Marina mihitsy io lazainao io. Vitsy ny tranonkala tena miteny malagasy. Angamba ny serasera.org ihany no tena tranonkala vaventy miteny malagasy.
Ny antony nefa dia tsotra ihany. Tsy mampidi-bola ny tranonkala miteny malagasy, kanefa lafo ny mikarakara tranonkala tahaka itony, raha tsy hoe tranonkala manokana.
Ny olona mamangy tranonkala miteny malagasy ranoray mantsy dia tsy maintsy olona miteny malagasy. Heverin'ny mpanao dokambarotra hoe vitsy noho izany ny olona mijery azy dia tsy marisika hanao dokam-barotra izy. Hadisoan-kevitra ihany anefa izany satria betsaka tokoa ny mijery tranonkala malagasy.
Koa raha olona hitady vola izany no manao tranonkala dia ataony amin'ny teny hafa izay tian'ny mpanome vola ilay izy fa tsy ataony teny gasy mihitsy.
Koa tohano hatrany ny takelaka miteny malagasy mba tsy ho faty ho azy e .
Marina fa mahay teny frantsay daholo ireo malagasy mampiasa solosaina ary aterineto ; ka raha ny tena azoko izany dia frantsay ireo tena mpanome vola ? Sa izay ihany no fiteny tena hain'ny mpanamboatra takelaka ?
