Nehemiah:


Tsy voalaza mihitsy @ Baiboly fa tokony mangataka fanampiana hivavaka @ efa nodimandry antsika satria mitsahatra @ asany izy ireo (Rev. 14:13).

Toy izao ny vakinteny manodidina io andininy voalazanao io (raha ny hitako eto amin'ny baiboliko): "Ary nandre feo avy any an-danitra aho, nanao hoe: Soraty: Sambatra hatramin'izao ny maty izay maty ao amin'ny Tompo. Eny, hoy ny Fanahy, aoka hitsahatra amin'izay nisasarany izy, fa ny asany hanaraka azy." (Apok na Rev 14:13)

Midika ve izany fa tsy mivavaka sy afaka manampy intsony ireo olomasina ireo ? mbola azo hiadina hevitra izany (...) Fa entiko hamaliana anao amin'ny Ankapobeny dia ireto fanamarihana ireto

Misy zava-dehibe izay mampiavaka manokana ny Testamenta Vaovao sy ny Fanekena Vaovao izay tsy azon'ireo finoana hafa ankoatra ny Eglizy Katolika tsara ny tena mahalehibe azy sy ny halaliny: Ny Fanorenan'i Jesoa Kristy ny Fiangonana sy ny Fiombonan'ny Olomasina izay mampifandray lalalindalina kokoa ny Lanitra sy ny Tany. I Jesoa Kristy aloha ilay tena mpanatanteraka sy mpandavorary ny lalana sy ny mpaminany marik'izany ny fisehoan'i Elia (mariky ny mpaminany) sy Moizy Taminy (mariky ny lalana)

«Nalain'i Jesoa i Piera sy Jakoba ary Joany ka nentiny nitokana tany an-tendrombohitra avo. Dia niova tarehy teo anatrehany izy(...) ary indreo niseho tamin'izy ireo i Moizy (izay efa maty) sy i Elia Niresaka tamin'i Jesoa(...) » (Matio 17, 1-8; Marka 9, 2-8; Lioka 9, 28-36; 1 Piera 1,16-18)

Io fiovana Tarehy atrehin'i Moizy sy Elia io dia mariky ny fidirana amin'ny Fanekena vaovao sy ny fandavorariana ny mpaminany sy ny lalàna izay tanteraka sy voalavorary ao amin'i Jesoa sy ny lalàn'ny Fitiavana izay fototra sy fahalavorarian' ny lalàna rehetra (Matio 28,37)

Io Fanekena vaovao io dia mifototra amin'ny Fanorenana ny Eglizy sy ny Fiombonan'ny Olomasina ary i Md Piera no nomen'ny Jesoa ny fanalihidin'ny Fanjakan'ny Lanitra:

«Ianao no Piera vato ary eo ambonin'izany Vatolampy izany no hanorenako ny Egliziko ary ny vavahadin'ny Afobe tsy Haharesy azy, Homeko anao ny Fanalahidin'ny Fanjakan'ny Lanitra, izay rehetra fehezinao ety an-tany dia ho voafehy koa any an-danitra ary izay vahanao ety an-tany dia ho voavaha koa any an-danitra» (Matio 16, 18-19)

Ny Eglizy izany izay i Kristy no filoha ary i Piera no Vikera dia mampifandray ny mponin'ny Lanitra (Ny Anjely, ny Fanahin'ireo Olomasina...) izay antsoina hoe Eglizy Sambatra sy ny mponin'ny Tany izay mivondrona ao amin'ny Eglizy mbola Miady (amin'ny ratsy) hoy ny epistola ho an'y Hebrio mampitahy ny fanekena roa:

«Ianareo dia tsy nanatona zavatra mety tsapa sy re toy ny afo mirehitra ...(Ny fanekena taloha : vakio Exody 19, 16-25) fa ny nohantoninareo kosa dia ny tendrombohitr'i Siôla (ara-panahy) izay tananàn'Andriamanitra velona, izay Jerosalema any an-danitra, sy ny fivorian'ireo anjely alinalina, ny fiangonan'ny zokinareo izay voasarotra any an-danitra, ny Mpitsara izay Andriamanitry ny olon-drehetra, ny fanahin'ny olomarina efa amin'ny fanaperana (ny olomasina) ary i Jesoa mpanalalana amin'ny Fanekena vaovao » (Hebrio 12, 22-24)

Ireo olomasina ao amin'ny Fiangonana Sambatra dia afaka manampy sy mivavaka ho an'ireo olona ao amin'ny fiangonana mbola miady ety an-tany satria Tena iray ihany ny Fiangonana izay Tenan'i Kristy any an-danitra sy ety an-tany. Ny fiantsona ny fanampian'ny fanahin'ireo olomasina dia nanomboka tamin'ny Fanekena Vaovao izay nanorenan'i Jesoa ny Fiangonana sy ny Fiombonan'ny olomasina.

