DRAFITRY NY FAMONJENA:ILAY FIVORIANA NITADIAVANA HAMERENANA INDRAY NY FIHAVANANA
1. Maranatha
(
27/05/2014 10:47)
ILAY FIVORIANA NITADIAVANA HAMERENANA INDRAY NY FIHAVANANA
“Eny Izy no hanao ny tempolin’ i Jehovah, ary Izy no hitondra voninahitra ka hipetraka sy hanapaka eo amin’ ny seza fiandrianany, ary ho mpisorona eo amin’ny seza fiandrianany Izy, ary hisy fisainam-pivavahana amin’ izy roroa.” Zakaria 6: 13
ILAY TENY FIKASANA ARA-PILAZANTSARA.
1.Raha ohatra ka araka ny lazain’I satana dia zavatra tsy mety hisy mihitsy ny hoe voavela heloka ny olona iray izay mandika ny lalàn’Andriamanitra, nahoana ary I Adama no afaka ny ho voavonjy? Genesisy 3: 15, 21; 49: 10; Joba33: 24
« Rehefa nipoaka ilay ady lehibe, dia nambaran’i satana fa tsy azo tandremana ny lalàn’Andriamanitra, ary ny fahamarinana sy ny famindram-po dia tsy azo ampitahaina, ary raha toa ka voadika io lalàna io, dia tsy hisy famelan-keloka ho an’ilay mpanota mihitsy...”Ilay Fitiavana Mandresy p 766
“Nanomboka teo amin’ny fotoana izay naneken’ny olombelona an’ ireo fakam-panahin’I satana ka nanaovany mihitsy ireo zavatra izay nandraran’Andriamanitra tsy atao, Kristy, Ilay Zanak’Andriamanitra, dia nitoetra teo anelanelan’ireo velona sy ireo maty, sady niteny nanao hoe: ‘Aoka ny famaizana hihatra Amiko, handray ny toeran’ny olombelona Aho. Amin’izay ny olona dia hanana fotoana fanararaotana hafa izay afahany ho voavonjy indray. (Lettre 22, 13 Février 1900). Commentaires Bibliques, p 4, 5
«Nisy fotoana Andriamanitra dia tsy nampiasa mihitsy ny fanamelohana ho faty ho an’ny olombelona. Ary dia nihambo satana fa tapaka ho mandrakizay ny fifamatorana nisy teo amin’ny lanitra sy ny tany. Kanefa dia diso hevitra izy tamin’izany ary dia diso fanantenana. Natolotry ny Ray teo an-tànan’ny Zanany ny tany mba hanavotany azy tamin’ny ozona sy ny loza mahazo azy noho ny fahalavoan’I Adama.” Seventh-Day Adventist Bible Commentary vol 1 p 1085
2.Na dia tompon’andraikitra ny amin’ ireo hetsika ataony aza ny tsirairay, inona ilay fitsipika nampiharin’ny Tompo mba hanaovany fanavotana antsika? Nahoana no tsy hain’ny anjely natao ny ho faty nisolo toerana an’ I Adama, ka amin’izany io anjely io dia nandoa ny vidin’ izay tsy maintsy naloa ho fanavotana an’I Adama noho ny fahotany? Ezekiela 18: 20; Isaia 53: 4-6
“Nony ren’ ny anjely izany teny rehetra izany, dia niankohoka teo an-tongotr’ Ilay lehibeny izy ka samy nanolotra ny ainy hatao sorona hanavotana ny olombelona Nefa hoy Izy: tsy hahaloa ny trosan’ny mpanota ny ain’ny anjely iray. Izay namorona ny olona ihany no afaka manao izany..” Patriarka sy Mpaminany p 47
Tena lehibe tokoa ny fahalianan’ ireo anjely mba hahavita ny famonjena ny taranak’olombelona hany ka nisy mihitsy anjely izay vonona ny handao ny voninahiny sy nanao sorona ny ainy mba hanao ny famonjena ny olombelona very. ‘Kanefa hoy ilay anjely izay nanatitra ahy hoe: tsy nahavita na inona na inona izany’. Tena lehibe tokoa ilay fandikan-dalàna hany ka ny ain’ny anjely dia tsy nahavita nandoa ny trosan’izany. Ny fahafatesan’ ilay Zanak’Andriamanitra ihany ary ny fanelanelanana ataon’io Zanak’Andriamanitra io ihany no afaka nandoa ny trosan’ny olombelona very sy mamonjy azy ho afaka amin’ny alahelo sy ny vitan-dratsy tsy misy fanantenana.” Premiers Ecrits p 127
