Nanapa-kevitra ny sendikan'ny mpampianatra mpikaroka eny amin'ny fampianarana ambony na ny SECES nandritry ny filan-kevi-pirenena notanterahany androany fa haato tanteraka ny asam-pampianarana rehetra eran'ny oniversite enina eto Madagasikara.
Nihaona tamin'ny mpanao gazety androany ny terak'i Fianarantsoa. Nitaky ny tokony hisian'ny fanadihadiana manokana mikasika ny zava-nitranga tany amin'ny fonjan'ny Tsiafahy ary nahatonga ny tsy fahasalaman'ny lieutenant colonel Charles sy ny colonel Coutiti izy ireo.
Mbola nanamafy ny hirosoana amin'ny fihetsiketsehana ho fankalazana ny fahatelo taona nitakiana ny demokrasia ny ankolafy Zafy Albert, na mahazo alalana na tsia.
Ho an'ny filohan'ny MTS, Roland Ratsiraka, dia betsaka ny lesoka ao anatin'ny volavolan-dalana mikasika ny CENI izay dinihan'ny parlemanta, amin'izao fotoana izao.
Ny fametrahana ny fahatoniana ara-politika no tokony ho laharam-pahamehana, alohan'ny hidirana amin'ny dingana hafa, hoy i Manoela Ralaimampisainarinony, mpikambana ao amin'ny CT, avy amin'ny ankolafy Ravalomanana.
Manoloana ny fahavakisan'ny fefiloha ao Antsampandrano, kaominina Ilafy, dia nidina teny an-toerana, nijery ifotony ny zava-misy, ny minisitry ny Fambolena, Ravatomanga Roland, niaraka tamin'ireo tompon'andraikitra isan-tsokajiny.
Anisan'ny mampitaraina ny mponina any Manakara ny fitrandrahana fasimainty tsy manara-penitra any an-toerana. Nitondra ny ahiahiny ny mponina ao an-toerana.
Mikatso tanteraka ny fitantanan-draharaha ao amin'ny kaominin'i Toamasina ankehitriny noho ny disadisa mikasika ny fanalana na tsia ny Pds Rakotovao Mariot. Nilaza ny heviny mikasika ity raharaha ity ny filohan'ny faritra Atsinanana, Alain Mahavimbina.
Nanomboka ny taona 2009 no nisy ny tetik'asa fanentanana eny anivon'ny sekoly momba ny fampiharana ny zon'olombelona. Nisy tamin'izany fitaovana isan-karazany izay mbola eny am-pelatanan'ny ministera ka miandry ny fotoana izay hanaparitahana azy.
Nontotosaina nanomboka androany ny ady hevitra lehibe mikasika ny anjara toeran'ny teny frantsay eto Madagasikara tetsy amin'ny Institut Français de Madagascar.
Natokana ho herinandron'ny fanadiovana ny tananan'Antananarivo renivohitra ity herinandro ity. Ankoatra ny tsena amin'ny ankapobeny dia maha saro-piaro ny kaominina ihany koa ny fahadiovan'ireny toeram-pisakafoanana maro samihafa ireny.