Toy izao ny «version complet» an’ilay Epistola ho an’I Hebrio nomeko teo aloha (fa somary nisy erreur d’orthographe kely ilay mesaziko teo ambony io moa saika tsy nosoratako tao ny sasany fa nataoko trios pinst de suspension)

«Hianareo tsy mba nanatona zavatra azo tsapaina sy mirehitra afo, sy izay rahona sy aizim-be sy kotro-baratra, ary feon-trompetra sy feo niteny mafy tsy tantin'ireo nandre, ka nangataka tsy handre izany intsony izy ireo; fa tsy tohany ilay fandrahonana hoe: Na biby aza mikasika ny tendrombohitra dia hotoraham-bato. Loza loatra no niseho tamin'izay, ka Moizy avy no vaky hoe: Tsiravina sy rano an-dravina aho! Fa ny nohatoninareo, dia ny tendrombohitr'i Siona tanànan'Andriamanitra velona, izay Jerosalema any an-danitra, sy ny fivorian'ny anjely alinalina, ny fiangonan'ny zokinareo izay voasoratra any an-danitra, ny Mpitsara izay Andriamanitry ny olon-drehetra, ny fanahin'ny olo-marina efa amin'ny fanaperana (Ny Olomasina any amin'ny Fiangonana Sambatra), sy Jesoa mpanalalana amin'ny fanekena vaovao, ary ny ran'ny famafazana izay miteny tsaratsara kokoa noho ny an'i Abela. Tandremo fandrao mandà izay miteny hianareo; fa na ry zareo nandà izay niteny teto an-tany aza tsy afa-nandositra, ka mainka isika raha mandà ilay miteny amintsika avy any an-danitra» (Hebrio 12,18-25).

Ny Fanorenana ny Fiangonana sy ny Fiombonan'ny Olomasina koa dia mifandraika mivantana tamin'ny nidinan'i Jesoa Kristy tany amin'ny fonenan'ny Maty sy nanadiovany tanteraka avy amin’ny sorona izay nataony ny fanahin'ireo olomarina efa maty tao talohany sy nampidirany azy ao amin'ny Eglizy sambatra araka ny faminanian'i Zakaria

« Ny aminareo koa noho ny rà nanamafy ilay fanekempihavanana taminao no efa hamoahana ny mpifatotrao avy tao an-davaka tsy misy rano (io lavaka tsy misy rano io dia manambara ny fonenan'ny maty tao amin'ny Testamenta Taloha: antsoina hoe ambanin’ny tany na hantsan’ny fahafatesana… »(Zakaria 9,11)

Hoy ny katesizin'ny Fiangonana katolika mikasika indrindra ny fidinan'i Kristy tany amin'ny Fitoeran'ny Maty io:

Nidina Tany Ambanin’ny Tany i Kristy (Katesizin’ny Fiangonana Katolika Andalana 632-635)
(Ilay teny hoe Ambanin’ny Tany eto angamba dia tsy ara-bakiteny hoe ambanin’ny tany fa hoe fitoeran’ny maty taloha: ilay lavaka voalazan’ny mpaminany zakaria, ny dikanteny frantsay dia hoe : le Christ est decendu aux enfers izay azo adika koa hoe Nidina tany amin’ny hantsan’ny fahafatesana àry i Kristy)

Ireo filazana marina miverimberimberina ao amin’ny Testamenta Vaovao izay anehoana fa «nitsangana tamin’ny maty» i Jesoa (1 Kôr 15,20), dia azo heverina marina fa nitoetra tao amin’ny fonenan’ny maty Izy, talohan’ny fitsanganany ho velona (Heb 13,20). Izany no hevi-teny voalohany nomen’ny toritenin’ ny apôstôly, momba ny fidinan’i Jesoa tany ambanin’ny tany : Nahalala ny fahafatesana toy ny olombelona rehetra i Jesoa, ary tamin’ny fanahiny no Mpamonjy Azy no nidinany tany, nitory ny Evanjely tamin’ireo fanahy voatana tao (1 Pi 3, 18-19).

Ny fonenan’ny maty izay nidinan’i Kristy maty, dia antsoin’ny Soratra Masina hoe : ambanin’ny tany, Seoly na Hadesy (Filip 2,10 ; Asa 2,24 ; Apôk 1,18 ; Efez 4,9.) , satria izay rehetra mitoetra ao dia tsy afaka mahita an’Andriamanitra (Sal 6,6 ; 88,11-13.). Toy izany, eo am-piandrasana ny Mpanavotra, no toe-javatra misy amin’ireo maty rehetra, na olon-dratsy na olo-marina (Sal 89,49 ; 1 Sam 28,19 ; Ezek 32,17-32.), izay tsy midika fa mitovy anjara izy ireo, araka ny nasehon’i Jesoa tamin’ny fanoharana momba an’i Lazara mahantra noraisina teo «antratran’i Abrahama» (Lk 16,22-26.). «Soritana mazava izany, fa ireo nanana toe-panahy masina, izay niandry, teo an-tratran’i Abrahama, ny Mpanafaka azy ireo, no nahafahan’i Jesoa-Kristy, fony Izy nidina tany ambanin’ny tany». Tsy nidina tany ambanin’ny tany tsy akory i Jesoa, mba hanafaka ao an’ireo olom-bery, na handrava ny afoben’ny fahaverezana mandrakizay, fa mba hanafaka ny olo-marina izay nialoha Azy.

. «Notorìna tamin’ny maty koa ny Vaovao Mahafaly…» (1 Pi 4,6). Ny fidinana tany ambanin’ny tany no fanatanterahana, hatramin’ny hafenoany, ny fitoriana momba ny evanjelim-pamonjena. Izany no ambaratonga farany amin’ny iraka maha-Mesia an’i Jesoa, ambaratonga voafintina amin’ny fotoana kanefa midadasika tokoa amin’ny tena dikany marina eo amin’ny
fiitaran’ny tsanganasam-panavotana ny olombelona rehetra amin’ny fotoana rehetra sy amin’ny toerana rehetra, satria izay rehetra voavonjy dia natao hiombona anjara amin’ny Fanavotana.

