mahdi:
deotoronomia 6:1->natao ho tandreman'ny israelianina ao kanana ny didy folo
efesiana 2:15(DIEM)->fa tao @ nofony no nandravany ny lalanan'ny jiosy
romana 7:9->mampanota ny didy folo sy ny lalan'i mosesy
galatiana 2:18->raha ny didy folo efa noravan'yahoshuah no hatsangana indray dia mandika lalàna izany.
tesaloniana 2:8->ho levoniny @ fofon'ain'ny vavany ny mpandika lalàna.
Faly miarahaba namana,
Jesosy Tompo namana raha tonga tety dia tsy nampianatra mihitsy hoe rava ireo lalàna teo aloha fa ny mifanohitra amin'izay no nataony « Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka. » (Mat.5:17)
Nohamafisiny tato fa tena mila tandremana ireo didy RAHA TE HIDITRA any amin'ny FIAINANA ny olona iray.
« Ary, indro, nisy anankiray nanatona Azy ka nanao hoe: Mpampianatra ô*, inona no tsara hataoko hahazoako fiainana mandrakizay?[*Na: (Mpampianatra tsara ô)] » (Mat.19:16)
« Fa hoy Jesosy taminy: Nahoana Aho no anontanianao ny amin'izay tsara? Iray no tsara*; fa raha te-hiditra any amin'ny fiainana ianao, tandremo ny didy.[*Na: (Nahoana Aho no ataonao tsara? Tsy misy tsara afa-tsy iray ihany dia Andriamanitra.)] » (Mat.19:17)
« Hoy ralehilahy taminy: Inona avy moa? Dia hoy Jesosy: Ny hoe: Aza mamono olona, Aza mijangajanga, Aza mangalatra, Aza mety ho vavolombelona mandainga, » (Mat.19:18)
Raha toa ka efa rava marina ny didy dia tsy tokony ho nilaza ireo IZY.
Nohamafisin'ny apostoly paoly tato fa tsy rava akory ny lalàna « Koa mahafoana ny lalàna amin'ny finoana va isika? Sanatria izany! fa mampiorina tsara ny lalàna isika. » (Rom. 3:31)
Sanatria izany hoy ny teniny eto.
Mitovy ihany ny hevitr'ilay tenin'i Jesosy Tompo ao amin'ny Mat.5:17 sy Rom.3:31
Inona no dikan'ny ilay hoe hotanterahina ny lalàna (Mat.5:17) sy ilay hoe hampiorenina tsara ny lalàna (Rom.3:31)
Vakio ny tohin'ilay Mat.5:17 fa manazava ny Tompo hoe ahoana no fomba hanantanterahana ilay lalàna (misy ohatra vitsy vitsy entiny manazava tsara azy ao fa haka ohatra iray aho mba hampahazava ny resaka amintsika)
« Efa, renareo fa voalaza hoe: Aza mijangajanga (Eks. 20. 14). » (Mat.5:27)
« Fa Izaho kosa milaza aminareo fa izay rehetra mijery vehivavy hila azy dia efa nijangajanga taminy tam-pony sahady. » (Mat.5:28)
Taloha izany rehefa hita ety ivelany fa tsy mijangajanga ny olona iray dia ampy, fa saingy Jesosy kosa dia nampianatra fa mila tsy mijangajanga hatrany ampony mihitsy ny olona.
Izany hoe tsy ety ivelany fotsiny no tokony hadio ny olona iray fa hatrany anatiny mihitsy.
Raha ny an'i Jesosy no arahina dia tsy mila tenenina na ampianarina intsony ny olona iray hoe aza mijangajanga fa avy dia tsy mijangajanga ho azy izy satria ny ao anatiny mihitsy no efa tsara ny fieritreretany ary mivoaka ho azy ety ivelany izany.
