RBNIR:
Ilay KOSHER no tena izy fa io no avy amin'ny jiosy (io ihany koa no narahin'i Petera sy Jesosy an!) tsy nisy vaovao izany fa ny olona tsy nahatakatra ny marina ka nandray araka ny fahafantarany azy izay voasoratra tao amin'ny ASa 15 no nanova azy...
Ankehitriny Jesosy miverina mampianatra ilay tena izy....
Aleo aloha hazava tsara ity Asa 15 ity ry RBNIR a :
- Piera sy ny Apostoly ary Paoly dia samy nitory ny fahasoavan-dehibe natolotr'Andriamanitra tamin'ny alalan'ny asa famonjena vitan'i Jesoa teo amin'ny hazo fijaliana. Ary ny finoana an'izany no mahavonjy ny mpanara-dia Azy na ny Kristiana.
- Piera sy ny Apostoly (nijanona) tao Jerosalema (tamin'ny jiosy izay nanaovana ny lalàn'i Moizy) no nitory
- Paoly sy ny namany kosa tany ivelany tany amin'ny jentilisa izay tsy mifora (no tsy mba nanaraka ny lalàn'i Moizy)
- Samy nahataona olona maro hanaradia ny Tompo na ry Paoly na ry zareo tao Jerosalema
Saingy ny sasany (avy) tao Jerosalema nanely tsaho fa :
and 1 "Ary nisy olona avy tany Jodea nampianatra ny rahalahy hoe: Raha tsy foràna araka ny Lalàn'i Moizy hianareo, dia tsy ho voavonjy."
Tsy nanaiky ry Paoly ka nampiantso ilay fivoriambe tao Jerosalema.
Fanamarihana ho an'i RBNIR : tsy nampianatra ny jentilisa ny fomba jiosy velively ry Paoly !
Fizotry ny fivoriambe
Ny tenin'ireo tsy momba an-dry Paoly :
and 5 "Fa mba nitsangana kosa ny mpino sasany tariky ny Farisiana, ka nanao hoe: Tsy maintsy hoforana ny jentily, sy didiana hanaraka ny Lalàn'i Moizy."
Ny tenin'i Piera and. 7b, 8, 9, 10, 11 :
"fa nitsangana Piera ka nanao taminy hoe: Ry rahalahy, fantatrareo fa efa ela izay no nifidianan'Andriamanitra ahy teto aminareo mba handrenesan'ny jentily amin'ny vavako ny tenin'ny Evanjely sy hinoany.
8 Ary Andriamanitra izay
mahalala ny fo, dia naneho ny fankasitrahany azy ireo tamin'ny
nanomezany azy ny Fanahy Masina tahaka antsika koa;
9 nataony tsy nisy hafa isika sy izy, fa
nodioviny tamin'ny finoana ny fony*.
(*Komantera avy amin'i bor2lais : io no solon'ny famorana ho an'ny Kristiana)
10 Koa nahoana àry no maka fanahy an'Andriamanitra hianareo izao, ka manisy
jioga **amin'ny vozon'ny mpianatra, nefa samy tsy nahazaka izany na isika na ny razantsika?
(**Komantera avy amin'i bor2lais : io ilay Lalàn'i Moizy takian'ny fariseo eo amin'ny and.5)
11Fa noho
ny fahasoavan'i Jesoa Tompo ihany no inoantsika hahazoana famonjena, tahaka ny azy ireo ihany koa."
Ny fehin-kevitra farany : and 28 sy 29
"28 Sitraky ny Fanahy Masina sy izahay ny tsy hampitondra
entana *** anareo, afa-tsy izao zavatra tsy maintsy tandremana izao:
(***Komantera avy amin'i bor2lais : famorana sy ilay Lalàn'i Moizy takian'ny fariseo eo amin'ny and.5)
29**** dia ny hifadianareo ny hena natolotra tamin'ny sampy, sy ny rà, ary ny biby nokendaina, mbamin'ny fijangajangana;
soa ho anareo ny mifady an'izany. Veloma."
(****Komantera avy amin'i bor2lais : ireo telo ireo ihany no tsy maintsy tandreman'ny jentilisa amin'ny fomba jiosy satria MAHASOA azy izany,)
Famaranana : ary ny lalàn'i Moizy sisa moa izany ahoana ?
Ho an'i RBNIR : mahasoa ho an'ny jentilisa koa
Ho an'i bor2lais : tsy voatery mahasoa ny jentilisa (sady toa tsy nisy intsony raha tsy diso aho ny fivoriambe hafa tahaka io tao Jerosalema io) : ka na KOSHER io na tsy KOSHER, tsy izay no mahavonjy ny Kristiana e ! ;-)
Izay no fanazavana farany avy amiko mikasika ity Asa 15 ity ! :-)
