Fony tany an-tsekoly t@ taona 80 tany ho any moa dia TSARAINA no nanasokajiana an'io tranga io.
Tsetsatsetra tsy aritra ihany aloha ity fa HAD no fampiasa raha ilay fehezan-teny manontolo no iompanana, fa FITODIKA koa raha ny L no ifantohana manokana.
Mety hisy ifandraisany ihany aloha ny hoe "mpiatrika" raha amin'ny heviny hoe "miatrika fitsarana" no jerena... moa izahay rahateo tsy tamin'ny taranja 'Haisoratra" tanim'izany dingana izany, ka dia mety ho zavatra tsotsotra ihany aloha no nomena tamin'izany...
Ny fahitako ny hoe : "Maha-mpitarika azy ny hira fanaonay rehefa hariva" dia mifandray kokoa amin'ny hoe : "Mpitarika amin'ny hira fanaonay ny hariva izy"
izay misy fahasamihafany kely amin'ny hoe : "Mpitarika ny hira fanaonay ny hariva izy"
Ny fahitako azy raha ovaina ilay fitodika dia manome toy izao:
'Fitariny ny hira fanaonay ny hariva". Ka raha soritana ny EM dia ahazoana hoe :
"Ny fitaritany dia ny hira fanaonay ny hariva".
Ny fahitako azy mantsy dia misy zavatra "raikitra" ao amin'ny "Mpi-" sy ny "Fi-"
Ilay "Maha-" amiko dia misy hevitra hoe "mahefa", izany hoe ilay "hira" no mahatonga azy ho "mpitarika"...
Ho antsika izay liana dia nahita ity tanonkalan'ny Akademia ity aho fa lasa lalindalina ihany ny fikiràna ao : http://www.tenymalagasy.gov.mg/?page_id=121
Santionan'ny vaovao hitako tao dia :
- ny EM lasa hoe VARA (nihavian'ny hoe ambara);
- ny L lasa hoe LAFIKA;
- misy an'izany hoe "Fiendrika" izay tsy mitovy amin'ny "fitodika" (na HAD);
- dia misy an'izany hoe ZOINA izany koa...
Mahafinaritra ny tojo olona tia ny teny malagasy ato
Veloma sy mahereza,
Radavison