Nidina tany amin’ny hantsan’ny fahafatesana àry i Kristy (Mt 12,40 ; Rôm 10,7 ; Efez 4,9.,) mba «handrenesan’ny maty ny feon’ny Zanak’Andriamanitra, ka ireo izay handre izany dia ho velona» (Jo 5,25). I Jesoa «ilay Tompon’ny aina» (Asa 3,15), dia «nahatonga ho tsy manan-kery tamin’ny fahafatesany, ilay manana ny fanjakan’ny fahafatesana, izany hoe ny devoly, sy nanafaka an’izay rehetra niharan’ny fanandevozana, nandritra ny andro rehetra niainany, noho ny tahotra ny fahafatesana» (Heb 2,14-15). Nanomboka tamin’izay, i Kristy nitsangan-ko velona «no mitana ny fanalahidin’ny fahafatesana sy ny Hadesy» (Apôk 1,18) ary «handohalika amin’ny Anaran’i Jesoa avokoa ny
lohalika rehetra, ny any an-danitra, ny ety an-tany, ary ny any ambanin’ny tany» (Filip 2,10).

Hoy koa i Md Paoly milaza momba io fidinan’I Kristy tany amin’ny Fitoeran’ny maty io sy ny fifandraisan’izany amin’ny fiangonana

«Samy manana ny ambaratongany anefa ny fahasoavana nomen'ny Kristy antsika tsirairay avy. Izany no anaovan'ny Soratra Masina hoe: Niakatra any ambony izy, nitondra olona maro ho babo, ary nanome fanomezana maro ho an'ny olona. Inona no ilazana hoe niakatra izy, afa-tsy noho izy efa nidina ho any ambanin'ny tany koa? Ary tsy iza ilay nidina fa ilay niakatra any ambonin'ny lanitra rehetra ihany, mba hamenoany ny zavatra rehetra. Dia izy no nanome ny sasany ho Apostoly, ny sasany ho mpaminany, ny sasany ho evanjelista, ary ny sasany ho mpiandry sy mpampianatra, 12mba samy hanana ny fandraharahany avy, amin'ny fandavorariana ny olona masina, dia amin'ny fandrafetana ny tenan'ny Kristy» (Efezianina 4, 7-12)


Mbola saika tiako nampiana ireo valinteny ireo fa efa nanomboka lava dia naleoko najanona aloha
Izaho koa izao tsy dia manam-potoana firy intsony aloha anio ka aleo hatreo mety mbola hofenoiko io valinteny io ary mbola hamaly manokana ireo voalazanao mikasika ny momba an'i Masina Maria koa aho. Raha vakianao tsara ireo voalazako ireo dia mety efa azonao an-tsaina ny tena mampifandray ny fanahin'ireo olomasina ao amin'ny Eglizy Sambatra sy ny kristianina mbola miady ety an-tany araka ny Fanekena vaovao. Anisan'ny marika maha « legitime sy efficace » ny fiantsona ny fanahin’ny olomasina koa dia ny fisian'ireo fahagagana marobe azo avy tamin'ny Fanampian’izy ireo nandritra izay 2000 taona nisian'ny Fiangonana izay. Mbola marihiko fa nanaomboka tamin’ny Fanekena vaovao sy ny fanorenan’I Jesoa Kristy ny Eglizy sy ny Fiombonan’ny oLomasina no nanomboka io zavatra io.

Nehemiah:


Ny Mt. 16:18-19 sisa no mbola tsy azoko antoka ny tianao tenenina : resaka momba ny fahefan'ny Papa ve izao ?

Ny saika hanohizako ireo efa nolazaiko omaly dia sady mamaly ity fanontanianao ity koa : Araka ireo verset efa hita teo aloha dia ny Fiangonana sy ny Fiombonan’ny Olomasina naorin’I Jesoa tao ami’ny Fanekena Vaovao dia mampifandray lalindalina kokoa ny lanitra sy ny tany, (ohatra araka ny efa voalaza Matio 16, 19, Hebrio 12, 22-24, Efezianina 4, 4-6; …)

Araka ny Fandinihan’ny Eglizy ny hafatr’i Kristy sy ny soratra masina nandritra ireo taonjato sy ny Fanilovana azon’ireo Olomasina sy Mpampianatry ny Fiangonana maro avy amin’ny Fanahy Masina izay manazava sy mitondra ny Eglizy any amin’ny Fahamarinana rehetra ( Joany 16,13) dia azo avahana ho Rantsana (na Toetra) Telo Lehibe ireo ratsambatan’ny Fiangonana araka ny toetra misy ireo fanahy (mifandray ihany anefa ireo Rantsana Lehibe ireo ireo satria tena iray ao amin’i Kristy ary Mifampivavaka sy Mifanampy) :

1) Ny Eglizy Sambatra: Fiombonan’ireo OLomasina izay efa tonga amin’ny Fanaperana «(Hebrio 12, 23)


2) Ny Eglizy Mijaly na Afo Fandiovana : Misy ny Fanahy izay tsy mbola mendrika ny ho any an-danitra kanefa tsy mendrika ihany koa ny ho very any amin’ny Afobe ka mila mandalo ny afo Fandiovana , hoy ny Katesizin’ny Fiangonana Katolika :