“Nitady ny ain’ny mpandika azy ny didin’ I Jehovah nohitsakitsahina.Masina toa an’ Andriamanitra mihitsy izana didy izany, ka tsy maintsy izay mitovy aminy no atolotra mba ho fanavotana ny olona sy hampihavana azy indray amin’Andriamanitra, Ilay tompon’ny voninahitra sy mpitarika ny tafiky ny lanitra rehetra.”Patriarka sy Mpaminany.p 41
ILAY FIVORIANA NITADIAVANA NY HAMERENANA INDRAY NY FIHAVANANA
3.Inona ny fivoriana natao tany an-danitra taorian’ ilay fandikan-dalàna nataon’ I Adama? Zakaria 6: 13b
“Dia niroso teo anatrehan’ ny Rainy Izy mba handahatra ho an’ ny mpanota. Naharitra ela izany dinika izany dia ilay “fisainam-pivavahana” ho entina hanavotana ny olombelona. Novolavolaina “hatramin’ ny nanorenana izao tontolo izao” ny planin’ ny famonjena izay mampiseho ny famonoana “ny Zanak’ ondry tsy misy kilema na tsiny”. Tsy moramora hoan’ ny mpanjakan’ ny lanitra sy ny tany anefa na dia izany aza ny nanolotra ny Zanany ho amin’ ny fahafatesana, mba hanavotana ny olombelona izay efa diso … Ny fitiavan’ Andriamanitra izao tontolo izao izay tsy tia Azy akory. Mandritra ny taon-jato tsy manam-pahataperana dia hikaroka mafy amim-piankohofana ny anton’ izany zava-miafina izany ireo mponina any an-danitra.” Mpatriarka sy Mpaminany p 42
4.Manao ahoana ny fahoriana mahazo ny olombelona raha ampitahaina amin’ny fahoriana hiaretan’Andriamanitra vokatry ny fahotana? Vakio Isaia 53 sy Salamo 22 ka saintsaino lalina.
“Niteny tamiko ilay anjely nanao hoe: ‘mihevitra ve ianareo fa Andriamanitra dia nanaiky hanome ny Zanany Malalany tamin’ny fomba tsy nisy tolona? Tsia, tsia, tsy hoe tsy nisy tolona mihitsy ny nandraisan’ Andriamanitra ny fanapahan-kevitra tamin’ny hoe: na hamela ilay taranak’ olombelona meloka ho faty, na atolotra ho faty ho azy ireo ilay Zanany Malalany.” Premiers Ecrits p 151
“Tsy ny lefona nitrobaka Azy, na ny fijaliana teo amin’ ny hazo fijaliana anefa no nahafaty an’ I Jesosy. Ilay antsoantso “tamin’ ny feo mahery”, tamin’ ny fotoana nahafatesany, ny ra sy ny rano niboiboika tao amin’ ilay lanivoany, fa ny fony vaky no nahafaty Azy. Vaky ny fony nohon’ ny tebitebin-tsaina. Ny fahotan’ izao tontolo izao no namono Azy.”Ilay Fitiavana Mandresy p 831
VOASEHO NY FAHASOAVAN’ANDRIAMANITRA
5.Tsy afaka hisy fanadiovana ny fahotana raha tsy nisy ilay Ran’ I Kristy latsaka. Inona no zavatra fantatr’I Adama taorian’ny fahalavoany? Levitikosy 17:11b; Hebreo 9: 22
“Nisy anjely nanazava bebe kokoa ny planin’ ny famonjena tamin’ireo razambentsika voalohany,fa hoy izy taminy: “Na dia teo aza ny fahotana lehibe vitanareo,matokia fa tsy havela horotidrotehan’ny fahavalo tsy akory ianareo.Ny zanak’Andriamanitra dia efa nanolotra ny ainy mba hanafaka ny helokareo.Noho ny fotoana vaovao omena anareo hizahan-toetra ny fankatoavanareo an’Andriamanitra sy ny finoanareo ny Mpanavotra dia mety ho tonga zanak’Andriamanitra indray ianareo.”
