Ahoana no fandraisanao izay fijery izay eo anivon'ny fiaraha-monina.

Raha ny ray sy reniny ve no meloka noho ny nataony, dia ilay zanany, voatavo tsy mifandraka mbola tsy mahalala akory izay ambonin'ny tany, dia meloka koa?

Raha Ikoto na Iketaka no meloka noho ny nataony, dia ho meloka daholo ny iray tanana?

Raha nangalatra 1 miliara ny ray aman-dreniny dia nanamboarany trano milay be dia avy matin'ny accident tampoka dia lasan'ilay zanany ilay trano. Dia ahoana? Ilay zanany tsy manan-tsiny?
Ny mpanakarena any amerika afovoany sy atsimo dia taranak'ireo espaniol mpanjanaka fahiny. Fa saingy hoe efa maty ireo nanao ratsy fahiny dia an'ny taranany tsy manantsiny ny tany rehetra fa ny taranak'ireo nangalarana manofa raha mba hamboly.

Ilay zanany anefa aloha TSY nanao heloka. TSY izy no nangalatra.
Fa raha ohatra kosany izany efa fantany fa halatra no eo an-tanany, dia heloka hafa indray izany (receleur).

Fa ny tany Korea Avaratra no hitako t@ fahita-lavitra. Rahefa manao heloka ny olona iray, ohatra lasa nitsoaka mankany Sina, dia gadraina daholo ny fianakaviana. T@ ilay dadatoan'i Kim nohenjehina (sy novonoina) iny, dia very saina ny sasany fa na izy aza tsy nahalala hoe kay cousin an'ilay meloka izy; fa tsisy kabary fa dia nogadraina ilay olona.

Io izany ilay hoe : heloky ny iray, dia lasa heloka iraisana... any Korea Avaratra (ohatra)

rhaj0:


Ahoana no fandraisanao izay fijery izay eo anivon'ny fiaraha-monina.

Raha ny ray sy reniny ve no meloka noho ny nataony, dia ilay zanany, voatavo tsy mifandraka mbola tsy mahalala akory izay ambonin'ny tany, dia meloka koa?

Raha Ikoto na Iketaka no meloka noho ny nataony, dia ho meloka daholo ny iray tanana?

Salama daholo,

Dia sarotra tokoa io raha zavatra tsy azo onerana toy ny vono olona sy fandripahana foko na tanàna iray manontolo sy habibiana.

Ny ao an-tsain'izay havan'ny olona niharan'izany ohatra dia hoe:" raha mbola taizany amin'izany fomba izany ny zanany dia inona no azonao antenaina raha tsy hoe tonga saina ny taranany ka miova?


Misy koa ohatra tsy namono fa namela na namporisika ny vono olona . Mifanohitra amin'ilay hoe nafeninao ilay olona sao dia vonoin'ny "sasany" na nanoro hoe atsy ireo no miafina.

Tsy afaka atao ny mamerina ireo maty, ahoana no hanonerana izany? Misy ireo firenena izay milaza hoe meloka ny razambeny nanao izany: ny dikan'izany dia efa tonga saina izy ary mety homoramora ny manaiky raha samy efa lavitra aty aoriana satria samy tsy nisy niaina ilay toe-javatra.

Averina aminao ny fanontaniana: raha nanana havana tamin'ny tabataba 47 ianao dia inona no navalinao ny filoha vazaha tam 2004 hoe ny firenenay no tompon'andraikitra tamin'ireny?

Hafa indray raha zavatra azo averina: "nangalatra tany ny rainy dia averin'ny zanany amin'ilay olona nangalarana ilay izy taty aoriana.

Amiko dia manokana sy mahakasika ny tsirairay ny heloka (indiviuel)

Ny mahatonga ny heloka manjary heloky ny zanaka dia mety ho nisy na mivantana na ankolaka fandraisana anjaran'ilay zanaka tao. Fa raha tena tsy misy kosa, tahaka izay lazain'i rhaj0 mikasika ny any Korea avaratra dia tsy rariny.

