoaran’ny zava-misy ny lehilahy na dia nivezivezy tany ivelany tany aza. Mpikambana feno eo anivon’ny Spdun sy ny 3Fn tamin’ny alalan’ny antoko pôlitika Ny Fihavanantsika izy. Eo anatrehan’ny fihaonan’ny mpitondra fanjakana sy ny mpanohitra ankehitriny kosa dia naneho ny heviny ity mpitondra fivavahana sady mpanao pôlitika ity.
Nandiso fanantenana ilay fitondrana
Ratsy fiainga hatrany am-piandohana hoy izy, izao fitondrana izao satria an-keriny sy amboletra no nandrombahana ny fahefana. Nekeny fa ny herim-bahoaka no nanosika ny filoha, kanefa na teo aza izany dia tokony ho narahana ny ara-dalàna. Tonga amin’ny tanjona, izay azy manokana, ny filoha ankehitriny, dia ny hampanankarena ny tenany ihany, hoy ny pasitera; ary tanterany soa aman-tsara ankehitriny ny fanjakan’olon-tokana, hany ka tsy olom-bitsy monja no migalabona sy mahita tombontsoa amin’ny harem-pirenena. Niaiky ny mpitandrina fa mahay mitantana ny filoha, saingy ny hareny sy ny fananany no tena vitany tsara kokoa ny fikarakarana azy. Tsy mahagaga, araka ny nambarany ihany raha ny mifanohitra tanteraka tamin’izay nampanantenainy tamin’ny fotoanandrony no iainan’ny vahoaka ankehitriny, izay mahantra dia mahantra satria nitontongana tanteraka ny fari-piainany, mirefarefa.
Lesona ho an’ny mpitondra ny avandra
“Diso làlana ihany izao fitondrana izao. Ny tenako manokana, amin’ny maha mpandalina ny Soratra masina, dia mahita ary mahatsapa fa saika mafy be daholo ny fiantefan’ny loza voajanahary izay niseho teto nandritra izay efataona izay. Ny rivodoza, ny haintany, ary farany teo, taiza isika no mbola nahita havandra vaventy sy nandaroka mafy tahaka ireny, indrindra
fotoanan’ny alatsinainin’ny paska. Mampieritreritra! Ny fahatsapako azy dia manalavitra an’Andriamanitra ny lehibe, ary itrangan-javatra mitera-doza toy ireny ny firenena noho ny hadalan’ny mpitondra antsika”. Misy hafatra tokony horaisin’ny tompon’andraikitra mazava tsara avy amin’ny tranga toy iny.
Malemy tokoa ve ny mpanohitra?
Rehefa nitodihana ny taona efatra nitondran-dRavalomanana dia saika an-
jorom-bala tanteraka ny mpanohitra, ary tsy nisy tafita mihitsy ny ankamaroan’ireo fonjan-kevitra notakiany. Hatramin’izao aza dia mbola tompon’ny tanjaka tanteraka ny fanjakana eo anatrehan’ilay dinika tokony hifanaovan’ny hery roa tonta. Tsotra ny navalin’ny pasitera Daniel Rajakoba ny fahalemen’ny mpanohitra ankehitriny, satria amin’ny tany jadona toy izay iainantsika amin’izao fotoana izao eto Madagasikara, hoy izy, dia sarotra ny mahita na matanjaka na malemy ny mpanohitra. Inona ny fanakantsakanana tsy ataon’ny fanjakana ankehitriny: tsy avela hamory olona,tsy omena sehatra eo anivon’nyhainoamanjerim-panjakana
hanirahana herim-pamoretana, kapohana sy hanakaramana andiana tanora, ireo mpanohitra raha mba mikasa ny haneho hevitra.
Mpitondra mpanjanatany
Napetrany koa ny heviny manoloana ny datim-pifidianana sy ny
fikasan’ny fanjakana hikarakara fifidianana mialohan’ny fotoana. Hatreto aloha dia tsy mbola nivoaka ny daty mazava, ary tsy fantatra koa na hiainga amin’ny 22 febroary na

6 mai na ho zavatra hafa mihitsy no teboka hanisana ny datin’andro. Nambarany àry fa ny mpitondra no tompon’ny lalàna, rehefa te hanaraka izy dia manaraka. Maro ny fandikan-dalàna efa nataony, inona moa no azo atao satria eo am-pelantànany ny hery sy ny fahefana. Afeniny ny daty dia miandry, apoitrany tsy mifanaraka amin’ny lalàna dia izay tiany no tsy maintsy harahina; moa tsy toy ireny mpanjanatany maka an-keriny ny taninao ireny dia jerem-potsiny avokoa izay didin’ny be sandry ampihariny. Mba hisorohana ny loza mety hitranga anefa, hoy ihany izy dia tokony hidirana aloha ny fanjakana tetezamita mba hahafahana mandamina mialoha ny raharaha.
Ismël R: La Gazette de la Grande Ile

. Ny tenako manokana, amin’ny maha mpandalina ny Soratra masina, dia mahita ary mahatsapa fa saika mafy be daholo ny fiantefan’ny loza voajanahary

Eto zany dia voalaza fa loza voajanahary zavatra niseho.

