Tononina amintsika ny fiadanan'i Kristy omban'ny fahasoavan'Andriamanitra.

Hafatra lehibe indray no aroso ho antsika anio. Nitory teny i Petera sy ny apôstôly: nisy fiantraikany tamin'ny olona nihaino azy ny teny izay nambarany: "Ary raha nandre izany ny olona, dia voatsindrona tam-pony ka nanao tamin'i Petera sy ny apôstôly namany hoe: Ry rahalahy, inona no hataonay? Ary hoy Petera taminy: Mibebaha, ary aoka samy hatao batisa amin'ny Anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina" Asa 2/ 37 - 38.

Ny toriteny no mahatonga antsika olombelona handini-tena ary mitaona antsika hanana toetra vaovao.
Mety hizara telo ny toetran'ny olombelona rehefa mahare teny izy:
1) Voatsindrona am-pony ilay olona ka lasa tsy tia herika fivavahana intsony. Mahatsiaro tena ho voaratra izy ka vao mainka manohy ny ratsy fanaony ihany;
2) Voatsindrona am-pony ilay olona nefa tsy mihevitra sy tsy mangetaheta ny dingana ahazoany ilay fiainana mandrakizay ampanantenain'Andriamanitra azy. Mitoetra ho fahalalàna fotsiny izay notoriana taminy;
3) Voatsindrona am-pony ilay olona ary mahatsapa fa sarobidy aminy ny mandray ny fanomezana avy amin'Andriamanitra azy dia ny hiaina mandrakizay eo anilan'Ilay Ray Tsitoha.

Aiza ho aiza amin'ireo no misy antsika, ry havana malala?
Izany hoe, ny dingana voalohany amin'ny famonjena dia ny faharesen-dahatra fa meloka eo anatrehan'Andriamanitra isika tsirairay avy.
Manoro hevitra antsika indray Kristy anio mba handiniantsika ny tenatsika: Arakaraka ny nitoriana teny tamintsika ve no vao mainka namporisika antsika hanohy ny fomba ratsintsika? (ohatra: raha mpidoroka, ka hilaza hoe: tsy ny volanao no miala fa mangina na hoe aza tenenina amin'ny fahalemeko aho fa miezaka hiala fa tsy mety ...).
Sa miteny fotsiny hoe: tena marina izany fa aleo aloha dinihina tsara? ...

Ankehitriny, miteny amintsika indray ny Andriamanitra manao hoe: "Mibebaha". Io ihany no hevitra tokana ahazoana famelan-keloka.
Azontsika antoka ve fa voavela heloka tokoa isika?
Tsarovy, ry havana malala, fa "Izay manafina ny fahotàny tsy hambinina; Fa izay mitsòtra ka mahafoy azy no hahazo famindram-po" Ohabolana 28/13.
Ny tian'io teny io avoitra dia hoe aborahy amin'Andriamanitra ny fahotantsika, tsory Aminy, ambarao Azy manontolo, mivalo Aminy fa tsy hamerina intsony... Avy eo mifòna Aminy noho ireo faharatsiana rehetra, manenina fa nandeha tamin'izay mifanohitra amin'ny sitrapony, mahatsiaro tena fa tsinotsinona ary tsy afaka ny hamonjy ny tenatsika isika... Izay no atao hoe mibebaka.

Ahoana no ahazoantsika antoka fa voavela ny heloka vitantsika?
« Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsy fahamarinana rehetra » 1 Jaona1/9.
Tsy midika nefa izany hoe manamarin-tena isika. Andriamanitra dia mahatoky mandrakariva, na miaky na tsy miaiky isika.
Voalaza fa olona nankasitrahin'Andriamanitra i Davida. Hitantsika nefa ao amin'ny Salamo 32/5 manao hoe: "Ny fahotako nambarako Taminao, ary ny heloko tsy mba nafeniko. Hoy izaho: hiaiky ny fahadisoako amin'i Jehovah aho; ary Hianao dia namela ny heloky ny fahotako". Na i Davida aza teto dia nitsotra tamin'Andriamanitra fa diso.
Ny fahazoana antoka fa voavela heloha isika dia ny famborahantsika manontolo ny fahotantsika (na ny tadidy na tsia) eo anatrehan'Andriamanitra.

Koa ndeha hanapa-kevitra isika rehetra handoatra ny fahalotoantsika rehetra eo anatrehan'Andriamanitra ary hivoady fa tsy hamerina izany hadalàna izany intsony.
Raha tanterak'isika izany dia voavela heloka antsika. Tsy izay ihany fa hoy Izy: "...ary ianareo handray ny fanomezana, dia ny Fanahy Masina" Asa 2/ 38.
Io Ilay mampiaiky ny fahotantsika sy manadio antsika ho afaka amin'ny faharatsiana rehetra: "Ary raha tonga Izy dia hampihaiky izao tontolo izao ny fahotàny sy ny fahamarinana ary ny fitsarana" Jaona 16/8