Nampiseho tamin’i Adama sy Eva ny fahamasinan’ny lalàn’Andriamanitra ny fanatitra tsy maintsy hatao noho ny fandikan’izy ireo izany.Tsy mbola nibaribary taminy hoatra ny tamin’izay ny tena haratsin’ny fahotana sy ny vokatra mahatsiravina aterak’izany.Nokekerin’ny nenina sy torovan’alahelo tokoa ny fony ka nitalaho tamin’Andriamanitra izy mba hiaro ny zanany -lahy izay foto-pifalian’izy ireo ny fitiavany, ary mba hampihatra ny famaizana amin’ny tenan’izy mivady sy amin’ ny taranany.” Patriarka sy Mpaminany p 44
“Tsy maintsy nisy fandatsahan-drà teo anatin’ny drafi-pamonjena, satria tsy maintsy miditra an-tsehatra ny fahafatesana amin’ny maha vokatry ny fahotan’ny olombelona azy. Ireo biby izay novonoina natao sorona dia tsy maintsy nampiseho mialoha an’I Kristy… Ary ny rà izay latsaka avy tamin’ireo biby natao sorona ireo dia midika fanavotana ihany koa. Tsy nisy hery na dia kely akory aza tao anatin’ny ran’ireo biby ireo, kanefa kosa ny fandatsahana ny ran’izy ireo dia tsy nanambara an’ilay Mpanavotra iray izay ho tonga indray andro any eto amin’izao tontolo izao ary ho faty noho ny amin’ireo fahotan’ny olona…
“Ny fibebahan’I Adama izay niseho tamin’ny alàlan’ny sazy nahazo azy sy ny fanantenany ny famonjena amin’ny alàlan’I Kristy izay voaseho tamin’ny alàlan’ireo asa nataony tao anatin’ireo sorona natolony, dia fahadisoam-panantenana ho an’I satana. Review and Herald, 3 Mars 1874) Confrontation, p 22
6. Nahoana I Adama no tsy maty tamin’ ny andro nihinanany an’ilay voankazo voarara araka izay nolazain’Andriamanitra fa ho tonga izany? Genesisy 2: 16, 17; 3: 17-19
“Adama dia nihaino ny tenin’ ilay mpaka fanahy, ary noho ny fanekeny an’ ireo safely-teny fanambatambazan’io mpaka fanahy io dia tafalatsaka tao anaty fahotana izy. Teto amin’ity trangan-javatra nataon’ I Adama ity, nahoana no tsy nampiharina avy hatrany ilay fanamelohana ho faty? Satria hita ny fomba fanavotana azy. Ilay zanaka Lahy Tokan’Andriamanitra dia nanolotra ny tenany an-tsitra-po mba handray eo amin’ny tenany ny fahotan’ny olombelona sy mba hanao fanavotana ho an’ ilay taranaka lavo. Tsy afaka nisy famelan-keloka raha ohatra ka tsy nisy ny fanavotana. Raha toa ka navelan’Andriamanitra tsy nisy fanavotana ny fahotan’ I Adama, dia ho naharitra mandrakizay ny fahotana sady hihamaro sy hitombo lalandava. (RH 23/04/1901) Commentaires Bibliques p 2
“Raha vao niseho ny fahotana, dia nisy ny Mpamonjy iray. Kristy dia nahafantatra fa tsy maintsy hijaly Izy. Ary dia tonga mpisolo ny olombelona Izy.