Ny fandraisana anjara tsy mivantana, izay mateti-pitranga ohatra, dia ilay tsy mitory raha misy tsy mety nataon'ny raiamandreny (lasa complice). Raha zanaka na taranaka mahafantatra hoe manao ratsy ny lehibe dia manana adidy eo amin'ny fiaraha-monina hitory sy hilaza ny tsy mety... ny tsy filazàna izany dia fandraisana anjara amin'ilay heloka ka mahameloka ihany koa.

hery:
Amiko dia manokana sy mahakasika ny tsirairay ny heloka (indiviuel)

Isika "manokana" angamba no manana izay fijery izay. Fa ny fiaraha-monina (malagasy) koa ve toa izay? Ary ao anatin'ny loha-hevitra "Fivavahana sy Finoana" moa isika eto, dia ny fanontaniako dia hoe: ahoana koa hoy ny Fiangonana na ny mpitarika Fivavahana @izany...

Rahefa manao ny nataony ohatra i Dadatoa, dia mahatsiaro menatra ny mpianakavy. Ny fahazoako an'izay dia noho ny "Fihavanana" : raisina ho toan'ny singan'ny tena ny havana, koa izay manjo azy, na tsara na ratsy, dia tsapan'ny tena ho manjo ny tena koa.

Fa raha manao ny nataony i Dadatoa, dia ny fianakaviana rehetra koa ve no voan'ny tondro-molotry ny fiaraha-monina? (izany hoe "meloka" @ nataon'i Dadatoa ny havany rehetra)

Ka io indrindra ilay lazaiko hoe tompon'andraikitra ny fianakaviana raha toa mahalala. Raha manao ny ataony raDadatoa ka fantatry ny fianakaviana rehetra nefa tsy miteny sy tsy miala nenina izy ireo dia mitovy amin'ny hoe mankasitraka.

Ho an'ny fiangonana (katolika no haiko), dia mateti-pitranga io fanontaniana io ho an'ny zaza atao batemy. Matetika dia tsy raisina hatao batemy ny zaza raha toa ka miaina anaty tokatranomaso izany hoe tsy vita mariazy am-piangonana ny ray aman-dreniny. Izany hoe tsy tsinin'ilay zaza akory no hisakànana azy tsy hatao batemy. Tsy hoe miampita any amin'ilay zaza anefa ny heloky ny ray amandreny eto satria tsy ilay zaza no voasazy fa ny ray amandreny.

Ny antony haneken'ny fiangonana katolika ny zaza hatao batemy mantsy dia noho ny finoan'ny ray aman-dreniny. Izany hoe misy fanantenana hoe hobeazina ao anaty finoana ilay zaza (Droit Canon. 868 - § 1). Ka raha tsy ara-dalàna ny ray aman-dreniny, na tsy vonona hiaina ny finoana sy hampiaina ny finoana azy dia tsy atao batemy ny zaza.

Heloky ny ray sy reniny izany io ary mijanona ho heloky ny ray sy reniny. Satria rehefa lehibe ilay olona avy eo ka mangataka hatao batemy dia tsy jerena intsony na mpivady ara-dalàna ny ray aman-dreniny na tsia.

hery:
Raha ... tsy miteny sy tsy miala nenina izy ireo dia mitovy amin'ny hoe mankasitraka.

.. ary dia "meloka" koa ve izany ny fianakaviana fa tsy naha-hitsy an'i Dadatoa?

Fa raha nohanarina nefa tsy nety niova i Dadatoa, dia raha ny fahazoako azy, mety ho voan'ny hoe ho arian'ny havany... Izay, raha ny fahazoako azy, ilay fitenenana hoe "ho hitan'ny havany eo", izany hoe TSY mahatsiako ho havana intsony ilay miteny: tapaka ny Fihavanana.

(mazava tsara ny fijerin'ny Fiangonana Katolika... misaotra)

somary miovaova araka ny olona ihany indrai,dray ilay resaka hoe "meloka" an! Lasa hoe izaho na ianao no mitsara nefa tsy izay angamba no tokony ho alehany:

Tsaroanareo ve taloha misy hoe olona samihafa finoana tsy mifanambady ? mbola mafy be io any Inde ohatra misy hoe voaroaka ao amin'ny tanàna misy azy ny fianakaviana rehetra satria nisy ankizy nanambady olona amin'ny caste hafa na finoana hafa ao anatiny.

Fijerin'ny fiaraha-monina sa fijerin'ny finoana sa fijery arapomban-drazana no mahatonga azy ho meloka? sa kosa fijeritsika manokana?

