niryna:
Raha jerena ny statsitique dia tia mamony biby ny ankizilahy raha oharina ny ankizivavy.Ny fampiadiana tanalahy aloha dia manginy fotsiny ,vonoiny rehefa resy ilay tanalahy ,asiany kambavy kely miaraka eo dia revo miady ilay tanalahy,ny akoho indray moa na lehilahy lehibe aza dia mampiady akoho ary misy aza tena miloka mihitsy,
Inona tokoa no mahatonga ny ankiizilahy tia mampijaly biby e io no fanontaniako ,mahery setra ve sa misy fiantraikany amin'ny fiainany ilay izy ohatra hoe mamono ny rainy na tsy manandray ilay zaza na kamboty velon-dray na misy mahasorena azy amin'ny fiainana ?
misaotra mialoha
(l) niryna
Tsara petraka ny fanontaniana.
Ny vavikely sy ny lahikely dia tsy mitovy ny fomba fitaran'ny atidohany rehefa miasa amin'ny fiodinany, ka io dia voajanahary tokoa satria efa hatramin'izany tamin'ny fahagolan-tany elabe dia ny lehilahy no mandeha mihaza, mamono biby hatao sakafo. Io fihetsika io (behavior) dia efa voajanahary ao anaty. Ny vavikely kosa raha mandinika isika dia tia mikarakara tokatrano, milalao eo an-tokotany ary mampirimpirina manao tsikonona ary tia milalao saribakoly. Satria nahoana? satria efa mirona amin'izay ho reninjaza na fiterahana na fokoloana ny hateraka ny sain'ny zaza na dia mbola tsy matotra sy fantany aza izany fa voajanahary avokoa.
Ny vatan'olombelona dia mifandraika lalandava amin'ireo sela sy hozatra ary ny neurons ny atidoha mitady hetsika hitsimohana lalindalina kokoa sy hisandrahana mifandraika amin'ny tian'ny atidoha hahatongavana. Efa voajanahary izany. Izay no mahasarotra ny mahita ny sarin-dahy sy sarim-bavy (ireo izay tena izy) satria mifangaro amintsika toe-batana hitan'ny maso izay any anaty kilaotiny.
Ny zazalahy dia mitaky action sy fiodinana ny sainy ary izay no mahatonga azy ireo ho voasarika amin'ny fiarakely na bimbimkely hoy ry zareo izay satria miodina ny kodiaran'iny ary ilain'ny mason'ny sy ny sofiny ary ny vavany ny mahatsapa ny fiodin'iny kodiara iny. Izay dia hitarika azy koa tia math na physics rehefa lehibe satria ireo no manome ny hetsika sy fomba ahitana vokatra fiodinana sy solution tsy resabe fa action. Na tsy manana fiarakely miodina aza izy dia ny tanany no manetsika ilay fiara hazo kely hanome ilay hetsika.
Izay saina hitanareo izany ihany no mitaky ny actions na fihetsika hita amin'ny fampiadiana akoholahy, tanalahy, bibikely, kijeja sns.. ary mipaka amin'ny famonoana biby.
Rehefa tonga amin'izay sehatra izay ny zaza iray na efa lehibebe dia
tsy ampy ny fitaovana eo an-tanany ahafahany manovo fahalalana vaovao sy hetsika vaovao takian'ny sainy ka zary mifatratra amin'ny fihetsika tsy dia ankatoavin'ny fiarahamonina izany. Voajanahary anefa io hetsika io. Koa noho izay adidintsika lehibe no mitady sy mikatsaka lalandava ny fanatsara ny fanabeazana ireo tanora rehetra eo amin'ny firenena. Inona no mahasoa mifanaraka amin'ny sainy am in'io taonany io ka tsy hanimbany ny tontolo manodidina azy. Mbola milalao ve izy amin'io fotoana io sa efa miaina azy mihitsy???
Anjaran'ny ray aman-dreny, fiaraha-monina, firenena no mamolavola ny olony ho olom-banona ary io dia mitaky asa mavitrika avy amin'ny tsirairay avy. Raha kolotora eo an-tanana ny mampiady akoholahy dia izay no fahalalana mety hibahana ny ao an-tsain'ny zanakao raha mahita izany matetika izy. Tsy azy ireo no hadisoana!!!! Tsy ratsy ireo zaza ireo fa miaina amin'izay zavamisy eo iatrehany ny fitombony.
Diniho ny hetsiky ny zanakao isan'andro, isan'ora fa hamaky mazava ny momba azy ianao.