Hoy Jesosy aminao: "Voavela ny helokao" satria «Izy no ananantsika fanavotana amin'ny ràny, dia ny famelàna ny fahadisoantsika, araka ny haren'ny fahasoavany" Efesiana 1/7
Efa vitan'i Jesosy ny famelàna ny helokitsika. Hoy Izy teo amin'ny hazofijaliana: "Vita". Ny anjarantsika dia ny mamboraka ny fahotàna vitantsika sy mino fa Jesosy no hany Mpamonjy antsika, ny fahafatesany no ahafahantsika ho mpandresy tahaka Azy.
Resiny ny fahotàna koa nahoana no tsy ho resintsika izany? Tsarovy fa zanak'Andriamanitra isika. Vitantsika ny tsy hanota intsony, tapaho ny hevitra fa izao no fotoana.

Ho an'Andriamanitra irery anie ny Voninahitra mandrakizay. Ary ho amintsika rehetra anie ny famindram-pony tsy mety ritra. Aleloia

Misaotra betsaka Safidy amin'ny fampitan-kafatra. Ho an'Andriamanitra irery anie ny Voninahitra mandrakizay

[quote=YDIFAS]
Tononina amintsika ny fiadanan'i Kristy omban'ny fahasoavan'Andriamanitra.

Hafatra lehibe indray no aroso ho antsika anio. Nitory teny i Petera sy ny apôstôly: nisy fiantraikany tamin'ny olona nihaino azy ny teny izay nambarany: "Ary raha nandre izany ny olona, dia voatsindrona tam-pony ka nanao tamin'i Petera sy ny apôstôly namany hoe: Ry rahalahy, inona no hataonay? Ary hoy Petera taminy: Mibebaha, ary aoka samy hatao batisa amin'ny Anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina" Asa 2/ 37 - 38.

Ny toriteny no mahatonga antsika olombelona handini-tena ary mitaona antsika hanana toetra vaovao.
Mety hizara telo ny toetran'ny olombelona rehefa mahare teny izy:
1) Voatsindrona am-pony ilay olona ka lasa tsy tia herika fivavahana intsony. Mahatsiaro tena ho voaratra izy ka vao mainka manohy ny ratsy fanaony ihany;
2) Voatsindrona am-pony ilay olona nefa tsy mihevitra sy tsy mangetaheta ny dingana ahazoany ilay fiainana mandrakizay ampanantenain'Andriamanitra azy. Mitoetra ho fahalalàna fotsiny izay notoriana taminy;
3) Voatsindrona am-pony ilay olona ary mahatsapa fa sarobidy aminy ny mandray ny fanomezana avy amin'Andriamanitra azy dia ny hiaina mandrakizay eo anilan'Ilay Ray Tsitoha.

Aiza ho aiza amin'ireo no misy antsika, ry havana malala?
Izany hoe, ny dingana voalohany amin'ny famonjena dia ny faharesen-dahatra fa meloka eo anatrehan'Andriamanitra isika tsirairay avy.
Manoro hevitra antsika indray Kristy anio mba handiniantsika ny tenatsika: Arakaraka ny nitoriana teny tamintsika ve no vao mainka namporisika antsika hanohy ny fomba ratsintsika? (ohatra: raha mpidoroka, ka hilaza hoe: tsy ny volanao no miala fa mangina na hoe aza tenenina amin'ny fahalemeko aho fa miezaka hiala fa tsy mety ...).
Sa miteny fotsiny hoe: tena marina izany fa aleo aloha dinihina tsara? ...

Ankehitriny, miteny amintsika indray ny Andriamanitra manao hoe: "Mibebaha". Io ihany no hevitra tokana ahazoana famelan-keloka.
Azontsika antoka ve fa voavela heloka tokoa isika?
Tsarovy, ry havana malala, fa "Izay manafina ny fahotàny tsy hambinina; Fa izay mitsòtra ka mahafoy azy no hahazo famindram-po" Ohabolana 28/13.
Ny tian'io teny io avoitra dia hoe aborahy amin'Andriamanitra ny fahotantsika, tsory Aminy, ambarao Azy manontolo, mivalo Aminy fa tsy hamerina intsony... Avy eo mifòna Aminy noho ireo faharatsiana rehetra, manenina fa nandeha tamin'izay mifanohitra amin'ny sitrapony, mahatsiaro tena fa tsinotsinona ary tsy afaka ny hamonjy ny tenatsika isika... Izay no atao hoe mibebaka.

Ahoana no ahazoantsika antoka fa voavela ny heloka vitantsika?
« Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsy fahamarinana rehetra » 1 Jaona1/9.
Tsy midika nefa izany hoe manamarin-tena isika. Andriamanitra dia mahatoky mandrakariva, na miaky na tsy miaiky isika.
Voalaza fa olona nankasitrahin'Andriamanitra i Davida. Hitantsika nefa ao amin'ny Salamo 32/5 manao hoe: "Ny fahotako nambarako Taminao, ary ny heloko tsy mba nafeniko. Hoy izaho: hiaiky ny fahadisoako amin'i Jehovah aho; ary Hianao dia namela ny heloky ny fahotako". Na i Davida aza teto dia nitsotra tamin'Andriamanitra fa diso.
Ny fahazoana antoka fa voavela heloha isika dia ny famborahantsika manontolo ny fahotantsika (na ny tadidy na tsia) eo anatrehan'Andriamanitra.