Arakaraky ny kolon-tsaina ihany io e. Misy ny kolon-tsaina "individualiste" (tahaka ny kolon-tsaina tandrefana ankehitriny) ary misy koa ny kolon-tsaina "collectiviste", izay mbola hita hatraiza hatraiza ankehitriny : tsy heverina ho entité mitokana ivelan'ny fianakaviany, na ny tanànany, na ny fireneny, ny olona 1

Faly miarahaba ny namana rehetra indray,
Raha ny fahamarinana ao amin'ny baiboly aloha : "« Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika, dia amin'izay mankahala Ahy; » (Eks.20:5)
Raha tonga amin'ilay hoe nahavita heloka izay nampihetsika ny fahasarotampiaron'Andriamanitra isika (araka ny voalaza eto dia mampirafy azy amin'ny sarin-javatra voasikotra) dia valiany amin'ny taranaka ny helok'ilay olona.

Izao koa « na dia ao aza ireto telo lahy ireto, dia Noa sy Daniela ary Joba, dia ny tenany ihany no ho voavonjiny noho ny fahamarinany, hoy Jehovah Tompo. » (Eze.14:14)

Araka io indray kosa dia isam-batan'olona ihany koa ny famonjena.

Fehiny, ny tenin'Andriamanitra dia marina ary tsy maintsy ho tanteraka. Mila mitandrina ny Ray aman-dreny satria tompon'Andraikitra ny amin'ny ho avin'ny taranany izy, ary koa ny tsi11 dia mila mandinika tsara fa tsy miantehintra amin'ny fahamarinan'ny Rainy na ny Reniny, na ny dadabeny na ny nenibeny,

Samia ho tahin'ny Tompo namana

Azafady fa hadinoko ity

5laody:
Averina aminao ny fanontaniana: raha nanana havana tamin'ny tabataba 47 ianao dia inona no navalinao ny filoha vazaha tam 2004 hoe ny firenenay no tompon'andraikitra tamin'ireny?

Tsy azoko tsara ny fanontaniana.
Raha izaho manokana aloha dia ilay nanao ratsy no meloka, fa kosa, tokony miaiky ny taranany ary manome fanonerana. Ohatra aty Kanada izao, dia "meloka" ny olona taloha fa namono ny fanahin'ny tompo-tany (amerindiens) sady naka ny harenany. Ny taranaka aty aoriana, na ny gvt kanadiana izao, dia efa nanaiky ary niala tsiny ampahibemaso (teny @ assemblee). Tsy izay ihany fa manome fanonerana ho an'ny amerindiens ny fanjakana (efa nanome ary mbola manome).

5laody:
Fijerin'ny fiaraha-monina sa fijerin'ny finoana sa fijery arapomban-drazana no mahatonga azy ho meloka? sa kosa fijeritsika manokana?

Ny fahitako azy dia TSY ny fijerin'ny tsirairay (izay tonga saina fa TSY rariny ilay fihitaran'ny heloka) no manjaka eo anivon'ny fiaraha-monina.

Vakio deoteronomia 24

Ekena.

deoteronomia 24:16:
“Ny ray tsy tokony hovonoina ho faty noho ny fahotan’ny zanaka, ary ny zanaka tsy hovonoina ho faty noho ny fahotan’ny ray,+ fa hovonoina ho faty noho ny fahotany avy ny tsirairay.

Avy t@ resaka tatsy, ny resaka ifotony hatramim-boalohany mihintsy dia toa hoe : nolovain-draolombelona, hoy ny Baiboly (ve?) ny helok'i Adama sy Eva...

sa diso aho?..

Handray anjara kely o:

Heloky ny ray ve heloky ny zanaka? Eny sy tsia ny valiny
D'une manière générale aloha tsia ny valiny. Tsy hoe mangalatra ianao dia mitambesatra any amin'ny zanakao iny ota iny akory. Haintsika loatra ny voalazan'ny Ezekiela ao amin'ny toko 18:20:"Ny fanahy izay manota no ho faty . Ny zanaka tsy mba hitondra ny heloky ny rainy , ary ny ray tsy mba hitondra ny heloky ny zanany "

Fa ny heloka iray miampita any amin'ny zanaka aman-jafy dia ny sampy, ny fandehanana any amin'ny mpimasy, izay heloka mampitovy zavatra hafa amin'Andriamanitra.
Eks20:5:"Aza miankohoka eo anatrehany , ary aza manompo azy ; fa Izaho , Jehovah Andriamanitrao , dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika"