Ny tena marina dia izao ry namana isany,
Ny fahalalana rehetra izay fantatry ny "voahary" rehetra (na ny ety an-tany na ny any an-danitra) dia avy tao amin'Andriamanitra avokoa....
Andriamanitra no nipoiran'ny fahalalana rehetra ary zarainy amin'ireo zava-boariny rehetra izany araka izay fotoana tiany ...
Ireo akaikiny (any an-danitra) any amin'ny fitoerana misy Azy any aloha no mahazo betsaka indrindra (Anjely sns....). Nisy tamin'izy ireny ary moa lasa nieboebo nanandrantena mihitsy rehefa voky ny fahalalana nomen'i Jehovah azy ka lasa tsy te hanompo intsony fa lasa te hotompoina amin'izay...lasa te hitovy amin'Andriamanitra mihitsy na mihoatra Azy aza....
I losifera no lohany tamin'izany....indrisy anefa fa rehefa nitsangana hiady amin'ny Mickaela izy dia nazera tety an-tany fa tsy nahazo nasiana fitoerana ho azy intsony tany an-danitra...(NAETRY TANTERAKA NEFA IZY no lehibe indrindra tamin'ireo noharian'Andriamanitra saingy tsy ampy azy izany toerana izany.....
Isa.14:12-15
12Akory ity hianao no potraka avy any an-danitra,
ry kintana mamirapiratra, zanaky ny maraina?
Akory ity hianao no mitsingidina amin'ny tany,
hianao ilay mpandrava firenena?
13Hianao ilay nanao anakampo hoe:
Hiakatra any an-danitra aho;
ary ambony mihoatra ny kintan'Andriamanitra
no hanandratako ny seza fiandrianako;
hipetraka eo ambonin'ny tendrombohitry ny fivoriana,
eny amin'ny avaratra avo tsy hita noanoa;
14hisondrotra any an-tampon'ny rahona,
ary hitovy amin'ny Avo Indrindra!
15Kanjo indro hianao latsaka aty amin'ny seoly
aty amin'ny hantsana lalina tsy hita noanoa!
Apok.12:7-9
7Ary nisy ady tany an-danitra: Misely sy ny anjeliny moa niady tamin'ny Dragona; ny Dragona sy ny anjeliny koa namely, 8fa tsy nahomby, sady tsy nahazo nitoetra tany an-danitra intsony; 9ka nazera ity Dragona lehibe, dia ilay menarana antitra atao hoe demony sy Satana, izay mamitaka izao tontolo izao; ny tenany moa nazera tamin'ny tany, ny anjeliny koa nazera niaraka aminy.
Amin'ireo zava-boary ety an-tany indray kosa dia ny olona no nomeny tombony ka nomeny ampahany (kely dia kely) amin'ny fahalalana rehetra ananany (ohatra io nambaran'ny Gen.2:21-23) io....
Ity no porofo fa ny fahalalan-tsika olombelona dia avy amin'Andriamanitra avokoa....
Eksaody toko 31
Ny mpiasa amin'ny Tabernakla - Ny sabata - Ny vato fisaky ny lalàna.
1Ary Iaveh niteny tamin'i Moizy nanao hoe: 2Aoka ho fantatrao fa efa nantsoiko tamin'ny anarany Beseleela, zanak'i Orì, zanak'i Hora, avy amin'ny fokon'i Jodà. 3Efa nofenoiko fanahin'Andriamanitra izy, dia fahendrena amam-pahiratan-tsaina sy fahaizana momba ny taozavatra isan-karazany rehetra hamoronany asa vaovao; 4hanefeny volamena, volafotsy, varahina, 5hisokirany vato halatsaka an-tranontranony, handrafetana hazo, ary hanaovana taozavatra isan-karazany. 6Ary indro nanampiko azy koa Ooliaba, zanak'i Akisemeka, avy amin'ny fokon'i Dana, ary efa nasiako fahendrena ny fon'ny lehilahy mahay rehetra, mba hanaovany an'izay rehetra nandidiako anao, 7dia ny trano lay fihaonana, ny fiaran'ny vavolombelona, ny fanaovam-panavotana eo amboniny, ny fanaka rehetra amin'ny trano lay; 8ny latabatra sy ny fanaka momba azy, ny fanaovan-jiro volamena madio sy ny fanaka rehetra momba azy, ny otely fandoroan-java-manitra, 9ny otely fanaovan-tsorona dorana sy ny fanaka rehetra momba azy, ny tavy sy ny faladiany; 10ny fanamiana amin'ny fombam-pivavahana, ny fanamiana masina ho an'i Aarona mpisorona, ny fanamiana ho an'ny zanany, amin'ny raharaham-pisoronana; 11ny diloilo fanosorana, ny zava-manitra fandoro eo amin'ny fitoerana masina. Hotanterahiny avokoa izay rehetra nandidiako anao.