Raha vantany vao nanota I Adama, Ilay Zanak’Andriamanitra dia niseho mba ho Mpiantoka ny taranak’olombelona, ary nanana ny fahefana hanakana ny fanamelohana izay notononina ho an’ ireo meloka, mitovy tamin’ny fahefana nananany rehefa maty teo amin’ny hazo fijalian’ I Kalvary Izy. (RH 12/03/1901) Commentaires Bibliques p 41
NY FAHAMARINANA AMIN’ NY ALÀLAN’ NY FINOANA
7. Inona no nataon’ Andriamanitra mba hampitafiana an’ I Adama sy ny vadiny? Genesisy 3: 21. Koa satria I Adama dia vavolombelona nahita ny fahafatesan’ ny zava-boary manan’anina tsy manan-tsiny, inona no fantatr’ I Adama tamin’ny alàlan’izany?
“Mba ho fampatsiahivana ny olombelona ny fahatsiarovana ny fahotany ka hanomezana ho azy fotoana fanararaotra mba hilazany amim-panetren-tena ny finoany Ilay Mpanavotra iray ho avy, Andriamanitra dia nametraka ilay fombam-pivavahana fanolorana sorona. Ilay biby natao sorona voalohany natolotr’ I Adama dia nahatonga fangirifiriana nanindrona mafy tao anatiny tao. Tamin’ny alàlan’ ny tànany mihitsy no tsy maintsy nanesorany hiala amin’ny zava-manan’ aina iray ny aina izay Andriamanitra irery ihany no afaka manome izany. Io no voalohany nahitan’I Adama ny fahafatesana, izay tsy ho nahazo ny olona sy ny biby mihitsy raha tsy noho izy. Raha namono nahafaty ilay biby tsy manan-tsiny natao sorona i Adama, dia nipararetra izy tao anatin’ ny fieritreretany fa noho ny fahotany no handatsahana ny ran’ Ilay Zanak’ondrin’Andriamanitra. Io zava-niseho io dia nahatonga tao anatiny tao ny fihetseham-po lalina tokoa sy mafy kokoa ny amin’ny maha-mampidi-doza ny fahadisoana iray izay tsy afaka ny ho voavela raha tsy amin’ny alàlan’ny fahafatesan’ ny zava-manan’aina anankiray izay tena malala indrindra ao anatin’ny fon’ny Avo Indrindra.” Patriarka sy Mpaminany p 68
8. Inona no hampiasain’Andriamanitra mba hamitany ilay drafi-pamonjeny? Salamo 9:7; Jeremia 31:3
“Araka ny maha-izy azy ny fitiavana dia mora mifindra ary afaka mitatra, ary miasa amim-pahatoniana, kanefa kosa izy io dia mahery rehefa mikendry ny handresy an’ireo faharatsiana lehibe. Ilay hery manintona mamy ananan’io fitiavana io dia manao fanovàna maro ary manenika ny fiainana sy ny feon’ny fieritreretan’ireo mpanota mba hanova ny fomba hafa rehetra dia hita fa tsy manan-kery…Jesosy no ilay andrinan’ny fiadanana. Izy dia tonga teto amin’izao tontolo izao mba hahatonga ny fanoherana sy ny zo hanana fahefana hietry ho eo ambany fifehezany. Azony natao ny niantso ny fahendrena sy ny hery mba hanampy azy, kanefa mba handreseny ny ratsy, dia ny fahendren’ny fitiavana sy ny herin’ny fitiavana ihany no nampiasany.” Témoignages pour l’Eglise, vol 1, p 236, 237.
MBA HAVERINA IANARANA SY HO SAINTSAININA LALINA
. Ahoana no azo anoritsoritana ny fitiavan’Andriamanitra?
. Amin’ny inona no mifanaraka ireo toetoetran’ny fahamarinana sy ireo toetoetran’ny famindram-po?
