pakopako:
Ny fanotaniana ato antsaiko dia ny hoe: azon'Atra atao tsara na dia solafaka t@ mpanompovaviny aza izy d foanany tsy nisy vokany izany,indrisy anefa niteraka soamatsara ilay mpanompony,
==> Asa na azoko tsara ny fanontanianao na tsia, fa hapetrako toy izao ary hovaliako, ka teneno raha tsy izay ilay izy :
"
Nahoana no tsy nataon' Andriamanitra ho tsy niteraka fotsiny i Hagara raha toa ka tsy taminy no tian' Andriamanitra hanomezana taranaka voafidy an'i Abarahama ?"
1- Tsy azoko ilay lazainao hoe solafaka. Tena tao anaty consiansy i Abrama no nandry tamin'i Hagara mpanompovavy, satria fahiny izany andevo dia tena izay tian'ny tompony hanaovana azy mihitsy fa fananany, ary i Saraï izay tompovavin'i Hagara sady tompom-bady no nanolotra ny hevitra teto ... noho ny fiheverany angamba fa efa antitra izy ka tsy afaka hiteraka intsony (?). I Abrama nampanantenain' Andriamanitra taranaka, saingy tsy nahafantatra izy hoe taranaka avy amin'i Saraï izany, fa ny fijeriny @ maha olombelona dia mety ho nahita fa io tenin'i Saraï io no hananany taranaka. Misy zavatra roa azo tsoahina eto :
a- Tsy nahafantatra ny lalan' Andriamanitra hahatanteraka ny teny fikasana ilay mpino. Tahaka ny mpino maro ankehitriny tsy mahafantatra ny lalan' Andriamanitra hahatanteraka ny teny fikasana,
dia ny fandovana ny fanjakàn'ny lanitra, izay toerana anjakàn'ny fiadanana sy fifaliana feno ary tsy misy rahona manembantsembana na ny kely akory aza.
b- Niezaka nanatanteraka ny fikasan' Andriamanitra araka ny fomba fijeriny amin'ny maha olombelona ilay mpanompon' Andriamanitra. Ary tsy nanakana Andriamanitra.
Tahaka ny mpino maro mandraka ankehitriny miezaka manatanteraka ny famonjena amin'ny fijery maha olombelona azy. Ny famonjena izay nampanantenain' Andriamanitra.
2- Hoy ny voasoratra ao amin'io Genesisy io hoe "
zanakao ihany Ishmael, saingy tsy amin'ny alalany no hanatanterahako izay nampanantenaiko, fa amin'ny alalan'Isaac".
Naninona no tsy nanakana Andriamanitra ?
Zavatra fahita matetika amin'ny fiainana izany, ireto misy ohatra telo hafa ao @ baiboly :
- Adama sy Eva tsy nankato ny Tompo fa nihinana ny voankazo voarara.
- Moïse izay nofidian' Andriamanitra ho fitaovaNy hanafaka ny Zanak'Israely, ary nanao izany t@ fijerin'ny tenany olombelona tamin'ny voalohany (namono Egyptiana, nitsara ny rahalahiny)
- Ny Zanak'Israely izay nangataka mpanjaka tamin' Andriamanitra, araka ny fijerin'izy ireo [Saoly, zanak'i Kisy], nefa nisy Mpanjaka efa voaoman' Andriamanitra mialoha [Davida, zafiafin'i Rota].
Misy antony anakiroa azo raisina :
a- Io safidy io no mampiavaka ny olombelona amin'ny zavatra nohariana hafa rehetra. Tsy misy zava-boary manan-tsafidy ankoatra ny olombelona. Raha tsy omen' Andriamanitra safidy ny olona hankato Azy, dia tsy araka ny endriNy intsony izy fa tonga tahaka ny zavatra hafa rehetra.
b- Tsy hita ny famiratry ny volamena raha tsy eo ambony zavatra matroka.
Tsy fantatra hoe misy administrateur réseaux, ary mahay, raha tsy rehefa tapaka ny connexion.
Tsy hita hoe mahomby ny fitsaboana, raha tsy eo anatrehan'ny aretina.
Navelan' Andriamanitra hiseho ny asan'ny olombelona mba hahitana miavaka ny herin' Andriamanitra sy ny voninahiNy amin'ny alalan'ny asaNy.
==>
- Zavatra niainako matetika : tsy dia nisaina am-po an' Andriamanitra aho raha tsy efa sendra olana (aretina nampatahotra mafy ahy).
- Hatramin'ny nahafantarako an'i KRISTY ka ninoako Azy : tsy nahita ny sitrapon' Andriamanitra aho raha tsy efa tamin'izay tsy sitraky ny foko.
Tsy haiko ianao, fa izaho efa nandalo tamin'ny ezaka be araka izay tratrako, saingy arakaraka hafatratry ny niasako no nampavesatry ny fahotana ahy ... ankehitriny aho mahafantatra hoe aiza no tokony halehako, dia any amin'izay niteny hoe "
Mankanesa aty amiko ianareo izay miasa fatratra sy mavesatra entana, fa izaho hanome anareo fitsaharana".
Misy iray azo hosaintsainina ity : efa navelan' Andriamanitra ho teraka ihany i Ishmael, nahoana no navelaNy horoahin'i Abrama tsy hitoetra eo aminy indray ?