Antsoin’ny Fiangonana hoe Afofandiovana ny fandiovana farany ireo olom-pinidy , izay tsy mitovy velively amin’ny famaizana ny olom-bery any amin’ny afobe. Nandrafitra tamin’ny rijan-teny ny fitambarampampianaram- pinoana momba ny Afofandiovana ny Fiangonana, indrindra tamin’ny Kônsily tao Florence sy tao Trente. Ny lovam pampianaran’ny Fiangonana, izay manovo hevitra avy amin’ny lahatsoratra sasany ao amin’ ny Soratra Masina (Ohatra 1 Kôr 3,15 ; 1 Pi 1,7), dia miteny afo mpanadio : Noho ny fisian’ny fahadisoana kely sasantsasany, tsy maintsy mino fa misy afo mpandio alohan’ny fitsaràna, araka ny nolazain’Ilay Fahamarinana, amin’ny fitenenana fa ny olona izay hanao teny faniratsirana ny Fanahy Masina, dia tsy hahazo famelan-keloka, na amin’ity fiainana ity na amin’ny fiainana ho avy (Mt 12,32). Ao amin’ izany tenim-pitsaràna izany no ahafahantsika mahafantatra fa ny fahadisoana sasantsasany dia mety ho voavela eto amin’ity fiainana ity, fa ny hafa sasantsasany dia any amin’ny fiainana ho avy (ao amin’ny afo fandiovana).

Raha misy olona maty tao anatin’ny « fahotana tsy mahafaty » no mandalo ao amin’ny afo fandiovana araka io voalaza io. Hoy koa ny Baiboly :

« Raha misy mahita ny mpiray tampo ara-pinoana manao fahotana tsy ho amin’ny fahafatesana, aoka hivavaka ho azy izy, Ary Andriamanitra no hanome azy ny fiainana, dia an’izay manota tsy ho amin’ny Fahafatesana. Misy Fahotana ho amin’ny Fahafatesana ; tsy mba izany no ilazako hoe tokony hivavaka. Fahotana avokoa ny tsy fahamarinana rehetra , fa misy fahotana tsy ho amin’ny fahafatesana » ( 1 Joany 5, 16-17)

Fa raha maty ao anatin’ny «fahotana mahafaty» kosa ilay olona dia efa very Mandrakizay izy :

« Ny fampianaran’ny Fiangonana dia manantitrantitra ny fisian’ny afobe sy ny maha-mandrakizay izany. Ny fanahin’ireo izay maty ao amin’ny toepahotana mahafaty dia midina eo no eo avy hatrany any amin’ny afobe aorian’ny fahafatesana, izay ao izy no mijaly amin’ny sazìn’ny afobe, «ilay afo mandrakizay». Ny sazy lehibe indrindra ao amin’ny afobe dia ny fisarahana mandrakizay amin’Andriamanitra, satria ao amin’Andriamanitra irery ny olombelona no afaka mahazo ny fiainana sy ny fahasambarana izay ho amin’izany no nahariana azy ary izany rahateo no iriny. » (Katesizy 1035)

I Jesoa indrindra ihany ka no nanambara matetika (Mt 5,22.29 ; Mt 13,42.50 ; Mk 9,43-48.) ny fisian’io Afobe Mandrakizay io (izay afo ara-panahy ny endriny voalohany satria ny fanahy any dia ireo fanahy very fanantenanana sy kivy mandrakizay mandrakizay tsy hahita intsony ny Fahamarinana sy hiray amin'ny Fitiavana dia Andriamanitra izany)


3) Ny Eglizy mbola Miady (amin’ny ratsy) dia Ny Eglizy eto an-tany izany izay entin’ny Papa sy ny Eveka ary ireo Pretra Dimbin’ny Apostoly izay endrika Misolo an’I Kristy eto an-tany.


Io verset Matio 16,19 toy ny verset Biblique rehetra dia tenin’I Jesoa izay azo atao hoe ho an’ny Kristianina sy ny Ratsambatan’ny Fiangonana rehetra saingy:

«Samy manana ny ambaratongany anefa ny fahasoavana nomen’i Kristy antsika tsirairay (…)Dia Izy nanolotra fanomezana ka nanao ny sasany ho Apostoly, ny sasany Mpaminany, ny sasany ho evanjelista, …, ny sasany ho mpiandry sy mpampianatra…» (Efezianina 4, 7.11)
«Moa Apostoly izy rehetra ? Moa mpaminany izy rehetra ? …Moa Mpampianatra izy rehetra ? …« (1 Korintianina 12, 30)

