Raha ny Baiboly no manazava ny atao hoe Fiangonan'Atra dia izao novoalaza.
Voalohany:Misy tokoka ny Fiangonan'atra tsy marobe fa tokana hoy izy ao amin'ny
Tono-kiran'iSolomona 6:8 Misy mpanjakavavy enim-polo sy vaditsindrano valo-polo ary zatovovavy tsy hita isa.9 Fa iray monja kosa no voromailalako, dia ilay ahy tsy misy kilema, vavy tokan-dreniny sady tsongaina amin'izay naterany. Ny zazavavy nahita azy ka nanao azy ho sambatra, eny, ny mpanjakavavy sy ny vaditsindrano, ka nidera azy.10 Iza moa io vehivavy mitsidika toy ny maraina, izay tsara tarehy tahaka ny volana, madio toy ny masoandro sady mahatahotra toy ny antokon'ny miaramila mitondra faneva?
Iza tokoa moa izany izy io satria raha izay izany dia tokana ny fiangonan'Atra, inoko fa tsy hatoro an-tsika fa Kristy no lahy ary ny fiangonana no vavy araka ity teny ao amin'ny
efesiana 5:22 Hianareo vehivavy, maneke ny vadinareo tahaka ny anekena ny Tompo.23 Fa ny lahy no lohan'ny vavy, dia tahaka an'i Kristy koa no Lohan'ny fiangonana*; ary Izy no mpamonjy ny tena. [* Gr. eklesia]24 Fa tahaka ny aneken'ny fiangonana* an'i Kristy no haneken'ny vavy ny lahy koa amin'ny zavatra rehetra. [* Gr. eklesia]25 Hianareo lehilahy, tiava ny vadinareo, dia tahaka ny nitiavan'i Kristy ny fiangonana* ka nanolorany ny tenany hamonjy azy, [* Gr. eklesia]
Amin'izao fotoabna izao mantsy dia marobe ny fiangonana ka raha tsy mandinika dia tsy mahalala ilay tena fiangonan'Atra izay Andry sy fihorenan'ny Fahamarinana
(Itim 3:15 fa raha tratra ela aho, dia ny hahafantaranao izay fitondran-tena mety hatao ao an-tranon'Andriamanitra, dia ny fiangonan*'Andriamanitra velona, sady andry sy fiorenan'ny fahamarinana. [* Gr. eklesia])
FAHAROA: Ny hahafantarana ny Fepetra momba ny fiangonan'Atra dia hoy ny
Isaia 8:20 Ho amin'ny lalàna sy ny teni-vavolombelona ihany! Raha tsy miteny araka izany teny izany izy, Dia olona izay tsy hiposahan'ny fahazavan'ny maraina*.[Na: Eny, izany no holazain'ny olona izay tsy iposahan'ny fahazavan'ny maraina]
Arak'izany dia tsy maintsy miainga amin'ny lalàn'Atra izany , manamafy izany ny Apok 14:12 Indro ny faharetan'ny olona masina, dia izay mitandrina ny didin'Andriamanitra sy ny finoana an'i Jesosy.
Fa manaraka izay dia ny finoana an'i Jesosy. tsy maintsy mino fa i Jesosy no ilay Kristy manala ny fahotan'izao tontolo izao, Izy no ilay zanak'Atra araka ny planin'Atra momba ny drafim-panavotana.
Raha ireo fepetra ireo anefa no jerena dia mbola betsaka no mahafeno izany fepetra izany mba hahatanteraka ilay teny ao amin'i
Isaia 4:1 Ary amin'izany andro izany dia hisy vehivavy fito hihazona lehilahy iray ka hanao hoe: Ny haninay ihany no hohaninay, ary ny lambanay ihany no hotafinay; Fa izao ihany no angatahinay: Aoka hotononina amin'ny anaranao izahay, Ka afaho tondromaso.
izany hoe samy mbola manao izay tiany hatao fa mba tononina fotsiny hoe Kristiana, ny Fahamarinan'Atra no hanasaronany ny fampianarany manokana mba hihavahany amin'ny sasany, dia hoy ny soratra masina hoe
IItes 2:10 ary ny famitahana momba ny tsi-fahamarinana amin'izay ho very, satria tsy nandray ny fitiavana ny fahamarinana izay hamonjena azy izy.11 Koa izany no ampanateran'Andriamanitra fiàsan'ny fahadisoan-kevitra aminy hinoany ny lainga,12 mba hohelohina avokoa izay rehetra tsy nino ny marina, fa nankasitraka ny tsy marina.
