Misaotra an'i Rijadolly amin'ny fanazavana.

Fa mba azonao lazaina tsara ve ila Ran'ny Zanak'Ondry Rijadolly? Sao dia zary lasa sampy ilay izy raha tsy mazava.

Ny ahy moa dia mifototra amin'ny hevitra azo antoka fa tsy hiditra amin'ny resaka misitery. Ka raha hoy ianao hoe mikoriana anatintsika ny Ran'ny Zanak'ondry dia mazava, fa raha toa kosa ka manasa ny nofo avy aty ivelany dia tsy izay loatra angamba no mampahadio satria hoy Kristy hoe tsy izay miditra ny vava no mampahaloto ny olona na mampahadio azy fa izay mivoaka avy ao am-pony. Mety midika koa hoe tsy ny fitafiana no mampahadio na mampahaloto ny olona fa izay toetra mazava ao anatiny.

Miharena:

Fa mba azonao lazaina tsara ve ila Ran'ny Zanak'Ondry Rijadolly? Sao dia zary lasa sampy ilay izy raha tsy mazava.

Fantatro izay Inoako. Ny olona tsy mahafantatra AZY araky ny teninao angamba no manao azy ho sampy ka. Nefa ny zavatra tena azo antoka Miharena dia ny olona tsy mino AZY no manao AZY ho sampy, fa, ny zavatra izay inoany no andriamaniny.

Ny ahy moa dia mifototra amin'ny hevitra azo antoka fa tsy hiditra amin'ny resaka misitery. Ka raha hoy ianao hoe mikoriana anatintsika ny Ran'ny Zanak'ondry dia mazava, fa raha toa kosa ka manasa ny nofo avy aty ivelany dia tsy izay loatra angamba no mampahadio satria hoy Kristy hoe tsy izay miditra ny vava no mampahaloto ny olona na mampahadio azy fa izay mivoaka avy ao am-pony. Mety midika koa hoe tsy ny fitafiana no mampahadio na mampahaloto ny olona fa izay toetra mazava ao anatiny.

:-) Mahafinaritra Miharena a! ohatry ny hoe ankanjo tokoa ny fomba fiteny azy ô? izay mihitsy satria ny ankanjo no mety sasana hiala ny lotony fa saingy savony ny azy fa ny antsika Ilay Rà ny zanak' ondry. Izany hoe raha tsy nisy Rà latsaka dia tsy nisy voavonjy na dia iray aza isika mpanota. Fa maty tokoa noho ny otatsika tokoa.

Rijadolly:

Mahafinaritra Miharena a! ohatry ny hoe ankanjo tokoa ny fomba fiteny azy ô? izay mihitsy satria ny ankanjo no mety sasana hiala ny lotony fa saingy savony ny azy fa ny antsika Ilay Rà ny zanak' ondry. Izany hoe raha tsy nisy Rà latsaka dia tsy nisy voavonjy na dia iray aza isika mpanota. Fa maty tokoa noho ny otatsika tokoa.

Ilay resaka mpanota no misy zavatra kely tokony ho efa ialàna ny fivoizana azy. Isika olombelona dia nivoy io resaka ota io efa ela izay ary araka ny maha-manam-pahefana antsika hamorona dia voaforona sy tafalatsa-paka tokoa ilay hoe mpanota ny olombelona.

Raha milaza indray isika hoe tsy misy ny ota fa ny fahadisoam-pisainana no misy ary tsy hifanomezan-tsiny satria mbola fianarana avokoa ny fiainan'ny olona dia azo lazaina fa mahitsy kokoa ny fomba filaza azy.

Ny fahaverezana moa dia tokony ho efa tsy eo anatrehan'ny fomba fijery fa ny fanarahana hevitra tsy mitombina no misy ary azo ahitsy izany.

Raha zohina lalina dia niaina famoronan'-javatra tsy mitombina daholo ny olombelona ka lasa illusion eken'ny rehetra ilay izy. Tafiditra amin'ny finoanoam-poana eo ny olona satria izay zafa-poronin'ny saina manalokaloka nanjary lasa nampahatahotra sy nampikorontana ka lasa teraka ny teny hoe ota.

Ny fanasana azy dia ny fanadiovana ny ao anaty mihitsy fa tsy ny ivelany lazainao hoe ankanjo io ambony io.

Ny fanasana azy dia ny fanadiovana ny ao anaty mihitsy fa tsy ny ivelany lazainao hoe ankanjo io ambony io.

Tsy voarainao mihitsy ilay ankanjo, eto, fialana ny ratsy fanao sy fanaovana dingana lehibe miaraka an' Jesoa Kristy. tsy ilaina ve izany?

Marina ny teninao Rijadolly amin'ny fandraisana izay foto-piainan'i Kristy.
Fa raha atao fanoharana hatrany no hitenenana ankehitriny dia mbola maro ihany ireo izay tsy hahazo azy. Izay ilay resaka fanadiovana lazaina satria ny madio miteraka fitondrant-tena miorim-paka no izy fa tsy madio ivelany.

Marina ny teninao Rijadolly amin'ny fandraisana izay foto-piainan'i Kristy.
Fa raha atao fanoharana hatrany no hitenenana ankehitriny dia mbola maro ihany ireo izay tsy hahazo azy. Izay ilay resaka fanadiovana lazaina satria ny madio miteraka fitondrant-tena miorim-paka no izy fa tsy madio ivelany.

OK! efa mba nanazava hatrany kosa aho miharena fa izany hoe tsy ampy angamba.

Ny fitiavan'Andriamanitra nomeny antsika dia natao hozaraina amin'ny hafa. Matoa mbola misy ny matory dia mbola maro ny adidy sy asa miandry antsika hanoro azy ireo ny lala-mazava. Tsy ny tahotra anefa no atoro azy ireo fa ny fifaliana sy fiadanana rehefa miatrika an'Andriamanitra. Io ilay andriamanitra inoako. Soa loatra ka tsy hanimba ny olon-tiany. Tiany isika. Raha tiany ianao dia tiany koa ilay mijaly mbola miady mafy!

Iraisako hevitra kosa aloha ny hoe raha vao tsy am-pitiavana ny fitoriana ireo izay tsy mbola nandray ilay Fanahy Masina dia eh! eh! eh! Fitaka be vava izay satria iarahatsika mahalala fa Andriamanitra dia Fitiavana, Ary amafisiko eto foana ny hoe : efa misy mialoha lalana antsika ho any amin'ilay Jerosalema vaovao ny Mpivarotena ohatra. Hampifatarina azy ny marina rehetra IZAY MIANDRY ANTSIKA TSIRAIRAY, fa tsy hoe "aza milalao io labozia io ianao anaka a! endry moa izany sombin' aiko izany ô. na hoe "aza milalao eto ianao izany zanako izany a! dia tsy tenenina azy fa raha mianjera ao amin'io ady io anie ka ho faty tokoa.

Rijadolly:

Iraisako hevitra kosa aloha ny hoe raha vao tsy am-pitiavana ny fitoriana ireo izay tsy mbola nandray ilay Fanahy Masina dia eh! eh! eh! Fitaka be vava izay satria iarahatsika mahalala fa Andriamanitra dia Fitiavana, Ary amafisiko eto foana ny hoe : efa misy mialoha lalana antsika ho any amin'ilay Jerosalema vaovao ny Mpivarotena ohatra. Hampifatarina azy ny marina rehetra IZAY MIANDRY ANTSIKA TSIRAIRAY, fa tsy hoe "aza milalao io labozia io ianao anaka a! endry moa izany sombin' aiko izany ô. na hoe "aza milalao eto ianao izany zanako izany a! dia tsy tenenina azy fa raha mianjera ao amin'io ady io anie ka ho faty tokoa.

Ampahafantarina azy tokoa Rijadolly ny zava-drehetra sy ny antony rehefa mananatra azy. Izay no voiziko eto ahafahana ho olon'afaka ao amin'Andriamanitra. Rehefa fantatra fa zanak'Andriamanitra ianao dia izay no tanjon'i Kristy ary Kristy miaraka AMINY ianao amin'izay ary hahafantatra fa zava-poana ny zava-drehetra fa ny maha-zanaky ny RAY anao no banjininao sy iainanao mandrakariva. Dia manambara amin'ny namanao fa ao am-po no itoeraNY fa tsy any an-danitra any izay zava-manjavozavo aminy ny fahatakarana izay lazainao aminy.

Soanja:

Ny fitiavan'Andriamanitra nomeny antsika dia natao hozaraina amin'ny hafa. Matoa mbola misy ny matory dia mbola maro ny adidy sy asa miandry antsika hanoro azy ireo ny lala-mazava. Tsy ny tahotra anefa no atoro azy ireo fa ny fifaliana sy fiadanana rehefa miatrika an'Andriamanitra. Io ilay andriamanitra inoako. Soa loatra ka tsy hanimba ny olon-tiany. Tiany isika. Raha tiany ianao dia tiany koa ilay mijaly mbola miady mafy!

koa satria mahita anao mizara fitiavana ny manodidina anao dia mahita Ilay Andriamanitra Fitiavana koa izy...Ianao ilay "mpizara fitiavana" no endrik'Andriamanitra !

Miharena:

Ampahafantarina azy tokoa Rijadolly ny zava-drehetra sy ny antony rehefa mananatra azy. Izay no voiziko eto ahafahana ho olon'afaka ao amin'Andriamanitra. Rehefa fantatra fa zanak'Andriamanitra ianao dia izay no tanjon'i Kristy ary Kristy miaraka AMINY ianao amin'izay ary hahafantatra fa zava-poana ny zava-drehetra fa ny maha-zanaky ny RAY anao no banjininao sy iainanao mandrakariva. Dia manambara amin'ny namanao fa ao am-po no itoeraNY fa tsy any an-danitra any izay zava-manjavozavo aminy ny fahatakarana izay lazainao aminy.

marina anie izany Miharena e! ary mbola tsy nandaha ny fomba hisarihana ny olona tahaka izany aho na indray mandeha aza,tena manaiky aho, fa ny zavatra tsy azoko dia ny antony tsy anekenareo; ohatr'io bougie io izao manaiky nareo fa tenenina ny antony tsy hilalaovana azy. Fa raha vao Jesosy Kristy no miteny fa ho very na miteny ny ahazo ny olona mifikitra ny otany dia lazaina fa mifaditrovana ve? Tsy fantatro na azon' miharena ny tiako lazaina na tsia, fa ny hevitry se izay mahatonga ny ady hevitra dia azoko tsara ny votoatony, dia ny tsy fisian' helo, tsy fisiany fahavalon'Andriamanitra, tsy fisian' izany devoly izany. fa hoe noforonin' olombelona ao antsainy fotsiny ihany.
Dia izay hevitry se izay no nahatonga ny fanotaniako, tsy haiko na ato na àry amin' loha hevitra hafa hoe: Ohatra ve no nitenenany sy nanoherany ny devoly, tamin'IZY nalain' devoly fanahy? Sa novoleny tao antsainy fotsiny ihany izany ady natrehaNY izany?

koa satria mahita anao mizara fitiavana ny manodidina anao dia mahita Ilay Andriamanitra Fitiavana koa izy...Ianao ilay "mpizara fitiavana" no endrik'Andriamanitra !

Miray hevitra tanteraka koa aho ary izany indrindra no asa andrasana antsika Kristianina mba ho fitaratra hitan' ny manodidina amin' tena fa manana an'Andriamanitra ao anatitsika isika.

Hoy Rijadolly=
"Ohatra ve no nitenenany sy nanoherany ny devoly, tamin'IZY nalain' devoly fanahy? Sa novoleny tao antsainy fotsiny ihany izany ady natrehaNY izany?"

Mety tsy mifandrindra angamba ny fandehan'ny fanazavana satria tsy mitovy ny fandraisana ny teny ao anaty Baiboly. Aleo angamba atao tantara ilay izy dia fantatra kokoa ny antony ilazana fa ao an-tsain'ny olombelona ny ratsy izay natolany tany amin'ny hoe Devoly sy Satana.
Raha tonga nofo tokoa i Kristy dia mazava fa hijery ny foto-pisainanan'ny olombelona noharian'ny RAY iraisana. Inona no nitranga raha nomena an'i Lucifer ny fahafahana manana fifandraisana amin'ny olombelona? Samy nanao izay tiany natao ny olona araka ny nahimpony izay niha-nanalavitra ny tena maha-voary endrik'Andriamanitra azy. Tapaka ilay fifandraisana amin'ny RAY. Tamin'ny fotoanan'ny fakam-panahy voalaza ao anaty Baiboly dia nilomano tao anatin'ny eritreritr'olombelona i Kristy izay nitokana 40 andro tany an'efitra. Dia tonga ireo eritreritra mandrafitra ny fotopisainan'ny olombelona izay tafasaraka tamin'ny RAY noho ny ota (na fahadisoam-pahalalàna ny momba azy hoe Endrik'Andriamanitra). Nanaraka ilay fifandraisany tamin'i Lucifer izay nampihinana azy ny hazo fahalalàna ny ratsy sy ny tsara izy, izay antony nahatonga ny olona hitsaratsara ka niteraka ireo toetra mamono ny rahalahiny sy mankahala sy manangam-pahavalo (Azo jerena izany toetra izany eo amin'ny tantaran'ny firenena rehetra ao anaty Baiboly taorian'ny nidiran'i Lucifer an-tsehatra nisarika ny olona).

Ireo no lasa narafitra hoe misy andriamanitra mandrindra azy ireo faharatsiana ireo dia i Satana na Devoly. Dia hoy Kristy nahatsapa izany hoe "ao ivohoko ianao ry Satana!". Izany hoe tsy mitarika ny diako ianao ry fahadisoana na ry haizina izay namitaka ny olona ka nataony ho andriamanitra kely (Io ilay sampy na finoanoam-poana).

Tsy misy afa-tsy lainga no hitan'i Kristy lazain'ilay nomen'ny olona fahefana hitantana azy (Devoly rainareo hoy IZY).
Mety hiteny ianao hoe misy izany io nomena fahefana io. Eny misy izy araka ny atao hoe "Forme-pensée" na koa hoe rehefa foronin'ny olona maro ary ekeny ho marina dia mipoitra ho lasa endrika miasa tokoa fa tsy tena izy (illusion). Ao anaty sain'ny tsirairay io ary tsapan'i Kristy. Izay no nahatonga ilay tantara. Ny tena misy dia Lucifer izay nihevitra fa mahavita na dia lavitra ny LOHARANO aza. Izy anefa dia mahafantatra tsara dia tsara fa Andriamanitra no nipoirany.

Izany hoe ny fanazavana ireny no mila fantarina ary ampahalalaina ny olona. Ilay fitaka voalohany ao amin'ny Genesisy ihany dia efa tokony hampiverina ny olona an-doharano hitady ny maha-endrik'Andriamanitra azy. Ary io no antony nanoratana io Baiboly manontolo io. Io no fototra, di ny hiverenan'ny olona amin'ny fahalalàna fa Endrik'Andriamanitra izy. Izay no nahatonga ny Teny tonga nofo mba hampifoha ny olon-drehetra revon'ny fisainana diso nifanarahan'izy avy hotazonina ho fahamarinana.

Misy ny fanoherana ny hevitry Jesoa Kristy ao Miarena ary ny tena manohina ahy dia ny, fanamelohana AZY ho Mpandainga, saika tsy ho tanisaiko ireto nefa dia alefako noho ny Fitiavana an' se mba tsy hanohitra izay voalazaNY, Araka ny hevitry se mantsy dia hoe tsy misy izany devoly izany, fa novolena ho hisy fotsiny ao antsaintsika olombelona, izay manamarina ihany koa fa nambolen'Jsoa Kristy tao antsainy ireto voalazany ireto.

Amin' se ny fikarohan'se no diso sa ireto nolazain'Zanak'Andriamanitra ireto?

1) MARKA 9 : 19 Ary Jesosy namaly azy hoe: Ry taranaka tsy mino, mandra-pahoviana no hitoerako aminareo? Mandra-pahoviana no handeferako aminareo? Ento ety amiko izy.20 Dia nentiny teo aminy izy; fa nony nahita an'i Jesosy izy, dia nampifanintontsintona ny tenany niaraka tamin'izay ny fanahy. Dia lavo tamin'ny tany izy sady nitsinkasinkasina sy nandoa vory.21 Ary Jesosy nanontany an-drainy hoe: Hoatrinona izay no nahatongavan'izao taminy? Ary hoy izy: Hatry ny fony izy mbola zaza.22 Ary nazerany matetika tao anaty afo sy tao anaty rano izy hamonoany azy; fa raha mba misy hainao, dia mamindrà fo aminay, ka vonjeo izahay.23 Fa hoy Jesosy taminy: Hainao hoe? Ny zavatra rehetra dia hain'ny mino.24 Ary niaraka tamin'izay dia niantsony rain-drazazalahy ka nanao hoe: Mino aho; vonjeo aho ho afaka amin'ny tsi-finoako.25 Ary nony hitan'i Jesosy fa nihazakazaka nanatona azy ny vahoaka, dia niteny mafy ny fanahy maloto Izy ka nanao taminy hoe: Ry fanahy moana sy marenina! Izaho mandidy anao: Mivoaha aminy, ka aza miditra ao anatiny intsony.


2) MATIO 13 : 24 Ary nanao fanoharana hafa koa taminy Izy ka nanao hoe: Ny fanjakan'ny lanitra dia tahaka ny lehilahy anankiray izay namafy voa tsara tany an-tanimbariny;25 fa raha natory ny olona, dia avy ny fahavalony ka namafy voan-tsimparifary teny amin'ny vary, dia lasa nandeha.26 Ary rehefa naniry ny vary ka niteraka dia niposaka koa ny tsimparifary.27 Dia avy ny mpanompon-dralehilahy ka nanao taminy hoe: Tompoko, tsy voa tsara va no nafafinao tany an-tanimbarinao? koa avy taiza kosa ny tsimparifary? Dia hoy izy taminy:28 Fahavalo no nanao izany. Ary ny mpanompony nanao taminy hoe: Koa tianao va handehananay hanongotra sy hanangona azy?29 Fa hoy izy: tsia, fandrao, raha manongotra ny tsimparifary hianareo, dia hongotanareo miaraka aminy koa ny vary.30 Aoka ihany hiara-maniry izy roroa ambara-pihavin'ny fararano; ary amin'ny fararano dia holazaiko amin'ny mpijinja hoe: Angony aloha ny tsimparifary, ka ataovy amboarany mba hodorana; fa ny vary dia taomy ho any an-tsompitro.

3) MATIO 25 : 41 Ary dia hilaza indray amin'izay eo amin'ny ankaviany kosa Izy hoe: Mialà amiko, hianareo izay voaozona ho any amin'ny afo maharitra mandrakizay, izay voavoatra ho an'ny devoly sy ny anjeliny;

4) JAONA 6 : 70 Jesosy namaly azy hoe: Tsy Izaho va no nifidy anareo roa ambin'ny folo lahy, nefa ny anankiray aminareo aza dia devoly?

5) JAONA 8 : 42 Hoy Jesosy taminy: Raha Andriamanitra no Rainareo, dia ho tia Ahy hianareo, satria avy tamin'Andriamanitra no nivoahako sy nankanesako aty; fa Izaho tsy tonga ho Ahy, fa Izy no naniraka Ahy.43 Nahoana no tsy azonareo ny teniko? satria tsy mahay mihaino ny teniko hianareo.44 Hianareo avy tamin'ny devoly rainareo, ka izay sitraky ny rainareo no tianareo hatao. Izy dia mpamono olona hatramin'ny taloha, ary tsy nitoetra tamin'ny [mitoetra amin'ny] marina satria tsy misy marina aminy. Raha mandainga izy, dia ny azy no lazainy, satria mpandainga izy sady rain'ny lainga.

6) LIOKA 7 : 21 Ary tamin'izany ora izany Jesosy dia nahasitrana olona maro tamin'ny rofy sy ny aretina sy ny fanahy ratsy sady nampahiratra ny jamba maro.

7) MATIO 5: 22 Fa Izaho kosa milaza aminareo hoe: Izay rehetra tezitra amin'ny rahalahiny dia mendrika hohelohina amin'ny fitsarana; ary na zovy na zovy no hanao amin'ny rahalahiny hoe : Olom-poana hianao, dia mendrika hohelohina amin'ny Synedriona; ary na zovy na zovy no hanao hoe: Foka ialahy, dia mendrika ho ao amin'ny helo mirehitra afo.

8) MATIO 18 : 9 Ary raha ny masonao no manafintohinana anao, esory hiala izy, ka ario ho afaka aminao; fa tsara ho anao ny hiditra toka-maso amin'ny fiainana noho ny manana maso roa, nefa hariana any amin'ny helo mirehitra afo.

9) MATIO 23 : 15 Lozanareo, mpanora-dalàna sy Fariseo, mpihatsaravelatsihy! fa mandeha mitety ny ranomasina sy ny tany maina hianareo mba hahazoanareo na dia iray ihany aza ho proselyta; ary rehefa azonareo izy, dia ataonareo zanaky ny helo mihoatra indroa noho hianareo aza.

10) MATIO 10 : 28 Ary aza matahotra izay mamono ny tena, nefa tsy mahay mamono ny fanahy; fa aleo matahotra Izay mahay mahavery ny fanahy sy ny tena ao amin'ny helo.

....

Rijadolly:

Misy ny fanoherana ny hevitry Jesoa Kristy ao Miarena ary ny tena manohina ahy dia ny, fanamelohana AZY ho Mpandainga,

Miarahaba an'i Rijadolly indray.

Tsy hoe manohitra izay voalaza aho fa mizara izay mba azoko antoka fa fanazavana nomen'i Kristy efa ho 1800 taona taty aorian'ny namantsihana AZY.

Ny zava-drehetra izay tsy mifanohitra amin'ny maha-IZY azy no entina hanaporofoana izay fanazavana nentiNY.

Ohatra ity teny notanisainao ity:

9) MATIO 23 : 15 Lozanareo, mpanora-dalàna sy Fariseo, mpihatsaravelatsihy! fa mandeha mitety ny ranomasina sy ny tany maina hianareo mba hahazoanareo na dia iray ihany aza ho proselyta; ary rehefa azonareo izy, dia ataonareo zanaky ny helo mihoatra indroa noho hianareo aza.

Miteraka ireto fanontaniana ireto
Iza no mpanora-dalàna sy Fariseo? Iza no nohenoiny? Tsy nihevitra ve ireo olona ireo tamin'izany fa Mpanompon'Andriamanitra izay nantsoiny hoe Jehovah? Inona no indrokely teo amin'ireo olona ireo izany ary inona no fanavaozana nentin"i Kristy?

Raha ilay tanisa eo ambony: ny helo lazaina eo dia gadra na fatotra izay nateraky ny fahadisoam-piheverana izay nentin'ny Fariseo sy ny Mpanora-dalàna tamin'izany fotoana izany. NIhevitra hatrany anefa ireo olona ireo fa nanaraka an-tsakany sy an-davany ny baikon'i Jehovah. Ary tsy nihevitra izay hoe ny Devoly no manome saina azy.
Matoa misy ny fahadisoam-piheverana dia tsy nanana izay mpanitsy sy mpananatra ireo Mpanora-dalàna sy Fariseo. Izay no antony nahatongavan'i Kristy, dia ny mba hanetry ny havoana ary hanototra ny lesoka araka ny fanambarana nataon'i Isaia.

Ny fiheverana no tsy mitovy loatra angamba eo amintsika mihaino sy mamaky ny Teny ao anaty Baiboly noho ny tsy fandraisana izay HERY FOTOTRA na NY FOTOTRA maha-Andriamanitra AZY sy i Kristy ary isika olombelona izay nohariana araka ny ENDRINY.
Ny asan'ny mpanelanelana no misy ireo karazana lalàna izay mamatotra ny olona sy manavesatra azy fa i Kristy dia nitory ny Fahafahana sy ny Fiainana. Ka sanatria tsy ho IZY zay IRAY ao amin'ny RAY no hanao zavatra manary ny VOARY na ratsy aza ny voary.

Raha ara-tantara dia i Kristy dia efa teo tamin'ny namoronana izao tontolo izao ary nisy tokoa ny fahadisoan'ny olombelona. Ireo fahadisoana ireo dia noho ny fahafahana manana safidy. Losifera ohatra no narahina. Ka io fanarahana an'i Losifera io no nahatonga ny fatotra noho ny fiheveran'-diso nitohy avy eo. Tsy hoe naka hevitra tany amin'i Losifera hatrany ny olona fa nanao izay noheveriny fa hitondrany ny fiainany arak'izay nampidiran''i Losifera azy tao amin'ny resaka fahalalana ny tsara sy ny ratsy ka tsy nahay nijoro intsony araka ny tokony ho izy.

Tsy hoe manohitra izay voalaza aho fa mizara izay mba azoko antoka fa fanazavana nomen'i Kristy efa ho 1800 taona taty aorian'ny namantsihana AZY.

Inona ny tian' se tenenina amin'izany? EFA LANY DATY VE?
LIOKA 21 : 32 Lazaiko aminareo marina tokoa fa tsy ho lany ity taranaka ity mandra-pahatongan'izany rehetra izany.

Ny zava-drehetra izay tsy mifanohitra amin'ny maha-IZY azy no entina hanaporofoana izay fanazavana nentiNY.

Izany hoe namboariboarina ve? raha marina izany dia tsy Jesoa no kristy, araka ny hevitry ny tsy mino AZY anefa izany. Fa Marina ireo voasoratra ireo, Mporofa izany fa IZY no IZY, izy ILAY MAHAGAGA,..., IZY ilay KRISTY, ANDRIAMANITRA VELONA nidina tety an-tany, nomena ny fahefana rehetra ety an-tany ka hatrany an-danitra.

Amin' se ny fikarohan'se no diso sa ireto nolazain'Zanak'Andriamanitra ireto?

Tsy novalian' se anie io Fanotaniana io e!
Aleo valiako ary, ny fiakaroan' se no diso ary manameloka AZY ho mpandainga sy mpanaraka ny hevitr'olombelona na dia efa nitantara ny zava-miseho any an-Danitra aza IZY.

Tsy mifankahazo ny hevitsika rehefa dinihina ny famakian'i Rijadolly ny zava-drehetra novelabelariko hatrizay.
Tsy misy endrika fanamelohana velively ao anatin'ny famaliana ny fanontaniana rehetra.

Finoana lehibe no nahatonga ny fikarohana ny marina. Ary izany no antony andalovana eto an-tany mba hamosaka izany fahamarinana izany.

Misy fahasarotana (lazaina fa ota) izay tokony horodanina na foanana mba hizoran'ny olona ao anatin'ny MAZAVA tanteraka na ny marimarina kokoa amin'ny FAMIRAPIRATANA ao anaty. Io no fandresena ny maizina. Izany no nahatongavan'i Kristy ho nofo dia ny hanoro antsika fa mpiray lova mitovy AMINY isika fa tsy zaza sary. Izany hoe zanaky ny MAZAVA.

Raha mamaky Baiboly aho dia mijery hatrany io FAHAZAVANA io manomboka any amin'ny Genesisy ka hatramin'ny Apokalypsy.
Iray ihany no fanontaniana mila valiana dia ny hoe: Inona no tian'ny MAZAVA hofoanana tsy hiraikitra amin'ny foto-pisainan'ny olombelona VOARIN'NY MAZAVA?

Tsotra ilay izy fa rehefa asarotina dia miteraka haizina izay nolazain'i Kristy hoe fandoto iray tandroka.

Dia manainga anao hitozo amin'ny lala-MAZAVA ao amponao aho amin'ireo fanazavana tsotra entina eto.

Miharena:

Ny fahendrena ao anatiny no maha-zanak'Andriamanira azy ka mahairay azy AMINY.

maro anie no manampanhendrena e ! fa ny fahatahorana an'Atra hoy ny baiboly no voaloham-pahendrena
Ny zanaka no mpandova ny ray ka raha ny ray namorona azy sy izao tontolo izao no tsy hinoany dia ahoana no ilazana fa zanak'Atra izy. Sa zanak'Atra avokoa isika rehetra na mino azy na tsia ?