Noho izany misy rafitra mazava ao amin’ny Fiangonana ary arakaraka ny andraikitr’ilay olona hiantefan’ny Teny ny Hevitra Raisiny. Hoy ny Katesizin’ny Fiangonana momba io verset Matio 16,19 io : «Amin’ny fiombonam-piadidian’ny Roa ambin’ny folo, i Simôna Piera no
mitana ny toerana voalohany (Mk 3,16 ; 9,2 ; Lk 24,34 ; 1 Kôr 15,5) (…) Nanankinan’i Jesoa fahefana manokana i Piera : «Homeko anao ny fanalahidin’ny Fanjakan’ny lanitra : na inona na inona hofehezinao ety antany dia ho voafehy any an-danitra, ary na inona na inona hovahanao ety antany dia ho voavaha any an-danitra» (Mt 16,19). Ilazana ny fanomezampahefana hitondra ny tranon’Andriamanitra, izay tsy inona fa ny Fiangonana, ny hoe : «fahefan’ny fanalahidy». Nanamafy izany fiadidiana izany i Jesoa, «ilay Mpiandry ondry Tsara» (Jo 10,11), taorian’ny Fitsanganany ho velona : «Fahano ny ondriko» (Jo 21,15-17). Ny fahazoam-pahefana «hamehy sy hamaha» dia midika fahefana hamela ny fahotana, hamoaka hevitra voalanjalanja amin’ny fitambaram-pampianarana momba ny finoana sy ny lalàna ary handray fanapahan-kevitra momba ny fitsipi-pifehezana ao amin’ny Fiangonana. Nankinin’i Jesoa amin’ny Fiangonana io fahefana io, amin’ny alalan’ny andraiki-panompoan’ny apôstôly(Matio 18,18), ary indrindra ny an’i Piera manokana, ilay izay hany nanankinany miharihary ny fanalahidin’ny Fanjakan’ny lanitra. » (Katesizy 552—553)

Raha fintinina, Io verset io izany dia manambara manokana ny Fahefana sy Andraikitra homen’i Jesoa Kristy an’i Piera ary avy eo amin’ny Apostoly hafa sasany (Matio 18,18) amin’ny Tenan’ny Fiangonana rehetra, Manambara ny Fahefana sy Andraikitra homeny ny Papa sy ny Eveka amin’ny Fiangonana mbola miady eto an-tany, Ny Fahefana sy Andraikitra homeny ny Pretra amin’ny Fiagonana tsirairay hiadidiny.

I Kristy no manome Fahefana sy Andraikitra azy rehetra ireo satria izy no tena ilay Mpanalalana Tokana sy Vato Velona iankinan’i Piera izay apetrany ho Vato velona hiorenan’ny Fiangonana koa, satria i Piera dia nametraka ny Finoany Tamin’izy Kristy (Matio 16, 16-19) toy izany koa manarakaraka an’i Piera ireo Apostoly hafa sy ny mpaminany, ary ireo Kristianina rehetra araka ny andraikiny avy izay Samy antsoina ho Vato Velona ao amin’i Kristy ho fanorenana ny Fiangonana araka ny voasoratra hoe :

« Trano aorina ianareo ka ny Apostoly sy Mpaminany no fanorenana nandrafetana anareo ary i Kristy Jesoa indrindra no vato fehizoro » (Efezianina 2,20)

Mety mbola hovaliako amin’ny manaraka ireo resaka manokana momba an’i Masina Maria fa raha azonao ny tiako ambara amin’izay efa nolazaiko dia mety efa azonao an-tsaina ihany koa ny Momba ny asan’i Masina Maria izay Renin’i Kristy (lohan’ny Fiangonana) sy Renin’ny Fiangonana (Vatan’i Kristy) : Mifamatotra avokoa izay voalazan’ny Tenin’Andriamanitra ary Mifamatotra toy izany koa ny Ratsambatan’ny Fiagonana izay Tenan’i Kristy.

Andry2013:

Raha ny momba an'i Masina Maria dia "Tsy Mivavaka amin'i Masina Maria" Ny katolika satria Andriamanitra tokana no hivavahan'ny katolika dia ny Trinité Masina Izany (Ray, Zanaka, Fanahy Masina) fa mangataka fanampiana avy aminy izany hoe "Mangataka vavaka aminy koa" sy fanelanelanana aminy amin'i Jesoa koa toa ny tamin'ny tantaran'ireo mpivady vao tao kana (Joany 2) hoy koa i Jesoa ao amin'ny iray amin'ireo verset nomeko teo aloha tamin-dreniny:

"Ravehivavy, indro ny zanakao" ary hoy izy tamin'ilay mpianatra malalany : "indro ny reninao" (Joany 19,25-27)

Ka ao amin'ny fiombonan'ny OLomasina (ety an-tany sy any an-danitra) ao amin'ny Tenan'i Kristy izay lohan'ny fiagonana araka ny voalazan'ireo verset nomeko (Matio 16, 19 ; Kolosianina 1, 18 na Hebrio 12,22-24 ohatra) i Masina Maria dia Reny ka angamba azontsika antsaina hoe inona no asan'ny Reny...

Izay voalazako izay dia anisan'ny hevitro momba ireo verset nomeko teo aloha araka ny nampianarina ahy koa moa ny sasany

Misaotra anao amin'ny fizarana am-pitiavana ! :-)
Amiko dia tena mazava tokoa ary misy azo raisina tsara mba ialana amin'ny fiheveran-diso na fanaratsiana noho ny tsi-fahafantarana ny fiainam-pinoan'ny hafa ! ;-)

andry2013:

Toy izao ny vakinteny manodidina io andininy voalazanao io (raha ny hitako eto amin'ny baiboliko): "Ary nandre feo avy any an-danitra aho, nanao hoe: Soraty: Sambatra hatramin'izao ny maty izay maty ao amin'ny Tompo. Eny, hoy ny Fanahy, aoka hitsahatra amin'izay nisasarany izy, fa ny asany hanaraka azy." (Apok na Rev 14:13)

Midika ve izany fa tsy mivavaka sy afaka manampy intsony ireo olomasina ireo ? mbola azo hiadina hevitra izany (...)