Ny tena fiangonan'Atra dia mampianatra 100% ny tenin'Atra ary ny fototra rehetra ao anatin'izany dia Atra mihintsy no nanome azy amin'ny alalan'ny mpaminany izay nofidin'Atra ho amin'ny andro farany. Io no Fiangonana mitana sy manana ny FANAOVAN-JIRO avy amin'Atra.
Amin'izao fotoana izao dia mitory ny hafatry ny Anjely telo, manerana ny tany izany fiangonanan'Atra izany araka ny voalaza ao amin'ny Apok 14:6-11;
Io Fiangonan'Atra io no ilay tanana mimanda fandosirana amin'ny mpamaly rà (ny devoly). Ny anjely mpiambina io Fiangonana io dia mitana fiadiana hatrany an-tampon-doha ka hatrany am-paladia.
Noho ny mbola maha fotoana ny famindram-po izao fotoana izao anefa dia mbola betsaka ireo vahoakan'Atra no mbola tavela any amin'ireo fiangonana hafa sasany aty iveleny ireo no hanaovan'ny tompo antso avo ao amin'ny
Apok 18:4 Ary nahare feo iray koa avy tany an-danitra aho nanao hoe: Mialà aminy ianareo, ry oloko, mba tsy hiombonanareo ota aminy, ary mba tsy hisy hahazo anareo ny loza manjo azy.
Miandry ny fivoahan'ireo olona ireo ny Tompo hahafeno ny isan'ny 144 000
( Apok 11:1 [Ny nandrefesana ny tempoly, sy ny amin'ny vavolombelona roa] Ary nomena volotara tahaka ny tehina aho, ka nisy nilaza tamiko hoe: Mitsangàna, ka refeso ny tempolin'Andriamanitra sy ny alitara, ary isao izay mivavaka ao.) ka raha vao feno ny isa dia miteny izao indray ny Tompo [color=blue] Apok 16:17 ... dia nisy feo mahery nivoaka avy tao amin'ny tempoly, teo amin'ny seza fiandrianana, nanao hoe: Vita.
Aorian'izay teny izay dia tsy misy intsony ny fanelenelanana ataon'ny Kristy amin'Atra sy ny olona, tapitra ny famindram-po samy mivelona amin'ny toetra izay novolavolainy nandritra ny fanelanelanan'i kristy ny tsirairay [color=blue] Apok 22:11 Izay manao ny tsy marina aoka mbola hanao ny tsy marina ihany izy; ary izay maloto, aoka mbola hihaloto ihany izy; ary izay marina kosa, aoka mbola hanao ny marina ihany izy, ary izay masina, aoka mbola hihamasina ihany izy.
Ho henjehina amin'izay ireto vahoakan'Atra hahatenteraka ny soratra masina hoe
Asa 14:22 nampahery ny fanahin'ny mpianatra ka nananatra azy haharitra amin'ny finoana, sady nilaza fa tsy maintsy ho amin'ny fahoriana be no idirantsika amin'ny fanjakan'Andriamanitra.
Ao anatin'izay fotoana izay indrindra no HIHAVIAN'IKRISTY handray ireo vahoakany.
I tes 4:16 Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha;17 ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
IO NO FIANGONANA MANANA ILAY FANAOVAN-JIRO MITANA NY FAHAMARINANA AVY AMIN'A/TRA. IO NO FAHAZAVAN'IZAO TONTOLO IZAO. IO NO ILAY TANANA FANDOSIRANA NOMEN'A/TRA HANDOSIRANA NY MPAMALY RA. NA DIA KELY SY BITIKA AZA IO FIANGONANA IO DIA MIFANTOKA AO NY FIJERIN'NY LANITRA MANONTOLO. AVY AO NO MAKA FAHAZAVANA NY HANKAMAROAN'NY FIANGONANA AMIN'IZAO FOTOANA IZAO.