. Nahoana Andriamanitra no nanome ho an’ny olombelona ny fahafahana malalaka hisafidy?
“Eny Izy no hanao ny tempolin’ i Jehovah, ary Izy no hitondra voninahitra ka hipetraka sy hanapaka eo amin’ ny seza fiandrianany, ary ho mpisorona eo amin’ny seza fiandrianany Izy, ary hisy fisainam-pivavahana amin’ izy roroa.” Zakaria 6: 13
ILAY TENY FIKASANA ARA-PILAZANTSARA.
1.Raha ohatra ka araka ny lazain’I satana dia zavatra tsy mety hisy mihitsy ny hoe voavela heloka ny olona iray izay mandika ny lalàn’Andriamanitra, nahoana ary I Adama no afaka ny ho voavonjy? Genesisy 3: 15, 21; 49: 10; Joba33: 24
« Rehefa nipoaka ilay ady lehibe, dia nambaran’i satana fa tsy azo tandremana ny lalàn’Andriamanitra, ary ny fahamarinana sy ny famindram-po dia tsy azo ampitahaina, ary raha toa ka voadika io lalàna io, dia tsy hisy famelan-keloka ho an’ilay mpanota mihitsy...”Ilay Fitiavana Mandresy p 766
“Nanomboka teo amin’ny fotoana izay naneken’ny olombelona an’ ireo fakam-panahin’I satana ka nanaovany mihitsy ireo zavatra izay nandraran’Andriamanitra tsy atao, Kristy, Ilay Zanak’Andriamanitra, dia nitoetra teo anelanelan’ireo velona sy ireo maty, sady niteny nanao hoe: ‘Aoka ny famaizana hihatra Amiko, handray ny toeran’ny olombelona Aho. Amin’izay ny olona dia hanana fotoana fanararaotana hafa izay afahany ho voavonjy indray. (Lettre 22, 13 Février 1900). Commentaires Bibliques, p 4, 5
«Nisy fotoana Andriamanitra dia tsy nampiasa mihitsy ny fanamelohana ho faty ho an’ny olombelona. Ary dia nihambo satana fa tapaka ho mandrakizay ny fifamatorana nisy teo amin’ny lanitra sy ny tany. Kanefa dia diso hevitra izy tamin’izany ary dia diso fanantenana. Natolotry ny Ray teo an-tànan’ny Zanany ny tany mba hanavotany azy tamin’ny ozona sy ny loza mahazo azy noho ny fahalavoan’I Adama.” Seventh-Day Adventist Bible Commentary vol 1 p 1085
2.Na dia tompon’andraikitra ny amin’ ireo hetsika ataony aza ny tsirairay, inona ilay fitsipika nampiharin’ny Tompo mba hanaovany fanavotana antsika? Nahoana no tsy hain’ny anjely natao ny ho faty nisolo toerana an’ I Adama, ka amin’izany io anjely io dia nandoa ny vidin’ izay tsy maintsy naloa ho fanavotana an’I Adama noho ny fahotany? Ezekiela 18: 20; Isaia 53: 4-6
“Nony ren’ ny anjely izany teny rehetra izany, dia niankohoka teo an-tongotr’ Ilay lehibeny izy ka samy nanolotra ny ainy hatao sorona hanavotana ny olombelona Nefa hoy Izy: tsy hahaloa ny trosan’ny mpanota ny ain’ny anjely iray. Izay namorona ny olona ihany no afaka manao izany..” Patriarka sy Mpaminany p 47
Tena lehibe tokoa ny fahalianan’ ireo anjely mba hahavita ny famonjena ny taranak’olombelona hany ka nisy mihitsy anjely izay vonona ny handao ny voninahiny sy nanao sorona ny ainy mba hanao ny famonjena ny olombelona very. ‘Kanefa hoy ilay anjely izay nanatitra ahy hoe: tsy nahavita na inona na inona izany’. Tena lehibe tokoa ilay fandikan-dalàna hany ka ny ain’ny anjely dia tsy nahavita nandoa ny trosan’izany. Ny fahafatesan’ ilay Zanak’Andriamanitra ihany ary ny fanelanelanana ataon’io Zanak’Andriamanitra io ihany no afaka nandoa ny trosan’ny olombelona very sy mamonjy azy ho afaka amin’ny alahelo sy ny vitan-dratsy tsy misy fanantenana.” Premiers Ecrits p 127