Ny mitsahatra dia midika hoe mitsahatra fa tsy zavatra hafa. Anisan'ny vontoatin'ny hermeneotika ny mandray ny zavatra voasoratra araka ny dikany tian'ny mpanoratra hampitaina. Moa i Andriamanitra mahay ny zava-drehetra mbola mila olona hitatitra vavaka @ ? Raha ny Jak. 5:16 aloha dia miresaka @ velona izy rehefa manao hoe : "Koa mifaneke heloka hianareo, ary mifampivavaha, mba ho sitrana hianareo. Ny fiàsan’ ny fivavaky ny marina dia mahery indrindra."
Sady izany dia tsy mahavaha ny olana hoe : voary ve dia hanana omniscience hitatitra vavaka aman-arivony isan-tsegondra any @'Andriamanitra ?

andry2013:
Misy zava-dehibe izay mampiavaka manokana ny Testamenta Vaovao sy ny Fanekena Vaovao izay tsy azon'ireo finoana hafa ankoatra ny Eglizy Katolika tsara ny tena mahalehibe azy sy ny halaliny: Ny Fanorenan'i Jesoa Kristy ny Fiangonana sy ny Fiombonan'ny Olomasina izay mampifandray lalalindalina kokoa ny Lanitra sy ny Tany. I Jesoa Kristy aloha ilay tena mpanatanteraka sy mpandavorary ny lalana sy ny mpaminany marik'izany ny fisehoan'i Elia (mariky ny mpaminany) sy Moizy Taminy (mariky ny lalana)

T-t-t-t :). Raha misy zavatra mampisongadina ny EKAR dia tsy mba izay. Mahalala tsara ny dikan'ny Fanekena Vaovao sy ny Fahasoavana azo @ alalan'ny finoana izahay Protestanta (Protestanta tena Protestanta no resahako eto fa tsy sekta).

Raha misy zavatra mampalaza ny EKAR dia ny asa soany ;) .

Andry2013:

Raha ny momba an'i Masina Maria dia "Tsy Mivavaka amin'i Masina Maria" Ny katolika satria Andriamanitra tokana no hivavahan'ny katolika dia ny Trinité Masina Izany (Ray, Zanaka, Fanahy Masina) fa mangataka fanampiana avy aminy izany hoe "Mangataka vavaka aminy koa" sy fanelanelanana aminy amin'i Jesoa koa toa ny tamin'ny tantaran'ireo mpivady vao tao kana (Joany 2) hoy koa i Jesoa ao amin'ny iray amin'ireo verset nomeko teo aloha tamin-dreniny:

"Ravehivavy, indro ny zanakao" ary hoy izy tamin'ilay mpianatra malalany : "indro ny reninao" (Joany 19,25-27)

Ka ao amin'ny fiombonan'ny OLomasina (ety an-tany sy any an-danitra) ao amin'ny Tenan'i Kristy izay lohan'ny fiagonana araka ny voalazan'ireo verset nomeko (Matio 16, 19 ; Kolosianina 1, 18 na Hebrio 12,22-24 ohatra) i Masina Maria dia Reny ka angamba azontsika antsaina hoe inona no asan'ny Reny...

Izay voalazako izay dia anisan'ny hevitro momba ireo verset nomeko teo aloha araka ny nampianarina ahy koa moa ny sasany

Raha ny mikasika ny nolazainao farany araka ny hevitro dia marina tokoa fa natokana ho an'ny rehetra ny Baiboly saingy mazava fa mitaky fo madio sy fanilovan'ny Fanahy Masina Koa ny fahazoana izay lazainy kanefa matetika dia misy ny olona tsy dia manana fo madio loatra indraindray...ka izany no miteraka korontana raha tsy misy fandaminana...Tsy possible koa hoe vitan'ny olona iray ny mandinika tanteraka ny Baiboly manontolo (raha tsy hoe angaha tena manana Don manokana izy...) ka ny tsy fahalalana tanteraka ny votoatin-kevitra rehetra amin'ny ankapobeny ao amin'ny baiboly matetika mety hiteraka fahadisoan-kevitra ka ilaina araka izany ny fanampian'ny Fiangonana sy ny olona efa manana experience sy efa nianatra manokana momba ny soratra masina.

Ny arahaba ry Maria ve aloha vavaka sa tsia e?
Vavaka miantefa direct amin'i Maria ny arahaba ry Maria ary fantatrao izany!!!

...
ary nosoavina Jesoa nateraky ny kibonao
masina maria renin'Andriamanitra... eto ilay fahadisoana be amin'ny fiheverana an'i Maria hitovy amin'Andriamanitra ka lasa hivavahana.

Fantatrao ve fa kibo nitoerana fotsiny ihany i Maria fa tsy nisy conception mihitsy tao aminy, izany hoe tsy nisy gène n'i Maria ao amin'i Jesosy na kely aza, tahaka an'i Josefa izay tsy manana gène ao amin'i Jesosy ihany koa, tsy nitambatra tamin'ny Fanahy Masina akory ny "ovule"n'i Maria fa embryon efa vonona avy tamin'ny Fanahy Masina no napetraka tao aminy mba ho aterany tahaka ny zaza rehetra. Izay no manazava ilay teny hoe : Izaho sy ny Ray dia iray ihany satria ny Fanahin'i Jehovah ihany no tonga olombelona nomena anarana hoe Jesosy (Jehovah no mpamonjy).