Koa ndeha hanapa-kevitra isika rehetra handoatra ny fahalotoantsika rehetra eo anatrehan'Andriamanitra ary hivoady fa tsy hamerina izany hadalàna izany intsony.
Raha tanterak'isika izany dia voavela heloka antsika. Tsy izay ihany fa hoy Izy: "...ary ianareo handray ny fanomezana, dia ny Fanahy Masina" Asa 2/ 38.
Io Ilay mampiaiky ny fahotantsika sy manadio antsika ho afaka amin'ny faharatsiana rehetra: "Ary raha tonga Izy dia hampihaiky izao tontolo izao ny fahotàny sy ny fahamarinana ary ny fitsarana" Jaona 16/8

Hoy Jesosy aminao: "Voavela ny helokao" satria «Izy no ananantsika fanavotana amin'ny ràny, dia ny famelàna ny fahadisoantsika, araka ny haren'ny fahasoavany" Efesiana 1/7
Efa vitan'i Jesosy ny famelàna ny helokitsika. Hoy Izy teo amin'ny hazofijaliana: "Vita". Ny anjarantsika dia ny mamboraka ny fahotàna vitantsika sy mino fa Jesosy no hany Mpamonjy antsika, ny fahafatesany no ahafahantsika ho mpandresy tahaka Azy.
Resiny ny fahotàna koa nahoana no tsy ho resintsika izany? Tsarovy fa zanak'Andriamanitra isika. Vitantsika ny tsy hanota intsony, tapaho ny hevitra fa izao no fotoana.

Ho an'Andriamanitra irery anie ny Voninahitra mandrakizay. Ary ho amintsika rehetra anie ny famindram-pony tsy mety ritra. Aleloia
[Miarhb YDIFAS,
Tsara dia tsara ny sosokevitrao fa mba misy zavatra lazaiko aminao.
Nilaza hianao fa meloka eo anatrehan'Andriamanitra isika tsirairay, tsy marina izany amiko, raha mbola tsy nandray an'i KRISTY dia ekeko ary tena marina izany, fa amiko izay efa nandray AZY dia tsy mpanota intsony izany, izaho dia mino satria "mahatoky sy marina IZY ka namela ny tsy fahamarinako rehetra sy nanadio ahy ho afaka amin'izany", IZY aza nilaza fa "voavela ny heloko" ka ahoana indray izaho izay navelany indray no mbola hiteny fa mpanota aho (diniho kely ohatra ny eny amin'ny tribunal, nilaza ny mpitsara fa afaka ilay olona, tsy meloka izy ka ahoana no mbola hitenenan'ilay olona fa mpanota izy nefa efa voavela ny fahadisoany ka te ho an-ponja indray izy).
Raha ny momba an'i Davida, iarahantsika mahalala fa mbola tsy tonga KRISTY tamin'ireny, i KRISTY no LALANA sy FIAINANA ary FAHAMARINANA, tsy misy izany ny marina raha tsy tamin'alalàny, ka rariny raha niteny mpanota i Davida. Nilaza ny Soratra Masina fa "amin'ny lalàna dia tsy misy olona hamarinina eo anatrehan'Andriamanitra" (Galatiana 3:11), ka i Davida dia mbola niaina tao ambanin'ny lalàna, Jiosy izy dia nofehezin'ny lalànan'i Mosesy razambeny; fa hoy kosa izaho aminao YDIFAS, mitady an'Andriamanitra hianao, katsaho ny fahamarinany fa rehefa azonao io dia ho marina tahaka AZY koa hianao fa "IZAY REHETRA MITOETRA AO AMINY DIA TSY MANOTA; IZAY REHETRA MANOTA DIA TSY NAHITA NA NAHALALA AZY" 1Jaona 3:6, "IZAY MANOTA DIA AVY AMIN'NY DEVOLY" 1Jaona3:8
Ny fahamarinana anefa tsy mba azo ao amin'ny lalàna, fa ao amin'ny finoana, ka raha mbola ambanin'ny lalàna hianao (mitandrina Lalàn'i Mosesy sy Didy folo) dia tsy maintsy mpanota satria "RAHA TONGA NY DIDY DIA VELONA NY OTA" Romana 7:9.
Fantaro fa ny olona tsy marina tsy mba handova ny Fanjakan'Andriamanitra araka ny 1 Korintiana 6:9.
Tsy ambanin'ny lalàna isika fa ambany fahasoavana, RAVA NY DIDY FOLO sy ny LALAN'I MOSESY; i KRISTY no nanamarina Ahy ka tiako ho zaraina aminao ilay efa noraisiko.
Andriamanitra anie homba anao.]

