Fijo:
amiko dia tsy misy izany andriamanitra izany.saingy tsy manameloka izay mino izany aho,satria tsy mbola nisy nahita izany,ka samia mino araka ny fahalalahany.
isika dia nisy ,satria nisy ny fihovana natoraly,izay voamarina aratsiantifika.
ny fiheritreretana,dia samy manana ny azy,fa tsy miandry izany andriamanitra izany.misy ny mpino mangalatra,misy tsy mpino tsy mangalatra.marina koa ny tsimbadika amin'io.
io hevitr'ika io izay milaza hoe "raha manohitra zavatra iray,dia satria misy na ef anisy ilay zavatra"dia azoko valiana hoe,mety ho tsy nisy koa ilay zavatra saingy nolazaina fa nisy.ohatra ny ankizy rehetra dia mino tanteraka fa misy ingahibe noely.mandra pahafahany manaporofo,fa hay tsy misy akory izany.
voalaza ery ambony hoe raha tsy nisy izy,iza no hiaro anao??"moa miaro ahy amin'inona izany andriamanitra izany??????
Miarahaba an'i Fijo ary misaotra azy mandray anjara amin'ity dinika ity.
Marina dia marina tokoa raha miteny hoe tsy mino izay tsy voaporofo isika. Ary izany indrindra moa no antony nanokafana kely ity dinika ity satria mahita isika fa mpandinika lalina avokoa.
Arak'izay fandinihana lalina izay indrindra no azo hitondrana ny resaka satria miara-mandinika isika rehetra tsy ankanavaka na ireo tsy mino na ireo mino. Ireo tsy mino dia afaka tsara mandinika ny mino ary ireo mino afaka mandinika tsara ny tsy mino.
Fa ny iraisan'izy ireo tsy azo lavina dia saina mandalina avokoa no miasa ao na ireo mandinika ara-tsiansa na ireo mandinika ny fisainana na ireo mandinika ny famoronana, na ireo mandinika ny zavatra tsy hita maso ara-panahy. Raha dinihina aza dia ny siansa indrindra no mandinika lalina ny jenezy ahafahany mamantatra hoe inona no fototr'izao rehetra izao.
Raha fehezina dia manao siansa daholo ny olom-pandinika rehetra amin'ny lafiny rehetra ary miara-miaiky amin''i Fijo amin'izany isika rehetra.
Raha alefa lalina kokoa ny fandinihana dia raha manao fandrefesana ezaka iray ny tsy mino dia miainga amin'ny zavatra hitany sy tsapany izy ary manome tsoa-kevitra iray. Ny zavatra azo tsoahina amin'ny siansa eto dia ny vokatra ary ny lalàna mandrafitra izany zavatra izany.
Mampisokatra fanontaniana izy eto hoe nahavaly fanontaniana 100% ve ny siansa raha toa ka atidohan'olombelona irery ihany no niasa tao?
Inona no siansa afaka manome valinteny mahafa-po ny olona, ny siansa mandalina ny natiora sa ny siansa mandalina ny fisainana sa ny siansa mandalina ny famoronana?
Mety mifandray ve ireo anefa ka afaka isika hiteny hoe misy ny siansa iraisan'ny rehetra (Universelle)?
Ny fanotaniana toy ny nataon'i Fijo ity izao dia tokony hitadiavana ny siansa universelle ahafahana mamaly azy.
voalaza ery ambony hoe raha tsy nisy izy,iza no hiaro anao??"moa miaro ahy amin'inona izany andriamanitra izany??????
Ny fisiana no miaro an'i Fijo ary ny fisiana dia Andriamanitra ary ny lalàna rehetra mandrindra izay karohintsika sombin'eritreritra rehetra dia ao anatin"io Fisiana sy ny lalànany io avokoa.
Ilay izy dia tsy mila fahatsapana na fitadiavana etsy sy eroa satria ao anatintsika tsirairay misaina ny herin'Andriamanitra Mpamorona. Fototry ny zava-drehetra IZY. Azo atao hoe tsy manana anarana toa ny fieritreritr'i Fijo AZY IZY ary tsy takatra takarina ka izany indrindra no mahatonga an'i Fijo hilaza hoe angano tantarain'ny olona IZY.
Ary raha mijery ny fahatsiloantsain'i Fijo dia efa mahita AZY isika. Satria izay ao anatin"i Fijo dia mitovy tsy misy valaka amin'izay ao anatiko sy ao anatin"ny namana tsirairay avy sy ny ao anatin'ny tontolo misaina mihitsy aza na hitan'ny retsik'olombelona na tsy hitan'ny retsik'olombelona.
Ny fanotaniana kely tiako hovalian'i Fijo dia hoe marina ve ny teny hoe ny Fanahy no maha-olona, aiza ny fanahy ary manana izany daholo ve ny olona na mino na tsy mino?