Mba handrebirebena antsika dia lazaina fa renin'Andriamanitra ,immaculé conception, mistery ! hafa ry namana ny tany amin'ny année 70-90, tsy navela hamaky Baiboly ny mpino a! torio ny fahamarinana fa ho mafimafy kokoa anie ny fitsarana ny mpitory sy ny mpampianatra e!

didi10:

Fantatrao ve fa kibo nitoerana fotsiny ihany i Maria fa tsy nisy conception mihitsy tao aminy, izany hoe tsy nisy gène n'i Maria ao amin'i Jesosy na kely aza, tahaka an'i Josefa izay tsy manana gène ao amin'i Jesosy ihany koa, tsy nitambatra tamin'ny Fanahy Masina akory ny "ovule"n'i Maria fa embryon efa vonona avy tamin'ny Fanahy Masina no napetraka tao aminy mba ho aterany tahaka ny zaza rehetra. Izay no manazava ilay teny hoe : Izaho sy ny Ray dia iray ihany satria ny Fanahin'i Jehovah ihany no tonga olombelona nomena anarana hoe Jesosy (Jehovah no mpamonjy).

Tsy miombon-kevitra aminao kosa aho eto. Hatr@ Gen. 3:15 no efa nilaza i Andriamanitra fa tsy maintsy taranak'i Eva ny Mesia. Ary izay no ahafahan'i Kristy ho sady Andriamanitra 100% no olombelona 100%. Tsy maintsy nitovy amintsika olombelona izy (tahaky ny bibilava varahina nitovy @ bibilava mpanaikitra), fa tsy maintsy Andriamanitra koa izy, mba ho afaka hisolo voina antsika. Zanak'i Maria izy, raha ny ara-nofo no jerena, fa tapitra hatreo ny resaka : i Andriamanitra tsy ateraka izao ka tsy manana "reny", ary ny toetra maha-olombelona an'i Jesoa Kristy ihany no naterany.

Aminao izany tsy nisy Jesosy talohan'i Maria?
Mazava ny tenin'ny Baiboly fa avy amin'ny taranak'i Davida sy foko Joda no hivoahan'i Mesia dia avy amin'i Josefa izany, kanefa isika manaiky fa tsy rain'i Jesosy i Josefa. Koa inona no mahasarotra ny manaiky fa kibo nitoerana ihany i Maria (Mère porteuse) fa tsy renin'i Jesosy.

didi10:

Andry2013:

Raha ny momba an'i Masina Maria dia "Tsy Mivavaka amin'i Masina Maria" Ny katolika satria Andriamanitra tokana no hivavahan'ny katolika dia ny Trinité Masina Izany (Ray, Zanaka, Fanahy Masina) fa mangataka fanampiana avy aminy izany hoe "Mangataka vavaka aminy koa" sy fanelanelanana aminy amin'i Jesoa koa toa ny tamin'ny tantaran'ireo mpivady vao tao kana (Joany 2) hoy koa i Jesoa ao amin'ny iray amin'ireo verset nomeko teo aloha tamin-dreniny:

"Ravehivavy, indro ny zanakao" ary hoy izy tamin'ilay mpianatra malalany : "indro ny reninao" (Joany 19,25-27)

Ka ao amin'ny fiombonan'ny OLomasina (ety an-tany sy any an-danitra) ao amin'ny Tenan'i Kristy izay lohan'ny fiagonana araka ny voalazan'ireo verset nomeko (Matio 16, 19 ; Kolosianina 1, 18 na Hebrio 12,22-24 ohatra) i Masina Maria dia Reny ka angamba azontsika antsaina hoe inona no asan'ny Reny...

Izay voalazako izay dia anisan'ny hevitro momba ireo verset nomeko teo aloha araka ny nampianarina ahy koa moa ny sasany

Raha ny mikasika ny nolazainao farany araka ny hevitro dia marina tokoa fa natokana ho an'ny rehetra ny Baiboly saingy mazava fa mitaky fo madio sy fanilovan'ny Fanahy Masina Koa ny fahazoana izay lazainy kanefa matetika dia misy ny olona tsy dia manana fo madio loatra indraindray...ka izany no miteraka korontana raha tsy misy fandaminana...Tsy possible koa hoe vitan'ny olona iray ny mandinika tanteraka ny Baiboly manontolo (raha tsy hoe angaha tena manana Don manokana izy...) ka ny tsy fahalalana tanteraka ny votoatin-kevitra rehetra amin'ny ankapobeny ao amin'ny baiboly matetika mety hiteraka fahadisoan-kevitra ka ilaina araka izany ny fanampian'ny Fiangonana sy ny olona efa manana experience sy efa nianatra manokana momba ny soratra masina.

Ny arahaba ry Maria ve aloha vavaka sa tsia e?
Vavaka miantefa direct amin'i Maria ny arahaba ry Maria ary fantatrao izany!!!

...
ary nosoavina Jesoa nateraky ny kibonao
masina maria renin'Andriamanitra... eto ilay fahadisoana be amin'ny fiheverana an'i Maria hitovy amin'Andriamanitra ka lasa hivavahana.


Mba handrebirebena antsika dia lazaina fa renin'Andriamanitra ,immaculé conception, mistery ! hafa ry namana ny tany amin'ny année 70-90, tsy navela hamaky Baiboly ny mpino a! torio ny fahamarinana fa ho mafimafy kokoa anie ny fitsarana ny mpitory sy ny mpampianatra e!