Miarhb YDIFAS,
Tsara dia tsara ny sosokevitrao fa mba misy zavatra lazaiko aminao.
Nilaza hianao fa meloka eo anatrehan'Andriamanitra isika tsirairay, tsy marina izany amiko, raha mbola tsy nandray an'i KRISTY dia ekeko ary tena marina izany, fa amiko izay efa nandray AZY dia tsy mpanota intsony izany, izaho dia mino satria "mahatoky sy marina IZY ka namela ny tsy fahamarinako rehetra sy nanadio ahy ho afaka amin'izany", IZY aza nilaza fa "voavela ny heloko" ka ahoana indray izaho izay navelany indray no mbola hiteny fa mpanota aho (diniho kely ohatra ny eny amin'ny tribunal, nilaza ny mpitsara fa afaka ilay olona, tsy meloka izy ka ahoana no mbola hitenenan'ilay olona fa mpanota izy nefa efa voavela ny fahadisoany ka te ho an-ponja indray izy).
Raha ny momba an'i Davida, iarahantsika mahalala fa mbola tsy tonga KRISTY tamin'ireny, i KRISTY no LALANA sy FIAINANA ary FAHAMARINANA, tsy misy izany ny marina raha tsy tamin'alalàny, ka rariny raha niteny mpanota i Davida. Nilaza ny Soratra Masina fa "amin'ny lalàna dia tsy misy olona hamarinina eo anatrehan'Andriamanitra" (Galatiana 3:11), ka i Davida dia mbola niaina tao ambanin'ny lalàna, Jiosy izy dia nofehezin'ny lalànan'i Mosesy razambeny; fa hoy kosa izaho aminao YDIFAS, mitady an'Andriamanitra hianao, katsaho ny fahamarinany fa rehefa azonao io dia ho marina tahaka AZY koa hianao fa "IZAY REHETRA MITOETRA AO AMINY DIA TSY MANOTA; IZAY REHETRA MANOTA DIA TSY NAHITA NA NAHALALA AZY" 1Jaona 3:6, "IZAY MANOTA DIA AVY AMIN'NY DEVOLY" 1Jaona3:8
Ny fahamarinana anefa tsy mba azo ao amin'ny lalàna, fa ao amin'ny finoana, ka raha mbola ambanin'ny lalàna hianao (mitandrina Lalàn'i Mosesy sy Didy folo) dia tsy maintsy mpanota satria "RAHA TONGA NY DIDY DIA VELONA NY OTA" Romana 7:9.
Fantaro fa ny olona tsy marina tsy mba handova ny Fanjakan'Andriamanitra araka ny 1 Korintiana 6:9.
Tsy ambanin'ny lalàna isika fa ambany fahasoavana, RAVA NY DIDY FOLO sy ny LALAN'I MOSESY; i KRISTY no nanamarina Ahy ka tiako ho zaraina aminao ilay efa noraisiko.
Andriamanitra anie homba anao.

Miarahaba antsika rehetra!

Hono ho aho ry Safidy
Fantatro fa efa vitanao ny fibebahana sy izay rehetra tanisainao etsy ambony rehetra ireo.
Fa mba aiza ho aiza kosa ianao amin'izao?

Raha ny amiko manokana dia nandalo fahotana maro aho (nijangajanga, nangalatra, tranon-dainga, ...) ary rehefa tonga saina dia nanapa-kevitra fa hibebaka sy hiverina amin'Andriamanitra, rehefa tafapaka tamiko anefa izany tena fitiavana sy fahatahorana an'Andriamanitra izany dia somary nametra-panontaniana ihany aho hoe: Sao ary misy sitrapon'Andriamanitra tsy fantatro tsy ataoko na ataoko amin'ny tsy fahafantarana nefa mety hanamelohana ahy!
Dia tena nianatra sy namaky ny Baiboly isanandro aho.
Fantatro tamin'izany fa be ny fampianaran'ny Fiangonako (EKAR) no tsy mifanaraka amin'ny fampianaran'ny Tompo.
Ka diso va aho raha niala tao ary mitady ny tena Fiangonan'Andriamanitra ?
Satria hoy Jesosy :"Mat 15 : 7 - 16"
7 Ry mpihatsaravelatsihy, marina ny naminanian'Isaia anareo hoe:
8 " Ity firenena ity manaja Ahy amin'ny molony;
Fa ny fony kosa lavitra Ahy.
9 Koa foana ny ivavahan'ireo amiko,
Raha mampianatra ny didin'olombelona ho fampianarana izy" (Isa.29.13).

Miarahaba anareo rehetra !
Miala-tsiny fa mba hitsaingoka kely na dia tsy natao ho ahy aza ny valiny.
Mikasika ireto teny ireto no hidirako kely.