“Nitady ny ain’ny mpandika azy ny didin’ I Jehovah nohitsakitsahina.Masina toa an’ Andriamanitra mihitsy izana didy izany, ka tsy maintsy izay mitovy aminy no atolotra mba ho fanavotana ny olona sy hampihavana azy indray amin’Andriamanitra, Ilay tompon’ny voninahitra sy mpitarika ny tafiky ny lanitra rehetra.”Patriarka sy Mpaminany.p 41
ILAY FIVORIANA NITADIAVANA NY HAMERENANA INDRAY NY FIHAVANANA
3.Inona ny fivoriana natao tany an-danitra taorian’ ilay fandikan-dalàna nataon’ I Adama? Zakaria 6: 13b
“Dia niroso teo anatrehan’ ny Rainy Izy mba handahatra ho an’ ny mpanota. Naharitra ela izany dinika izany dia ilay “fisainam-pivavahana” ho entina hanavotana ny olombelona. Novolavolaina “hatramin’ ny nanorenana izao tontolo izao” ny planin’ ny famonjena izay mampiseho ny famonoana “ny Zanak’ ondry tsy misy kilema na tsiny”. Tsy moramora hoan’ ny mpanjakan’ ny lanitra sy ny tany anefa na dia izany aza ny nanolotra ny Zanany ho amin’ ny fahafatesana, mba hanavotana ny olombelona izay efa diso … Ny fitiavan’ Andriamanitra izao tontolo izao izay tsy tia Azy akory. Mandritra ny taon-jato tsy manam-pahataperana dia hikaroka mafy amim-piankohofana ny anton’ izany zava-miafina izany ireo mponina any an-danitra.” Mpatriarka sy Mpaminany p 42
4.Manao ahoana ny fahoriana mahazo ny olombelona raha ampitahaina amin’ny fahoriana hiaretan’Andriamanitra vokatry ny fahotana? Vakio Isaia 53 sy Salamo 22 ka saintsaino lalina.
“Niteny tamiko ilay anjely nanao hoe: ‘mihevitra ve ianareo fa Andriamanitra dia nanaiky hanome ny Zanany Malalany tamin’ny fomba tsy nisy tolona? Tsia, tsia, tsy hoe tsy nisy tolona mihitsy ny nandraisan’ Andriamanitra ny fanapahan-kevitra tamin’ny hoe: na hamela ilay taranak’ olombelona meloka ho faty, na atolotra ho faty ho azy ireo ilay Zanany Malalany.” Premiers Ecrits p 151
“Tsy ny lefona nitrobaka Azy, na ny fijaliana teo amin’ ny hazo fijaliana anefa no nahafaty an’ I Jesosy. Ilay antsoantso “tamin’ ny feo mahery”, tamin’ ny fotoana nahafatesany, ny ra sy ny rano niboiboika tao amin’ ilay lanivoany, fa ny fony vaky no nahafaty Azy. Vaky ny fony nohon’ ny tebitebin-tsaina. Ny fahotan’ izao tontolo izao no namono Azy.”Ilay Fitiavana Mandresy p 831
VOASEHO NY FAHASOAVAN’ANDRIAMANITRA
5.Tsy afaka hisy fanadiovana ny fahotana raha tsy nisy ilay Ran’ I Kristy latsaka. Inona no zavatra fantatr’I Adama taorian’ny fahalavoany? Levitikosy 17:11b; Hebreo 9: 22
“Nisy anjely nanazava bebe kokoa ny planin’ ny famonjena tamin’ireo razambentsika voalohany,fa hoy izy taminy: “Na dia teo aza ny fahotana lehibe vitanareo,matokia fa tsy havela horotidrotehan’ny fahavalo tsy akory ianareo.Ny zanak’Andriamanitra dia efa nanolotra ny ainy mba hanafaka ny helokareo.Noho ny fotoana vaovao omena anareo hizahan-toetra ny fankatoavanareo an’Andriamanitra sy ny finoanareo ny Mpanavotra dia mety ho tonga zanak’Andriamanitra indray ianareo.”
Nampiseho tamin’i Adama sy Eva ny fahamasinan’ny lalàn’Andriamanitra ny fanatitra tsy maintsy hatao noho ny fandikan’izy ireo izany.Tsy mbola nibaribary taminy hoatra ny tamin’izay ny tena haratsin’ny fahotana sy ny vokatra mahatsiravina aterak’izany.Nokekerin’ny nenina sy torovan’alahelo tokoa ny fony ka nitalaho tamin’Andriamanitra izy mba hiaro ny zanany -lahy izay foto-pifalian’izy ireo ny fitiavany, ary mba hampihatra ny famaizana amin’ny tenan’izy mivady sy amin’ ny taranany.” Patriarka sy Mpaminany p 44
“Tsy maintsy nisy fandatsahan-drà teo anatin’ny drafi-pamonjena, satria tsy maintsy miditra an-tsehatra ny fahafatesana amin’ny maha vokatry ny fahotan’ny olombelona azy. Ireo biby izay novonoina natao sorona dia tsy maintsy nampiseho mialoha an’I Kristy… Ary ny rà izay latsaka avy tamin’ireo biby natao sorona ireo dia midika fanavotana ihany koa. Tsy nisy hery na dia kely akory aza tao anatin’ny ran’ireo biby ireo, kanefa kosa ny fandatsahana ny ran’izy ireo dia tsy nanambara an’ilay Mpanavotra iray izay ho tonga indray andro any eto amin’izao tontolo izao ary ho faty noho ny amin’ireo fahotan’ny olona…
“Ny fibebahan’I Adama izay niseho tamin’ny alàlan’ny sazy nahazo azy sy ny fanantenany ny famonjena amin’ny alàlan’I Kristy izay voaseho tamin’ny alàlan’ireo asa nataony tao anatin’ireo sorona natolony, dia fahadisoam-panantenana ho an’I satana. Review and Herald, 3 Mars 1874) Confrontation, p 22
6. Nahoana I Adama no tsy maty tamin’ ny andro nihinanany an’ilay voankazo voarara araka izay nolazain’Andriamanitra fa ho tonga izany? Genesisy 2: 16, 17; 3: 17-19
“Adama dia nihaino ny tenin’ ilay mpaka fanahy, ary noho ny fanekeny an’ ireo safely-teny fanambatambazan’io mpaka fanahy io dia tafalatsaka tao anaty fahotana izy. Teto amin’ity trangan-javatra nataon’ I Adama ity, nahoana no tsy nampiharina avy hatrany ilay fanamelohana ho faty? Satria hita ny fomba fanavotana azy. Ilay zanaka Lahy Tokan’Andriamanitra dia nanolotra ny tenany an-tsitra-po mba handray eo amin’ny tenany ny fahotan’ny olombelona sy mba hanao fanavotana ho an’ ilay taranaka lavo. Tsy afaka nisy famelan-keloka raha ohatra ka tsy nisy ny fanavotana. Raha toa ka navelan’Andriamanitra tsy nisy fanavotana ny fahotan’ I Adama, dia ho naharitra mandrakizay ny fahotana sady hihamaro sy hitombo lalandava. (RH 23/04/1901) Commentaires Bibliques p 2
“Raha vao niseho ny fahotana, dia nisy ny Mpamonjy iray. Kristy dia nahafantatra fa tsy maintsy hijaly Izy. Ary dia tonga mpisolo ny olombelona Izy.