Ny fahatsapako azy dia manalavitra an’Andriamanitra ny lehibe, ary itrangan-javatra mitera-doza toy ireny ny firenena noho ny hadalan’ny mpitondra antsika”.

Tsy azoko mihintsy aloha raha izao no fiheritreretan'ny io Pasitera io satria tsy any M/car hiany no hahitana ireny Ny rivodoza, ny haintany , ny havandra ny haintany aloha dia tsy misy sotroka mivoaka hono raha tsy misy ny afo. Nefa io afo io dia ao ny nampirehatra , ohatran'ny hatraiza hatraiza hiany rehefa tona ny "été" dia misy foana olona manao fanahinihana mandoro tanety. Raha jerena koa ohatra ny rivo-doza , firenena aiza no tsy misy an'io ? ny havandra , vao ohaviana zao no nisy havandra ngezabe nilatsaka taty ?
Fa tsy azoko hoe raha misy an'ireny loza voajanahary ireny ve dia azo hatao hoe "nohon'ny hadalan'ny mpitondra no mahatonga azy ireny ?

Tena tohanako mihitsy ianao fiffi @izany hevitranao izany ary ny tiako tsindriana kely dia hoe isika anie efa niaina tao anaty fahantrana foana nandritra izay 25 - 28 taona izay ary mbola niampy koa ny krizy 2002 iny vao maika latsaka satria betsaka ny zavatra simba sy rava noho ny hevitra tsy mitovy ka manomboka manarina isika izao , tsy misy zavatra vita moramora mihitsy indrindra ny hoe manarina firenena izany.Ny hoe mampanan-karena ny tenany izy io ttotra io aloha dia tsy afaka mihitsy satria ny mpitondra eo dia tsy maintsy mameno paosy daholo ary tsy ny mpitondra malagasy ihany no manana io toeta io fa ny firenena rehetra mihitsy na mahantra na manan-karena .Ary ny fiainana dia mikatra daholo na firenena manana na mahantra fa ny olana misy dia ny fiovaovan ny sandam-bola eran_tany indrindra fa hampikatra ny vidin' ny 1 baril ny siloka ny vondro-pirenena pirenena arabo noho ny ady usa sy paletstinne sy iran . Ny hevitro @ireo panao politika ireo dia hoe tsra raha misy ny panohitra raha hitsikera fa tsy ilaina raha hamingana ny hafa mba hiakarana eo, ny fahendrena dia ny miandry ny fifidianana manaraka tsy adala akory ny vahoaka ka atao hoe aty dia mety matoa izy tsy lany dia ao ny antony ny vahoaka no tompon ' ny teny farany ampy izay didy jadona izay ary ny loza miseho dia tsy ampy hamaritana hoe hadalan'ny mpitondra no mahatonga an'ireny aoka mba hisy porofo tsara vao mamoaka hevitra fa tsy ny tenin' Atra no hoentina hamaritana ny zava mitranga

izao manko an! raha miteny hoe loza voajanahary dia voajanahary zany fa tsy natao'ny olombelona , raha zavatra natao'ny olombelona dia tsy lazaina hoe voajanahary , fa Andriamnitra hiany no manao an'izany. ka raha ohatra zao hoe hita ny fahantran'ny olona dia mandoro tanety izy mba hampaniry ny fambolena izay hataony avy eo , ao koa ireo mpanao "charbon" ka raha mandoro tanety ny olona ,rehefa be loatra izy ireny dia tsy voasakana intsony ny rivo-doza izay mety handalo , ka inona no idiran'ny hoe nohon'ny hadalan'ny mpitondra ? inona no idiran'ny mpitondra @ zany ?
Raha jerena ohatra ny tempête izay nandrava sy nanimba zavatra betsaka tokoa teto frantsa , io ve dia ho lazaina hoe natoa nisy an'io dia nohon'ny hadalan'i Chirac ?
Ny tena tsy hitako hoe tsy mety aloha dia Paster ve no andeha hilaza zany zavatra tsy mari-pototra izany! nohon'ny maha-pasitera azy dia izany ve no tokony lazaina ?

rajakoba
rajako be!!!hi hi hi

resakin'ny mitady seza zany eeeeeeeeeeeeeeeeeeee

Hevitra ny azy! hevitra fotsiny ihany! Arakarakao izay voadona mafy na tsy hiraharaha.
Avelao izy hiteny ary aza avoaka ny maha-mpitondra Fivavahana azy fa tsy misy idiran'ny heviny amin'izany tsy akory. :@

hevitra ny azy..........

tsssss resaka tsy hihinanakanina indray ity

de ho naona eo zany ve ?