Hoy izy tamin'ireo mpanora-dalàna sy Fariseo:
« Lozanareo, mpanora-dalàna sy Fariseo, mpihatsaravelatsihy! fa diovinareo ny vohon'ny kapoaka sy ny lovia, nefa ny ao anatiny dia feno rombaka sy tsi-fahononana. » (Mat.23:25)
« Fa hoy ny Tompo taminy: Ankehitriny ianareo Fariseo dia manadio ny vohon'ny kapoaka sy ny lovia, nefa ny ao anatinareo kosa dia feno rombaka sy faharatsiana. » (Lio.11:39)
Toy ny fasana voalalotra fotsy :
« Lozanareo, mpanora-dalàna sy Fariseo, mpihatsaravelatsihy! fa ianareo dia tahaka ny fasana voalalotra fotsy, izay miseho tsara tarehy eo ivelany, nefa ny ao anatiny dia feno taolan'ny maty mbamin'ny fahalotoana rehetra. » (Mat.23:27)
Diniho fa ilay sitrapon'Andriamanitra (izay nampahafantariny tamin'ny alalan'ireo didy nomeny ) dia ny tsy hijangajangan'ny olona
Ny an'i Jesosy dia diovina mihitsy aloha ny any anaty any mba tsy hijangajanga dia tanteraka ho azy ety ivelany ilay tsy fijangajangana, ny an'i fariseo sy mpanora-dalàna kosa dia tsy miraharaha izay any anaty any izy fa rehefa hita fa tsy mijaganjanga ety ivelany dia ampy.
Raha ny an'i Jesosy no narahinao (fanadiovana hatrany anaty) dia tsy hisy intsony loto ho hitanao ety ivelany ao amin'ilay olona satria hamoaka ilay rakitra soa ao anatiny hatrany ilay olona. vokany tanteraka ho azy ilay lalàna (satria lasa olomarina ilay olona fa tsy olona mihezaka ny hanao ny marina fotsiny ihany).
Araka ny fampianaran'i Jesosy namana dia tsy rava akory ilay didy fa vao maika hotanterahina aza, satria araka io ohatra iray noraisiko io dia rehefa voadio hatrany anaty ny olona iray tsy hijangajanga dia tanteraka ho azy ety ivelany ilay hoe aza mijangajanga ary tsy mila raràna intsony izy satria efa tsy mpijangajanga hatrany anatiny izy, dia toy izany daholo ireo didy rehetra, ovaina ny olona iray tsy ho mpangalatra intsony hatrany anatiny, tsy ho mpiteny ratsy intsony hatrany anatiny, ho tia ny namany hatrany anatiny ary tsy hisaina akory izay hanisy ratsy ny hafa dia tanteraka ho azy ny hoe aza mamono olona sy ny sisa sy ny sisa.....
Manamarina ireo voalazako ireo ity teny manaraka ity :
« Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, » (Mar.7:21)
Araka izany tsy NORAVAINY MIHITSY IREO DIDY FA NONTANTERAHINY Mat.5:17 ( ARY NATAONY MAFY ORINA TSARA Rom.3:31)
FANONTANIANA LEHIBE SADY TENA GOAVANA AHOANA NY FOMBA HANADIOVANA NY AO ANATIN'NY OLONA IRAY MBA HOTANTERAKA AVOKOA IREO LALANA TAKIAN'ANDRIAMANITRA IREO ?
mahdi:
HO ANAREO BE SAINA BE IREO, MISY FANDAHARANA AO @ RADIO HFF 97.2 FM ISAK'ALAHADY @ 8 ORA KA MAHAZO MAMALY TSARA AO IANAREO @ ALALAN'NY ANTSO AN-TARIBY
Izaho namana dia efa nanaraka ny fandaharana lazainao io ary efa nandany ora maro aho, ankoatran'izany dia mbola nahazo cd tamin'ny namana aho (ny tsaroaka bdb tao dia ny resaka extraterestre),
koa mba asaiko ampitiavana kosa ianao hanaraka ny fandaharana VITAO NY ASAN NY FAHAMARINANA ao amin'ny KOLO TV isa-maraina amin'ny 5ora sy sasany (alatsinainy ka hatramin'ny zoma ) hampianatra anao ny secretn'ny FIAINANA MANDRAKIZAY io fandaharana io ary ho hitanao ao hoe ahoana ny fomba fanadiovana ny ao anaty ao ka dia hotanteraka avokoa ireo lalàn'Andriamanitra ireo,
Samia ho tahin'ny Tompo namana,
