Ny tena maharatsy be itony fifanarahana vita sonia itony dia ny tsy maintsy hanarahana antsakany sy andavany ny voarakitra ao anatiny. Raha sanatria nefa ka mahatsiaro ho maty antoka tampoka ny ankolafiny iray dia tsy afaka mihemotra intsony ka lasa manao \"incitation à la guerre civile\" amin\'ny fandrangitana na ny vahoaka miaraka aminy na ny vahoaka tsy mitovy hevitra aminy.
Ohatra:
- Ny ankolafy Ravalomanana dia milalao ny tsy mbola mahavoantendry ofisialy an\'i Andry Rajoelina ho filohan\'ny Tetezamita vaovao mba handrangitana ny mpifanandrina aminy, fantatry ny be sy ny maro nefa fa tsy hanaiky na oviana na oviana i Andry raha tsy izy ihany no ho Filoha eo.
- Ny ankolafy Andry Rajoelina dia milalao ny Amnistie an\'i Ravalomanana satria ny \"nous demandons\" dia apetraka eo anatrehan\'ny Parlemantan\'ny Tetezamita ka ireo no hamoaka ny lalanan\'ny Amnisitie sy ny lisitry ny olona mahazo na tsy mahazo izany araka ny satan\'ny Amnisitie iraisam-pirenena.
Tsarovy nefa fa ny fihetsika toy izany no nahatonga ny ady an-trano tany:
- Rwanda izay nahafatesana olona anetsiny
- Cote d\'Ivoire izay mbola tsy milamina hatramin\'izao.
Tsy mila mpaminany ny maminavina ny ho tohin\'ity raharaha ity sa ahoana hoy ianareo?