Tsy hainao mihitsy ilay Arahaba Ry Maria raha izany (aleo tsy dia maika mitsara loatra rehefa tsy dia mahay...miala tsiny fa izay no marina raha dinihina tsara), toy izao ilay izy

Arahaba ry Maria, feno hasoavana.
Ny Tompo ao aminao.
Nosoavina noho ny vehivavy rehetra ianao,
ary nosoavina i Jesoa hateraky ny kibonao.
Masina Maria, Renin'Andriamanitra,
Mivavaha ho anay mpanota.
Ankehitriny ary amin'ny andro hahafatesanay


Mba mamaky tokoa ary ianao Baiboly tsara fa ny Arahaba ry Maria dia Avy amin'ny Fiarahaban'ny Anjely Gabriely

"Nirahin'Andriamanitra ny anjely Gabriely ho any amin'ny tanàna anankiray any Galilea atao hoe Nazareta, ho any amin'ny Virjiny anankiray fofom-badin'ilay lehilahy atao hoe Josefa, taranak'i Davida, ary ny anaran'ilay Virjiny dia Maria. ry nony niditra tao aminy ilay anjely dia nanao hoe: Arahaba, ry ilay feno hasoavana, ny Tompo ao aminao; nosoavina noho ny vehivavy hianao." (Lioka 1, 26-28)


Ary ilay hoe Renin'Andriamanitra dia avy amin'ny amin'ny Tenin'i Mb Elizabeta nilaza hoe

"ka nanandra-peo niantso mafy hoe: Nosoavina noho ny vehivavy rehetra hianao, ary nosoavina ny hateraky ny kibonao. Ary avy aiza amiko izao no mba vangian'ny renin'ny Tompoko aho? " (Lioka 1, 42-43)

Satria moa i Jesoa dia Tompo Andriamanitra Tokoa


Ny Asan"i Maria dia efa Voavinany hatrany amin'ny Testamenta Taloha : Izy no voatokana ho renin'i Kristy lohan'ny Fiangonana sy ho Renin'ny Fiangonana Vatan'i Kristy

Izy ilay endrika halain'Israely Tahaka ho Renin'ny Zanak'Andriamanitra rehetra

"Ary hianao, ry Betleema Efrata, kely tsy tokony ho isan'ireo arivon'i Jodà akory,
avy aminao no hivoaka ho ahy ilay tsy maintsy ho Mpanapaka amin'Israely,
ary ny niandohany dia efa hatramin'ny andro fahagola, hatramin'ny andro mandrakizay.
Koa noho izany, dia hanolotra an'ireny izy mandra-pihavin'ny fotoana hiterahan'ilay tsy maintsy miteraka; ary ny sisa amin'ireo rahalahiny dia hiverina amin'ny zanak'Israely.
(Mikea 5, 1-2)

Izy koa ilay endrika Halain'ny Fiangoanana Tahaka ho Renin'ny Zanak'Andriamanitra rehetra

"Nisy famantarana lehibe niseho teny an-danitra, dia Vehivavy anankiray nitafy masoandro, ny volana no teo an-tongony, kintana roa ambin'ny folo no satro-boninahitra teny an-dohany. Bevohoka izy, sady nihetsi-jaza, ka nitaraina noho ny fanaintainam-piterahana.Ary nisy famantarana hafa koa niseho teny an-danitra, dia Dragona mena lehibe anankiray nitranga tampoka, fito ny lohany, folo ny tandrony, ary satro-boninahitra fito no teny an-dohany. 4Nofinaokany tamin'ny rambony ny ampahatelon'ny kitan'ny lanitra ka nazerany tamin'ny tany. Dia nijoro teo anoloan-dRavehivavy hiteraka izy mba handrapaka ny Zanany, raha vao teraka. Tera-dahy Ravehivavy, ary io Zanany io no hifehy ny firenena rehetra amin'ny tsora-by, ka nakarina ho any amin'Andriamanitra eo anilan'ny seza fiandrianany. Fa Ravehivavy kosa nandositra nankany an'efitra, fa any no nanamboaran'Andriamanitra toerana ho azy, mba hamelomana azy mandritra ny enim-polo amby roan-jato sy arivo andro.
Ary nisy ady tany an-danitra: Misely sy ny anjeliny moa niady tamin'ny Dragona; ny Dragona sy ny anjeliny koa namely, 8fa tsy nahomby, sady tsy nahazo nitoetra tany an-danitra intsony; 9ka nazera ity Dragona lehibe, dia ilay menarana antitra atao hoe demony sy Satana, izay mamitaka izao tontolo izao; ny tenany moa nazera tamin'ny tany, ny anjeliny koa nazera niaraka aminy...." (Apokalipsa 12)

Ireo Olomasina Malaza sy Lehibe Hatrany amin'ny Fiandohan'ny Fiangonana dia nanana Fanajana Manokana an'i Masina Maria sy Tena zanany nanarakaraka an'i Jesoa Tokoa ary nisy mihitsy aza moa ireo nisehoany...

Raha manana ny fanilovan'ny Fanahy Masina momba ny fahazoana ny soratra masina ianao sy madio fo dia ho azonao ny hevitra lalina amin'ireo verset ireo sy ireo verset nomeko voalohany ary ny fifandraisany lalina dia lalina amin'ilay hoe Fiombonan'ny Olomasina.
.Tandremo ary fa hotsaraina mafy tokoa isika araka ny "ocasion" nomen'Andriamanitra antsika araka ilay teninao teo indrindra moa efa ianao mihitsy no miantso io fitsarana io , izaho aloha dia famindrampo no antsoiko.