AUGERFA:

"IZAY REHETRA MITOETRA AO AMINY DIA TSY MANOTA; IZAY REHETRA MANOTA DIA TSY NAHITA NA NAHALALA AZY" 1Jaona 3:6, "IZAY MANOTA DIA AVY AMIN'NY DEVOLY" 1Jaona3:8

Tsy misy diso io teny izay notsongainao io satria izay rehetra nandray azy dia nomeny hery ho tanga zanak'A/tra.sy ny II kor 5:17 Koa raha misy olona ao amin'i Kristy, dia olom-baovao izy; efa lasa ny zavatra taloha, indreo, efa tonga vaovao ireo.

AUGERFA:

Ny fahamarinana anefa tsy mba azo ao amin'ny lalàna, fa ao amin'ny finoana, ka raha mbola ambanin'ny lalàna hianao (mitandrina Lalàn'i Mosesy sy Didy folo) dia tsy maintsy mpanota satria "RAHA TONGA NY DIDY DIA VELONA NY OTA" Romana 7:9.

Ny fahamarinana anefa tsy mba azo ao amin'ny lalàna??
Gal 5:24 Koa ny lalàna dia mpitaiza antsika ho amin'i Kristy, mba hohamarinina noho ny finoana isika.
Mazava tsara fa nitaiza ho amin'ny finoana ny lalàna. fa inona io LALàNA izay voalaza io?? Lalàn'i Mosesy ve? sa Lalan'Atra? sa Lalan'i Kristy?
Ilay voalaza etsy ambony mantsy dia akambanao amin'ny Lalan'i Mosesy ny Lalan'A/tra (Didy folo) eny nomena ofisialy ny zanak'israely izy io fa tsy natao ho an'azy irery. Satria efa nisy taloha elabe ny Didy folo fa teo vao nomena ny zank'Israely ofisialy (Porofo: nahoana i Kaina no meloka rehefa nahafaty an'i Abel zandriny? sy i Lameka rehefa nampirafy ? midika izany fa efa nisy io Didy io ary tsy azo foanana)
Ny Lalan'A/tra sy ny lalan'i Mosesy dia miavaka tsara na ny toerany na ny nanoratra azy sns....
Ny atao hoe ota dia I jaona 3:4 Izay rehetra manota no mandika ny lalàna; fa ny ota no fandikana ny lalàna. raha mandika ny lalàn'Atra ( Didy folo) ianao dia atao hoe mpanota.

AUGERFA:

Tsy ambanin'ny lalàna isika fa ambany fahasoavana, RAVA NY DIDY FOLO sy ny LALAN'I MOSESY; i KRISTY no nanamarina Ahy ka tiako ho zaraina aminao ilay efa noraisiko.

Tsy ambany lalàna tokoa isika fa ambany fahasoavana, izany hoe tsy mahavonjy antsika tokoa ny fitandremantsika ny lalan'Atra fa ny finoana no hamonjena an-tsika fa raha Finoana tsy arahan'asa dia finoana maty toy ny an'I devoly, Ny devoly koa anie mba mino e ka dia mangovitra izy.
Ny lalàn'i Mosesy ilay voasoratra tamin'ny vato no foana, ilay fanekena taloha Deo 27:1Ary Mosesy sy ny loholon'ny Isiraely dia nandidy ny vahoaka ka nanao hoe: Tandremo ny lalàna rehetra izay andidiako anao anio.
2 Ary amin'ny andro izay hitànareo an'i Jordana ho any amin'ny tany izay omen'i Jehovah Andriamanitrao anao, dia manangàna vato lehibe ho anao, ka lalory sokay;
3 dia soraty eo aminy ny teny rehetra amin'ity lalàna ity, rehefa tafita ianao mba hiditra ao amin'ny tany izay omen'i Jehovah Andriamanitrao anao, dia tany tondra-dronono sy tantely, araka izay nolazain'i Jehovah, Andriamanitry ny razanao taminao.
4 Ary rehefa tafita an'i Jordana ianareo, dia atsangano ao an-tendrombohitra Ebala ireo vato ireo, izay nandidiako anareo andro any ka lalory sokay.5 Ary manorena alitara ao ho an'i Jehovah Andriamanitrao; vato no hataonao alitara, nefa aza pehim-by izy.
6 Vato tsy voapaika no hataonao alitaran'i Jehovah Andriamanitrao; ka manatera fanatitra dorana eo amboniny ho an'i Jehovah Andriamanitrao.
7 Ary manatera koa fanati-pihavanana, ka mihinàna eo sy mifalia eo anatrehan'i Jehovah Andriamanitrao.
8 Ary soraty amin'ireo vato ireo ny teny rehetra amin'ity lalàna ity, ka ataovy velona tsara ny soratra.
Io didy io ilay nosoratana tamin'ny vato sokay no foana izay voalaza ao amin'ny Kol 2:14 fa tsy ilay Didin'Atra nosoratan'ny ratsatanan'Atra izay vavolom-belon'ny Fanekena Ekse 34:27 Ary hoy Jehovah tamin'i Mosesy: Soraty ireo teny ireo, fa araka ireo teny ireo no nanaovako fanekena aminao sy amin'ny Isiraely.
28 Dia teo amin'i Jehovah efa-polo andro sy efa-polo alina izy sady, tsy nihinan-kanina na nisotro rano. Ary nosoratan'i Jehovah tamin'ny vato fisaka ny tenin'ny fanekena, dia ny Didy Folo.
Raha io teny ao amin'ny Eksedosy io no sy dinihina jerena dia hita fa samy nanoratra na i Mosesy na i Jehovah. Ny an'i Mosesy tenin'ny fanekena ( Eks 34: 10 Ary hoy Izy: Indro, manao fanekena Aho, ka eo anatrehan'ny olonao rehetra no hanaovako zava-mahagaga, izay tsy mbola nisy natao tany amin'ny tany rehetra sy tany amin'ny firenena rehetra; ary ny olona rehetra izay itoeranao dia hahita ny asan'i Jehovah, fa mahatahotra izay zavatra efa hataoko amin'ny fiombako anao.11 Tandremo izay andidiako anao anio; indro, efa horoahiko hiala eo anatrehanao ny Amorita sy ny Kananita sy ny Hetita sy ny Perizita sy ny Hivita ary ny Jebosita.12 Koa mitandrema, fandrao hanao fanekena amin'ny mponina eo amin'ny tany izay halehanao ianao, ka ho fandrika eo afovoanao izany.13 Fa ravao ny alitarany, ary torotoroy ny tsangam-baton-tsampiny, ary jinjao ny Aserahany.14 Fa tsy hiankohoka eo anatrehan'izay andriamani-kafa ianao; fa Jehovah, dia saro-piaro no anarany, satria Andriamanitra saro-piaro Izy,15 fandrao ianao hanao fanekena amin'ny mponina eo amin'ny tany, ka hijangajanga hanaraka ny andriamaniny sy hamono zavatra hatao fanatitra ho an'ny andriamaniny izy, ary hasainy ianao ka hihinana amin'ny fanatiny;16 ary andrao koa haka amin'ny zananivavy ho vadin'ny zanakao-lahy ianao, ary hijangajanga hanaraka ny andriamaniny ny zananivavy ka hampandeha ny zanakao-lahy hijangajanga hanaraka ny andriamaniny.17 Aza manao andriamanitra anidina ho anao.18 Tandremo ny andro firavoravoana, dia ny andro fihinanana ny mofo tsy misy masirasira. Hafitoana no hihinananao ny mofo tsy misy masirasira, araka izay nandidiako anao, amin'ny fotoan'andro amin'ny volana Abiba, fa tamin'ny volana Abiba no nivoahanao avy tany Egypta.
19 Izay voalohan-teraka rehetra no Ahy, dia ny lahy amin'ny voalohan-teraky ny bibinao, na omby na ondry aman'osy;
20 fa ny voalohan-teraky ny boriky kosa dia hosoloanao zanak'ondry; ary raha tsy hanolo azy ianao, dia hofolahinao ny vozony; ary ny lahimatoa rehetra amin'ny zanakao dia havotanao. Ary aoka tsy hisy hiseho foana tsy mitondra fanatitra eo anatrehako.21 Henemana no hiasanao, fa amin'ny andro fahafito dia hitsahatra ianao: na dia amin'ny taom-pamafazana sy amin'ny taom-pijinjana aza dia hitsahatra ihany ianao.22 Ary tandremo ny andro firavoravoana manarakaraka ireo herinandro amin'ny fanaterana ny voaloham-bokatra, raha mijinja ny vary tritika, sy ny andro firavoravoana amin'ny fanangonana amin'ny fitsingerenan'ny taona.23 Intelo isan-kerintaona ny lehilahy rehetra aminao no hiseho eo anatrehan'i Jehovah Tompo, Andriamanitry ny Isiraely.24 Fa handroaka firenena eo alohanao Aho ka hanitatra ny fari-taninao; ary tsy hisy olona haniry ny taninao, raha miakatra hiseho eo anatrehan'i Jehovah Andriamanitrao intelo isan-kerintaona ianao.25 Aza manatitra ny ran'ny zavatra vonoina hatao fanatitra ho Ahy ianao, raha mbola misy masirasira ao aminao; ary aza avela ho tra-maraina ny zavatra vonoina hatao fanatitra ho Ahy amin'ny andro firavoravoana amin'ny Paska.26 Ny santatra amin'ny voaloham-bokatry ny taninao dia haterinao ho ao an-tranon'i Jehovah Andriamanitrao. Aza mahandro zanak'osy amin'ny rononon-dreniny.) Ireo ny tenin'ny fanekena taloha na LALAM-PISORONANA

fa ny nosoratan'Atra kosa dia ny Teny vavolom-belon'ny fanekena (Didy folo). 34:28 Dia teo amin'i Jehovah efa-polo andro sy efa-polo alina izy sady, tsy nihinan-kanina na nisotro rano. Ary nosoratan'i Jehovah tamin'ny vato fisaka ny tenin'ny fanekena, dia ny Didy Folo.
Izay no mahatonga hoe tsy foana mihintsy ny Didy folo miaraka amin'ny lalam-pisoronanan'I kristy indray io . porofoin'ny ny Apok14:12 Indro ny faharetan'ny olona masian dia izay mitandrina ny didin'A/tra sy ny finoana an'i jesosy. sy ny I kor 7:19.tsinotsinona ny famorana ary tsInotsinona ny tsy famorana FA NY MITANDRINA NY DIDIN'ATRA NO IZY

Mahereza ary aza mety ho fitahina.

Miarahaba antsika rehetra

AUGERFA
fa amiko izay efa nandray AZY dia tsy mpanota intsony izany, izaho dia mino satria "mahatoky sy marina IZY ka namela ny tsy fahamarinako rehetra sy nanadio ahy ho afaka amin'izany", IZY aza nilaza fa "voavela ny heloko" ka ahoana indray izaho izay navelany indray no mbola hiteny fa mpanota aho (diniho kely ohatra ny eny amin'ny tribunal, nilaza ny mpitsara fa afaka ilay olona, tsy meloka izy ka ahoana no mbola hitenenan'ilay olona fa mpanota izy nefa efa voavela ny fahadisoany ka te ho an-ponja indray izy).

Raha miaiky ny fahotantsika isika dia Mahatoky sy Marina IZY ka namela ny tsy fahamarinako rehetra sy nanadio ahy ho afaka amin'izany. Izany hoe mila miaiky isika fa mpanota sy meloka eo anatrehan'Andriamanitra.

Fa Hoy ianao: fa amiko izay efa nandray AZY dia tsy mpanota intsony. Mahasahy milaza ve ianao fa tsy nanota intsony rehefa nandray AZY. Fa hoy ny soratra Masina hoe: ny devoly sy ny satana dia tahaka ny liona mieronerona mitady izay ho harapany.

TSY MISY MARINA isika NA DIA IRAY AZA.

Tsy iray ihany anie no didy tokony ho tandremantsika e: raha nangalatra aho androany, tsapako fa diso tokoa ary nanenina, dia nibebaka mafy dia mafy aho ary azoko inoana marimarina tokoa fa tena tsy hanao intsony aho rahampitso. Tonga ny ampitso afaka tamin'ny halatra aho ary tsy nangalatra intsony. Fa inona indray no nitranga afak'ampitso; nijangajanga indray. Dia toy izany hatrany hatrany ...
Hanohy le ohatra nolazainao aho momba le mpitsara, afaka ilay olo-meloka (ataontsika hoe voarohirohy ho namono olona ohatra izy) fa rehefa nivoaka avy tao izy, lasa lehiben'ny jiolahy indray ilay olona. Tamin'ny voalohany izy no lazaintsika fa voavela ny heloka fa ankehitriny kosa ahoana?

DIDY10
Ka diso va aho raha niala tao ary mitady ny tena Fiangonan'Andriamanitra ?

Izaho koa te hanontany hoe:
Inona marina moa no tena atao hoe: Fiangonan'Andriamanitra e?

lals:

Izaho koa te hanontany hoe:
Inona marina moa no tena atao hoe: Fiangonan'Andriamanitra e?

Tsara angamba raha ataon'ise loha-hevitra vaovao mihitsy io fanontaniana io!

Fiangonana Kristiana iray ihany no nisy tany ampiandohana dia ny Fiangonan'Andriamanitra niforona taorinakelin'ny nandraisan'ny Apostoly ny Fanahy Masina.
Tokony averina io endriky ny Fiangonana io satria raha mahay ny tantaran'ny Fiangonana ankehitriny isika dia nampifangaroan'ireo Mpanompo sampy (dieu soleil) lasa Kristiana tamin'ny fahazaran'ny fivavahany ny tena Fiangonan'Andriamanitra.

Maranatha:

Ny fahamarinana anefa tsy mba azo ao amin'ny lalàna??
Gal 5:24 Koa ny lalàna dia mpitaiza antsika ho amin'i Kristy, mba hohamarinina noho ny finoana isika.
Mazava tsara fa nitaiza ho amin'ny finoana ny lalàna. fa inona io LALàNA izay voalaza io?? Lalàn'i Mosesy ve? sa Lalan'Atra? sa Lalan'i Kristy?