Raha vantany vao nanota I Adama, Ilay Zanak’Andriamanitra dia niseho mba ho Mpiantoka ny taranak’olombelona, ary nanana ny fahefana hanakana ny fanamelohana izay notononina ho an’ ireo meloka, mitovy tamin’ny fahefana nananany rehefa maty teo amin’ny hazo fijalian’ I Kalvary Izy. (RH 12/03/1901) Commentaires Bibliques p 41
NY FAHAMARINANA AMIN’ NY ALÀLAN’ NY FINOANA
7. Inona no nataon’ Andriamanitra mba hampitafiana an’ I Adama sy ny vadiny? Genesisy 3: 21. Koa satria I Adama dia vavolombelona nahita ny fahafatesan’ ny zava-boary manan’anina tsy manan-tsiny, inona no fantatr’ I Adama tamin’ny alàlan’izany?
“Mba ho fampatsiahivana ny olombelona ny fahatsiarovana ny fahotany ka hanomezana ho azy fotoana fanararaotra mba hilazany amim-panetren-tena ny finoany Ilay Mpanavotra iray ho avy, Andriamanitra dia nametraka ilay fombam-pivavahana fanolorana sorona. Ilay biby natao sorona voalohany natolotr’ I Adama dia nahatonga fangirifiriana nanindrona mafy tao anatiny tao. Tamin’ny alàlan’ ny tànany mihitsy no tsy maintsy nanesorany hiala amin’ny zava-manan’ aina iray ny aina izay Andriamanitra irery ihany no afaka manome izany. Io no voalohany nahitan’I Adama ny fahafatesana, izay tsy ho nahazo ny olona sy ny biby mihitsy raha tsy noho izy. Raha namono nahafaty ilay biby tsy manan-tsiny natao sorona i Adama, dia nipararetra izy tao anatin’ ny fieritreretany fa noho ny fahotany no handatsahana ny ran’ Ilay Zanak’ondrin’Andriamanitra. Io zava-niseho io dia nahatonga tao anatiny tao ny fihetseham-po lalina tokoa sy mafy kokoa ny amin’ny maha-mampidi-doza ny fahadisoana iray izay tsy afaka ny ho voavela raha tsy amin’ny alàlan’ny fahafatesan’ ny zava-manan’aina anankiray izay tena malala indrindra ao anatin’ny fon’ny Avo Indrindra.” Patriarka sy Mpaminany p 68
8. Inona no hampiasain’Andriamanitra mba hamitany ilay drafi-pamonjeny? Salamo 9:7; Jeremia 31:3
“Araka ny maha-izy azy ny fitiavana dia mora mifindra ary afaka mitatra, ary miasa amim-pahatoniana, kanefa kosa izy io dia mahery rehefa mikendry ny handresy an’ireo faharatsiana lehibe. Ilay hery manintona mamy ananan’io fitiavana io dia manao fanovàna maro ary manenika ny fiainana sy ny feon’ny fieritreretan’ireo mpanota mba hanova ny fomba hafa rehetra dia hita fa tsy manan-kery…Jesosy no ilay andrinan’ny fiadanana. Izy dia tonga teto amin’izao tontolo izao mba hahatonga ny fanoherana sy ny zo hanana fahefana hietry ho eo ambany fifehezany. Azony natao ny niantso ny fahendrena sy ny hery mba hanampy azy, kanefa mba handreseny ny ratsy, dia ny fahendren’ny fitiavana sy ny herin’ny fitiavana ihany no nampiasany.” Témoignages pour l’Eglise, vol 1, p 236, 237.
MBA HAVERINA IANARANA SY HO SAINTSAININA LALINA
. Ahoana no azo anoritsoritana ny fitiavan’Andriamanitra?
. Amin’ny inona no mifanaraka ireo toetoetran’ny fahamarinana sy ireo toetoetran’ny famindram-po?
. Nahoana Andriamanitra no nanome ho an’ny olombelona ny fahafahana malalaka hisafidy?
novalian'i Maranatha ny 27/05/2014 10:50