[Salama Maranatha,
Misaotra amin'ny fiarahana niserasera.
Manaiky ny tenako fa mpitaiza ny lalàna fa kosa misy "domaine" na vala famaritana ny fotoana niasany, fantatro fa ny Galatiana 3:24 no tianao lazaina, marina izany nefa ny "domaine" dia vakio ny eo aloha ny Galatiana 3:23 "fony mbola tsy tonga ny finoana dia voambina tao ambanin'ny lalàna isika"; isika mahalala fa ny finoana lazaina eto dia i KRISTY.
Raha tsy tonga i KRISTY dia voambina tao isika, nefa ankehitriny efa tonga IZY ka vakio ny Galatiana 3:25"REHEFA TONGA NY FINOANA DIA TSY FEHEZIN'IZAY MPITAIZA INTSONY ISIKA.Ka amiko ny zavatra tsy mifehy ahy aloha dia tsy tandremako mihitsy, ohatra Izaho eto Madagasikara dia ahoana no hitandremako ny fetim-pirenena Frantsay, tsy natao ahy izany. Mbola voaporofo io ny Galatiana 4:1-5.]
Tsy ambanin'ny lalàna isika fa ambany fahasoavana, RAVA NY DIDY FOLO sy ny LALAN'I MOSESY; i KRISTY no nanamarina Ahy ka tiako ho zaraina aminao ilay efa noraisiko.
[/quote]
Tsy ambany lalàna tokoa isika fa ambany fahasoavana, izany hoe tsy mahavonjy antsika tokoa ny fitandremantsika ny lalan'Atra fa ny finoana no hamonjena an-tsika fa raha Finoana tsy arahan'asa dia finoana maty toy ny an'I devoly, Ny devoly koa anie mba mino e ka dia mangovitra izy.
Ny lalàn'i Mosesy ilay voasoratra tamin'ny vato no foana, ilay fanekena taloha Deo 27:1Ary Mosesy sy ny loholon'ny Isiraely dia nandidy ny vahoaka ka nanao hoe: Tandremo ny lalàna rehetra izay andidiako anao anio.
[ Ry Maranatha, nisy firy ny fanekena nataon'Andriamanitra tamin'ny Zanak'i Israely. Tsy misy fanekena 2 io ka hafa ny nataon'Andriamanitra tamin'ny Israely mivantana dia ny Didy folo ary hafa koa ny nataon'i Mosesy sy ny Isiraely dia ny Lalànan'i Mosesy. Ny fanekena raha ny Soratra masina dia IRAY dia ny Fanekena teo amin'ny Tendrombohitra Sinay. Nampiomanin'Andriamanitra ny Israely handray ny Fanekena ny Eksodosy 19., dia nilaza ny didy izy ny Eksodosy 20. ny nahafanina ny olona dia ny fanavahana nataon'ireo mpanoratra baiboly nanisy an'ireny sahala ny "resumé" kely ireny eo ambony izay iarahantsika mahalala fa tsy anisan'ny Soratra masina tahaka ny eo "ny nanomezan'Andriamanitra ny didy folo", diniho kely ny baiboly dia esory an'eritreritra ireny soratra ireny, vakio tsara fa niteny Andriamanitra nilaza ny didy, fa tonga tamin'ny fahafolo izy dia nangovitra ny Zanak'Israely, nipararetra izy ireo ka naniraka ny loholony izy niteny tamin'i Mosesy FA AOKA IHANY HIANAO NO HITENY AMINAY FA AZA ANDRAIAMANITRA FANDRAO MATY IZAHAY, izany hoe ny fiangavian'ny Jiosy no nahatonga an'Andriamanitra nijanona ka nanohy ny filazana ny didy tamin'i Mosesy irery ihany satria efa nanaiky izy ireo fa hanaraka izay ho lazain'i Mosesy. Voaporofo ihany koa io ao amin'ny Deotoremia 5.
Tsy misy ny mpandinika dia milaza fa mizara telo io fanekena io dia ny Lalàna fototra, ny moraly, ny fisoronana. Tsy araka ny soratra masina izany. faneena iray io ary voasoratra ao amin'ny BOKY IRAY dia ny lazaina fa LALAN'I MOSESY.
Ny momba ny finoana tsy arahana asa dia maty. tsy midika izany ilay asa dia ny mitandrina ny Didy folo. Amiko tsy izany no atao hoe ASAN'ANDRIAMANITRA. Ny asa dia ny fandehanana tahaka ny nataon'i KRISTY dia ny manolotra ny ainy hamonjena ny sakaiza. Ka raha ny aina aza hafoy vao maika fotoana, hery, tanjaka, vola, fananana, harena. Io no fototra takina amin'izay manam-pitiavana.
Ny mikasika ny Apokalysy 14:12, faharetan'ny olona masina dia ny mitandrina didin'Andriamanitra. Iza no milaza aminao fa Didy folo no lazaina eo. Raha ny didin'Andriamanitra dia be dia be, nahoana ary no tsy noraisinao ny didy nomen'Andriamanitra an'Adama sy Eva, didin'Andriamanitra ihany koa ireny, ny tamin'i Noa, tamin'i Abrahama, fa nahoana ny nomena ny Israely ihany no raisinareo.Misy didy nomen'i KRISTY ahy ary io no nasainy hotandremako, tsy didy folo io fa lalàn'i KRISTY. Ary ny mahagaga dia ny voalaza eto dia FAHARETAN'NY OLONA MASINA, sahy milaza ve hianao fa masina. Ny masina dia midika ihany koa fa marina, nefa tsy nofo hohamarinina ao amin'ny lalàna.
Faly aho Maranatha ny mifandray aminao, ho aminao anie ny fahasoavan'ILAY ANDRIAMANITRA TOMPOIKO? dia ILAY ANDRIAMANITRA NANDRAVA NY FANEKENA TALOHA.]